孖啡 (已結業)

約咗男朋友食晚飯，之前Openrice見到呢間樓上cafe嘅食物賣相都幾靚，所以諗住試下。我哋叫咗兩個dinner set:全日早餐 All Day Breakfast $132煙三文魚、薯餅、兵加腸、茄汁焗豆、炒蛋、沙律、牛角酥整體黎講都好食，炒蛋嫩滑，煙三文魚擺成玫瑰形有啲心思。係牛角包稍為遜色，有少少苦味。軟殼蟹黑松露意大利粉 Soft Shell Crab Spaghetti With Black Truffle Cream Sauce $142黑松露醬都幾creamy,好standard嘅港式黑松露忌廉味，軟殼蟹都炸得香脆。🍵紅莓果茶 $56成壺俾你慢慢斟嚟飲。幾香，酸酸地解下濟。

這天決定要試試這間Cafe，眼見網上的評語非常不錯，就跟朋友來吃頓晚餐吧！餐廳面積闊寬，位置空間感足夠，環境舒適，頗有格調！.芝士焗吞拿魚天使麵餐廳運用了天使麵與芝士烤制，表面金黃酥脆的芝士，再加上吞拿魚蓉，實在超邪惡又好味！.黑松露野菌意大利飯意大利飯這種菜式很有趣，飯要有口感，所以一定程度的黏度不能缺少，要有creamy 的質感。但在這個creamy 的狀態下，廚師也要確保味道不致於太膩，由其在加入醬汁後，很多餐廳的出品往往都造成失控。.這裡的廚子，在造飯時，上述意大利飯應有的character 都平衡下來，creamy 味濃的意大利飯，配上黑松露是聰明的配搭，還有淡淡的野菌味道點綴，味道層次十分豐富。.軟殼蟹黑松露意大利粉黑松露毫不吝嗇，味道濃郁，豐富了本身的忌廉汁的味道，這個值得一贊！意粉也軟硬剛好，火候時間掌握尚算不錯。.三款小食薯角和洋蔥圈炸得金黃香脆，不會太燶，重點是不會油膩，亦沒有油益味，焗過了的水牛城雞翼也很外表香脆，內裡肉質嫩滑。.飲品杯杯都好飲！不太甜又不太膩！榛子朱古力充滿忌廉的榛子朱古力，朱古力味十分香濃，口感棉密！，為這頓晚餐畫上一個完美的句號。.芒果/蜜桃

三個女仔很久不見，想找一個可以吃東西又可以談談少女心事的地方，樓上Cafe實在是一個不錯的選擇！但是，旺角的樓上及非質素參差，要好好選擇一間好味的Cafe實在不太容易！這間孖啡是我的心頭號，我光顧過不少次了，這天就帶兩位姐妹過來吧！.我們三個女子的胃口真的不能看小喎！點了三個主食，外加三款小食，還有三杯飲品！.芝士焗吞拿魚天使麵天使麵做到軟硬適中，吞拿魚的份量很多很多，很豐富！.黑松露野菌意大利飯意大利飯的飯粒分明，軟硬適中，吃下去一粒粒，口感十足。.軟殼蟹黑松露意大利粉Creamy！松露醬十分香濃，醬汁香濃，但黃金比例的配合，實在令人覺得陶醉！小妹一直都很愛吃軟殼蟹的菜式，這家意粉居然有大大只軟殼蟹在碟上！蟹殼很脆，炸後不會有油益味，殼內亦啖啖肉，食過返尋味。意粉汁方面，忌廉打得好creamy，口感有忌廉汁應有的漿口感。.飲品杯杯都好飲！不太甜又不太膩！榛子朱古力，這個是凍飲，將榛子加入經典黑巧克力及加入忌廉，令朱古力更香甜，咸甜交織，味道有層次。.芒果/蜜桃乳酪水果打成的乳酪，能夠有效一清味蕾，口感綿密滑順，帶有水果自然的甘甜酸香。.三款小食薯角及洋蔥圈方面，廚師用了很多心機去製作

假期想輕鬆一下，同朋友喺餐廳好好噉食飯傾下偈，自然諗到樓上咖啡店，因為可以唔使趕住交枱吖嘛，旺角油麻地附近有好多今次試下新嘅一間。平實可愛風格，女仔傾計總喜歡有d浪漫嘅感覺，好多粉紅色🎀set 包左38蚊以下飲品，其實特飲都只係補少少差價，又ok wor，加左幾蚊就有咁大杯棒子朱古力，棒子味都幾香，叫左少冰朱古力味更濃，同d cream一齊飲好邪惡呀，但又好滑未食主菜就食甜品，因為set加35蚊就有心太軟加雪糕，幾抵！一切已經感覺到外脆內軟，仲熱住咁流出黎，朱古力漿係杰架，好香朱古力味。水牛城雞翼，推介俾鐘意食酸甜嘅朋友，外皮夠哂脆，未入口已經聞到陣酸味，正唔正宗唔敢講，但好開胃，配上沙律菜岩哂。主食推介：軟殼蟹黑松露意粉，軟殼蟹炸得剛剛好，外皮夠曬鬆脆，肉質唔會黴，有啲爽滑，更加重要嘅係喺底嘅意粉軟硬適中，個汁夠曬濃好香滑。兩者配合得好好，分量亦都好夠，足夠一個男仔食到飽肚。呢度地方唔算好大，但係服務亦都好細心，有啲座位附近有服務鐘，撳咗落去五秒之內就會有侍應過嚟幫手服務都幾細心。主食固然唔差，但我嚟講少食係更加有驚喜。

今晚放工去到旺角，想搵間可以坐得耐啲嘅餐廳，朋友就同我推介呢間樓上cafe~上到去見燈光都偏昏暗，感覺幾relax，仲提供左board game俾客人玩 ，選擇都唔少～軟殼蟹黑松露意大利粉 (套餐價 $142，包一杯飲品)有炸原隻軟殼蟹呀！好足料，而且炸得唔油膩，蟹肉肉質仲幾軟熟下，唔錯～ 黑松露意大利粉嘅醬汁味道好濃郁creamy，每條意粉都沾滿醬汁，正！😛 配料方面仲有菇類、三色椒和沙律菜，口感都幾豐富～ 不過由於醬汁太邪惡，所以好快就會有飽嘅感覺😝香蒜白酒蜆意大利粉 (套餐價 $108，包一杯飲品）白酒蜆味道都唔錯，有鮮味，而且份量都幾多下👍🏻 意大利粉嘅香蒜味唔係好濃嗰種，但味道都唔錯，可以食到三色椒嘅清甜味，幾適合想食得清清地嘅朋友～ 😌朱古力心太軟雪糕 (套餐加 $38）呢個心太軟真係幾流心，一切開蛋糕外層啲朱古力醬湧哂出來，望到都開心🤤🤤 朱古力味濃郁，溫熱嘅心太軟配上凍冰冰嘅雲呢拿雪糕，冰火交融，味道都幾夾😛飲品方面都有唔少選擇，有塔羅特飲、咖啡系列、朱古力系列、花茶系列等等，真係花多眼亂😂 最後我地叫左：左邊係正義 (蜜桃柚子蜜)，比較重柚子味～ 右邊係柑桔青檸，青檸

今日下午同朋友係旺角行街，行到3點左右，同朋友決定不如上OpenRice 睇下附近有咩cafe 可以坐低飲下野 同食下野，見到一間樓上鋪叫孖啡，見都ok，我們決定去食，入到去其實唔算好大，坐低我同朋友叫左一杯凍朱古力咖啡 一杯凍榛子咖啡。兩杯都有一層層cream ,飲落好滑我們叫左一個黑松露野菌意大利飯黑松露味道好濃，簡直中意食黑松露嘅朋友要食下，飯粒分明。同雞翼味道甜甜酸酸。地方唔算大，但是同三五知己一齊食下野 傾下計 係一個好地方。

今晚放左工諗唔到有咩做🤔 就同男朋友去左樓上cafe hea下, 食下野玩下board games🤣 我地叫左幾樣野食就開始玩以色列麻雀🇮🇱🀄🧠😂薄荷朱古力🌱🍫, 薄荷味唔算濃, 朱古力味道ok正義🍑🍊, 蜜桃柚子蜜嚟, 甜甜地幾好飲意式蕃茄肉丸🇮🇹🍅🐷, 濃郁嘅蕃茄味, 酸酸地幾開胃, 肉丸份量都唔算少, 味道濃幾彈牙, 幾好味😋龍蝦汁海鮮天使麵🦞🦐🐙🍝, 意粉有驚喜! 濃濃嘅龍蝦汁幾好味, 而且唔咸, 天使麵吸哂d汁😋 入面都有幾款海鮮, 青口蝦🦐同魷魚🐙, 份量都唔算少😊香蒜白酒蜆意大利粉🍝, 蒜味足夠, 意粉軟梗度適中, 蜆肉真係幾多而且無沙👍🏻, 味道唔錯😊總括而言, 食物味道幾好, 價錢都唔貴, 環境都算幾舒服😊

史上最難食意粉🤮🤮！平時幾唔好食我都會照食哂，因為唔想嘥野嘥錢，但呢個我真係食剩3/4咁濟！-呢個意粉真係不得了，好似白烚意粉咁一啲味都無但又出奇地油，啲蜆又唔新鮮。留意返，價錢仲要唔平，咁既質素你真係對得住啲客？小食都一樣展示出失敗既極致😑水牛城大家食過啦？應該知咩味啦係咪？係酸酸辣辣咁架嘛啱唔啱先？先唔講佢啲雞翼好似未發育咁，隻隻瘦到好似食手指尾咁(實測過，無誇張👩🏼‍🔬)，連最基本個醬都調唔好，完全係茄汁雞翼咁既味，我究竟食緊啲咩？完全唔知佢嗰400幾個好味係點嚟，價錢又唔係特別抵。-佢係一間可以長坐既cafe，有棋玩又有電視睇，但我同個friend最尾都嬲到唔想再喺呢間餐廳逗留，實在係太難食啦。。。

樓上cafe充滿中學回憶，其實到左今時今日，呢種cafe都仲係唔少人聚腳的好地方。今次誤打誤撞黎到油麻地呢間cafe，位置極為就腳，響彌敦道旺角同油麻地中間；而呢度空間亦非常大，分左兩間房，所以成層都係孖啡的空間。再睇menu，小食同晚餐選擇都不少，相對黎講菜的選擇就比較少，只有dinner set有凱薩沙律，少少挑剔呢一點，有改善空間呢，現代人追求健康嘛。最後點左特式拼盤、炸芝士條同軟殼蟹黑松露意粉。特式拼盤（$83）呢份小食拼盤有齊雞翼、洋蔥圈、薯角、炸魷魚圈同咖哩角，雞翼係蒜香雞翼。雞翼非常入味，皮微微焗過所以都幾脆，另外洋蔥圈同魷魚圈既外皮都炸得幾脆。脆炸芝士條（$58）炸芝士條唔係周圍有得食，而呢度的芝士條外皮炸得鬆脆，包住入面的morzarella芝士，口感非常特別，即刻諗起芝心批！不過建議盡快食完，因為芝士凍左就會變得較硬。軟殼蟹黑松露意粉（$148）本身非常喜歡黑松露同軟殼蟹，見到呢個組合絕對抗拒唔到！要讚讚意粉煮得岩岩好，口感彈牙，黑松露味非常突出，另外都有三色椒的香味，所有野都配合得岩岩好。軟殼蟹係原隻上架，炸皮脆口又唔會太厚，亦食得出蟹的鮮味，係三款菜之中最出色的

跟朋友黎到cafe，當然係想hea 下時間，可以容許我地坐耐d 而又無壓迫感啦⋯⋯ （前提係你唔會對食物有太大既Expectation laaaaa.. )黎到孖啡我地求其order 左2款菜：蜆肉意粉同薯條🍟 ；平時既我係唔會叫蜆肉意粉，乾乾的意大利麵居然沒有醬汁?? 真是太欺場了! 為左配合一下朋友口味，唯有去試試看吧⋯⋯ 不得不承認蜆肉意粉係煮得唔錯，以cafe 質素黎講，係有驚喜既... 蜆肉份量多又新鮮，每一隻都大大粒，絕對唔係渣流灘... 沒有醬下的意粉都煮得夠味，有重重蒜香味四溢配合適量既橄欖油，十分可口。以芝士薯條🍟，係比快餐廳🍴果d好一點點，薯條🍟粗少少，薯味重少少，但$48蚊我就覺得有點貴貴啦⋯⋯ （大媽心態...）

已經係第二次嚟到孖啡食晚餐今次叫咗芝士焗吞拿魚天使麵 ($98)面頭的芝士醬汁焗到帶點焦香 吞拿魚用料充足最底下的天使麵夠乾身 三種食物夾在一起效果非常好😋另外叫咗個黑松露軟殼蟹意大利粉 ($142)軟殼蟹炸得酥脆 黑松露味香濃每條意粉都會見到黑色一點點🤗另外仲叫咗水牛城雞翼 ($58)味道很香辣 帶少少甜及酸 惹味😬另外我叫咗杯Oreo奶昔 好飲啊❤️________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

三五知己出黎聚聚，就去openrice 睇下有咩推介啦⋯⋯ 一看之下，旺間有間cafe 推有相當多既好評，甘我就唔執輸去左「孖啡」。一坐低，肚子不停打鼓打鼓🥁，我地叫左d 傳統飽肚野「鮮茄焗豬扒飯」及「卡邦尼意粉」，貪呢d容易share 牙下，加上我們都係大胃王... 哈哈🤣🤣雖然鮮茄焗豬扒飯係d comment 野，但餐廳真係落足料；紅紅的茄汁遮完全覆蓋飯碟，厚厚芝士半溶在面，飯粒不會過乾，茄汁夠多，食到最尾都仲有茄汁撈飯，正！相對上，卡邦尼意粉份量較少，看賣相已見到芝士好足料，醬汁乾濕適中，意粉亦煙韌彈牙，唔掛之得餐廳甘多好評啦⋯⋯

每次黎開呢幢大廈買髮型用品，就會上黎孖啡到食飯，孖啡屬於傳統café類型，全梳化位，感覺優閒舒適。軟殼蟹黑松露意大利粉軟殼蟹炸脆卜卜，仲要係原隻上，都幾大隻，黑松露忌廉香濃，醬汁夠creamy，全部醬汁都可以掛係意粉上。鮮茄焗豬扒飯豬扒厚身，口感外脆內軟，有一層芝士鋪係飯上面焗，配埋酸酸甜甜既鮮茄醬汁，非常開胃。午餐附送$38飲品一杯，超額須補回差價。焦糖朱古力焦糖味香濃，加埋朱古力亦唔會太甜，剛剛好。咸柑橘蜜咸柑橘味適中，非常潤喉。

有時好怕去啲樓上cafe,試過去過啲成間工廠大廈咁，感覺唔衞生同埋唔舒服，坐到周身唔聚財。但上到孖啡感覺都算光猛乾淨坐得都算舒服。weekday夜晚full house生意唔錯。夜晚個set menu主要選擇都係意粉同飯，包$38飲品，可加錢要龍蝦湯，蛋糕或心太軟。因為減肥盡量唔食澱粉質所以都直接揀左all day breakfast(有caesar salad但夜媽媽唔想食沙律)。男朋友要左軟殼蟹黑松露意粉。另外加左龍蝦家湯。All day breakfast有最鍾意食嘅薯餅、腸、煙三文魚、炒蛋、茄汁豆、沙律同牛角包。炒蛋做得幾出色，熱辣辣又嫩滑，粉量亦好多。不過等左好耐先有，男朋友已經食完佢個意粉都未黎。整體黎講旺角區樓上cafe黎講性價比算高，適合一班朋友聚會。

約左朋友食飯 偶然穩到呢間cafe 有主菜買一送一優惠 埋單都係288價錢可以接受 食物質素很好 點左一個豬肋骨配薯條同埋蘑菇意粉～好好味 意粉好濃味 豬肋骨配薯條都好大分 賣相及味道也不錯 有機會再來光顧