媽咪雞蛋仔 (已搬遷) 新店位置

那天剛去完,馬埸影相,決定去紅磡時新覓食,於是向時新出發,路經媽咪雞蛋仔,大家都決定要試一試,3個人要左兩個雞蛋仔,一個原味一個朱古力味~~~~~果日可能係因為東亞運閉幕的關係好多人買喔我地等左6-10分鐘左右就有得食,先整好送來的係原味,我地3個人一粒粒拿來食,佢真係整到超級脆,咬落去卜卜聲的小小甜好味,係我吃過最好食的雞蛋仔,至於朱古力味果個一樣係咁脆,朱古力味又唔太重Yummy~~~~~~

住響附近, 自從介紹過好味之後, 日日成千上萬人都不怕天寒地凍咁等. 今日係星期日, 又再試下先 ~今次要等30分鐘! 認真誇張 ~ 好啦, 番屋企等一陣先再落黎啦. 一收到, 食一啖, 噢, 好失望, 朱古力小左好多, 又唔係粒粒有.........好失望 ~ 比未出名前差左好多呢 !希望你地比心機做啦! 唔好因為人多而保持唔到水準呀 .... 今次我仲食剩唔想食而掉左去 tim ~

之前見blog友介紹,dec 05, 09, 要求友人帶我嚟買咗 : 1) 自家製檸檬汁 (hk$10)-遞上時話如果唔夠甜,可以講佢聽-有自然酸度,甜度都恰好,唔洗咁甜-應該有用上了青檸因飲到有陣青檸香-真的不俗 2) 粒粒朱古力味雞蛋仔 (hk$12)-因為雖然有2個人,都食唔落2底,所以掙扎下都喺叫粒粒朱古力因出面無呢款朱古力做法-都幾大底咁-望上已見到明顯朱古力痕跡-外脆,但脆中帶煙韌,並非脆得乾淨俐落,個人就唔多like雞蛋仔有煙韌嘅質感-不過朱古力味好濃郁,呢點好稱職-因為好強嘅朱古力味,所以就算有蛋味都肯定蓋過了-下次要試原味同格仔餅因有1紅磡之友話佢個格仔餅好厚的* 好彩嗰日唔洗勁排,6分鐘左右就得喇............落咗order,比完$$$$.........店員會比個籌你

這間在紅磡區的小店, 門外掛著年宵的塑膠雞蛋仔, 好易認.menu好簡單, 但要每樣最得好, 也不是人人能做到. 在舊區價錢也較相宜.爐灶- 不是炭爐. 今時今日, 要申請一個室內炭爐的牌照, 投資將會是天文數字. 小店如何能負擔. 相信幾年後炭燒雞蛋仔將會絕跡. 雖說是電爐, 店主的巧手, 精確的時間掌握, 味道, 口感也是數一數二的.吉蒂貓紙盒有咩用呢?想要雞蛋仔外脆內軟, 風箱這一環節不可少. 風箱不美, 以吉蒂貓佈置, 可見店主的心思.粒粒朱古力坊間一般將朱古力漿與蛋漿混和, 但粒粒朱古力雞蛋仔, 就係用加入朱古力小粒入內, 造到心太軟的效果. 正! 一定要襯熱食!蛋味算是幾好, 始終不及小時候吃的, 以前也提過, 這是材料問題, 大量生產的後果. 所以在這兒食到的已經是很好的.口感外脆內軟, 個人不喜歡那些一味得個脆字的雞蛋仔. 這個蛋心, 好像食緊小型蒸蛋糕咁.如果想食蛋味濃一點的, 原味會啱你. 如果喜歡朱古力的, 不能錯過粒粒朱古力.夾餅也是美味, 但一個人食, 可能會膩一點.我在等夾餅的時候, 見佢調較雞蛋仔的蛋漿, 和店主訴說現在的雞蛋質素不及從前, 他也同意, 他

其實計埋今次已經第三次幫襯媽咪..人客因為覺得好食先會返轉頭唻買,係咪先?所以今日咁岩係附近放工就咁岩經過過唻嘞=]今次要左粒粒朱古力~外面脆卜卜,好好味~有蛋香~有朱古力味~不過唔嗜甜既人可能會嫌佢偏甜...另外有小插角一樁~一開始就指名要粒粒朱古力雞蛋仔,收錢個小妹妹好俐落咁收錢,叫人多我梗係問下要等幾耐啦, 小妹妹好快答我:"要4-5分鐘"心諗: 4-5分鐘咁都好快姐~..所以就係出面等啦~嘩~..越等越唔對路, 佢地係一輪一輪咁整唔同既味,所以後唻既人可以先上岸..我見到有人差唔多唔洗等就有得食..而我....等左我4個字先到我,小妹妹..如果唔係4-5分鐘就唔好講啦,你講得出唻就比返D責任好冇??所以我最後都有同個小妹妹講:"下次如果唔係4-5分鐘可唔可以唔好呃我??"雖然佢應左我好呀..但係真係希望媽咪雞蛋仔會留意下啦!!真係有比個心聽D客既諗法啦= =!!

19/OCT妹子食完漢堡包後，先往附近轉個圈視察環境，然後再去媽咪買雞蛋仔食，因為知道媽咪就在附近不遠處…但當妹子後來找媽咪雞蛋仔時，竟行來行去都找不到~後尾才發現麵包店打橫行過去就是了~妹子行了很多冤枉路呀~店子雖然幾偏處，但外面掛著大大個雞蛋仔模型，一看便知買雞蛋仔喇！門外站了數個客人，很不熱鬧~妹子雖極少吃朱古力，但這裡的朱古力雞蛋仔又名心太軟，一場來到點都要試試~就要個朱古力雞蛋仔，眼鏡小姐收了妹子的錢後就派了飛仔給妹子等候~做雞蛋仔的位置由一個高大的男店員負責，而後邊格仔餅則由一位阿太站崗，加上眼鏡小姐，很有家庭的溫馨感覺~大部份客人叫的都是雞蛋仔，足以見到雞蛋仔是領先一籌，眼見一個印藉女士拿著格仔餅，嘩~很大很厚，同別的店子相比真的差很遠呢！等了2個之後，就到妹子的朱古力，所有的雞蛋仔都會用一個墊著膠板的紙袋盛著，然後再吹涼，保證不會在過熱的情況下焗得變淋~紙袋上亦有洞孔散熱！急不及待搣來吃，um…內裡夾有半溶的朱古力粒粒，而不是單單用朱古力粉開成的朱古力漿，特別之處在於此，因此妹子覺得味道偏甜，而雞蛋仔外脆內軟，真的十分不錯！不過一定要襯熱吃，凍了便會變淋，吃了半個已覺飽

呢度既巧克力味的雞蛋仔好特別, 係唔同出面架, 出面個d只係用溝左巧克力粉既蛋漿做雞蛋仔, 而呢度係加左煮食用巧克力, 所以每一粒蛋餡都有巧克力, 好味!!!(但甜左dd la)雖然要等4分鐘 (即叫即做), 但係絕對worth!!!用風筒吹過真係特別脆, 同埋要趁熱食, 如果唔係會稔曬變左蛋糕仔老闆娘-->媽咪? 好親切, 好好笑容, 問我地要唔要凍檸茶飲下, 我地話唔駛, 佢話下次lo ~ hahahaha~

凍凍地, 又口痕, 買左一底原味格仔餅....首先, 特別要求多糖; 換來女落單員一句"我地D醬已經溝好哂...", 咁又點, 只係叫你多糖....跟住, 個女落單員係完全不理次序咁叫喊order, 令遲來者竟然先我得到.....連最基本系統都無, 莫講話食物質數.....的確, 良久等來是一底失敗格仔餅; 唔脆, 無蛋味, 唔夠糖....總結, 女落單員係無能; 手腳慢, 頭腦仲慢; 格仔餅唔好味, 連兒時一成味道都不及.....

住喺紅磡嘅我，每晚番屋企都見呢間鋪仔有人等食，尋晚見唔係咁多人，買底朱古力試下，大大淡咬落去，有濃厚朱古力味，之但係冇蛋味、外面嗰層皮都幾硬，裡面層心又唔夠軟....唔知係唔係我嗰底咁啱整得咁差呢....基本上，北角雞蛋仔雖則質素唔多穩定，但平均嚟講都會比你有想下次再食嘅衝動; 呢間就真係痳痳地.

於紅磡下班回家要乘火車回家，故此店成每天必經之路。試了此店之夾餅及朱古力雞蛋仔，值得推介：1. 夾餅 (HKD 10.00)：- 要等成15分鐘！因唔趕時間故冇所謂。夾餅由個邊到個心全部都有餡料，好正！個餅皮都好香同脆。2. 朱古力雞蛋仔 (HKD 12.00)- 又係要等成10分鐘！不過見到員工係好用心機去做好每一件成品；佢地會不時會睇下D成品得唔得先出貨俾人，唔係好似出便個求其是但。朱古力就唔係太多的，不過都OK! 唔甜就最好，岩岩溶的古力很好吃。改善之處：1. 買多幾個爐，可以快D！趕時間就唔好啦。2.我唔係好明D人明明手上有張飛，都仲要以一字形成排係門口！奇怪奇怪。店主應該係個LED 顯示屏度宣佈個號碼，善用資源！

我係一個雞蛋仔超級FANS...細個經常幫襯開嘅雞蛋仔叔叔SARS後無做, 已經好多年無試GUM有水準嘅雞蛋仔!!佢地嘅雞蛋仔有蛋味, 有奶味, 總之超好味雞蛋仔!!如果你係另一個雞蛋仔超級FANS, 一定要試!!PS.老闆娘有禮的態度PLUS笑容加分

Went to the Hung Hom library so decided to stop by the highly-recommended 雞蛋仔 place. I must say I'm very impressed by how polite the staff is. I actually only waited for 5 minutes, but the lady was apologizing for the long wait and was giving me the 雞蛋仔 using both hands! I tried the sesame one and it was good. Although the sesame flavor wasn't as strong as I had expected, the crispiness and softness was perfect. I think they make better 雞蛋仔 than the North Point one.Go try when you're in the

括著強烈的季候風,天氣有點寒的日子下.午後因事路經紅磡,為食的鐘聲又再一次在腦中響起!由於早上吃得不少,不是太想在午後的時段又大吃一餐.又諗起"紅磡必食秘店"系列中的媽咪雞蛋仔.街頭小食,份量正好給我止止口痕!!先在紅磡辦正經事,從馬來街那邊走回黃埔街朝聖!其實不太清楚目標店的位置,在黃埔街盡頭的那個迴旋處四處搜索不果沿時新的方向行,亦都什麼也看不見.驀然回首,迷途的為食小子在天橋低發現了"媽咪"了.於下午二時許三時的時候,店外都不乏等候的客人.人氣店不愧為人氣店.要吃什麼,早就心裡有數,不由分說上前落單.還來不及開口,老闆娘以誠懇有禮的態度,笑容滿面地問我:"你好,要d咩呀~?"實在不禁打了個突,沒想到買雞蛋仔這類十元八塊交易的街頭小吃也會受到如此有禮的待遇!從來雞蛋仔給與我的聯想,不是木口木面的招呼,一臉幾塊錢的生意不願做的口臉,就是拿預先製作了,擱了半小時以上的display貨色交貨.但,今次的卻真的由頭到尾給我很大驚喜!因為以往食所謂"朱古力"味的雞蛋仔時,每每只有色水是朱古力,而雞蛋仔本身既不夠蛋香,亦欠奉朱古力味.弄得兩頭不到岸.所以今次十分期待地點了傳說中的粒粒朱古力雞蛋

10月17日（星期六）傍晚，我吃完漢堡包，當然要順道來這裡食雞蛋仔啦！因為女友未吃過，問我哪一種好食，我說我試過原味和朱古力，所以女友就決定試試黑白芝麻雞蛋仔。上次我來的時候是穿著了球衣，這天亦是，所以老闆和老闆娘（？）一眼就認得我，不過老闆忙著趕製雞蛋仔，無閒與我交談。我來買雞蛋仔時人客頗多，所以也要等上約十分鐘，而且我最欣賞這裡的—絲不茍，不會因為人客多而忽略工序。等了一會，我的雞蛋仔終於到我手上了，不過老闆娘說有點硬，但我說不介意。當我把雞蛋仔拿到女友跟前，我們也急不及待拿來吃，外層果然夠香脆，每粒雞蛋仔都是實心的而且滿佈黑白芝麻粒，口感軟綿，既有蛋味亦有芝麻香味，皆因黑白芝麻也下得不少。我們拿著雞蛋仔向黃埔方向行，未到黃埔已經吃完！我一直堅持相信，祇要用心去做，很簡單的食物都可以很美味，這裡絕對是其中一份子！P.S.：老闆娘說，如果以後我去幫襯，祇要我是穿球衣，她一定會認得我！

見開飯介紹隱蔽食店話媽咪D雞蛋仔好食，又點可以不試呢我叫的是黑白芝麻雞蛋仔$12，價錢合理，即叫即做，包保新鮮香脆黑白芝麻好香，芝麻份量不少，而且芝麻有先炒香再做雞蛋仔，熱辣即食"正"但脆還脆外間有好多雞蛋仔都會放入脆粉，因為可以增添雞蛋仔的脆口感覺，不過我覺得媽咪雞蛋仔應該沒有放到脆粉，原因是當雞蛋仔不再熱的時候就不再脆卜卜了，其實多數一買就會即食，所以未凍都已經食清光還有的是媽咪雞蛋仔大部份都非常充實，即內裡都有漲卜卜蛋漿，完全不是空心的我還試了媽咪的双檸茶$10 不太甜，有鮮檸及青檸的味道，茶味又夠好飲