孖啡 (已結業)

呢間野選擇少同貴之外，食物質素仲要好差，坐位好迫，坐得唔舒服。訂左位去食飯，到9:55分店員行埋黎問會唔會倒埋數，倒埋數要每人叫多杯野飲，如果唔叫野飲10點就要走。訂位時完全無提及過，到場時亦無店員講過10點要走，感覺搶錢。唔會再去👎🏻👎🏻👎🏻👎🏻。當時見openrice評分都幾高先揀，黎到覺得完全唔值，相信我都唔係第一個覺得中左伏，完全唔明點解呢間野會拎到高分，今次嬲到第一次打評價，希望呢篇評價可以幫到其他人唔好再中伏。

網上book位話送小食，但我地掛住傾計同點餐完全唔記得左，店家都冇提我地，所以係冇兌換到個優惠Book前網上睇時已經覺得間野冇咩野食，點知真係冇咩野食，主餐就係得幾樣，一般西餐廳最普通既野。我地4個人點左芝士吞拿魚天使麵*2同卡邦尼長通粉*2，真係普通到唔普通既野😂配朱古力咖啡/香蕉咖啡/榛子朱古力咖啡同花茶。主菜味道係不過不失，冇咩驚喜。榛子朱古力好甜，咖啡飲完叮一聲，好飲！對得住個店名！個香蕉咖啡開頭都諗會唔會中伏，伏就唔算既，有d似香蕉雪芳蛋糕咁囉另外花茶好香，淡淡地我覺ok, 朋友就覺得淡得濟。店員都算nice, 不過就好急咁收盤，一食完就秒收盤收杯，雖然都冇趕客，但好似有d chur既感覺。氣氛其實還好，但應該唔會再晚餐時段上去嚕，或者下次可以試試個all day breakfast

於開飯訂座，星期五晚準時到達攞位，被分配在餐廳角落位置，三人用餐但只給了一張二人枱給我們，看著檯面積少少的，心想三個餐加上飲品是沒可能夠位放的，故向職員要求換檯，可惜不獲理會！首先，套餐加錢叫了龍蝦湯，可惜湯的味道不夠鮮還有點腥。主菜有茄汁焗豬扒飯，白酒煮蜆意粉，黑松露香菇意大利飯。焗豬扒飯用嘅係白飯，不是炒飯底已很失望，白飯質地又不好，太軟太爛了，豬扒與茄汁味道尚可。（感覺一哥焗豬扒飯好味很多）白酒煮蜆意粉不太夠味，沒有可取之處。黑松露香菇意大利飯送來的時候汁太多，不是用意大利米（好像用了珍珠米），當飯放涼後，汁被飯全部吸收了，那時飯的味道才算美味。飲品我們叫了咖啡，藍梅花茶，沙冰，特濃朱古力。咖啡味道不錯， 其他的普通，不值一提！最後，想講廁所不夠清潔，環境衛生不太理想，希望餐廳留意一下！

👉🏻黑松露野菌忌廉意大利飯💲108👉🏻忌廉煙三文魚配天使麵💲108👉🏻煙肉卡邦尼意大利粉🥓💲102👉🏻鮮茄焗豬扒飯🐷💲106👉🏻心太軟、雪糕🍨➕💲35〰️〰️〰️〰️〰️〰️〰️〰️〰️可以娛樂消遣嘅餐廳🤩除咗傾計仲可以一齊玩下board game😗嘢食都唔錯架！risotto黑松露味唔重但夠creamy 但個飯冧咗少少 三文魚天使麵好足料！佢入面仲有三文魚碎架！😋carbonara意粉個汁幾好食 不過煙肉唔夠香 個豬扒飯唔好食 但如果大家掛住大家樂而唔想幫襯藍店咁都可以食呢個嘅haha 心太軟蛋糕甜度適中 但我覺得佢唔夠多流心 雪糕係一片 仲要冇咩vanilla味係一個敗筆lmao〰️〰️〰️〰️〰️〰️〰️〰️〰️孖啡 (旺角)📍旺角彌敦道577號高氏大樓4樓🔗#7eating旺角#7eating油麻地#7eating西式#7eating意大利菜#7eating黃店

今日同朋友去左食晚飯，抱住十分期待的心情，結果十分失望。叫左英式炸魷魚同蜆肉意粉，炸魷魚外層太硬同太厚，食落冇咩味，同埋凍凍地好似已經放左一陣先拎出黎，唯獨個醬係有水準幾好食，所以唯有點多啲。個意粉都好一般，蜆肉味道係不錯，食落幾入味，意粉軟硬度都可以，但整體而言好普通，價錢卻比其他cafe貴。野食選擇都唔多。環境同氣氛係唔錯但食物質素認真麻麻，杯野飲都好淡同份量好少，實在失望。總括而言應該唔會再去。

又到左各間大學籌辦迎新營既時候係街見到成班年青人玩活動勁青春都會好懷緬當年暑假時快樂既時光今日同老公提議上樓上cafe 食晚飯上到去不出所料真係有好多後生仔食著飯 吹著水 又一齊玩board game哈哈哈 全場應該最老係我地兩個啦唔只好玩 呢道d野食都有返d質素卡邦尼煙肉意大利粉🍝$102聽落好普通 但煮得好食真係唔容易意粉烚得剛剛好 唔軟又唔硬 夠煙韌卡邦尼汁creamy得黎芝士夠曬濃郁煙三文魚意大利烘飽🇮🇹🐟🥖$112叫之前都爭扎左一下 唔想晚餐食麵包但呢個包好吸引 最後都係叫黎試試佢果然冇叫錯 個包面頭烤得又香又脆咁裏邊又鬆軟 有煙三文魚 蕃茄 青瓜 生菜D蔬菜好fresh 好清新 加埋d沙津醬好夾焦糖朱古力🍫$45朱古力味同焦糖味好濃郁 飲落好幼滑Oreo奶昔$56奶昔入邊有好多oreo碎碎 仲有d碎冰飲落creamy得黎又有口感 好過癮Oreo 味好重 飲完仲想黎多杯呀心太軟💓 $35自己係屋企整過就知 心太軟係有難度既呢個心太軟焗得岩岩好 上枱時仲熱辣辣一切落去d朱古力漿湧出黎咁 好治癒呀配埋雲尼拿雪糕一齊食 好滿足呀

最怕食飯嘅時候要急急忙咁趕住走，人大個咗之後每一次與朋友相聚都是難得的時刻，所以間中都會比較喜歡去幫襯一些樓上鋪，人流唔算太多又可以同朋友傾計傾得耐啲。今次去到位於油麻地地鐵站附近的「孖啡」，三個女仔點左三道菜式：-魚柳意大利拱包-卡邦尼意粉🍝-黑松露野菌意大利飯飲品：榛子Latte 、泡沫咖啡☕️、鹹柑橘蜜三道菜味道都唔錯，魚柳意大利拱包感覺健康，雖然有好多炸薯條但係又有沙律菜平衡返個營養金字塔，卡邦尼意粉和黑松露野菌意大利飯不過不失。餐廳內還有一些小遊戲借用，一大班朋友上去都唔怕悶。 碰啱我哋嚟到嘅時候做緊個別半價優惠，成為$289 三位😁

又到下午茶嘅時候，見到開飯啦兩點鐘有特價時段，仲要我都想食嘅嘢,當然 即刻book咗位先。 兩點鐘嚟食又唔知真係超級抵。 我嗌咗個芝士吞拿魚焗天使麵加咗一杯得特榛子朱古力飲品。 坐得又舒服輕輕鬆鬆咁樣就過咗一個下午茶時間。 而且佢杯朱古力好濃好香榛子味啱曬我口味。 飲落去有啖啖榛子朱古力嗰種香味真係超級幸福。 。 另外我嗌咗個芝士焗吞拿魚天使麵，佢新鮮焗出嚟真係超級香，，而且食酪芝士同吞拿魚嘅美好夾，鍾意食吞拿魚嘅朋友可以試一試。

前果排系旺角收工，同同事食飯佢地過有間cafe好正. 所以就上左去試下啦有book位嘅源故所以唔洗等位上到去，地方雖然唔算好大好大，但氣氛唔錯，有裝飾有佈置，幾靚仲有個Board Game 嘅書櫃，食哂野有時間仲可以玩陣我地叫左個花茶（好鍾意哩啲可以添有大壺嘅）叫左個蒜片蜆肉意粉另一位就飲哩杯Openrice訂座送小食咖哩角 Favourite黎多個小拼（咖哩角:s翼/洋葱圈/薯角/沙律）哩個意粉好味啲 - 明太子軟殼蟹（啲汁好味）

到旺角接朋友下班 順道吃個便飯 想聊聊天 便找到這間樓上cafe 需要走幾步樓梯才到電梯位當日人不多 環境燈光昏暗 氣氛不錯 有最低消費為每人一杯飲料/食品《黑松露野菌意大利飯》這意大利飯十分稠杰 黑松露味亦十分濃郁 是喜愛的煮法 野菌亦挺多的 吃完挺有飽肚感不錯《薄荷朱古力》跟餐補差價（本身包$38或以下飲料）表面空氣感滿分的奶油 加上糖醬 十分邪惡 當中的朱古力味都充滿了薄荷味 挺好的最後個人消費了$140 聊了幾小時 不催趕 感覺舒服

入座環境優雅，有啲書圈文青感覺，可能周圍都有書本圖案，可台頭望下吊燈，有啲浪漫既感覺，啡色既情調，別樹一格！鬧市入面帶點寧靜，望下窗外，原本彌敦道人車交往既路口，已變得鳥無人煙，面目全非，願榮耀光歸香港。墻壁上有好似小既落車既鐘，有啲似殺利亞，可以按鐘叫服務員，因為餐廳有條長樓道，服務員都好難睇清客人舉手點餐，所以加安裝依個鐘十分方便，都方便左怕羞既人舉手！1點鐘入座，全場冇客，又一次包場，最近食野都經常包場，軟殼蟹意粉相當唔錯，奶味十足，醬汁特別濃郁，磨姑碎都好多，主角炸軟殼蟹就炸得有啲干身，夠脆但唔夠水份，有啲可惜。飲品就好特別，尤其係啲名，好多都係感情有關，又色彩繽紛，女士應該幾歡迎。

朋友上網見到呢間好似幾唔錯，成日賣廣告，見都有好多like所以一試。被安排坐門口，冷氣吹到應一應，同d職員講佢地都好友善咁調高左，點左芝士吞拿魚天使麵凍mocha，5分鐘左右就送到😲，心諗咁快應該都唔好咁高期望，果然味道真係好一般，料都算多，但份量普通男生唔夠飽，杯mocha十分一般，唔full都會任人坐，最差就係走左之後發現成身油煙味，應該係坐門口近廚房關係，抽氣差，間中廚房煮嘢d味會飄出黎，奉勸大家訂座要小心，可能係咁所以嗰個位勁大冷氣😒，總括黎講唔會回頭

叫左两個lunch set同一份小食。首先飲品方面叫左一杯蜜桃乳酪同藍莓乳酪，味道一般啦😂仲要其實得半杯，另一半全部係泡。意粉都正正常常不過不失啦，相反個煙三文魚烘包就吾錯啦！煙燻味好濃，加埋d青瓜同番茄非常清新。最後埋單個陣佢冇比訂座優惠8折比我地，要我地問佢先記得

今日去咗孖啡開Lunch meeting,我都係open rice搵到嘅，呢度嘅野食都算可以，不過水牛雞翼就無咩bluecheese味其餘都可以。我們三個人lunch~每人大概150蚊左右。地方好靜好好開會嘅地方。服務方面可以改善一下!

難得有日假。仲出了最危險的旺角。為了避左不必要的活動影響。朋友隨便係地下搵間樓上咖啡館休憩。龍蝦湯。龍蝦湯配上一些忌廉花。盡顯美食的外觀賣相。湯味濃厚。加上忌廉的細滑。配合得美味佳餚黑松露意大利飯。黑露味濃烈。配而新鮮配汁再加上可口無盡的意大利米。入口溫軟配而重味濃郁的黑松露。天衣無縫。龍蝦汁海鮮天使麵。龍蝦汁的獨突味道配與海鮮味更是無能匹敵。天使麵的麵質彈牙口感。配上鮮味海鮮更可滿足晒個人口腹之慾