姚姚酸菜魚 (港威商場)

营业中

休息中

第一次食『姚姚酸菜魚』其實係幾年前既深圳試過，知道香港原來開左分店，所以專登過黎試下係咪一樣好食。全間餐廳入面所有既裝潢同餐具都係同一用tiffany blue 顏色為主調，非常搶眼，空間感亦強，仲有一部自動送菜機械人係場內遊走好搞笑。姚姚酸菜魚 $278嚟得『姚姚』一定係試呢款招牌菜，叫左個2人份量既細size，另外仲有個3-4人份量既$388，不過其實2人份量都真係已經好足料，入面真係有好多塊鱸魚魚片，同朋友食極都仲有，唔會好似其他地方咁比勁多酸菜魚片得果幾片，魚片肉質好夠嫩滑鮮甜，而且冇乜骨，魚肉好白冇腥味，酸菜份量都有好多，覺得個酸同個咸度都做得好適中但係就唔係好夠辣，應該譚仔既3少辣都冇，個湯唔算油仲可以飲下同埋撈飯食，自己另外追加左寛粉同金菇，掛晒個湯既味道好好食。椒麻皮蛋 $58椒麻皮蛋係用水晶皮蛋，蛋白係係半透明既水晶皮蛋賣相好吸引，食落仲好似比傳統既黑色皮蛋特別嫩滑，蛋黃就好似溏心蛋咁溶溶地半流心，點埋佢既椒麻真係好好食，同樣只係好少既辣度。

間唔中就想食啲酸辣嘢刺激吓味蕾，今次就同志同道合嘅朋友去食酸菜魚😍估唔到呢間餐廳平日晚巿都好多人等位餐廳嘅座位都算闊落，全間店以Tiffany Blue色調為主，感覺清新本來睇完Menu好多食物好吸引好想試，但見到隔離枱既酸菜魚/水煮牛好大鍋，嚇到即刻唔敢嗌其他嘢食，驚兩個女仔食唔晒🤣呢度最好有鴛鴦鍋，一次過可以滿足晒兩個慾望，我哋叫左酸菜魚併水煮牛配菜選擇萵筍片同埋炸油炸鬼姚姚酸菜魚拼水煮牛肉 $308酸菜魚嘅肉質香滑，入口即溶嘅感覺😍，而酸菜湯既味道是酸偏多一點，不算太鹹，亦不會太辣，而水煮牛肉就會比較辣，同埋見到湯底都會較酸菜魚油膩一點我鍾意食質地比較軟腍嘅魚，酸酸辣辣食得好過癮，萵筍片同埋薯粉在上枱前已經放咗喺水煮牛肉果一邊，所以食嘅時候已經非常入味～正😍香港頭條（油炸鬼）$38比想像之中巨大，都有成4件，查得非常之趣同埋香口，沾上水煮牛肉湯汁，麻麻哋好過癮，但係因為偏油膩，所以唔可以食太多件🥹食酸辣野梗係唔少得要叫杯凍嘢飲降下溫，茉莉香橙🍊入口清新，清香嘅茉莉茶味嘅少少酸嘅香橙味道，甜度適中，中和返食辣嘢嘅油膩感

今日特登晏啲先去食lunch, 因為為想避開人潮，可以去姚姚酸菜魚到唔洗排隊食lunch~酸菜魚我地揀左四人份量，有三條魚，魚肉份量好多，夠哂我地食，魚肉嫩滑又有魚味，好好味喔～我地加左窩筍、魔芋絲、金菇、豆腐，唯一嘅缺點係窩筍切得太薄，食唔到窩筍應有嘅爽脆口感，如果可以切返厚啲就好啦！黃金脆炸小酥肉炸到脆脆地，肉質依然嫩口，唔會鞋！加上少少辣粉，非常惹味～麻辣豬耳豬耳爽脆又夠辣，好好味喔～紅糖糯糍粑超級好味，新鮮熱辣炸出黎，超級推介，一定要試！可以用海港城coupon，真係物超所值呀！

揀咗喺唔駛排隊嘅時間嚟，下次再嚟可能要排好耐隊，所以今次就叫曬全部想食嘅嘢：1. 麻麻辣辣口水雞($88)：少少麻，啲雞肉粉紅色，骨有血水，如果煮熟啲就更安心。2. 涼拌萵筍絲($58)：蒜味濃郁、口感爽脆清新。不過可以少啲鹽。3. 姚姚酸菜魚($278 + $58 + $38）：叫咗二人份量，再加咗巴掌牛肉同寬粉。湯底就揀咗少辣，唔算好辣，亦都唔夠麻，下次可以叫中辣。湯好香，酸得過癮，下次可以揀少鹽。選用新鮮魚，魚肉好滑，無乜骨，亦都唔易散。牛肉好有牛味，不過份量稍嫌唔夠喉。寬粉彈牙，加一份僅僅夠兩人食🤭4. 紅糖糯糍粑($58)：糍粑唔煙韌，係一舊粉團咁，有啲油，食剩咗兩塊，下次唔會再叫。5. 彩虹烏龍冰粉($48)：呢個非常好味呀！冰粉係少甜烏龍茶味，好清新，就咁食都好好味。配埋啲花生碎、芝麻碎、提子乾、酒釀、紅豆、椰汁，夾埋一齊食口感複雜，既有花生嘅香口，又有酒釀嘅酸甜，又有提子乾嘅煙韌等，實在好好味！唯一唔好係嗰啲白色珍珠，無乜嚼勁。但我下次嚟一定會再叫呢個冰粉😋睇到呢度，你見到我講咗咁多次下次，就知我已經打算再嚟食🤤希望下次嚟唔駛排隊啦～

酸菜魚作為鋪頭既主打竟然要等超過30分鐘，上到嚟仲要係暖既，唔係出煙同熱，呢一點已經十分失望，之後搵ikea個種細蠟燭，完全無作用，食曬都唔會滾整體來講。失望，唔明點解咁多人會食

曾經在深圳試過這間酸菜魚， 難得香港開咗所以挑選咗一日weekday嘅lunch time時間去試食，大約排咗20分鐘就可以入座。餐廳環境： 全間以tiffany blue 顏色為主調 ，感覺比較休閒。食物質素： 叫了一份二人份量的酸菜魚， 味道很好，略嫌辣度不夠 ，酸道足夠， 魚片非常嫩滑 ，二人份量已經給我們兩條鱸魚份量，魚片十分多， 但是酸菜魚沒有任何配菜，除了酸菜， 配菜要另外加， 我們加了粉絲，萵筍， 食酸菜魚必定要加，粉絲吸收曬酸菜魚湯的味道， 非常濃郁。另外我們叫了油炸鬼，鳳爪和土豆絲， 略嫌油炸鬼炸得不夠酥脆，麵粉比較厚。 鳳爪和土豆絲也不錯，不過不失。服務態度： 服務員禮貌可以，但是可能是在內地來的，所以有些香港的詞匯他不明白，例如叫凍檸茶，他會說沒有，你只能跟餐牌叫手打檸檬茶， 但原來可以微信自助下單。

喺大陸食過好多次, 最近終於嚟香港開咗分店，整間店舖色調以Tiffany Blue為主，很吸睛。因為亞女食唔到辣，所以叫了4人份量走辣酸菜魚，走辣擔擔麵，但擔擔麵食落我都覺得頗辣，完全冇走辣到。至於酸菜魚雖然走左辣，原以為只是放表面的10幾條紅椒做吓裝飾已而，但酸湯內仍然放有大量切碎的泡椒，越食越辣，如果唔食得辣真係唔好嚟呢間食。阿女知食得兩樣嘢，紅糖糍粑，冇我想像中的好食，雖然都係外脆但內裏並不煙靭，有些糊口，一般般。至於雞絲粉皮，應該好難唔好食，雖然雞絲只有四條，四個人每人都分一條，冇話特別好食，正常味道。個人認為香港呢間姚姚酸菜魚，同大陸嘅姚姚酸菜魚差天共地，冇得比！

手上還有不少海港城coupon, 就選了人氣網紅酸菜魚店 姚姚酸菜魚食晚餐假期前夕，等候約一小時入座後用QR code 點餐新鮮水果茶 $38 鮮奶紅茶凍 $38水果茶調味不會太甜，主要有檸檬、青檸、百香果、芭樂、菠蘿及西瓜，味道非常清新！紅茶凍有咬口，奶茶奶香感較重，感覺小朋友會較喜愛！麻醬雞絲粉皮 $68 麻醬真係好香滑，如果雞絲份量多d 會更好！麻麻辣辣口水雞 $88有麻麻嘅感覺而不辣，是雞髀部分，雞肉保持嫩滑。雙拼酸菜魚 （酸菜魚+水煮牛） $3081碟可以滿足晒兩個願望！食到酸菜魚又食到水煮牛！魚肉雖然屬細塊，但魚肉好多亦有魚味～水煮牛肉有調過味，辣度算好溫和！有大量芽菜薯粉厚厚很Q彈，超滿足！

✨姚姚酸菜魚拼水煮牛肉有得揀雙拼幾好 唔使心大心細又可以試多款 點左少辣酸菜魚 酸味溫和 酸中帶微微麻辣魚肉份量多 肉質嫩滑 酸菜酸香爽脆 幾惹味水煮牛肉 麻香帶少辣 味道溫和牛肉 內質軟嫩 夠入味寬粉煙韌 芽菜爽脆 ✨藤椒無骨鳳爪無骨鳳爪 口感爽脆 仲會食到少少脆骨 幾正味道重麻香 唔太辣 ✨彩虹烏龍冰粉賣相靚靚 好啱打卡 份量十足 我諗可以足夠三至四人分享烏龍冰粉 口感清爽滑溜 帶淡淡茶香配料有提子乾 紅豆 芝麻 丸子 花生 酒糟等再配埋椰奶食 冰涼又解辣✨茉莉香橙茉莉味幾香 橙味偏淡味道唔甜 比較清香 ✨新鮮水果烏龍茶烏龍茶清香 唔算濃 配搭埋多款水果包括熱情果 檸檬 青檸西瓜等味道酸甜 唔太甜 幾清新 解渴食物可以 份量十足環境用上Tiffany Blue作主色調 好靚服務唔錯 價錢合理

長期大排長龍的網紅最愛人氣酸菜魚品牌「姚姚酸菜魚」一直深受港人喜愛爭相朝聖，最近中午抽空來試試這近年紅透半邊天的川菜名物酸菜魚。 店鋪風格非常少女，Tiffany藍的色調，有點小清新網紅風。 招牌菜姚姚酸菜魚採用刺少肉多的鮮鱸魚，肉質鮮嫩甜美，而水東新酸菜經過90天醃製，味道恰到好處，酸爽開胃。秘製湯底都是花五六個小時精心熬製而成，味道鮮香濃郁， 最值得一提的是，這家店非常人性化。除了經典酸菜魚外，亦設多款新派美食。香港店首創雙拼酸菜魚，貼心考慮到不同食客的口味，將番茄魚、水煮牛肉、避風塘大蝦等食材拼在一起，一次食到雙重滋味。 ☑️主食我點的魚是酸菜魚番茄魚雙拼，考慮到兒童不能吃辣，番茄魚竟然驚艷到我，兒子吃了三碗還要把剩下的番茄湯打包，口感酸酸甜甜又健康真的非常適合小朋友。☑️另外，我還點了一份避風塘蝦，份量真的非常足，蝦非常多，真的很不錯，個人覺得口味偏咸了那麼點。☑️飲品我點了最招牌的多多桃膠椰奶和水果茶！要特別表揚下這杯多多桃膠，實在太香太好喝了！又養顏美容，又健康，椰奶超級香，很愛這種搭配。☑️最後甜品點了他們招牌的彩虹🌈烏龍冰粉！光是名字和賣相就足夠吸引你了，簡直就是

之前食過一次外賣速遞🚛姚姚酸菜魚就愛上了🐟 所以今次同家人係尖沙咀堂食。晚上8點幾去到都好多人排隊，真係超人氣🥳整間店都係Tiffany blue的色調好靚～連餐碟都用呢個顏色。姚姚酸菜魚拼番茄魚 💲308 / 2人份個盤好大🤣淨係呢碟就已經擺到枱面無位！其實魚肉份量都好多！每邊都有一條魚🐟連魚頭都炸埋，可以慢慢啃魚頭。入面仲有好多粉絲，份量豐盛。🍅番茄魚湯底好濃郁，見到好多蕃茄蓉同蒜蓉！味道唔會太酸，夠開胃，而且好香蒜味！😋而酸菜魚好多酸菜同辣椒，味道微辣。酸菜酸脆爽口，金湯好香，色澤金黃！加咗炸蒜好香口，魚肉嫩滑彈牙。酸辣土豆絲 💲58土豆絲切得好幼細，口感爽口，有醋香。姚姚脆奶 💲58外皮炸得好香脆，要輕輕力夾。入面嘅鮮奶好滑身，咬落有種流心感覺。多多桃膠椰奶 💲48材料好足，入面有唔少桃膠，西米同紅豆。椰奶香濃不會過甜。紅豆烏龍冰粉 💲38有紅豆、提子乾、酒釀丸子、花生，入口滑溜。冰粉底係烏龍茶。

最近受朋友影響不知不覺都愛上左酸菜魚😊，之前朋友同我講話海港城開左間酸菜魚，一直好想試，今日吾使返工終於可以試到啦有別於一般酸菜魚店舖嘅裝修，呢間比較modern, 藍色為主，好有海洋feel最近天氣甘熱，點返個涼拌頭盤食下先麻醬雞絲粉皮，大家有無留意個醬汁系分開上呢？宜家好流行手機點餐，呢間都吾例外，甘有咩特別呢，就系佢地有好多選擇比你揀，例如醬汁另上，少鹽，少油，少辣，減酸，實在太窩心啦，大家可以食得開心又放心。酸菜魚份量都多，重有2個炸過嘅魚頭，出面比較少見。宮保蝦球，好惹味，大大隻蝦球，配菜有炸過嘅茄子粒，估吾到同呢個醬汁又幾夾喎傳統擔擔麵，呢個系類似乾撈形式，有別於一般上海菜館。鮮奶紅茶凍，解辣，正呀

～*不愧曾被譽為三大酸菜魚之一*～2月時外賣食過一次今次終於可以一試堂食！好多好多人等位，所以記住訂位！ 有烏龍茶提供，幾清香。《 姚姚酸菜魚拼番茄魚 💲308/2-3人份 》勁大盆！每邊都用咗成條魚，好多嫩魚肉！番茄魚湯個味好清，反而唔會好酸幾好味～湯中有蕃肉又有粉絲，所以都無另加配料嚕相反地，酸菜魚嗰邊好多酸菜，個湯都幾酸下架！仲酸過番茄湯底🤭一次過享用到兩款口味，抵食～！ 《 香港頭條(油條) 💲38/份 》枱枱都嗌，上次外賣食過都覺得比一般油炸鬼香脆鬆軟，又唔油膩，今次現場即炸即食仲正！《 涼拌萵筍絲 💲58 》食完啲炸物食返啲清清嘅嘅菜～《 麻醬雞絲粉皮 💲68 》粉皮唔會癡到一patpat，麻醬都幾濃～味道正常。《 紅糖糯糍粑 💲58 》上次喺天后食完個好難食嘅糯糍粑之後深深不忿！今之終於可以食返個正宗好食嘅！呢個外脆內糯，放涼都唔會變硬。3個人都食唔晒，抵食好食～👍🏻

—————————————人氣酸菜魚登陸香港之尖沙咀海港城，今次終於有機會book到黎食啦。𝐎𝐫𝐝𝐞𝐫:⧐鮮奶紅茶凍⧐手打檸檬茶⧐麻醫鷄絲粉皮⧐姚姚脆奶⧐姚姚酸菜魚拼番茄魚+龍口粉絲(2人份)◎招牌姚姚酸菜魚拼番茄魚，好大份，黎到個盤下面仲有火熱，keep住熱辣辣咁食，酸菜魚配上泡椒小小辣😋。最得意佢係有部機械人自己送過黎好可愛😍◎麻醫鷄絲粉皮，麻醬味道好濃，鍾意可以試下。◎姚姚脆奶，最鍾意依個脆卜卜咬落有鮮奶味🍶。◎鮮奶紅茶凍，好似飲緊仙草手搖咁，正🧋。—————————————📝評分味道⁴/ ⁵環境⁴/ ⁵服務⁴/ ⁵衛生 ⁴/ ⁵抵食 ⁴/ ⁵—————————————📍姚姚酸菜魚 YAOYAO尖沙咀廣東道3-27號海港城港威商場二樓2307號舖

記得3年前同家姐去深圳遊玩，已經食過姚姚酸菜魚。3年後，姚姚酸菜魚已經係香港開業啦🇭🇰，我同家姐決定去再戰，順道回味一下生活點滴🫧同深圳一樣，餐廳以藍綠色為主調，門口仲有熊公仔🧸做吉祥物，化成美人魚放在廚窗裡面，可愛又盞鬼🧡姚姚酸菜魚拼水煮牛肉🐠點菜後，大大盤酸菜魚由送餐機械人運送🤖，再由店員小心翼翼咁放到枱上🧑🏻‍🍳酸菜魚可㨂辣度，我地叫左微辣🌶。魚肉好新鮮，感覺係用新鮮魚逐片切出來，每塊都大塊又唔同形狀。魚肉幾滑，而且已經去骨，食落啖啖肉👍🏻，麻辣之中都帶鮮甜同蒜香🧄。食酸菜魚一定要配窩筍，爽口又唔吸油，好味程度係我地叫左兩份都食得哂😂另一邊我地㨂左水煮牛肉🐂，初時以為係火鍋薄切牛肉片，但原來係厚切牛肉。牛肉好鮮嫩，口感額外軟焾，都幾意外🤩 下面有菜心同薯粉，菜心好吸辣，我食左4條就放棄🤣 薯粉我就幾鍾意，厚切效果好有口感，又飽肚黄金脆炸小酥肉食咗咁多辣野，點左小酥肉紓緩一下。酥肉係幾軟焾既豬肉，份量都幾足姚姚酸奶呢個係必點‼️熱辣辣上枱，忍唔住即刻食。外層香脆，略帶點油，裡面包住溫暖又柔滑既酸奶，好好食👍🏻平時點酸奶都係一人一件，今次我同家姐可以每人食兩件，超滿足🥳彩虹烏龍冰粉 (