姚姚酸菜魚 (港威商場)

营业中

休息中

#姚姚酸菜魚 (尖沙咀).估唔到都已經8點幾9點，門口依然人龍不斷。好彩有預約咋。大家記得book位。.食物激重口味，會係偏鹹偏酸偏油為主😆，成間舖都瀰漫着川菜氣味。聞到都好想食。.滕椒無骨鳳爪$68涼伴嚟帶濃濃滕椒味，好鍾意咬落爽脆嘅口感，酸味十足，好開胃。大盆花菜$98加左豬五花肉去炒，好香口，好微辣，椰菜花保持爽口，除咗比較油膩外，味道是一流。姚姚酸菜魚拼水煮牛肉$308(2人份)睇招牌都知主角係酸菜魚，酸菜寫明來瀝，想比信心願客🤣。最特別係可以拼其他野食，揀左酸菜魚拼水煮牛肉。我哋揀左加辣，但一啲都唔辣，只係微辣，怕辣人士就無有怕，嗜辣人士就未必滿足到。.份量係好多，感覺上2個人入嚟唔需要叫額外嘅菜已經夠飽。所以好抵食。酸菜魚偏酸😍鍾意食酸嘅我就會心心眼，魚肉好多，滑身無骨！酸菜比起其他餐廳係真係有比較爽口。水煮牛肉係滑牛肉，辣係香辣，香味俱全但都係唔會辣，聽講正宗川菜就係香而不辣。.姚姚脆奶$58外層有層厚脆餅內係滑滑奶凍，當甜品食都好唔錯。

係幾年前沉迷返大陸嘅年代，我幾迷依間酸菜魚，依家係香港開咗當然要去try try。大大盆姚姚酸菜魚份量足夠兩人食，湯底重蒜味好有特色，可以request少油依點幾貼心！魚片厚度適中，嫩滑無刺。不過食到後期有少少腥。配料額外加咗金菇同粉絲，入晒味食落好爽，如果有薯粉類就更正啦，對比起粉絲會有咬口啲。大盆花菜椰菜花炒後都keep到口感，帶孜然味好香口。甜品有冰粉但我就大推姚姚脆奶，外面似薄多士超香脆，再包覆住香滑牛奶餡，邪惡但我鍾意！水果烏龍茶唔會太甜又fresh～

早幾日去食海港城排哂長龍既呢間姚姚酸菜魚一探佢既虛實裝修方面很吸睛偏向Tiffany blue的藍色坐落不會很擠迫落單是用手機很方便就連送餐時都有送餐機械人開餐先～第一個要點的菜, 當然是酸菜魚基本上每枱客人, 都有一大碗魚由於是2個人食的關係, 怕只吃魚不夠滿足就轉成雙拼-拼了個水煮牛肉雙拼黎講, 份量好多, 食極都仲唔哂咁🫣人多的話建議多加幾個配料有金針菇, 萵荀, 豆腐, 米絲等, 選擇很多吸哂啲湯好入面, 應該好正留意返個碗下面有蠟燭, 食得慢都唔慢變凍然後就直接跳過去到甜品哈哈哈, 女孩子還是比較喜歡甜品啦點了個紅糖糯糍粑跟彩虹烏龍冰粉紅糖糯糍粑比平時在其他地方吃的大個咬下去非常煙靭雖然是紅糖但甜度很適中彩虹烏龍冰粉顏值滿分💯7樣食材味道配合剛好食完濃味野必須要吃埋佢清清口2杯飲料都很足料多多桃膠椰奶滿滿幾cm的桃膠👍🏻好足料鮮奶紅茶凍有茶凍的關係, 間中幾啖又黎濃濃茶香如果唔洗排隊時入黎食甜品都是不錯的地方~講完又想食🤤#姚姚酸菜魚 #yaoyaohongkong #酸菜魚 #sauerkrautfish #紅糖糍粑 #海港城美食 #foodiehk #hkfoodie

「人氣」酸菜魚，一直都想試試今次終於食到酸菜魚拼避風塘大蝦🍤：酸菜魚可以選擇辣，酸，麻，油，鹽的份量，非常適合想重口味的人，魚片吃下去非常嫩滑無腥味，選擇了少油鹽看出沒有一般餐廳那般全是油，而湯底卻鮮甜無比，配上白飯/炒飯令人欲罷不能避風塘大蝦色澤金黃、酥脆乾身，配上剛炸好的薯條也是送飯絕配臘味炒飯🍚酸菜魚配上飯是絕配，而我點了臘味炒飯，份量多，臘味香味撲鼻而來，配上酸菜魚的湯汁，口水直流🤤🤤四川回鍋肉🧆：回鍋肉上餐枱的一刻我傻眼了，這是什麼鬼份量！！！這太多了吧！口感不錯爽口彈牙，只是份量實在太多，還有一半剩下來實在吃不下了紅糖糍粑：紅糖糍粑和姚姚脆奶中想了很久，最後選擇了糍粑，果然沒讓我失望，糍粑外酥裡嫩，吃下去軟糯煙韌，配上紅糖簡直畫龍點睛

味道係不俗，份量兩個人都好足，仲食到好飽，酸菜魚湯底味道啱啱好，好好餸飯，蕃茄湯底好濃。但食到有魚鱗口感就差啲，係正常都有魚鱗，但可以做得更好。另外，我覺得最反感係，講明用餐時間係90分鐘，我地食唔夠1個鐘，見到仲有幾舊魚肉，就黎幫我地收野走，擺到明想暗示我哋快啲走，雖然個陣門口客係有啲多，但我竟然比咗錢係黎享受，但偶着甘嘅行為，無解……

係時候要清清海港城coupon🤪毫不猶豫即刻選左呢間主打酸菜魚既姚姚酸菜魚岩哂夏天無咩食慾 · 要食酸辣開開胃✨·餐廳面積都幾大 · 無侷促感😉而且係我好鍾意既蔚藍色為主調餐廳以QR code落單 · 一目了然夠哂簡潔💕♡ 姚姚酸菜魚（$278/2人份）脆摩芋絲（$38) ｜ 萵荀片（$35）超大盤既酸菜魚🐟好鍾意佢地魚湯鮮得黎帶濃濃既麻香🌶辣得黎有層次 · 但又唔會辣到唔舒服魚肉大大塊唔會一夾就散 · 肉質唔腥仲滑lulu🌬而芋絲吸哂汁🙈口感好正萵荀片唔會煮到過腍 · 仲帶爽脆感♡ 麻辣豬手（$98）最近好鍾意食豬手 · 補充骨骨原🧏🏻‍♀️朋友問我點解咁鍾意食番自己😮‍💨豬手外皮q彈 · 腍得黎又唔會無哂口感麻辣味好香 · 個醬配豬手好正 整體食完唔會好膩口👍🏻♡ 麻麻辣辣口水雞（$88）真係好鬼鍾意佢地麻辣🌶個麻香感好正🤪雞肉幾嫩滑 ·而份量係超多真係食雞都食飽🙈

*此餐廳收取加一服務費。2人份姚姚酸菜魚拼水煮牛肉（單點$308），酸菜魚魚肉肉質嫩滑，味道鮮甜；水煮牛肉肉質腍滑，食落好入味，內有大量芽菜。缽缽什錦（單點$88），包括有雞腎、鵝腸、無骨鳳爪、海帶、蓮藕，食落好惹味。寬薯粉條（跟餐$38），口感厚身、粗身，食落好煙韌。姚姚脆奶（單點$58），口感酥脆，鮮奶餡料食落有流心效果，甜度適中。多多桃膠鮮奶（單點$48），內有大量桃膠、紅豆、西米，椰奶味道香甜，係一款飲得嘅甜品。

🐟姚姚酸菜魚 @yaoyaohongkong這家的名字讓我鬧了個笑話，我一直跟我媽說過幾天去吃「桃桃」酸菜魚，直至到當天坐下她跟我說這是「姚姚」是女字邊...不是「桃桃」...我才驚醒過來，原來我一直叫錯，蠢死了😑😑🫕姚姚酸菜魚（二人份）超大一盤，每片魚肉都很厚身不會腥，整盆下來都沒有吃到骨頭，我另外再加配了萵荀等等，還有點了白飯，酸菜魚當然要點，湯飯很好吃的😂，然後底下會有🕯️讓整鍋吃到最後都保持溫度。🍖回鍋肉叫了小辣覺得還不錯，肉很爽口不柴，帶一點麻麻辣辣很下飯🍼姚姚脆奶外面炸得脆脆，咬開中間綿棉軟心，是帶微微奶香的甜點🧋新鮮水果烏龍茶叫了少甜，味道也不錯，如果怕菜品太辣的話，滿建議點一杯可以隨時解解辣💲約HKD250@人🏡尖沙咀港威商場二樓2307號舖

喺海港城成日經過都見到好多人排隊嘅酸菜魚，見到佢格局好新派同埋靚靚顏色，一直都想等有朋友仔食完俾個Feedback我。朋友仔佢就話係啱啱食完，仲好高分！今日我就即刻去試吓，得兩個人唔食得多嘢，叫咗一個二至三人份量酸菜魚，正常辣，正常酸，多麻，再加肥牛同埋寬粉。酸菜味道好好，有兩個魚頭，魚片好滑，個湯都好好飲。略嫌炸蒜令到湯有油（已經揀咗小油）肥牛真係好肥同埋好鞋，$58我寧願佢比高質啲份量少啲。寬粉係Perfect size，不過太淋如果煙靭啲仲好。炒十字花係好食，已經剔咗少油少鹽但係都係超多油。

喺海港城行街，同事推薦食姚姚酸菜魚，5點去到門口已經排緊隊，平日5點喎！到底係咪好食到咁？🪑環境餐廳唔算大，裝修新派，色調有少少Tiffany blue+大理石白的感覺。🐟姚姚酸菜魚拼水煮牛肉 $308🥗萵筍片（配菜）+$38必點之選，可以一次試到兩款招牌菜。🐮水煮牛肉嘅牛彈牙易咬，完全唔韌，而且好入味，麻辣香鮮，仲食得番牛肉本身嘅肉味，裏面仲有寬粉、芽菜等等，高質之作。🐠酸菜魚本身以為雙拼份量會少啲，但魚竟然係全條，同牛肉一樣食極都有，真係抵食。酸味重但唔嗆，齋飲湯的話會酸少少，配合魚肉就啱啱好。魚肉嫩滑但唔軟爛，而且唔會俾酸湯搶走咗魚味，的確好食。🐣缽缽什錦 $88即係雞雜+口水雞醬，雞腎薄切又爽口，無骨鳳爪爽脆，裏面嘅藕片都好食，如果可以大碟啲就好🤪🍡紅糖糯糍粑 $58煙煙韌韌，本身見咁多紅糖漿驚會好甜，好彩食落只係微甜。比較飽肚，唔好獨食🤣🌈彩虹烏龍冰粉 $48呢個超抵食，勁多材料，冰粉用烏龍茶製成，有淡淡茶香，紅豆香糯，葡萄乾甜韌，酒釀酸香，花生芝麻香脆，口感超豐富，最重要係唔會好甜，兩個人share啱啱好。🌟總括而言，食物質素高，唔怪得咁多人排隊，下次會再試埋其他菜色！📍

第一次食『姚姚酸菜魚』其實係幾年前既深圳試過，知道香港原來開左分店，所以專登過黎試下係咪一樣好食。全間餐廳入面所有既裝潢同餐具都係同一用tiffany blue 顏色為主調，非常搶眼，空間感亦強，仲有一部自動送菜機械人係場內遊走好搞笑。姚姚酸菜魚 $278嚟得『姚姚』一定係試呢款招牌菜，叫左個2人份量既細size，另外仲有個3-4人份量既$388，不過其實2人份量都真係已經好足料，入面真係有好多塊鱸魚魚片，同朋友食極都仲有，唔會好似其他地方咁比勁多酸菜魚片得果幾片，魚片肉質好夠嫩滑鮮甜，而且冇乜骨，魚肉好白冇腥味，酸菜份量都有好多，覺得個酸同個咸度都做得好適中但係就唔係好夠辣，應該譚仔既3少辣都冇，個湯唔算油仲可以飲下同埋撈飯食，自己另外追加左寛粉同金菇，掛晒個湯既味道好好食。椒麻皮蛋 $58椒麻皮蛋係用水晶皮蛋，蛋白係係半透明既水晶皮蛋賣相好吸引，食落仲好似比傳統既黑色皮蛋特別嫩滑，蛋黃就好似溏心蛋咁溶溶地半流心，點埋佢既椒麻真係好好食，同樣只係好少既辣度。

間唔中就想食啲酸辣嘢刺激吓味蕾，今次就同志同道合嘅朋友去食酸菜魚😍估唔到呢間餐廳平日晚巿都好多人等位餐廳嘅座位都算闊落，全間店以Tiffany Blue色調為主，感覺清新本來睇完Menu好多食物好吸引好想試，但見到隔離枱既酸菜魚/水煮牛好大鍋，嚇到即刻唔敢嗌其他嘢食，驚兩個女仔食唔晒🤣呢度最好有鴛鴦鍋，一次過可以滿足晒兩個慾望，我哋叫左酸菜魚併水煮牛配菜選擇萵筍片同埋炸油炸鬼姚姚酸菜魚拼水煮牛肉 $308酸菜魚嘅肉質香滑，入口即溶嘅感覺😍，而酸菜湯既味道是酸偏多一點，不算太鹹，亦不會太辣，而水煮牛肉就會比較辣，同埋見到湯底都會較酸菜魚油膩一點我鍾意食質地比較軟腍嘅魚，酸酸辣辣食得好過癮，萵筍片同埋薯粉在上枱前已經放咗喺水煮牛肉果一邊，所以食嘅時候已經非常入味～正😍香港頭條（油炸鬼）$38比想像之中巨大，都有成4件，查得非常之趣同埋香口，沾上水煮牛肉湯汁，麻麻哋好過癮，但係因為偏油膩，所以唔可以食太多件🥹食酸辣野梗係唔少得要叫杯凍嘢飲降下溫，茉莉香橙🍊入口清新，清香嘅茉莉茶味嘅少少酸嘅香橙味道，甜度適中，中和返食辣嘢嘅油膩感

今日特登晏啲先去食lunch, 因為為想避開人潮，可以去姚姚酸菜魚到唔洗排隊食lunch~酸菜魚我地揀左四人份量，有三條魚，魚肉份量好多，夠哂我地食，魚肉嫩滑又有魚味，好好味喔～我地加左窩筍、魔芋絲、金菇、豆腐，唯一嘅缺點係窩筍切得太薄，食唔到窩筍應有嘅爽脆口感，如果可以切返厚啲就好啦！黃金脆炸小酥肉炸到脆脆地，肉質依然嫩口，唔會鞋！加上少少辣粉，非常惹味～麻辣豬耳豬耳爽脆又夠辣，好好味喔～紅糖糯糍粑超級好味，新鮮熱辣炸出黎，超級推介，一定要試！可以用海港城coupon，真係物超所值呀！

揀咗喺唔駛排隊嘅時間嚟，下次再嚟可能要排好耐隊，所以今次就叫曬全部想食嘅嘢：1. 麻麻辣辣口水雞($88)：少少麻，啲雞肉粉紅色，骨有血水，如果煮熟啲就更安心。2. 涼拌萵筍絲($58)：蒜味濃郁、口感爽脆清新。不過可以少啲鹽。3. 姚姚酸菜魚($278 + $58 + $38）：叫咗二人份量，再加咗巴掌牛肉同寬粉。湯底就揀咗少辣，唔算好辣，亦都唔夠麻，下次可以叫中辣。湯好香，酸得過癮，下次可以揀少鹽。選用新鮮魚，魚肉好滑，無乜骨，亦都唔易散。牛肉好有牛味，不過份量稍嫌唔夠喉。寬粉彈牙，加一份僅僅夠兩人食🤭4. 紅糖糯糍粑($58)：糍粑唔煙韌，係一舊粉團咁，有啲油，食剩咗兩塊，下次唔會再叫。5. 彩虹烏龍冰粉($48)：呢個非常好味呀！冰粉係少甜烏龍茶味，好清新，就咁食都好好味。配埋啲花生碎、芝麻碎、提子乾、酒釀、紅豆、椰汁，夾埋一齊食口感複雜，既有花生嘅香口，又有酒釀嘅酸甜，又有提子乾嘅煙韌等，實在好好味！唯一唔好係嗰啲白色珍珠，無乜嚼勁。但我下次嚟一定會再叫呢個冰粉😋睇到呢度，你見到我講咗咁多次下次，就知我已經打算再嚟食🤤希望下次嚟唔駛排隊啦～

酸菜魚作為鋪頭既主打竟然要等超過30分鐘，上到嚟仲要係暖既，唔係出煙同熱，呢一點已經十分失望，之後搵ikea個種細蠟燭，完全無作用，食曬都唔會滾整體來講。失望，唔明點解咁多人會食