孖寶車仔麵

营业中

休息中

我哋嗌左2碗車仔麵，比起一般餐店多好多選擇,不論醬汁,配料,面底。值得一提係湯底清清地一d都唔油吾似出面啲腩汁味精湯!牛雜誠意十足有齊咁多款,雞腎魷魚都滷到好淋入味,秘制醬料又好好味，價錢算親民，位於葵涌廣場地下好方便，一落車行過去就係！

雖然大胃嚟咗葵廣好多次，但幾乎冇乜點堂食，掃食居多。成日經過地下間車仔麵，好受歡迎咁，但從來冇食過，今次一於坐低試吓聽胃民講，呢間嘅滷水好唔錯，大胃費事揀，全部都要，嚟個拼盤，有齊雞翼、鳳爪、雞腎、雞蛋、雞翼尖同豆腐，全部都係雞咁滯醃得勁入味，就算冇澱粉質都好滿足至於車仔麵，大胃又其實怕選擇，招牌車仔麵真係救咗我，有雞翼、魚蛋、舒淇、豬紅、白蘿蔔、豬腸配以清湯湯底，配菜嘅精華更淋漓盡致。河粉雖然散咗啲，但幾實淨索味冇諗過車仔麵檔都會有招牌糖水，腐竹糖水煮得好綿好香白果煲得好腍，味道飲得出好足料

印象中呢間車仔麵屹立咗喺葵廣好耐，今晚就同一個同樣好中意食車仔麵既朋友黎試吓😀呢度大部份配料價錢都一樣，麵底有好多選擇👍仲可以配腸粉，好新奇😂👅腸粉十蚊三條既童年回憶，超抵食🙌🏻口感爽滑，但略嫌醬汁稀左啲～👅蘿蔔清甜夠淋又無渣，配埋秘製汁，好食😋👅水魷魚，麻吉燒，豬皮，牛柏葉河粉配秘製汁加沙嗲汁豬皮爽彈，唔係好淋果種口感👏🏻麻吉燒喺車仔麵配料嚟講比較少見👍👅生菜墨魚條湯生菜爽口，墨魚條彈牙，清淡得黎幾好食👍👍

黎到葵芳一定要去 #孖寶車仔麵到整返碗牛雜同車仔麵👍🏻牛雜 $30 牛肺咬落有獨特脆彈爽口既口感👍🏻咁大碗既牛雜中 除左牛為主角外其實蘿蔔都好緊要咖 蘿蔔入味夠淋身又唔會散開 仲可以降低牛雜的肥膩感🥰牛肚、牛腩🐮香辣魷魚🦑車仔麵（ $52）牛腩肥瘦適中 入口鬆軟又充滿腩汁既味道😍牛肚十分爽滑彈牙🤤魷魚有彈性👍🏻👍🏻腩汁湯底浸住啲米線 所以米線有腩汁既香味 yummy💕滷水雞髀 $20雞脾顏色呈啡色 入口夠味 但如果雞肉再滑d就完美👍🏻孖寶車仔麵📍葵芳葵富路7號葵涌廣場地下A15號舖

今日同家姐係葵芳睇完戲 佢話好耐無係葵廣掃過街 所以同佢掃下街行下 原來葵廣都變左好多 好多店鋪都唔同左 好彩呢間仲係到🥰三餸麵套餐 $48（五香豬頸肉、咖哩魷魚、滷水豆腐）米粉次次黎都係會叫呢個組合 我覺得呢三款係最好食🤪 三款食物都入曬味 咖哩魷魚入味得黎仲係好彈牙！ 豆漿+$3每次都會叫豆漿 覺得豆漿係最配！三餸麵套餐 $48（雞腎、咖哩魷魚、牛柏葉）米線同家姐講左咖哩魷魚好食 佢都叫埋😂😂😂 雞腎都好爽口同大塊～

🍽️ 孖寶車仔麵 📍葵芳葵涌廣場地下A15號舖 #葵芳eatmeow好我同妹妹小學中學都係葵青區讀書，妹妹己經食咗孖寶好多年🥹同埋啲職員好友善❤️ 今日放工又嚟幫襯～食得出湯底同醬汁都係無令人好口乾嘅味精味✨枱面有齊辣同唔辣嘅菜莆，我地食咗辣嘅覺得佢辣到後期帶甜可以令個湯底有層次啲～👨🏻‍🍳🤳🏻五香豬頸肉❤️‍🔥、魚肉春卷、蘿蔔❤️‍🔥，清湯油麵配秘製汁同腩汁 送熱檸蜜 $48麵底粗幼適中好易咬開，有五六塊五香豬頸肉嘅肉質鬆軟勁好咬👍🏻魚肉春卷大大條乾偏身，我同妹妹都係最鍾意蘿蔔🥹真材實料三大舊，無浸糖水無渣又唔會澀，索咗湯底好好食做得好好❤️另外每碗都會有少少生菜👍🏻👨🏻‍🍳🤳🏻雞中翼、牛腩❤️‍🔥、蘿蔔❤️‍🔥、生菜，清湯油麵配腩汁 送熱檸蜜 $57有豉油味嘅雞翼啲肉好易撕開好方便，牛腩又係切好一舊舊可以直接入口😋 我地想食菜就加左生菜share😛 平時lunch同夜晚都唔少人幫襯，特別係夜晚好多人會買外賣。今日食嘅時候見到個媽媽帶2個應該頂盡小一嘅小朋友嚟食，個小朋友一齊低就識落單😂😂😂 嚟葵廣有時唔一定要掃街（尤其成為潮流之後啲食店都無以前咁抵食😮‍💨），食間本地車仔麵仲抵食✨

今日收工心血來潮想食車仔麵,， 咁就一個人去咗葵涌廣場地下食“”孖寶車仔麵 “”。$48包一個三餸面連熱飲，價錢公道，性價幾高 。食車仔麵我必點嘅就係雞翼， 雞翼大大隻煮到好淋好入味 。然後仲嗌咗 菜肉水餃 ，水餃做得幾出色 ，個皮係比較厚身， 食落個口感會厚實一啲 ，而且餡料非常豐富。 最後一個嗌咗魚肉春捲 ，呢一款未必到到食到 ，入口有種魚膠嘅口感 ，味道都幾唔錯，我諗我會再食。杯奶茶都做得唔錯， 有香港茶餐廳嘅味道同水準。 另外我仲追加咗一碗牛雜 。$30蚊有咁大碗真係非常難得。 而家出去食街邊檔，一個發泡膠兜細細碗都要三四十蚊， 而且仲用大大嚿蘿蔔墊底 。三十蚊大大碗有齊曬牛蒡，牛肺，豬腸，牛肚等等， 而且味道重要好食，十分滿意：)除咗車仔麵之外仲有好多其他小食，例如碗仔翅腸粉燒賣 。下次再試下其他先。

今日同朋友黎到葵芳廣場行街，佢話想買幾件靚衫又順便掃下街🍡🍢 行行下就好肚餓，同埋佢話 #孖寶車仔麵 既牛雜好抵食，所以就即刻行落去食喇🤤🤤牛雜 $30 侍應哥哥拎到碗牛雜到黎，真係好大碗😍牛雜基本有牛肺、牛脷、豬大腸等，炆煮得十分軟淋入味👍🏻👍🏻自選車仔麵 $48我地揀左牛腩、豬頸肉、牛肚配米線，米線好滑，硬度岩岩好☺️豬頸肉入味且爽口，咬落好有口感呀😋滷水雞髀 $20雞脾肉口感較更Q彈軟嫩，食入口既肉肉都完美吸附滷水汁既味道🍗 雞脾滷水到外皮色澤通透，可以再食🤤腸粉 $20/6條腸粉口感柔嫩有彈性順滑，配甜醬麻醬極度享受😳

要數到全香港最多又平又好多美食既商場 非葵涌廣場葵屬 仲有呢間車仔麵排行榜 係全港數一數二 價錢經濟實惠 今日經過呢度一於試吓佢先正值下午茶時間 叫咗一碗車仔麵 出前一丁配秘製汁配料有午餐 魚肉春卷 煎香真係唔同d 好好食 仲有雞翼同蘿蔔 滷水汁入哂味勁正 分量一啲都唔細 每一樣餸都有三至四舊咁多 個秘製汁十分之好味 出前一丁仲爽口彈牙 唔係淋到咩咁 好鍾意呢個口感 基本上已經可以當埋晚餐食 再叫剩生菜都好正 真係物超所值 生菜配咗腩汁好好味 呢度真係抵食之選

呢間車仔麵真係葵廣嘅經典！開業多年都keep住好多人 車仔麵、腸粉、碟頭飯應有盡有 仲好抵食🤗三餸車仔麵 $48任選三餸 大大碗🍜揀左滷水豆腐 牛柏葉 包心蟹籽丸配幼麵湯底清甜 加埋秘製汁別有一番風味 腸粉 $10/3條 + 燒賣 $10一路食車仔麵 一路食腸粉😝真係第一次 腸粉夠滑 醬汁夠 小食豬頸肉 $13 好抵食！好多塊 滷得入味 肉質爽口唔嚡唔韌！好味 蘿蔔 $13 + 生菜 $20又係好抵食 蘿蔔有成6件😆好清甜多汁 無咩渣 推介！！

今晚收工心思思去葵廣買褲（富），當然要快閃食，例必去孖寶🤤點了孖寶招牌麵粗麵-不用心大心細食咩，價錢合理，豬紅，豬大腸，羅白，陳皮魚蛋，滷水雞翼🤤羅白鮮甜無渣👍🏻掂，豬皮夠淋爽口，豬大腸軟腍適中有咬口，出色。滷水雞翼大隻，入味。陳皮魚蛋彈牙配上粗麵，回味🥰生菜魚肉配魚肉麵-最愛加麻油，醋及胡椒粉🥰🥰兒時回憶，魚肉口感良好，入口魚肉唔會好粉好有魚味，再加上辣菜脯，魚麵彈牙，滿足。當大家食到一半時想食多碗-九菜豬紅大腸😍😍26蚊，再點了可樂，滿足感超多😍😍

-餐廳：孖寶車仔麵-自選車仔麵 $48 本身$48係包3個餸同跟杯熱飲。今次嗌左4個餸有豬頸肉、雞翼、腸仔同牛腩，豬頸肉係有埋五香肉丁嘅味道去調味嘅，而雞翼都會煮到好易咬，牛腩嘅肉同肥膏位都算係平均，唔會話好乾。-自選車仔麵 $48另外嗌左個豬紅、燒賣、豬頸肉、墨魚條。湯底揀左秘製汁。豬紅有好多舊，食落煙煙韌韌，有好香嘅豬血味😋😋😋。燒賣放埋落車仔麵到意外地夾，回味無窮！😍😍下次要再咁樣叫。另外嘢飲方便叫咗凍檸茶同埋凍奶茶，檸茶檸檬味都好足夠。😍奶茶都好香滑💙💙-評分CP值 : 7/10好味: 7/10賣相 ：6/10-

週五夜晚想試下呢間鋪頭食車仔麵，路邊兩個area滿滿當當都是人，完全無空位。我地等左十分鐘先係有位可以座低，嗌左一碗五送車仔麵，一碗金牌碗仔翅，一碗牛雜飯。餐牌好獨特，名為孖寶秘笈，頗有江湖俠氣。車仔麵我地嗌左手打麵，真係幾特別，比普通麵彈又唔會好硬。咖哩魷魚最佳，脆脆爽爽，料汁惹味。佢間配有特製既菜脯！撈麵一流！金牌碗仔翅名不虛傳，生菜魚肉，粉絲，雞絲，木耳絲，湯底鮮香，好食。牛雜飯中規中矩，不過真係好良心，全部大大塊，食到我地好full價錢實惠，下次行葵廣會再幫襯！

個個去葵廣多數都係掃街但而家好多都唔平啊如果想飽肚隨時要食成嚿水先得仲要立食有時我去葵廣都想經濟啲可以坐低食唔洗企喺度..咁我一定係食【孖寶車仔麵】立場相同又抵食我唔會去嗰啲阿凡達店㗎無論堂食定外賣都好多人..次次去我都係食三餸麵$48 包飲品好多餸揀如果有選擇困難症嘅人就可以叫現成配搭好嘅另外仲有飯餐..我額外加咗碟大腸$30 大碗到嚇親我直頭同碗車仔麵一樣份量有豆腐墊底全部都滷得好入味..喺葵富路個入口一入去就係喇

今日過嚟葵涌廣場行街， 是但喺廣場地面 搵咗檔車仔麵醫肚。舖頭叫孖寶車仔麵， 座位採取開放式嘅設計， 喺商場嘅空位擺放咗一大堆嘅枱枱櫈櫈。 除咗車仔麵，仲有車仔飯， 小食同糖水賣， 選擇種類都幾多。舖頭要自己搵搵位， 好貼地 。我哋兩個人要咗一碗四餸車仔麵，一個蘿蔔牛雜飯，一碗魚肉碗仔翅，一杯凍奶茶同一杯柚子梳打。四餸車仔麵揀咗醬爆肉丸，辣魚蛋，咖哩魷魚同麻吉燒， 麵方面揀咗手打麵。 咖哩魷魚好好食， 咖哩味層次豐富，夠曬杰身， 魷魚爽口一咬就咬得開，大推。 辣魚蛋有六粒， 食落都彈牙冇雪味。 麻吉燒就比較普通，就係一般我哋打邊爐都會食到嘅麻吉燒味道 。 醬爆肉丸有兩粒 ，可能因為食咗咖哩魷魚嘅關係 ，肉丸餡食落偏淡， 咬開肉丸瞬間有少少油汁溢出嚟。不得不提嘅就係佢哋嘅手打麵， 望落似烏冬， 食落就畀烏冬硬身，有咬口，亦都冇烏冬嘅酸味， 非常好食。 配上店舖提供嘅辣泡菜， 成碗車仔麵即刻惹味咗好多 ，令人忍唔住想再食多碗。牛雜飯有牛腸牛肝牛肚同蘿蔔， 牛腸冇騷味帶少許肥膏， 蘿蔔質感夠淋，可惜味道淡咗少少。魚肉碗仔翅大概有14，5條魚肉, 魚肉食落味道唔算出眾，勝在有咬口。 碗仔翅即使