影片
更多
2019-09-11
131 浏览
樓上cafe充滿中學回憶，其實到左今時今日，呢種cafe都仲係唔少人聚腳的好地方。今次誤打誤撞黎到油麻地呢間cafe，位置極為就腳，響彌敦道旺角同油麻地中間；而呢度空間亦非常大，分左兩間房，所以成層都係孖啡的空間。再睇menu，小食同晚餐選擇都不少，相對黎講菜的選擇就比較少，只有dinner set有凱薩沙律，少少挑剔呢一點，有改善空間呢，現代人追求健康嘛。最後點左特式拼盤、炸芝士條同軟殼蟹黑松露意粉。特式拼盤（$83）呢份小食拼盤有齊雞翼、洋蔥圈、薯角、炸魷魚圈同咖哩角，雞翼係蒜香雞翼。雞翼非常入味，皮微微焗過所以都幾脆，另外洋蔥圈同魷魚圈既外皮都炸得幾脆。脆炸芝士條（$58）炸芝士條唔係周圍有得食，而呢度的芝士條外皮炸得鬆脆，包住入面的morzarella芝士，口感非常特別，即刻諗起芝心批！不過建議盡快食完，因為芝士凍左就會變得較硬。軟殼蟹黑松露意粉（$148）本身非常喜歡黑松露同軟殼蟹，見到呢個組合絕對抗拒唔到！要讚讚意粉煮得岩岩好，口感彈牙，黑松露味非常突出，另外都有三色椒的香味，所有野都配合得岩岩好。軟殼蟹係原隻上架，炸皮脆口又唔會太厚，亦食得出蟹的鮮味，係三款菜之中最出色的
再睇menu，小食同晚餐選擇都不少，相對黎講菜的選擇就比較少，只有dinner set有凱薩沙律，少少挑剔呢一點，有改善空間呢，現代人追求健康嘛。最後點左特式拼盤、炸芝士條同軟殼蟹黑松露意粉。
特式拼盤（$83）
呢份小食拼盤有齊雞翼、洋蔥圈、薯角、炸魷魚圈同咖哩角，雞翼係蒜香雞翼。雞翼非常入味，皮微微焗過所以都幾脆，另外洋蔥圈同魷魚圈既外皮都炸得幾脆。
脆炸芝士條（$58）
炸芝士條唔係周圍有得食，而呢度的芝士條外皮炸得鬆脆，包住入面的morzarella芝士，口感非常特別，即刻諗起芝心批！不過建議盡快食完，因為芝士凍左就會變得較硬。
軟殼蟹黑松露意粉（$148）
本身非常喜歡黑松露同軟殼蟹，見到呢個組合絕對抗拒唔到！要讚讚意粉煮得岩岩好，口感彈牙，黑松露味非常突出，另外都有三色椒的香味，所有野都配合得岩岩好。軟殼蟹係原隻上架，炸皮脆口又唔會太厚，亦食得出蟹的鮮味，係三款菜之中最出色的一款。
香蕉奶昔（$52）
另外點左杯香蕉奶昔，奶昔上面有我最喜歡的cream！飲落有濃郁的奶味，甜度剛剛好，將cream撈埋一齊飲奶味就更加香喇。
张贴
