媽咪雞蛋仔 (已搬遷) 新店位置

食過好幾次, 家住附近, 好開心有一間質素咁高既雞蛋仔 !我次次都食朱古力味, 好好食, 又香, 又暖, 又脆, 又唔太甜 ~我從來都唔飲凍0茶, 一飲, eee~ 咁好飲既 ? 唔太甜, 又唔'夾'味, 又有已篤散既粒粒檸檬粒, 好好飲 !!大家去開時新同聯記時, 記得行多幾步, 支持下用心既小店 ^^住紅磡真係開心, 成日附近有咁多好野食 !

我係紅磡返工,日日都經過,日日都見到佢個門牌但今日早返,肚餓入左去試不過個阿姐好似唔多熟手,不過誠意十足食落真係唔錯十蚊一底真係算值既..不過可能佢太新,未有人留意同試佢加上D人多數係個邊都係買時新食,,好難爭生意!不過希望佢會有進步希望D雞蛋仔會甜少少食落呢一底就唔夠味

在周日吃川王~感覺總有點mission impossible~因為從來只有weedsays在紅磡~很難想像周日的人潮會如何~這天比賽過後~一行八人想感受一下新九龍南線的方便~就特地分批由荃灣到紅磡會合不常到紅磡的友人不停嚷著又要再來挑戰極限~怕辣的就要另覓出路~除了左舖的港式漢堡~右邊三十步以外近三星期都出現了一間光鮮的小食店~沒有複雜的餐牌~沒有特別的菜式~賣的就是隨街可見的雞蛋仔~門前就放著簡單燈箱~店內一面鏡子都貼滿經常在$10店見到想買卻派不上用場的公仔玻璃膠貼~很有家的味道~身穿格格圍裙人靚聲甜的老闆娘(就是鎮店的媽咪!?)熱情好客~看得出她本來就是熱愛烘焙烹飪的好媽媽(希望沒有估計錯誤吧..haha)其實起初都沒有特別的意思要拉隊前來~只因友人在半句鐘前~當人人在川王聽候發落之際帶來一底原味的雞蛋仔~小比早就奄尖得只吃北角的出品~皆因市面的出品實在來得太濫~都不知何人何時捧起了雞蛋仔$10一底是底價的定律~~有時花十數元都吃到又淋又濕的雞蛋仔~後悔至極~但眼前的雞蛋仔沒有一貫的彎起來對摺而是微微的弧起來~八人分30粒雞蛋仔~配給不多~但吃起來卻驚為天人~只因多年沒有吃過如此

食完時新行去黃埔發現一間好似好新嘅雞蛋仔檔 原味雞蛋仔 -正! 香脆, 蛋味夠, 又唔會過甜 即叫即整 比得上灣仔個間~老闆娘好nice 可惜對我黎講唔就脚

去火車站時見有一間新的雞蛋仔店開左, 鋪面甚細, 但裝修都算精緻, 大概有4-5個整餅機係open kitchen內, 一目了然睇下個價錢牌, 只係得6樣野食, 原味雞蛋仔($10), 朱古力雞蛋仔($12), 黑白芝麻雞蛋仔($12),格仔餅($10), 串凍檸檬茶($10), 串凍青檸汁($10), 其實食品如果整得出色, 都唔駛有咁多選擇, 澳洲牛奶公司就係一個好例子全部雞蛋仔即叫即整, 我穩陣d都係試下最基本的原味雞蛋仔, 見主理人少少雞手鴨腳, 仲未係熟手技工, 等左6,7分鐘, 雞蛋仔整好後立即放在吹風機吹一吹, 令其降溫和變脆, 一拿上手, 份量十足, 而且發覺重量比平時買來食的重, 但我唔肯定係之前食友所講落多左蛋定係落多麵粉, 但肯定係材料落得重手左, 雞蛋同奶牛油味都尚算平均, 唔會太甜另試了佢地的自製串凍檸檬茶, 唔同平時茶餐廳有幾片檸檬果d, 係已經沖好一壺係雪櫃再加冰, 雖帶檸檬酸味但因為有落蜜糖而太過甜, 而且欠缺茶味, 有好多檸檬肉就係鮮榨的證據, 而串凍青檸汁其實好似普通的泰國餐廳的青檸汁(lime juice)般, 但就唔夠酸, 兩者均可改善一下會更佳

同個朋友時新完經過依度聽到個老闆娘嗌我地入去試食@@ 咁著數為食既我地緊係唔執書!!!!!入到去佢地好frdly,請左我地食原味雞蛋仔~ 又幾好味喎@@同埋jum左杯串凍檸檬茶比我地 正呀! 好fresh呀見間野咁新咁就知佢地係新開啦~有改進既地方我好樂於比意見咁 佢地話好欣賞haha一路等一路同佢地吹下水咁幾好^^仲有位坐tim 原味雞蛋仔: 脆 老闆娘話比平時出面賣既雞蛋仔落多左蛋 所以重蛋味d 不過可以更重蛋味 粒粒朱古力雞蛋仔: 同其他鋪頭唔同 唔係成舊朱力色但無物朱古力味佢真係落左粒粒朱古力落去 初頭食唔係太甜 老闆娘話"落左兩隻朱古力落去 一隻苦d一隻甜d 食食下就會甜~~~" 食食下 ,又真係甜左喎@@ 哈哈中意朱古力既人真係唔可以錯過呀!!!如果個雞蛋仔係朱古力色就會靚d啦~~~~ 串凍檸檬茶: 佢地自己搾架 飲到最尾最正 仲有ja呀~~ 有口感!!!!! 依排出街,d人服務態度都好差-_-但係依間d人好好呀=D我同個FRD食完佢地D野開心晒HAHA下次要去食芝麻味個隻

某日行經黃埔街2號A地下,見到有間"媽咪雞蛋仔"新開張,見有好多人買黎食,我地見有新野,就買黎試下啦,一試之後,覺得味道又好好食喎! 老闆娘好好人呀,同我地講今日係新開張,買一底雞蛋仔就送細杯"串涷檸檬茶"或"串凍檸檬汁"試飲! 而雞蛋仔就有原味,朱古力味同芝麻味3款口味選擇! 我地就一人揀左一款試下啦! 原味雞蛋仔 ~ 好香脆可口 粒粒朱古力雞蛋仔 ~ 好特別,入面仲有未溶晒o既粒粒朱古力,入口即溶,鍾意食朱古力o既朋友一定會鍾意 黑白芝麻雞蛋仔 ~ 芝麻真係好香口,味道好新鮮,係出面好少食到呢種味道另外推介o既有夾餅(格仔餅),餡料有牛奶、花生醬、牛油同埋沙糖,味道啱啱好另外店內仲有"串涷檸檬茶"同"串涷檸檬汁"賣!檸檬茶係老闆娘每日自己新鮮榨的,味道唔同出面茶餐廳飲開o既咁普通! 我問老闆娘點解叫做"串涷檸檬茶"? 佢話係用青檸同檸檬兩樣加埋一齊就叫做串涷檸檬茶喎! 老闆娘仲話要多D冰先好飲架,因為飲到尾,等D冰同茶溶埋一齊就最好飲啦!!新開張頭一個星期,買一底雞蛋仔,就送細杯"串涷檸檬茶"或"串凍檸檬汁"試飲!大家千祈唔好錯過啦~~ 行開呢頭不妨一試, 我相信大家食過一定會返

今曰去完時新,行過啲,見到呢間媽咪雞蛋仔,入去試吓先,要咗個粒粒朱古力味,老闆話新張期內有100%自製串凍檸茶送,飮完有好fresh嘅感覺,老闆話佢哋每日鮮搾雙檸,掂! 都等咗5分鐘,先有雞蛋仔食,原來佢哋喺即叫即整,好有heart,抵讃!估晤到真係有朱古力粒喎,重食到雞蛋仔味,我以前未食過,即刻愛上咗!我男友要咗個原味,我試咗一粒,佢晤同北角嗰隻,好有我細個食嗰種屋村feel,好有蛋味,下次睇林狗,再嚟!