媽咪雞蛋仔 (已搬遷) 新店位置

之前行去火車站GE時候成日都見到好多人係到等雞蛋仔今日見佢冇咩人等就去試左一試等都等左一陣....不過門面GE人都好有笑容!!禮貌好好唔錯唔錯~~今次就試左一個原味都幾好.....唔會太下次會再去!!

去附近做完野，經過買左一底雞蛋仔一底格仔餅可能放工時間，好多人等緊等左大約10分鐘，2樣野都齊但個雞蛋仔佢一俾我就拎黎食無可能咁快焗稔但一食落口...我只係覺得好稔可能太多人等緊...佢未等得切吹一陣先俾我啦但我真係未食過咁唔好食GE雞蛋仔雖然好有蛋香，但一底雞蛋仔唔脆已經好失敗希望佢地多D生意之餘，都要兼顧番個質素今次我只可以俾喊面喇

同男朋友再覓食,,去到門口已聞到好香雞蛋仔味叫左一個格仔餅($10) 同一個朱古力雞蛋仔($12)老闆會認真寫低客人既order, 再跟次序俾個號碼磁石你格仔餅先整好,,男友拎喺手上大呼 "好熱" =P不過食落不是我喜歡那種,,這個像蒸蛋糕我較喜歡北角勁辣派那種好脆好甜的,,他的醬較媽咪濃很多!朱古力雞蛋仔就脆很多,,很正;PP朱古力味剛好,,不然就太膩了,,個人認為雞蛋仔較值得試=PP

友人話想食雞蛋仔做 dessert，黎到這裡見門外已有小人龍。原來是日本人在排隊等雞蛋仔呢，係咁 pancakes pancakes 咁....有緣食到朱古力味道，比想中少左 d 朱古力味，雖然每一粒都有朱古力醬但味道無之前的食友講得厲害。雞蛋仔依舊的外脆內軟，充滿蛋香。$12 一底，a bit pricey though....

食完飯我地特登去左搵呢間野，因為平時唔係成日過黎嘛，有機會梗係想試下啦。不過唔知點解我地搵左勁耐，到回頭時才發現原來遠在天邊，近得眼前。去到的時候也不少人在買呢! 想了一會我們要了粒粒朱古力雞蛋仔，等了大概 8 分鐘就來到了! 店裏還有個小妹妹在幫手，很可愛呢!老闆娘好nice呀，佢整緊既時候都keep住同我地出面等緊既人笑，好食既話，等耐d都抵啦。終於等到啦，吃下去真的不錯，熱辣辣，而且好脆，都幾多朱古力餡，但又無流心咁誇張! 不過我下次揀我覺得原味應該會更加好，因為而家d朱古力味頗濃，有少少掩蓋左雞蛋仔本身既味道! 變左唔係好食到蛋香。如果喜歡朱古力和甜的，一定要試試呢。份量頗多，我們食到一半已經非常飽了，哈哈，我們把它收起來留待入到演唱會再食，過了大概15 分鐘，我們再吃的時候已經變得非常淋身呢! 下次還是要即買即吃光的好!

對於雞蛋仔原來並不特別鍾愛，反而一直都愛著它的老友格仔餅，愛它那砂糖與煉奶交融而成濃濃的甜；愛它的香甜氣只要一撲鼻，就讓我憶起孩童時代，那即使夜已黑，卻依舊因整街滿滿的車仔檔而燈火通明的女人街。明明吃過了飯，又陪吃了一頓時新，頂著肚子卻還是要來媽咪買一底雞蛋仔…沒喊面實在是令人期待嘛，不能怪我。走進店裡，看見老闆娘跟學生哥客人在聊天，所以先在旁邊稍等。小店經營就是會讓客人有像跟老闆交了個朋友的感覺，真好。要了一底朱古力雞蛋仔，可愛的小妹妹幫忙收錢，姊姊很受落這套親情牌，真的。不消一會，看老闆娘把剛做好的一底雞蛋仔放在吹風機前，還邊向我和友人解釋這種做法可使雞蛋仔變得更脆口，而內裡的朱古力餡則會像心太軟一樣有流心的感覺。從老闆娘手中接過雞蛋仔，哇了一聲，上手很重，好大的一底。吃一口，果然很脆。雖然不是每一顆都有滿滿的朱古力餡，但的確足料，還跟友人玩起誰吃的那顆餡料比較多的遊戲來朱古力餡當然不到流心程度那麼誇張，但味道實在，不會吃不到朱古力的甜，朱古力也搶不去它的蛋香。新鮮出爐的蛋撻沒有不能吃的回事，但放久了放涼了味道一定會變質，雞蛋仔也是屬於需要馬上吃掉的種類。因為太飽的關係，只吃了一半

想左好耐應該打什麼作為標題.....食左媽咪雞蛋仔第6次啦....都未寫過食評, 咁又點得呢!!!!第一次經過媽咪雞蛋仔既時候已經食飽左, 不過見到個店名咁得意就望一望, "媽咪"即刻走出黎叫我買黎試下, 但係當時太飽lu...冇試到..上個月有幾個星期假期就走去試下啦..因為見到d食評話好似"心太軟", 自己又鍾意食零食, 同埋我行去只係要15mins到..第一次去到都有1,2個人等(平日中午),叫左一客朱古力雞蛋仔, "媽咪", 仲有"daddy"都好熱情話要等幾分鐘, 冇所謂, 雞蛋仔係新鮮熱辣辣先好味ga ma....等左一陣好快有得食..... "媽咪",用吹風機吹個時已經聞到 好香既朱古力味, 一食,(只係咬一半, 因為想見識下心太軟) 嘩,好正ar,真係!!!!!!香濃朱古力味!!!見到個餡中間有d溶溶地既朱古力醬, 好開心....感覺好滿足..平時食雞蛋仔係一粒粒放入口,但去呢度食係會咬一半,品嘗一下,滿足左視覺, 先捨得食埋另一半, 穴係禁不住同左"媽咪"講一句"好好味ar!!加油ar!!"....之後先知嚇壞左"媽咪,daddy"食左第一次就麻煩啦....因為...

雖然約左fd, 但係一場黎到紅磡, 冇理由唔買底雞蛋仔.一落車就標左去買, 好彩冇人排隊見到有個靚仔o係度食緊夾餅, 好似好正! 因為佢既夾餅爐仲係鐵o個隻, 唔係膠, 而且見到塊夾餅好鬼厚, 正呀!!但我都係冇買夾餅, 因為夾餅太飽了, 都係買返雞蛋仔當小食.上次試左芝麻味, 今次梗係試朱古力味! 有咸既始終好食d見唔到佢點整, 但都估到啦, 隔離有盒朱古力粉.同場仲見到媽咪既家姐定細妹, 幾似樣, 媽咪教佢倒蛋漿, 一睇就真係高下立見!等左3-5min. 走o個陣媽咪整緊另一底雞蛋隻都仲擰過黎向住我笑正! 渣上手好硬, 一定好脆, 不過我要入超市買野, 所以一手拎住唔係好方便放左入左袋度, 但過左幾個字拎返出黎就林林地了. 都依然好味, 只係唔脆.咬落好鬆軟, 食落係雞蛋仔既蛋香味. 跟住先會慢慢湛出好香濃既吉利朱古力味方間既朱古力雞蛋仔不嬲係冇朱古力同蛋味, 而且唔甜仲有點苦但用佢哩個方法整, 兩種味都食到, 有層次感.依家決定左逢親去紅磡就一定要買雞蛋仔!!

今日本來諗住去時新食包既, 不過竟然無開WOR....... 記得附近好似話有間好食既雞蛋仔, 所以就去試下, 我叫左個原味, 初頭食都OK既, 不過愈食愈唔點, 愈黎愈林 食雞蛋仔都係利強記北角雞蛋仔好D, 勁脆AR~~~ 媽咪雞蛋仔就無佢咁脆&好快就林哂, 我食食下都無食, 我諗下次唔會再去食LOR....... 不過其實佢比一般係街到食既雞蛋仔係好D既........

琴晚我同朋友買2份夾餅,1份原味,1份朱古力味返學校食.我地話我地要去買野飲, 所以一陣返, 返到黎岩岩好老闆娘好好人, 好好笑容.朱古力雞蛋仔真係好有heart,係入面有朱古力,但係朋友話有d過甜, 我覺得岩岩好!總之一定比加朱古力份既雞蛋仔好同抵!但最衰因為我地買返學校食,所以焗淋左少少!原味就略嫌普通左d無乜特別.我果份係夾餅, 話多奶真係超多奶,同埋即刻整所以熱辣辣,正!美中不足係個紙袋痴住左夾餅, 食起來有d"呢hea"成功進入good list!!

wa, 以為自己已經好快手, 點知已經有咁多好友在此表揚媽咪雞蛋仔上次食咗新鮮, 熱辣, 香脆雞蛋仔, 已經好滿足!今次試埋佢厚厚ge 格仔餅, 鬆軟ge 餅底配合香濃花生醬, 幼滑煉奶, so great!!! 貨品以外的bonus老闆娘好cheerful, 又有禮貌, 雖然要等好耐, , 但完全好順氣! 真係值得支持

也是因為這裡的巧克力雞蛋仔，驅使我來試。我們買時是下午四時多，前面有五、六個人排隊，等了差不多二十分鐘。不過味道真的十分好﹗先是雞蛋仔脆脆的，而包裹著粒粒的巧克力，真的很有心思。希望她可以開分店在尖咀啦，想吃的時候都方便多了。

本身佢岩岩開果時覺得佢好普通 冇諗過食..但見咁多好評,就試下..睇到話朱古力咁正就試左一底果日都有3-4個人等..等既其間見到它老闆娘整緊一底比之前既客係吹風機果時跌左一粒,咁佢就問個客介唔介意個客話唔緊要..我都以為佢會就咁算啦,因為佢問下個客已經好好點知佢比個雞蛋仔個客果時竟然塞返1蚊比個客仲講唔好意思咁既服務希望遲下紅左唔好變哂..講返個雞蛋仔,真係好味!"佢朱古力味好濃,一定會食到朱古力味..唔似出而撈啲色就話係朱古力..依到真係見到一粒粒溶左既朱古力而且幾脆,又多'肉'下次都會再食同埋試下芝麻味

今日又係放左學諗住試下!!!叫左個12蚊朱古力雞蛋仔, 又真係幾好食,因此個皮好脆,而且佢唔同出面果d朱古力雞蛋仔人地係成塊都啡色,加可可粉,但呢度就係一粒粒, 真係ok!如果多d朱古力就好lu^^佢老闆同老闆娘都好nice!!我地等緊期間又可以睇下新一期雜誌!!gd^^

去完時新朝聖之後~突登留番個肚過黎試下佢D 雞蛋仔一去到,都3,4個人等緊~全間店都係得3樣野賣~雞蛋仔,格餅同自家制飲品.咁當然試下佢既朱古力味雞蛋仔啦等左大約5,6分鐘到有得食.佢個雞蛋仔係用原味整之後加番D朱古力碎既物體係裡面~夠熱夠脆夠味~可以話係一百分呀!如果要講個缺點既~一定係佢比較貴~因為紅磡區D野仔唔係行高檔但佢都賣$12,不過咁講~佢真係比到$12既質素比你一定要去試下