影片
更多
2022-07-08
103 浏览
揀咗喺唔駛排隊嘅時間嚟，下次再嚟可能要排好耐隊，所以今次就叫曬全部想食嘅嘢：1. 麻麻辣辣口水雞($88)：少少麻，啲雞肉粉紅色，骨有血水，如果煮熟啲就更安心。2. 涼拌萵筍絲($58)：蒜味濃郁、口感爽脆清新。不過可以少啲鹽。3. 姚姚酸菜魚($278 + $58 + $38）：叫咗二人份量，再加咗巴掌牛肉同寬粉。湯底就揀咗少辣，唔算好辣，亦都唔夠麻，下次可以叫中辣。湯好香，酸得過癮，下次可以揀少鹽。選用新鮮魚，魚肉好滑，無乜骨，亦都唔易散。牛肉好有牛味，不過份量稍嫌唔夠喉。寬粉彈牙，加一份僅僅夠兩人食🤭4. 紅糖糯糍粑($58)：糍粑唔煙韌，係一舊粉團咁，有啲油，食剩咗兩塊，下次唔會再叫。5. 彩虹烏龍冰粉($48)：呢個非常好味呀！冰粉係少甜烏龍茶味，好清新，就咁食都好好味。配埋啲花生碎、芝麻碎、提子乾、酒釀、紅豆、椰汁，夾埋一齊食口感複雜，既有花生嘅香口，又有酒釀嘅酸甜，又有提子乾嘅煙韌等，實在好好味！唯一唔好係嗰啲白色珍珠，無乜嚼勁。但我下次嚟一定會再叫呢個冰粉😋睇到呢度，你見到我講咗咁多次下次，就知我已經打算再嚟食🤤希望下次嚟唔駛排隊啦～
1. 麻麻辣辣口水雞($88)：少少麻，啲雞肉粉紅色，骨有血水，如果煮熟啲就更安心。
2. 涼拌萵筍絲($58)：蒜味濃郁、口感爽脆清新。不過可以少啲鹽。
3. 姚姚酸菜魚($278 + $58 + $38）：叫咗二人份量，再加咗巴掌牛肉同寬粉。湯底就揀咗少辣，唔算好辣，亦都唔夠麻，下次可以叫中辣。湯好香，酸得過癮，下次可以揀少鹽。選用新鮮魚，魚肉好滑，無乜骨，亦都唔易散。牛肉好有牛味，不過份量稍嫌唔夠喉。寬粉彈牙，加一份僅僅夠兩人食🤭
4. 紅糖糯糍粑($58)：糍粑唔煙韌，係一舊粉團咁，有啲油，食剩咗兩塊，下次唔會再叫。
5. 彩虹烏龍冰粉($48)：呢個非常好味呀！冰粉係少甜烏龍茶味，好清新，就咁食都好好味。配埋啲花生碎、芝麻碎、提子乾、酒釀、紅豆、椰汁，夾埋一齊食口感複雜，既有花生嘅香口，又有酒釀嘅酸甜，又有提子乾嘅煙韌等，實在好好味！唯一唔好係嗰啲白色珍珠，無乜嚼勁。但我下次嚟一定會再叫呢個冰粉😋
睇到呢度，你見到我講咗咁多次下次，就知我已經打算再嚟食🤤希望下次嚟唔駛排隊啦～
张贴
