孖寶車仔麵

营业中

休息中

今日同朋友黎到葵芳食晚飯原來葵涌廣場除左有好多小食 仲有一間孖寶車仔麵 一坐低就見到本孖寶秘笈（餐單）一打開好多野食喎我叫左三餸面 牛腩 魷魚 同麻吉燒值得一提既係佢嘅秘製汁配合牛腩超入味 仲有特別既手打面 叫三餸仲包埋冷熱飲Tim 正～朋友就叫左腸粉 （因為朋友唔想食面） 好彩呢度可以將面轉腸粉👍🏻三餸照包野飲之餘 又可以滿足佢食腸粉加餸嘅願望🤩最後當然要叫一個香港地道糖水啦 腐竹雞蛋糖水一直係我杯茶 好多腐竹，食完皮膚滑滑呢度價錢實惠食快餐之選

葵廣出名 孖寶車仔麵😍大大碗 食得飽辣汁相當出色 後悔無叫大辣🤭豬頸肉都夠味😌牛腩軟腍 唔會痴牙🤩醬爆肉丸大大粒 好抵食有好多餸比你慢慢揀🤣雞脾都好抵食！

話說當日要食男友母親大人嘅生日飯，星期六收工我地就去左葵廣行街兼搵食，本身都想掃下街，但因為實在太攰喇，所以我地就諗到葵廣地下食車仔面喇。我揀左牛腩，咖啡魷魚，菜肉雲吞同醬爆肉丸，油面加秘製汁。要讚下個牛腩煮到超淋同入味，所謂嘅秘製就即係好濃縮嘅沙嗲汁，用黎加落個湯度微辣又勁香正喎而男友就揀左豬紅，大腸，麻吉燒同魚肉春卷，就撈幼面加秘製汁。侍應姐姐話怕我地秘製汁撈面會乾左d, 所以比定碗湯比我地撈黎食。果然係咁，加左湯落去果然好好多，秘製汁真係好濃郁，就咁撈面食會有d偏鹹，但係我果碗湯麵就冇呢個問題坐我地對面個婆婆見到我地研究緊呢兩罐菜莆，仲強烈推介我地要試下添食完我繼續努力血拼喇

行左半日葵廣，實在累了，好彩呢到除左掃街外仲有d餐廳有得坐😊！第一次來到孖寶車仔麵，姐姐很好，會主動推介滷水同牛腩汁🐂湯底。心大心細的我點了孖寶招牌車仔麵（$45），朋友就點了3餸餐連飲品（$44）～牛栢葉，滷水雞翼同菜。我個孖寶招牌車仔麵有成6個餸咁多：滷水雞，豬紅，豬皮，蘿蔔,魚蛋同菜 （偷食埋朋友個牛栢葉就有7個餸😏）。姐姐介紹的牛腩汁🐂湯底真係無得輸，最正係蘿蔔soak 哂d汁！差不多6時半走，已開始有人排隊，要吃要早點呀！後記：本來諗著車仔麵係下午茶，不過飽到晚飯都食5到🤣—————————

今日行葵廣，然後掃街，好想搵個地方坐下，本身想食豬紅韮菜，最後坐底左見到有埋大腸係入面，所以冇叫到😰人坐到滿滿的💁🏻叫左三餸連飲品$44揀左蘿蔔，魚皮餃，菜肉雲吞烏冬。烏冬加3蚊。🍝揀左沙嗲汁(加2蚊)，好惹味。蘿蔔好林，好清甜，好入味。滷水雞腿🍗，勁大隻，滷水肉汁好入味，好濃既味道。跟餐加左杯涷奶茶少冰（加2蚊）我覺得好好飲👍🏻👍🏻👍🏻👍🏻👍🏻👍🏻茶味同奶味好平均，唔會話過多奶或者過多茶，好香滑，好好飲。叫左腸仔，豬紅，豬皮，豬頸肉。個醬汁好好味，豬紅好滑👍🏻👍🏻👍🏻😍豬皮有d ’鬆拋拋’，唔算太爽，但系好入味🔸見到人地腐竹雞蛋湯水，好大碗。😍但我冇叫🤣🔸呢到d 姐姐好有禮貌，服務好好。

去葵廣行街, 行到咁上下, 想搵野食醫肚..雖然葵廣有好多美野食, 但好多都要立食, 有D唔方便.加上都係鍾情D由細食到大既美食, 就係車仔麵喇!餐廳都幾多座位, 行到攰有得坐住食野, 實在太好!每張枱都有2樽配菜, 而家已經好少可見到.加落碗麵食, 一流呀!下午茶時段仲有得配熱飲!食車仔麵最開心就係有得自己碗麵自己揀!而且呢度有好多款配料任揀, 而且都係均一價!!! 唔會有D食材唔同價, 好抵!五香豬頸肉+豬大腸+醬爆肉丸 油麵 (秘製汁)秘製汁真係幾特別, 好似有DD咖哩味, 都好香!豬大腸好入味, 而且洗得乾淨冇異味!醬爆肉丸幾有驚喜!咬開好juicy, 同平時出去食O個D肉丸好唔用同!牛柏葉+魚皮餃+花枝條 米粉 (腩汁)腩汁一樣出色!牛柏葉既份量好多, 好抵食!花枝條夠哂彃牙, 好有口感! 野飲都有好多選擇.豆漿係支裝既, 飲唔哂都可以拎得走, good!由於我地坐O係收銀附近,收銀附近有好多一煲煲滷水小食, 好香!.....所以忍唔住叫左份滷水雞中翼!雞翼好入味, 但唔會滷到D雞翼淋哂/散哂!飲飽食飽, 又可以再出發shopping喇!!

今日早左收工在葵芳，梗係要入去葵涌廣場行下，買下衫褲，順便係到食埋飯，葵涌廣場實在太多食店，花多眼亂，不過好多都係小食，怕食唔飽，最後選擇去返哩間幫襯開既車仔麵。雞腎、豬勁肉、牛肚、烏冬($42)一向都好鐘意食豬勁肉，因為夠爽口，所以必叫，雞腎同牛肚都易咬，唔會好硬，同埋我鐘意哩個秘制醬汁，似係食魚蛋燒賣時淋上既汁，但用黎食車仔麵一樣好夾。跟埋熱飲，哩杯係朱古力。鹵水雞脾($18)食完碗麵都唔係好夠飽，買多隻雞脾食，好大隻啖啖肉，鹵水好入味，而且仲會比埋膠手套我用，唔怕整污糟手，好細心。

今日係葵芳個頭收工，諗住去葵涌廣場個度掃下街啦，但係見到地面個層有好多人食呢間車仔麵，搞到我都有的心思思，咁就寧願舒服的坐下啦，都唔想企係度食啦。  呢間車仔麵的姐姐都好有禮貌，一坐底就問你食咩野，而佢都有推介的餸俾你選擇，對我呢的食肉獸黎講，就揀左豬頸肉、雞翼、牛腩同咖哩魷魚，呢的全部都係我至愛，麵底方面識食一定係粗麵啦，見天口熱就黎個撈麵啦，阿姐就推介沙爹汁俾我，咁當然要試試啦。  好啦好啦~上枱啦~嘩，份量都幾大碗下，淨睇賣相已經好吸引，點知食落味道仲好好味。牛腩好嫩滑好入味，細細舊唔駛搞到痴晒的牙，正~ 咖哩魷魚都好好味，煮得剛剛好，爽口彈牙，正正~ 豬頸肉就係阿姐推介既，咁梗係試一試啦，入口肉質好新鮮，大大件仲好入味，係幾好食喎~ 最後兩隻鹵水雞翼都好入味，但車仔麵最重要就係個麵餅，個粗麵好爽口，配埋個沙爹汁撈一撈，真係好鬼好味啊，要試試~ 飲埋碗湯加埋杯凍奶茶，都係6X蚊，都真係經濟又抵食，所以下次如果去葵涌廣場，除左掃街，呢間車仔麵都好吸引~正~

約左朋友係新都會睇戲順便係葵涌廣場行街食飯行到地下見到間車仔麵自選3餸連飲品$44就坐低試下打開餐牌都幾多選擇，加上一路見唔少人買小食邊行邊食我地叫左10蚊燒賣同10蚊咖哩魷魚個咖哩汁甜甜辣辣，好味又開胃燒賣夠熱又唔會好麵粉，加埋甜豉油，好味車仔麵都幾大碗辣魚蛋 蘿蔔 牛肚 粗麵 加腩汁牛肚夠腍，蘿蔔無渣唔老魚蛋有d辣，但又食到陳皮香👍🏼3餸麵本身都有少少生菜朋友叫左生菜 香煎午餐肉 菜肉雲吞烏冬加秘制汁午餐肉係有煎香，面有d脆口個秘制汁係咖哩魷魚個咖哩汁如果食得少少辣既朋友推介要加秘制汁雲吞大隻，夠飽肚自己劃單可以慢慢諗啱曬選擇困難既我😂

孖寶車仔麵位於葵涌廣場，好近葵芳站D出口十分之方便！呢度除左車仔麵都有其他飯類同小食，抵食之餘亦夠哂地道☺由於太熱嘅關係唔想食湯麵，於是就叫左個蘿蔔牛腩飯做Brunch蘿蔔牛腩飯份量十足！飯同埋餸嘅份量都好足！對於男仔黎講呢個份量剛好，但對於女仔就過多了啦😂呢個價錢真係好抵食如果唔係因為無食到早餐超餓的關係應該都食唔哂🙈牛腩係半肥瘦的，肉質炆得夠淋之餘且非常入味！而蘿蔔都吸收左腩汁既精華，食落好香甜，腩汁撈飯亦係一流啊

平時喺葵芳食野多數都係買小食掃街，不過今日想坐低食，見到呢間車仔麵咁多人幫襯，所以就黎左呢間孖寶車仔麵。呢間車仔都除左有麵食之外，仲有飯同埋好多小食可以揀！我地叫左一個三餸秘製汁手打麵，揀左雞中翼、豬大腸同埋花枝丸，另一個就揀左三餸腩汁撈手打麵，揀左蟹籽丸、牛柏葉同魚片頭。雞翼有兩隻！大腸夠淋！花枝丸同蟹籽丸唔會食落得一舊粉咁，幾好食！牛柏葉超爽，正！魚片頭爽口之餘又有魚味，推薦！餐飲揀左豆漿同埋凍利賓納。依家好少地方仲有得飲利賓納，當然要叫返杯黎飲啦！而豆漿竟然係支裝！仲要係低糖，夠健康！另外仲叫多隻雞脾同一份燒賣。雞脾大大隻！店員仲比埋手套我成隻拎住食，好細心呢間車仔麵雖然唔係超平，但如果想喺葵芳搵個地方坐低慢慢食，都係一個唔錯既選擇！

終於可以放下假抖下☺️是日同朋友去葵芳Hea下還掂時間仲早就趁見朋友前順便落葵廣搵下食先😋孖寶車仔麵位於葵芳葵涌廣場喺葵芳站D出口亦十分之方便😆呢度除左車仔麵都有其他小食😋抵食之餘亦十分地道☺️我最後叫左招牌油渣湯麵同埋滷水豆腐😆招牌油渣湯麵豬油渣炸到香香脆脆就算浸左湯都唔會影響到口感😋麵質厚身有煙韌口感湯底幾鮮甜😆再配上菜甫同大量蔥花亦係perfect match🤩滷水豆腐豆腐用老火滷水煮煮到十分入味豆腐煮得軟身都夠滑嫩🤤

葵涌廣場一直都是小食店集中地，由以前學生時代的我開始，就很喜歡到葵涌廣場掃街。呢間車仔麵店我以前都成日同同學仔黎食開三餸麵，最近喺FACEBOOK睇到有介紹香港十強鹵水雞脾店既POST有介紹孖寶，襯過黎呢邊做Facial前去重溫吓佢個鹵水先。枱面有好多不同種類既放滿鹵水食物，好強既鹵水味，聞到就流口水啦。因為趕時間食，所以叫咗兩隻滷水雞髀滷水雞髀　$18雞髀夠晒大隻，可以俾你大啖大啖食，滷水汁香甜又入晒味，我買走我諗住佢就咁包起比我，點知佢一嘢放喺個煲滷水汁入面煮多幾分鐘先包比我，所以個雞髀先咁濃既滷水汁。入得香港滷水雞髀十強….果然名不虛傳。咖喱魚蛋佢係用陳皮魚蛋，咬開一陣陳皮香味，少少辣得過癮。豆漿夠晒冰凍，解辣啱啱好。

今日去了葵芳行街😆我同朋友都未食野，想食得飽肚d一踏葵涌廣場地下，就俾孖寶車仔麵職員推介我們食車仔麵🙈望了望餐牌，我就選了個四餸車仔麵套餐：菜肉餃子、魚肉春卷、牛柏葉、蘿蔔朋友就點了紫菜牛丸麵加油菜等了不久，終於有得食喇😃我選了清湯底.. 加了些辣菜莆，少少辣味更好味😋 米線不會很腍..煮得剛剛好。 四餸中最愛魚肉春卷😊 不油膩又有魚香味，蘿蔔清甜，菜肉餃子多菜少肉，唔錯唔錯👍🏻 朋友話佢碗紫菜牛丸麵都好吃。本身碗麵係清湯，意外地加左少少咖哩汁，食落同幼麵好夾牛丸夠彈牙，紫菜份量再多d會更好！~飲埋杯檸蜜，好飽好滿足喔😁見到人地食招牌車仔麵 好像好吸引~ 下次再來試試😋食飽飽再一齊行街，真的好開心！

幾乎每次嚟葵涌廣場都只係識掃街嘅我哋, 今日終於有一個突破：就係嚟試下呢個孖寶車仔麵喇其實每次行街經過呢度都會聞到超香嘅滷水味, 成日都會心郁郁想一試, 而家終於都有機會啦, 平時冇乜點為意, 原來佢哋都幾犀利, 好似佔咗三個舖位, 仲要全部舖位都好多人幫襯。職員都好夠人, 大部分都係媽媽級, 佢哋全部都好好禮貎, 我哋一嚟到已經招呼我哋坐低, 仲問我哋位置好唔好, 雖然呢度冇富麗堂皇嘅裝修, 只係一間感覺地踎嘅店舖, 所以我哋其實坐邊度都冇所謂啦, 同埋咁先至感覺到地道嘅香港情懷睇一睇餐牌, 呢度嘅車仔麵餐係$44蚊包三個餸, 之後再加就$8蚊一款啦, 已經有番咁上下年紀嘅我, 雖然已經覺得唔係好平, 但係要理性地用現今社會嘅物價指數嚟睇, 呢個價錢已經好合理喇。拎起點餸紙一睇, 嘩！好多種類呀！數一數有成51款咁多！咁多種之中只係得3款係需要另加$4蚊, 如果有選擇困難症嘅朋友真係唔知點算喇呢度菜式應有盡有, 連奄尖嘅朋友都唔洗怕啦, 應該總有一款係啱你心水嘅。雖然平日我一餐嘅份量只係食好小嘢, 食車仔麵通常都只係會揀兩樣餸, 但呢度款式太多, 令我都不禁畫咗四個餸分別係豬紅+花枝