孖寶車仔麵

营业中

休息中

今日過嚟葵涌廣場行街， 是但喺廣場地面 搵咗檔車仔麵醫肚。舖頭叫孖寶車仔麵， 座位採取開放式嘅設計， 喺商場嘅空位擺放咗一大堆嘅枱枱櫈櫈。 除咗車仔麵，仲有車仔飯， 小食同糖水賣， 選擇種類都幾多。舖頭要自己搵搵位， 好貼地 。我哋兩個人要咗一碗四餸車仔麵，一個蘿蔔牛雜飯，一碗魚肉碗仔翅，一杯凍奶茶同一杯柚子梳打。四餸車仔麵揀咗醬爆肉丸，辣魚蛋，咖哩魷魚同麻吉燒， 麵方面揀咗手打麵。 咖哩魷魚好好食， 咖哩味層次豐富，夠曬杰身， 魷魚爽口一咬就咬得開，大推。 辣魚蛋有六粒， 食落都彈牙冇雪味。 麻吉燒就比較普通，就係一般我哋打邊爐都會食到嘅麻吉燒味道 。 醬爆肉丸有兩粒 ，可能因為食咗咖哩魷魚嘅關係 ，肉丸餡食落偏淡， 咬開肉丸瞬間有少少油汁溢出嚟。不得不提嘅就係佢哋嘅手打麵， 望落似烏冬， 食落就畀烏冬硬身，有咬口，亦都冇烏冬嘅酸味， 非常好食。 配上店舖提供嘅辣泡菜， 成碗車仔麵即刻惹味咗好多 ，令人忍唔住想再食多碗。牛雜飯有牛腸牛肝牛肚同蘿蔔， 牛腸冇騷味帶少許肥膏， 蘿蔔質感夠淋，可惜味道淡咗少少。魚肉碗仔翅大概有14，5條魚肉, 魚肉食落味道唔算出眾，勝在有咬口。 碗仔翅即使

葵廣除咗可以掃街, 原來地下都有好多平民美食🤣今日就去左孖寶車仔麵食野除左有超多餸可以揀, 仲有特色小食, 飯類等我就叫咗孖寶招牌麵(油麵底) 一碗有齊陳皮魚蛋、豬紅、豬大腸、豬皮、蘿蔔同滷水雞翼, 真係大碗又抵食👍豬皮夠爽口, 豬大腸亦都有嚼勁蘿蔔爽甜多汁無渣, 秘製汁令湯底夠唒惹味, 再加埋枱面上嘅菜莆, 爽脆新鮮😆朋友就叫咗孖寶牛雜湯麵(粗麵底) 有齊牛腸, 牛肺, 牛肝, 就算內臟都清潔得好乾淨, 爽口入味👍另外我哋都額外叫咗碟滷水雞翼雞翼滷得好入味, 滷水汁鹹中帶甜, 肉質嫩滑🤣我就最鍾意食

孖寶車仔麵平時最中意去葵芳行街，因為又多野買又多野食，今日去shopping行到好攰，經過見到呢到有間車仔麵都幾多人幫襯，而且比啲香味吸引住，於是決定試一試！水魷魚一見個價錢咁抵緊係要試下啦，份量岩岩好，而且食落好爽脆，值得一試！五香牛什呢間牛什真係好香，份量又大大份，非常值得幫襯呀，而且做到完全冇腥味，好好味喔。滷水雞髀整得非常入味，雞髀肉好多汁同肉質嫩滑！雞髀大隻過我手掌，食落啖啖肉！三餸車仔麵(豬紅、豬大腸、牛柏葉)超級抵嘅三餸車仔麵，好耐冇見過啲咁良心嘅餐廳啦，每樣食物嘅份量亦都唔會減少，一樣都係咁足料，個湯嘅味道超濃郁，提一提朋友如果覺得唔夠辣嘅話，亦都可以免費㗎啲辣菜脯落去㗎，加咗落去之後成個味道提升晒！

每次去葵涌廣場，我都會黎呢度食燒賣。燒賣的質感軟綿，是正宗的魚肉燒賣，加上辣椒油更是滋味無窮，十元有七粒十分低食。今次同埋朋友黎食招牌車仔麵，配料有多種選擇令人眼花撩亂，湯底及麵 的種類也任君選擇。我們選擇了牛腩、鹵水豆腐、黑椒牛丸、墨魚丸、咖哩魷魚、魚皮餃、蘿蔔……。一會兒熱騰騰的車仔麵已放在面前，想惹味一些可以加辣菜脯 ，辣菜脯無限量供應. 牛腩十分入味嫩滑，口入即化。 鹵水豆腐 和咖哩魷魚都煮得十分惹味， 值得稱讚的是黑椒牛丸和墨魚丸，彈牙有咬口令人想再添食。白蘿蔔吸收著湯的精華，十分清甜美味。 最後來一 杯特濃咖啡，令這餐畫上完美的句号。

葵芳向來出名小食多又經濟又多選擇 就連車仔麵都可以又平又好食 呢間絕對係打入全港車仔麵top 5 ge孖寶車仔麵！雖然我都有好多位不過仍然長期勁多人 無他 因為真係有原因 經濟之餘佢嘅選擇非常多 餸同麵底同湯底都不乏選擇！今次試咗佢個滷水雞翼 蘿蔔 午餐肉 同埋春卷 係炸過勁香口 配埋特製沙嗲汁同埋辣汁超超超美味 湯底好濃郁！小小辛辣將成個湯底層次再昇華 而家份量非常多 另外散叫生菜加汁 奶茶水準拍得住茶記 超級好味唔怪得呢間咁多人食！

💁🏻‍♀️ 小編依日周末下晝同朋友去葵廣食嘢，揀咗食車仔麵店。［ 亂闖試飲試食 ］🍜 3餸麵套餐 - 醬爆肉丸、齋面根 & 雞中翼 配 手打麵 (秘製汁) 😋😋😋😋秘製汁有少少似港式咖哩汁，甜甜地、唔多辣，撈落湯度幾夾，而佢哋嘅手打麵望落似烏冬，食落就冇烏冬咁滑身。🧐 醬爆肉丸有兩粒，係貢丸啲朋友，內餡再包住肉碎同肉汁。有啲驚訝嘅係齋面根，都係有兩大舊，同平時打邊爐食開嘅好唔同，😲 係炸到脹卜卜，面層口感似炸豆卜，裹面就係腍身嘅面根質地。兩隻雞中翼就偏細隻，但就滷得好入味，連肉都呈現醬汁嘅深啡色。整體幾唔錯，又大碗！😎☕️ 3餸麵套餐 - 熱奶茶 😋😋😋😋依個車仔麵套餐包一杯熱飲，叫咗熱奶茶，調配均勻，使用舊日泛黃嘅塑膠杯，別具風味！😚🍲 墨魚條碗仔翅 😋😋😋😋朋友叫嘅依款一上枱目測有6條墨魚打造嘅肉條，偷食咗一條，食到有墨魚味，少少彈牙，碗仔翅味道唔算好濃味，微甜微甜咁。☺️🧋凍奶茶 😋😋😋😋朋友叫咗凍奶茶，小編冇試到，但見朋友冇投訴，應該麵喺水平上。😝午餐 💵 約港幣$50/人💁🏻‍♀️ 聽講依間車仔麵店做咗好多年，嗰日小編同朋友排咗一陣隊就有得入。大家去開葵廣都去試下再去掃街啦！😉🙆🏻‍

之前一直行葵廣都唔覺得呢度有車仔麵檔，今日經過見到，就決定坐低試吓。首先要左一個四餸車仔麵，揀咗蟹柳，滷水豆腐，蘿蔔同滷水蛋，配米粉。一碗嘅份量都幾多，特別推介佢哋嘅滷水豆腐，真係超級入味，超級濃郁。另外蘿蔔都好清甜，好大嚿。嗰晚太肚餓嘅關係，所以另外仲叫咗一隻滷水雞髀。本身冇期望之後竟然好有驚喜。雞髀好入味，好重滷水味，濃郁之餘，但係唔會過咸，另外肉質都好嫩。估唔到隨便入嘅一間車仔麵檔，都幾唔錯，下次去開呢度行街有機會都會再幫襯。

呢間車仔麵係葵芳廣場！次次經過都好多人排隊！可謂人氣車仔麵！💛要撐！近來天氣冬～食碗車仔麵真係暖入心！小編決定試下，選擇多多，而且質素不錯，大大碗超飽肚，食完有幸福既感覺！有驚喜wor～🌸🌸🌸🌸🌸🌸🌸🌸🌸🌸🌸🌸🌸三餸麵套餐$48 送熱飲🍃豬大腸、雞中翼、牛腩、牛肚（+$9）秘製汁油麵充滿肉感既配搭！豬大腸軟腍不失咬口，好邪惡雞中翼帶點滷水味道而且仲吸收秘製醬汁嘅味道，都幾惹味講到油麵就梗係車仔麵嘅靈魂爽口，份量都幾多！邪惡但係都值得嘅！🍃五香豬頸肉、滷水豆腐、咖喱魷魚、蘿蔔（+$9）沙嗲汁（+3）幼麵另外一碗就選擇左比較有平衡感既車仔麵有肉有菜 好啱女士！沙爹汁惹味不辣 同配料有和諧感咖喱魷魚分量不多 但係每一塊都爽口有嚼勁滷水豆腐以及蘿蔔吸收惹味醬汁 而幼麵都好掛汁 呢個車仔麵配搭無得頂

孖寶車仔麵3餸車仔麵食剩指數 : 0/100車仔麵揀左油麵底麵質偏軟身但唔會超淋48$3餸連飲品幾抵餸就揀左牛腩、豬頸肉、豬皮牛腩好入味好腍豬頸肉唔係泰式果種爽彈肉質都唔錯豬皮都有汁煮過好爽滑同埋唔會有好多毛.腸粉食剩指數 : 0/100食麵之餘仲想食小食港式小食入面腸粉加醬一定排頭幾位10$已經有一碟食落好滑甜醬麻醬芝麻呢個味真係好夾.滷水豆腐食剩指數 : 3/100豆腐好入味滷水甜甜地唔會好咸如果豆腐再滑少少就滿分

近期行開葵芳，食返呢間開咗20年嘅車仔麵，水準依然keep得到👍🏻而且舖位size越做越大，近期新裝修，擴闊左新座位，lunch時間啲人唔使排晒隊😆.叫咗個三餸車仔麵，仲送熱飲☕️性價比之選👍🏻今次揀咗豬頸肉牛腩，沙嗲牛肉（另上），有辣味菜譜和原味，一定係必落！加入湯麵更加好食🤤兩隻口味放晒喺張，係任加㗎，好可惜只供堂食，無得買返屋企😩.除咗車仔麵仲有魚蛋、燒賣，腸粉、碗仔翅等等嘅掃街小食～

去葵廣掃街，第一站先食啲飽少少嘅嘢先，地下有間平靚正車仔麵，$48三餸再送埋熱飲，真係好抵。選擇太多，好多都想食，但又唔想食咁多麵太飽肚，所以我哋share一碗麵，再加啲小食😆推介幾款我覺得好味嘅嘢先，滷水豆腐好夠味，$13大大份，一定要食。蘿蔔都好正，煮到啱啱好👍🏻咖喱魷魚都好正，咖喱汁好濃。仲有魚蛋係陳皮魚蛋，有嚼勁。我哋要咗幼麵，口感唔錯，記得加枱面嘅辣菜甫，勁惹味。仲有好多街頭小食，燒賣同腸粉都有，選擇勁多，行過不妨試吓。

最鍾意車仔麵有唔同嘅面底選擇，呢一間甚至可以將麵底轉做腸粉或者撈麵，亦都可以配上唔同嘅汁，令到你嘅選擇更加多元，而小食方面，亦都可以配好多唔同種類嘅食物，連雞中翼都有😍而且先40幾蚊就有三餸，個人覺得都幾抵食😍😍而且仲包埋飲品，加$3就可以變凍飲又或者豆漿😆而且地點又好方便，行完葵廣覺得仲想坐低食吓嘢嘅話，喺呢一度就啱晒你啦🫶🏻順帶一提，個人覺得佢嘅牛肚牛腩幾好食如果唔夠食嘅話，加多一份腸粉先至$10

去葵廣行街行到攰就想搵間港式地道小店坐低食野抖下☺️ 入座後就可以睇下佢地既孖寶秘笈揀野食，有唔同港式地道美食及糖水，選擇算多✨❀ 三餸車仔麵 $48(+$9 多一個餸)今次揀咗四個餸，有雞翼、麻吉燒、菜肉雲吞及蘿蔔，配以腩汁油麵底，好豐富呢☺️ 牛腩汁味道香濃，雞翼整得嫩滑入味，蘿蔔味道清甜無渣，菜肉雲吞都好足料✨ 最特別係有得揀麻吉燒，口感彈牙，咬開仲有麻糬係入面，煙煙韌韌好有口感👍🏻 另外跟餐仲配有熱飲，今次就揀咗熱西洋菜蜜～✨ 有辣菜脯、菜脯、辣椒油等調味～❀ 腐竹雞蛋糖水 $20食完車仔麵梗係要試埋佢地既招牌甜品啦😝 腐竹糖水好香甜，入面仲有雞蛋、腐竹及白果，如果有埋薏米就仲正☺️

行完葵廣諗住去附近食啲野，見到地下呢間車仔麵幾受歡迎咁，於是去試下😆車仔麵店價錢親民，三餸麵連飲品都係$48，之後每加一個餸就$9，呢度有成超過50種餸俾我哋揀！而車仔麵亦有米粉、米線、河粉等超過10種麵底任君選擇，由於太肚餓嘅關係，我哋各自都叫左4餸🤪-我嗰碗係蘿蔔、牛腩、豬大腸、雞腎車仔麵配沙嗲汁，蘿蔔非常入味，豬大腸同雞腎都好爽口，充滿街頭小食風味！誠意推薦加3蚊加沙嗲汁，好惹味🤩另一碗就要左雞翼、牛腩、滷水豆腐同埋醬爆肉丸，雞翼同滷水豆腐都索晒滷水汁精華，而肉丸真係一咬落去爆汁，正呀！

好耐冇去葵涌廣場，想食車仔麵醫肚，於是就三餸車仔麵，自己兩點半後入座只付$42包埋熱飲（原價$48）,今次食油麵配豬大腸，牛腩同牛肚，油麵質地ok易索湯，豬大腸有肥膏但味道唔錯，牛腩同牛肚份量算多味道幾好易咬得開，喺葵廣算係平民美食集中地