孖寶車仔麵

营业中

休息中

今日黎到葵涌廣場搵食每一次經過地下都見到好多人坐低食車仔麵好似好吸引就決定試下————————餐牌有好多選擇，車仔麵配料更係足足一張紙🥢滷水雞髀🥡用傳統滷水嘅方法煮，醬汁入味，雞肉滑嫩好好吃，雞髀部位肉質緊實肉汁豐富，香氣撲鼻，好適合搭配飯食用————————-🥢五香牛雜🥡呢道菜式係一個非常受歡迎嘅小食各種牛雜都被烹調得好入味，口感好鮮嫩五香味道香氣撲鼻，食到停唔到———————🥢燒賣🥡皮薄餡多，餡料配方經過精心調配肉香味十足，口感十分細膩加上醬油同醋嘅調味，味道更加鮮美如果你鍾意中式點心，呢道燒賣絕對唔會令你失望

嚟到葵芳附近梗係要食呢間車仔麵店 長期大排長龍 車仔麵餸選擇非常之多 有別於出邊一般嘅車仔麵檔 有自家秘製既腩汁 叫左兩碗麵 分別係蘿蔔春卷午餐肉 另外一碗係牛丸豬皮 好好食配埋佢個秘製汁 估唔到佢個汁濃到不得了 將成個車仔麵質素提高左 仲有叫左燒賣腸粉 呢個推介 呢個街頭小食簡直係完美 唔怪得呢間長期都大排長龍 真係有原因 咁經濟既車仔麵都有呢個質素真係無得輸 雖然坐既地方唔係fancy 亦都無環境可言 常常咁多人排隊入去食 原來真係唔係講笑

上星期同友人去完葵廣購物，就落咗地下個層食孖寶車仔麵😍車仔麵餸勁多款，又有好多款醬料，花多眼亂，我同友人分別叫咗一人三餸及四餸車仔麵試試先。三餸車仔麵辣陳皮魚蛋、雞中翼、蘿白配油麵陳皮魚蛋辣度十足，非常惹味雞中翼好軟腍蘿白入口即溶湯底揀咗腩汁，味道濃郁，不錯的四餸車仔麵雞腎、豬頸肉、魚肉春卷、豬油渣配銀針粉雞腎非常爽口豬頸肉入口勁香脆魚肉春卷推介必食，口感煙韌豬油渣口感酥脆加嚼勁湯底揀咗清湯，味道較為清甜

呢間孖寶車仔麵長期派曬隊，今日終於有機會一試～呢度車仔麵可以搭混醬腸粉，仲有油麵、幼麵、撈麵呢D經典面底。所謂隔離飯香，見到旁邊街坊叫腸粉，我又叫先！腸粉滑溜溜、醬料比的夠多，滿意～另外我叫左蘿蔔、齋、牛腩、牛朴葉、同滷水豆腐，剔選秘製醬汁+鹵水汁，上到黎一座山咁，每樣餸都比得好多，認真豐富抵食！蘿蔔、豆腐、牛腩、齋麵筋都醃製得好入味，尤其是豆腐，吸收了滿滿的滷水汁，一定要叫～另外牛朴葉口感爽彈，搭配秘製醬汁都好正。12蚊一支凍豆漿，低糖有豆味俾錢時，見到好多人叫鹵水雞比飯～除了車仔麵張紙仔，原來仲有好多其他食物。下次試！

葵涌廣場是購物又是搵食的好地方，這間孖寶有十多年歷史，專門賣車仔麵、小食、糖水。招牌車仔麵配料繁多，手工麵賣畢了，今次我選了粗麵。肚子太餓了叫多幾個餸：牛腩、墨魚丸、蘿蔔、沙嗲牛肉，想更惹味一些可以加辣菜脯 。牛腩嫩滑又淋口入即溶。值得讚是4尺長的沙嗲牛肉足料又好惹味。墨魚丸超彈牙、爽口白蘿蔔十分清甜美味。 不能錯過是魚肉燒賣，口感軟綿綿的質感，加埋辣椒油更添風味。最後來一 杯冰涼少甜的檸檬茶，檸檬有4片檸味十足，肚子滿足了。

間唔時都鍾意同朋友去葵廣掃街！好多選擇，而地下嘅呢間車仔麵店長期都好受歡迎，成日都爆棚，所以最近都去咗食下一啲港式小食😍😍🍴腸粉拼魚蛋燒賣🍡經典嘅味道！腸粉好滑，燒賣唔會好粉，彈牙之餘又有魚香。魚蛋係陳皮魚蛋，甜醬麻將豉油撈埋嘅味道冇得輸！🍴碗仔翅碗仔翅一定要加醋！酸酸鹹鹹嘅味道好過癮，入面又有雞絲、雲耳等等，口感好豐富，唔會太過稀或者杰！🍴腩汁生菜普通嘅山菜，份量都唔少！加埋腩汁特別惹味！🥛豆漿

孖寶車仔麵葵芳老字號車仔麵，在葵涌廣場地舖經營多年。講起食車仔麵，勾起貓太太童年回憶。小時候家境不算好，週末爸爸都會比幾十零用錢食車仔麵，對小朋友黎講，三餸一麵自己揀已經好滿足。長大後，百物騰貴，發現車仔麵漲價不少，但$48蚊3餸 送熱飲☕️都算合理，最緊要真係快靚正！趕時間來上一碗，飽肚又滿足。紫菜貢丸手打麵 $38郊外腩汁油菜 $20蘿蔔炆牛腩 $30滷水豆腐 $13懷舊檸樂 $13味道還是兒時記憶車仔面的味道，兩個人食飽都唔使$120☺️真的很親民哦。

孖寶車仔麵 葵芳葵富路7號葵涌廣場地下A15號舖————————————————————葵涌廣場———香港人一定識既地方放假放學放工放空放縱既好地方多野食 多平野掃 『掃街』 乜都食吓加上又多野買 行下有時執到好野喺喺正葵芳地鐵站出面 非常方便今日尼到亦都唔會例外，人山人海3-80歲都有 唔同群組食碗車仔麵 食下腸粉 吉串魚蛋 檸底冰震可樂個人口味比較鍾意食烏冬 ＋$5可以轉烏冬辣魚蛋，韭菜、煎蛋 五香肉粒 另外見到孖寶辣汁幾特別 ＋$3試試地道車仔麵 就係要喺呢種地道嘅環境先有風味

讀書時間成日黎葵廣底層搵食，每次都食呢間平民車仔麵，貪佢夠大碗又抵食。多元化的餸可供選擇，仲可簡秘製醬汁。3餸麵套餐$48送熱餐飲湯底選了秘製汁，粗麵煮得啱啱好!!! 一咬就斷，偏靭身，唔會有煮耐咗嘅感覺。咖喱魷魚 🦑好爽口，有咖哩的香味，不算辣。魚片頭就正正常常來貨，沙嗲牛肉好出色，花生味香濃，牛肉保持粉嫩粉嫩，吾錯。雞翼好淋又入味，必叫！五香牛什：透出濃烈牛雜味，內有牛肚、腸、肺、軟焾香甜蘿蔔和芫荽碎，還有久未吃過的牛膀，整體溢出花椒八角香葉味，入味得很！重點係呢到既自家製菜譜，爽脆香辣菜譜加入米線中增加口感，偏甜多於辣味。整番杯香滑奶茶☕️，茶底香濃加埋細滑牛奶，入口順滑。總結：店員服務態度好 多種餸可簡吾會悶仲有小食讓人垂涎三尺🤤

黎到葵廣行街突然想食車仔就去到孖寶車仔麵依間的Cp值高👍🏻$48 三餸麵+飲品😍佢仲有唔少的小食同埋糖水佢既腸粉同魚蛋燒賣都好出名😊⭐️車仔麵揀左雞翼+香辣魚蛋+蘿蔔配粗麵+3 沙爹汁依個汁超正😆少少辣 超惹味絕對值得加錢要呢個汁🤩魚蛋超好食 夠彈牙蘿蔔夠淋👍🏻同埋有四粒 即刻覺得好抵雞翼都唔錯 可以一試😙⭐️生菜墨魚條平時生菜魚肉湯就食得多呢間餐廳有生菜湯配墨魚條忍唔住試下一食真係幾好味😋墨魚條彈牙、香口配埋生菜湯真係超match 👏🏻⭐️飲品：有利賓納揀 超正😃未必間間餐廳有

今次去一間車仔麵舖頭，但食咗好多唔係車仔麵嘅野😂 估唔到d小食都唔錯，食得好飽🤭今日叫咗：🍜3餸麵套餐（$48 連熱飲）牛雜（+$4）、大腸、咖哩魷魚份量都唔少，同埋幾入味，而且牛雜同大腸都無異味，好食豬油渣（+$4）唔係平時見到一條條果隻，係一片片嘅～依種真係第一次見🙊佢地啲油渣浸佐一陣都仲有少少脆口～如果下次再嚟，會再叫佢個油渣，因為我幾鍾意食😗🍗滷水雞髀 （$20）雞髀個味都唔錯，幾大隻而且都好食～味道唔太濃但都食到個滷水味，唔錯🐔足料糯米雞（$20）糯米雞一打開唔知點解好大陣梅菜味～開頭以為聞錯，但食落去都好大陣😂意外地同隻糯米雞幾夾幾好食🐮食落覺得係菜脯但🐽食落話明明係梅菜，有無食過嘅同我講下其實甜甜地爽爽地嘅係咩黎😂腸粉（$10）腸粉正常發揮，麻醬有少少驚喜～幾香同幾滑

.平時收工都要係葵芳轉車返屋企好多時都會係葵芳食左飯先～今次就去左成日都好多人行既葵涌廣場 地下既孖寶車仔麵性價比仲好高最出名一定係佢既瑞士汁雞翼 車仔麵一定要叫呢個餸！好入味 非常好食另外我仲點左雞腎 紅腸同豬大腸 米線份量適中 不會太腍身 就算清湯加腩汁同葱粒都好出色!朋友就點粗麵 配牛什 麻吉燒 雞翼麻吉燒咬落煙煙韌韌 平時好少車仔麵店會有得點😙 牛什既鹵水汁煮到勁入味 部位好多款👍🏻加$4 抵食～凍檸茶茶底香濃 🍋檸檬有3件厚切👐🏻重點係加配3蚊就有飲品！仲有得無糖/少甜呢一邊食車仔麵一邊飲好chill🥳

好少黎葵廣，之前黎同朋友一齊掃街相當開心。今次一個人黎買野，下午時段好肚餓，又拎住啲野，唔想買小食企係度食，會令到自己好狼狽。。。見到呢間車仔麵平時都好多人食，今次有位唔洗等，直沖去食番個晏先～平日仲有下午茶價錢，種類好多呀，粉面類仲有腸粉，唔洗加錢，本身想叫，但唔知夾唔夾😅最後叫米粉～叫左牛腩，雞翼，牛柏葉，水魷魚，豆漿～加左秘製辣汁，好味呢！豆漿係枝裝，仲要低糖，抵讚啦，雞翼好淋又入味，必叫！

以前喺葵芳返工嗰陣，每日早上都會嚟呢度買腸粉、魚蛋、燒賣、或炒麵做早餐，每次都要排隊買，除咗份量多，味道都好正！平時都係買外賣，今日就試吓佢啲車仔麵同試吓堂食晚餐🥢。餸有好多款式揀，可以配搭自己喜歡嘅醬汁。🍽️3餸麵套餐$48送熱餐飲🐂 牛腩 -份量好多、啖啖肉🐖 五香豬頸肉 - 同平時食開嘅豬頸肉有啲唔同，佢係口感比較淋，而且好入味🦑咖喱魷魚 - 好爽口，有咖哩的香味，不算辣。揀左粗麵配秘製汁，比想像中淡味，不過都算香口！睇嚟重口味嘅我下次要試吓加$3嘅沙嗲汁或者孖寶辣汁。🍽️滷水拼盤$52網上見到呢個滷水拼盤有好多好評，而實物同相片一樣好吸引😍。拼盤有齊雞翼、鳳爪、雞腎、雞蛋、雞翼尖同豆腐。每樣都滷得好入味🤩，特別係雞腎、豆腐、鳳爪👍👍👍堅正💯💯💯金牌碗仔翅$20作為碗仔翅控，當然要叫番碗試下！未食已經聞到好香麻油味😋😋，成碗好多料，有冬菇絲、粉絲、雞肉絲、木耳等做配料，加埋免費任食嘅辣菜脯，口感更佳🤩埋單$120，人均$60食到飽飽，真係快靚正😚📍 孖寶車仔麵 (葵芳)葵芳葵富路7號葵涌廣場地下A15號舖🔍#nseat_葵芳 目前只有葵芳店！#hkig #hk #hkfoodie #

一個週末就會 近地鐵站出口嘅葵芳廣場 行下街食下嘢 孖寶車仔麵我幫襯多年 勝在舊街坊人情味選擇又多 仲有好多香港小食 價錢親民真係好 值得支持今日食咗個 #三餸車仔麵 配凍檸茶 揀左最配車仔麵嘅油麵 揀咗豬紅 大腸同埋蘿蔔 蘿蔔好鮮甜入味 豬紅滑捋捋 可以揀湯底有清湯 秘製汁 腩汁仲有佢自製嘅辣汁 呢度仲有糖水食 有腐竹雞蛋糖水同埋 蕃薯糖水 番薯糖水 大概有六七舊 滿足曬我鍾意食蕃薯嘅人 朋友仲嗌咗啲小食啦例如 魚肉碗仔翅 魚肉分量多 碗仔翅熱辣辣 真係最佳配搭 燒賣腸粉 我鍾意加勁多甜醬 熱辣辣上一直保持質素 最鍾意佢呢度有菜脯食送麵有辣有唔辣 仲有辣椒油添