孖寶車仔麵

营业中

休息中

今日趁假期，約了朋友到葵芳行街，順道帶埋朋友去食車仔麵。講到係葵芳食車仔麵，當然是光顧孖寶車仔麵，呢間車仔麵我已經唔係第一次食，每次去葵芳都是必食舖頭之選，貪佢款式選擇多，而且又好味。星期日下午時段雖然沒有下午茶優惠，但對於$44有三餸一麵同包埋嘢飲嚟講，已經算抵食。我選了豬紅、雞腎、雞中翼、魚肉春卷手打麵配熱蘆薈西柚，而朋友選了豬紅、冬菇、咖哩魷魚河粉配凍檸蜜。整體都好好味，而且做得很入味，唯獨魚肉春卷咸了些少及手打麵硬了少許。朋友都話好食，無介紹錯俾佢，最後我哋還叫了一碗腐竹雞蛋糖水，可能是太早時間叫糖水關係，侍應話要等未煲好，於是我們等了又等，起碼等咗15-20分鐘左右，糖水終於有啦，食落好滋潤，好好味，但稍為甜了些少。如果想叫糖水的話，下次最好都係晏的四點幾後先好叫。