媽咪雞蛋仔 (已搬遷) 新店位置

見佢開業一排，門面冷清。可能個 location 問題，係橋底，唔太近 poly 學生會經過的地方。但佢都叫近時新同聯川，見有咁多食評係度就知已經開始 hit 左。今晚見有 d 餓，唔想食太多野，就去試下點解又俾人勁讚好味的雞蛋仔。想試粒粒朱古力架 (見人地話似心太軟)，但去到 9 點名老闆話就收舖，所以無了。咁唯有要原味的，老闆都好招呼叫我坐底等等。見老闆娘用計時鐘調較好整雞蛋仔的時間，包唔會 overcooked 啦。跟住就見老闆將雞蛋仔係疑似鞋盒 size 俾風扇吹。果然會外層脆內軟。如果話比較，我覺得好味過北角個間勁辣派甜甜掌門 (北角雞蛋仔)，個間太脆了，雖然係另一番風味，但就決了左有時間去欣賞佢既味道既感覺。有機會再試朱古力同芝麻味。

時新，聯記再隔離又再多一間紅磡正鋪！店內有六個整雞蛋仔既機，另外有格仔餅之類啦，我等佢即叫即整時又可以坐係度等，店面好乾凈，夥計好有禮貌！我要左$12既粒粒朱古力雞蛋仔，其實我不嬲都鍾意原味多啲，不過今次試下新嘢啦，甜甜地又幾好食喎，佢整完會即刻用吹風機整涼，所以都好脆，外硬內軟，同埋非常飽肚不過我覺得佢同北角雞蛋仔又係唔同既，佢唔係果種卜卜脆，硬身啲既。下次一定要試埋個原味，紅磡食店萬歲！

MAMA 雞蛋仔最近係紅磡好HIT喎今日係尖沙咀學完做月餅後,就去紅磡揾食丫上網見媽咪雞蛋仔外脆內軟,我一定要試下呀~係時新過二個位就係嘞~嚟到時己經有人係到排隊~ 男友話要試朱古力粒粒, 我當然就佢啦~ 叫咗一底朱古力粒粒雞蛋仔~見到串串檸檬茶.... 突然喚回我要飲佢呀~因為我見網友話佢係整好晒,調好晒個味道架~ (我當然想試,但又怕好甜)我就個靚仔嘞~ 佢話唔係好甜佢仲話比之前無咁甜喎~ (因為有客人話太甜,所以佢就調較淡咗)靚仔仲話倒比我試下,叫我試下好不好飲喎~佢倒咗好大杯比我試~ 呢個靚仔真好人呀~ 味道幾好, 酸酸地又不太甜 (男友話啱晒我呀~) hehe~朱古力雞蛋仔出爐, 真係好脆呀, 內裏仲有肉, 但我就覺唔夠多, 多少少仲好味呀~ 但其實己經好好味, 朱古力同雞蛋仔好夾 good ~食完呢間後就覺得呢間好過北角xxx hehe

佢啱啱開嘅時候我都忍唔住試咗次,但係唔知點解嗰次食完之後勁口渴,心諗唔係雞蛋仔都要落咁多味精吖.尋日放工行過決定比多次機會佢,就試佢個粒粒朱古力味,其實我不嬲都淨係食原味,但係上次試完真係唔想再食,所以今次破例唔買原味.老闆娘由我第一次幫襯都已經好有禮貌,今次都唔例外,真係幾有親切感,但係其他員工係無架.講番個雞蛋仔先,即叫即做唔會灘哂出嚟,只雖等三四分鐘就熱辣辣送上,軟硬適中,粒粒都有朱古力,最好就係食哂都唔會好似上次咁口渴到爆.我會再嚟.

吃過了眼飽肚不飽的一餐後，和女友來到此買雞蛋仔吃，也知道此處的巧克力雞蛋仔比外邊賣的特別，所以一於來一客普通的，另外也來一底巧克力味的。店員﹝應該是傳說中的媽咪﹞也立即開工了，攪拌蛋漿後就倒進佈滿孔的發熱板內，至於巧克力味的雞蛋仔的特別之處，跟坊間吃到的是兩回事，用上的也是普通的蛋漿，不像外邊的只加巧克力粉在蛋漿內了事，所以其製成品的顏色仍然跟普通的雞蛋仔很像樣，只不過有點斑紋而已，不像外邊的整塊變了啡色的，也真的是第一次見過及吃過此製法的雞蛋仔，所以此技巧也可算是商業秘密，所以雖然我目睹整個製作過程，但也不在此描述，免得﹝媽咪﹞被人跟風了，所以也希望店家，可以的話，將向內堂的發熱板用來專項製作特別的雞蛋仔，外邊向街的弄普通的雞蛋仔，而內堂的範圍，最好可以的話，放點屏障阻礙他人的視線，免得被人家看到跟風，畢竟本人認為此做法絕不是顯而易見，至少我吃了二十幾年雞蛋仔也沒有吃過此製法的特別口味，這技術秘密，值得保護。也說了很多廢話，說回正題，店家在每弄好一底雞蛋仔後，也會放到一旁的吹風機吹乾，使其表面的水份蒸發掉，吃起來更脆口，此做法跟太安樓的蛋記如出一轍，說回食物，也是，老模樣，外層也脆口

是日下午茶, order 如下:朱古力粒粒味 ($12) - 超正! 係真係超正! 正如其他食家所言, 味道並非一般可可粉雞旦仔可比, 係真正香, 濃o既朱古力味, 熱, 軟心, 一流! 唔會太甜, o岩o岩好! 好脆!自家制檸檬茶 ($10) - 第一, 冇檸檬大大片, 唔使拮, 又唔會霸住個杯底, 正! 第二, 雖然眼不見檸檬, 但飲落好重鮮檸檬味, 足料, 正! 第三, 檸茶本身少甜, 正, 但店家亦好細心地問 "夠唔夠甜? 唔夠可以同你加甜 d?", nice~overall,有料有心有心思!大力支持咁有 heart 有禮o既小店!!!!!!一定會再來!! 仲係專登搭車來果隻~

每日收工都會經過呢條路...想試好耐~但又想與愛食朱古力既媽媽一齊分享~決定臨去旅行前要先幫襯一次~以免我既雞蛋仔癮o係旅程中發作....先問過雞蛋仔店既"媽咪"~如果要一個鐘後先食..咁底雞蛋仔會點樣..?我都知呢個問題好傻~不過我係要確實一下搭完車後會變成點~"媽咪"話: 都好食~會好似蛋糕仔咁囉......仲問埋如果拎番去搵焗爐焗番得唔得~"媽咪"話可以~但佢唔知要焗幾耐....最後都係買左底朱古力雞蛋仔~我臨走時"媽咪"講左句, 話驚我中途已經引唔住食晒~哈哈~放心啦~"媽咪"雞蛋仔當然要留比母親大人一齊食啦~一路行去搭車, 望住底雞蛋仔,實在吸引~外邊較厚, 但好脆....入面朱古力少少溶..但又食到雞蛋香味~唔似一般o個d只係落可可粉...總共有30粒雞蛋仔~因為真係好好食~所以要數住自己食左幾多粒~真係有d驚食晒呢...嘻嘻~搭車時搵手拎住紙袋~因為怕放入袋後會焗淋...最驚喜係經過一小時多後~雞蛋仔既外邊仍然脆~而中間剛變成少少脆口既蛋糕仔~因為蛋味香, 又有朱古力粒~加上我一番美意~母親大人都話yummy!!!!!

胃食既我又出動, 食完飯自己特登行去紅磡買雞蛋仔好彩9點先關門, 仲趕得切. 前兩日經過已經關左門.o係天橋度已經聞到雞蛋仔既香, 仲好多人等緊老闆好熱情招待咁多位, 又出鋪頭向途人sell 雞蛋仔買左芝麻味雞蛋仔試下, 即叫即整, 所以要等5-10分鐘 鋪頭入面有6部機, 同埋兩個靚姐整雞蛋仔整完之後吹凍一陣就有得食漲卜卜, 好香芝麻味一搣, 嘩, 好crispy, 食落好有蛋香平時既鋪頭整芝麻味雞蛋仔係先沈d 芝麻o係個底再倒粉漿. 所以d 芝麻粒得個面先有但哩度就係整左d 芝麻落d 漿度, 所以d 芝麻粒唔o係外面, 而係o係個心度.哩種做法仲正, 食落係超香芝麻味.雞蛋仔外脆內軟, 個殼硬得黎好滑, 唔似北角o個d 見到一點點孔. 所以食落脆得黎唔會刮口入面蛋漿滿滿, 佔多過一半空間, 而且真係雞蛋仔應有既口感. 唔係炭爐o個隻蛋糕仔.第一口食本人已經認定左哩間算係全港暫時雞蛋仔最好味既鋪頭. 北角o個d 垃圾簡直行埋一邊

週二晚食友聯記川王小聚，去晚了，吃了他們剩下的雞蛋仔，覺得不夠熱辣不夠過癮，第二天中午即刻再會媽咪。要了個久仰大名的朱古力雞蛋仔；這兒的朱古力雞蛋仔不是將朱古力混進雞蛋漿裏，而是在作的過程加在每粒雞蛋仔的中間；朱古力味道香濃，與蛋香互相輝映；加上那外脆內軟的質感，朱古力好像有點流心feel, 味道好得不得了，真忍不住叫一句：媽媽咪呀~~~!!!不過，記得要趁熱吃；吃剩四分一包，抵達公司，外層已沒那麼脆，朱古力也被蛋皮吸收了，流心效果沒那麼強烈，感覺大跌watt....所以，千祈千祈千祈，趁~熱~吃!!

悠閒星期六，由尖咀行去紅磡，為的不是川王，而是新開張的媽咪雞蛋仔，或者你會問，雞蛋仔尖咀閒閒地起碼有四至五檔，點解要去紅磡食呢？老老實實，都無乜原因，但見到多位好友大讚這裡的雞蛋仔，好奇心下，實在想試一下。下午四時多，店外人客不多，先點了一客「粒粒朱古力」的雞蛋仔 ($12)，阿姐推介了自家製的檸檬汁 ($10)，天氣炎熱下，也順道一試吧。雞蛋仔是即叫即製的，等數分鐘當然不是問題，店方將原味 / 朱古力 / 黑白芝麻三款不同口味的雞蛋仔以不同的爐頭製作，極具誠意。服務亦相當體貼, 雞蛋仔可揀脆口或淋身的，分別在於放在吹風機的時間長短，阿姐話 Openrice 人都喜歡脆的，我當然也樂意親身體會一下。烘得脹卜卜的雞蛋仔，一咬下其脆無比，半邊是脆皮，半邊是朱古力芯，是脆中帶軟的雙重享受，同時散發出濃郁的朱古力味，甜味點到即止，的確甚具水準。阿姐見我舉機影相，立即衝出來問我意見，一時三刻只可以直接說好味道，事實上亦幾近完美，這個十二蚊的小吃，充滿著店方的誠意與創意，值得推介！至於那自家製的檸檬汁，味道帶甜，跟想像的有點出入，個人認為可以再酸一些，始終雞蛋仔是甜食，特別是招牌的粒粒朱古力, 如

早兩年轉工期間, 心裡竟有過開小食店的唸頭, 還記得小時候一底雞蛋仔只是 $5, 現在一般都賣上 $10 或以上, 升幅達100 倍! 絕對有利可途~ 而我心目中是創作一些新口味的雞蛋仔, 其中一種, 就是素素早前食評上提及的 "粒粒朱古力雞蛋仔" , 心想, 真的有人實踐了!! 所以日前決心到該店潮聖一下! 地點就在"時新" / "川王"相距不到 100米的位置, 門口還有一個七彩招牌, 相當易認. 當時店內未有客人, 老闆娘很熱情出來打招呼, 問我想吃什麼味道, 完全不用考慮之下, 就來一底粒粒朱古力味, 另外友人也來一客原味試試. 現點現製三數分鐘, 看著live kitchen, 真的覺得很pro! 事關原來有一個指定爐頭專門製作朱古力味, 無非是避免其味道沾上原味以影響效果, 認真程度令人佩服佩服! 先出爐的的是原味, 真是香氣迫人! 不過還未吃得, 因為要先放入特製膠板和經過"鞋盒吹風機" 處理, 保証達至表面脆身效果. 顏色非常平均, 金金黃黃; "卜"一聲之下, 把一粒新鮮香脆的雞蛋仔放入口中, 明顯吃出蛋味夠濃, 粉漿比例不多. 再吃一粒, 可見蛋糕中心佔

近日坐車經過聯記川王,見到在不遠處有間新開的小食店,專買雞蛋仔,格仔餅.想起已經不吃此兩味地道小吃已久,恰巧友人又想試.於是便一起去試這個媽咪,做出來的雞蛋仔,是否同蒸肉餅一樣地,覺得"世上只有媽媽好"?其實雞蛋仔,格仔餅每一度做出來,也是同一個樣子,有些是用炭燒,算是比較特別.一個普通人如我,實在很難吃得出,不同地方做出來的雞蛋仔,有什麼分別.所以蘇絲黃推介的太安樓雞蛋仔,好多人{包括我},吃罷之後,不約而同"車"一聲.此間媽咪雞蛋仔,雖然只做雞蛋仔同格仔餅,但是雞蛋仔不是一味原味,而是將朱古力,芝麻混入來做雞蛋仔.我倆要一個原味,一個朱古力雞蛋仔,店主叮囑我們,要我們先吃原味,後吃朱古力味.等大約數分鐘,雞蛋仔便做好,未吃之前,店員先將雞蛋仔吹一吹風才奉上,目的是令到雞蛋仔更加脆口.原味的雞蛋仔看似沒有特別,新鮮熱辣又是必然,但雞蛋仔的蛋香很濃,食落又香脆,而且不是完全地空心,夠實在.而朱古力雞蛋仔,果然真材實料,朱古力味道濃烈,雞蛋仔內被朱古力塞到滿,難怪店主要我們先吃原味,後吃朱古力.先淡後濃,食之有序.這個道理大家也明白.可是店內的Hello Kitty的

寫過“爸爸”，也要讚一讚“媽咪”的雞蛋仔。試過朱古力與黑白芝麻。前者非朱古力粉與蛋漿融合后所制，而是將朱古力嵌入蛋仔內部，朱古力甜美有度，是有一定濃度可可的朱古力，所以不會甜得膩人；沒有被朱古力浸染的蛋漿則保持了本有的蛋香。后者則嵌入粒粒黑白芝麻，麻香滿意，活似芝麻蛋酥卷。媽咪雞蛋仔的獨到之處在于“脆”。外層酥脆的口感像極了蛋酥卷，而內里卻又變成熱辣辣鬆軟充滿蛋香的蛋糕仔，是產生鮮明對比的雙重享受。在紅磡“媽咪”與“爸爸”的“呵護”下，愈發覺得做一名紅磡人真是挺好

after having the burger at si sun fastfood, my mum and i decided to try this 雞蛋仔 shop with a very friendly shop keeper.we ordered an original 雞蛋仔 and waited for around 5 mins while the daughters(?) of mammy were helping with the chores. mammy carefully blew our 雞蛋仔 in front of a fan to make it crispy, and it turned out to be very effective ;) its really very very crispy!!!and i think its even better than that in north point because that tastes a bit bland while this is more sweet. plus, please

每日放工都會經過，見有咁多好評即管試吓！一嚟到門口，一個疑似老闆娘嘅人已經出嚟問要啲乜，我要咗一底"原味"，因為係即叫即整所以都等咗一陣，不過等都係值得嘅，因為新鮮出爐嘅雞蛋仔真係好好味，好夠蛋香同埋真係好脆，未行到返屋企已經食哂！仲有值得一提係雖然佢唔係開咗好耐，但係已經儲咗一定嘅熟客。點解咁講，就响我等梗嘅時候不斷有人客而每一個都同店員有傾有講，店員仲記得佢要乜，連個客都話"呀，咁妳都記得呀？"。最後就係要贊吓佢哋啲服務真係幾好，每個客攞食物嘅時候都會講"唔好意思，要你等咁耐'，其實唔係等好耐啫。同埋依家佢哋已經進步咗，冇下邊啲食客咁講咁雞手鴨腳，可能已經上咗軌道。希望佢哋可以繼續用心經營！