姚姚酸菜魚 (港威商場)

营业中

休息中

好垃圾嘅店，等左個幾鐘先入座，用餐時間只有90mins ，等餐都用咗廿幾分鐘。碗唔乾淨，入面有塵，唔好食，酸菜魚水煮牛肉都勁鹹，上枱唔熱，份量又少，又貴，服務態度好差，比錢時整跌我張信用卡，要自己執返，個員工仲好厚面皮面不改色繼續邊同同事傾計，邊收錢。呢間嘢要用wechat自己掃碼落單！咁垃圾都唔知點解有咁多人排隊，係咪喺Instagram睇人地話10分滿分好評黎架，1分都簡直係比多佢！第一次食到咁垃圾嘅店，必須喺度寫差評，話畀未食過又睇緊評論嘅人知，真係唔好去食！！！

香港越來越多酸菜魚餐廳，返講到人氣，一定要數呢間酸菜魚先頭部隊姚姚酸菜魚。開咗喺香港之後大受歡迎，座無虛席，全晚門口都有好多人等位，任何年齡層都有，想食記得要早啲去攞位！重點推介🔥👍 姚姚酸菜魚去到姚姚，點可以唔試吓佢哋嘅招牌酸菜魚。餐廳用QR code落單，好貼心有好多個人化選擇，我哋今次揀咗走辣。上枱時用火熱住盤魚，確保溫度。魚片滑溜，份量頗多，好入味，酸得好過癮。我哋仲另外加咗薯粉，唔好浪費咗個咁正嘅湯底。👍 香港頭條（油條）另一個食酸菜魚嘅好配搭。新鮮炸起嘅油炸鬼熱辣辣，建議唔好等要快啲食。咬落去外皮好脆，入面鬆軟好有層次，可以試下配埋酸菜魚汁，估唔到都幾夾。👍 姚姚脆奶其實就係炸鮮奶。同樣係新鮮炸起，一條條有啲似蛋捲，咬落去外皮頗厚好脆，入面係超嫩滑嘅燉鮮奶，外脆內嫩。鮮奶微甜，建議可以作為甜品食。📍姚姚酸菜魚 尖沙咀廣東道3-27號海港城港威商場二樓2307號舖

平時食川菜 都會三心兩意 又想食酸菜又想食水煮🥺呢到超正可以揀雙拼🥹酸菜魚湯底夠晒濃郁 魚肉冇骨又嫩滑🐟水煮牛肉個麻辣湯超惹味 牛肉同薯粉都索晒個湯底 真係超級惹味🌶

食川菜成日都食酸菜魚 但就未食過冰粉～上次嚟就試左彩虹烏龍冰粉🌈真係好colourful✨爽口彈牙嘅菜味冰粉 面頭鋪滿花生🥜芝麻、紅豆🫘西米、脆珍珠、提子乾🍇配埋清甜椰汁🥥味道層次好豐富呀！！

我又食酸菜魚喇，今次去咗食位於尖沙咀海港城人氣爆燈，日日要排隊既姚姚酸菜魚，夜晚8:30 去到都係超多人，質素一定有返咁上下，餐廳裝修以粉藍色為主，非常型格，座位寬躺坐得舒服🐠🐮▪️姚姚酸菜魚拼水煮牛肉 $ 308好少食酸菜魚可以拼埋其他嘢食，仲有我最鍾意嘅水煮牛肉，毫不考慮，一定係食雙拼，份量超級大份，🐠酸菜魚我估計係平常食開嘅中辣，夠麻夠酸夠辣，湯頭味道濃郁，魚非常滑溜，酸菜又夠多，味道正宗，好食。🐮見到佢面嗰層紅油就開心，辣勁十足，牛肉肉質淋滑，配上芽菜和寬粉，吸收晒辣汁嘅味道，好正👍🏻🫔▪️香港油條 $ 38即是油炸鬼，即叫即炸，份量比平時香港版大一倍，就咁食或者點湯食一樣咁好食🐔▪️麻醬雞絲粉皮 $ 68每次見到有都會點嚟食，最愛呢度麻醬好濃郁，勁香花生醬味，撈埋雞絲青瓜粉皮一齊食，冇得輸嘅涼菜🥚▪️椒麻皮蛋 $ 58皮蛋係黃皮皮蛋，蛋黃呈糖心狀態，伴上麻辣汁和芝麻，皮蛋愛好者一定會鍾意🧈▪️姚姚脆奶 $ 58竟然有得食炸鮮奶，外皮超香脆，一D都唔油，內層係香滑既鮮奶槳，唔太甜，好好食🍹▪️新鮮水果烏龍茶 $ 38水果茶有多種新鮮水果，西瓜，菠蘿，奇異果，烏龍茶微微甜，清甜好飲解渴

16:30嚟到已經見有一大堆人響度等位原來因為可以用商場嘅dining coupon有選擇困難症最啱嚟食～可以一鍋兩食😎酸菜魚、水煮牛兩樣都係最愛平時兩個人食一定唔可以點兩款麻麻辣辣口水雞雞肉好滑個麻辣味相對溫和好易入口酸菜魚魚肉實淨又夠滑可以簡多麻多辣因應個人口味調味水煮牛肉唔係用梳打牛抵讚😍有金菇、芽菜、薯粉唔怕唔夠飽肚大盆花菜🥦呢個鑊氣好足夠一食落口唔為意仲有嗆喉嚨嘅感覺添最有驚喜係呢味

姚姚酸菜魚拼水煮牛肉 $308Order雙拼可以一次過試晒酸菜魚同水煮牛肉酸菜魚係用咗有身份證嘅鮮鱸魚去烹調😍肉質好嫩滑又冇骨而且唔易夾散真係食得安心又放心👍🏻水煮牛肉牛肉嘅份量亦都非常多肉質嫩滑🤤麻辣嘅湯底加上彈牙嘅牛肉野味感令人食指大動🤩薯粉煙靭仲吸收晒辣汁食落好滋味口感十足😜酸菜雞蛋炒飯 $88炒飯鑊氣十足👍🏻飯粒粒粒分明五碗飯嘅份量亦都非常足夠🤓雞蛋配上酸菜令當中嘅味道更上一層樓💕姚姚脆奶 $58甜度適中 口感酥脆💕內裏嘅炸奶流心質感易入口😜值得一試 如果熱少少會更好🙈彩虹烏龍冰粉 $48超大碗嘅甜品😍色彩繽紛 打卡一流勁足料又飽肚好抵食吖👍🏻一碗有齊烏龍茶味嘅冰粉紅豆 白珍珠 酒釀 提子乾 黑白芝麻 花生口感豐富 記得order一碗同朋友一齊share😝新鮮水果烏龍茶 $38味道酸酸甜甜 好清新烏龍茶味香濃水果好新鮮🤓Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟🌟📌服務：🌟🌟🌟🌟

前幾日見到依間近期成日排長龍既酸菜魚，就決定試一試，結果食到一肚氣😡24號嗰日，我哋四人大約兩點十五分到達餐廳，等咗差唔多45分鐘先安排到我哋入座😤當時外面都好多人，但係最估唔到嘅就係比我哋遲到既二人座位早就被安排入座，真係等到頸都長🦒依樣都算！我哋食完主餐之後，見到佢啲甜品好似幾吸引，所以就叫咗兩個黎試下，點知等咗半嗰鐘都未黎🥲當我哋同店員催單，佢竟然可以唔洗30秒就送返比我哋（好似變魔術🪄），員工當時並冇仼何既歉意同解釋，我哋都不敢想像嗰甜品其實係唔係放咗喺到好耐，只係冇人送餐(衛生🤮），因為真係冇可能咁快😂差唔多食到尾聲，等緊最後一樣既時候，有位姐姐突然沖入嚟好大聲同冇禮貌咁同我哋講：「你哋已經食咗好耐！要即刻比返張枱！」我哋當時眼都突埋，因為你未上齊，我哋點走，真係比佢嚇咗一跳😨總括而言，店內既員工態度極為惡劣，對客人黑口黑面，冇耐性，非常不尊重，真係唔會再幫襯，超失望😪😪😪😪😪😪😪

近期嘅人氣酸菜魚熱店！🤩終於有機會黎朝聖！入面食物嘅選擇唔算好多，都係主打酸菜魚/麻辣嘢，但最好嘅係可以半半，兩樣都試曬！今次主要想食魚，所以一半叫咗招牌酸菜魚，一半叫咗蕃茄酸菜魚，因為今次兩個人食，所以就冇再加料，不過本身入邊都有基本嘅蔬菜同面，兩個人食都夠飽特別係蕃茄味，酸酸甜甜好開胃，越食越想食。不過價錢來講又真係貴咗少少，同樣價錢海港城都有好多唔同嘅選擇。總括嚟講係好食，鍾意食酸菜魚嘅不妨一試。

味道：⭐⭐⭐⭐⭐❶姚姚酸菜魚拼水煮牛肉 $308/2人份 呢個酸菜魚拼水煮牛肉簡直係一次過滿足曬我兩個願望🤲🏻酸菜魚嚟講又幾正宗🇨🇳湯底鹹鮮酸辣 香氣濃郁🐟魚肉就質肉細嫩爽滑 而且無骨🐠另外 水煮牛肉都同樣出色🐮湯底麻辣味厚 牛肉肉質細嫩 佐酒伴飯一流🍚❷萵荀片 $35呢個係酸菜魚額外加配嘅配料🙊萵荀片色澤碧綠 口感脆嫩 💚加至酸菜魚嘅湯底後吸盡湯味😈❸龍口粉絲 $38呢個同樣係酸菜魚額外加配嘅配料😆粉絲嘅份量都唔少 口感軟嫩🦦完全鎖住湯汁嘅精華🍲❹麻麻辣辣口水雞 $88 估唔到呢個食冷盤又幾出色🖤醬汁融合咗香、麻、辣等味道🤩 入口嘅時候簡直係對味蕾嘅衝突💨❺彩虹烏龍冰粉 $48 冰粉大大份 2-3個人share嚟食都絕對足夠🖐🏻冰粉食落似茶味啫哩🍵面頭伸鋪上左超大量嘅配料💫例如：芝麻、花生、大西米、紅豆、提子乾等等🍡口感真係豐富同時又健康 係飯後甜品嘅好選擇😽❻低糖五穀豆漿 $19五穀豆漿超足料 豆味濃厚🐄 健康同時又好味👍🏻

和友人海港城行完街去醫肚，見呢間排隊特別長龍好奇試試。真的好味等耐點都值。手機掃QRcode落單好方便，仲以自動送餐機送餐，追得上時代尖端。店內以Tiffany blue色調，簡潔清新地方闊落。主打酸菜魚單點已好吸引，見附近食客多點雙併，我都要！姚姚酸菜魚併蕃茄魚（2人份） $308好大盤佔了枱一半，有火爐熱住食唔怕凍晒會鯹。每邊湯底好多新鮮鱸魚片，肉質嫩滑彈牙無骨。酸菜湯好多酸菜，辣度適中，酸酸辣辣愈食愈開胃，另一邊蕃茄湯夠濃郁，有好多粉絲可吸晒蕃茄湯的精華。大盆花菜 $98主以花菜、五花肉同辣椒等香料煮製，辣辣地好惹味，炒得好夠穫氣，會令人一件接一件甘食，難怪是推薦菜式。粉紅烏龍冰粉 $48提子乾、酒糟、紅豆、丸子、花生碎及黑芝麻列陣工整，賣相吸引，淋上椰漿，冰粉冰凍透心涼，淡淡茶香不會過甜，必點的一款甜品。茉莉香橙 $38味道清甜不漏，好香鮮橙味，解辣又解渴。

丫妹之前係海港城某名店買包包, 換來一大疊現金優惠卷, 記得年頭禁堂食, 係海港城呢間姚姚酸菜魚買過外賣, 味道唔錯, 就決定今晚堂食encore。平日晚, 餐廳全場爆滿, 什有人氣。店內仲有兩部傳菜機械人負責傳遞大大盤酸菜魚。【藤椒無骨鳳爪】HK$68無骨鳳爪有軟筋同軟骨連帶, 口感爽脆,  細味有藤椒香, 酸酸辣辣又凍食, 係一個開胃前菜。【姚姚酸菜魚配蕃茄魚 +追加酸菜魚一份】HK$366酸菜魚可自選麻辣程度, 又可以走某d配料, 更提供多款配菜追加。大大盤魚有小火微微興住, 選用了鱸魚, 每邊都有一個魚頭, 似乎每邊份量都有一整條; 蕃茄魚湯底味道清甜, 呢邊仲有粉絲做底, 完全索咗個湯底精華; 至於酸菜魚呢邊就只有魚片同酸菜, 酸酸辣辣, 間中咬到生胡椒粒, 再多一點辣, 惹味又開胃。魚片很林很滑, 稍用少少力夾起都散, 不過有幾片魚有幼骨, 食嘅時候要小心。對比兩款口味, 酸菜魚味道比較夾, 好味得再追加一份。【紅糖糯糍粑】HK$58糍粑表面微微鬆化, 內裡口感軟糯, 黏黏地嘅質感, 細味有糯米香, 加上微甜紅糖調味, 唔會太甜, 唔錯。【彩虹烏龍冰粉】HK$48賣相很co

其實晌香港都食過好多間酸菜魚，但我特別想寫姚姚因為佢真係各方面都做得幾好，難怪咁多人排隊😌1️⃣tiffany blue嘅環境下，感覺唔老土。2️⃣手提scan code落單，酸菜魚辣度，配料可以自己揀，好啱唔係好食得辣嘅人。3️⃣食物叫左：🍽酸菜魚：灑上炸蒜好香，盤下有一直加熱溫住，完全冇骨👍🏻🍽什錦砵砵：有鳳爪、海帶、腎，3樣都👍🏻🍽口水雞：味道都ok啦！冇咩特別可能太晏先嚟，次次嚟甜品都賣晒🥲

食過好幾間香港嘅酸菜魚有好多都唔夠酸唔夠辣呢一間係真係有正宗嘅感覺想講佢仲要有機械人送餐😂😂🤣份量好足夠，而且調味都好出色❤️平時出面好多酸菜魚嘅酸菜已經浸到冇晒味但係呢間嘅酸菜，真係完全唔孤寒，而且食落仲有好香嘅酸菜味🤟🏻另外仲加咗粉絲同埋萵筍推介大家酸菜魚一定要加萵筍🥰。今次拼咗佢嘅蝦啲蝦全部都係新鮮嘅而且都好似有大約7 8 隻呢個價錢來講我覺得算公道👍🏻而且調味都出色🤩仲配咗好多薯仔條 完全唔使驚唔夠飽‼️之後我哋再嗌左一個小酥肉，同埋麻辣牛展兩個都好出色😆😆😂牛展超入味，而且切得夠薄小酥肉酥脆而且唔會好漏👍🏻食到悶左，仲可以點酸菜魚嘅汁來食又別有一番風味🤣叫咗個香橙茉莉飲，幾好飲、好清新，消暑解渴🤟🏻朋友叫水果茶，都唔錯可以一試

其實我自己特別鍾意食川菜、麻辣野，有時候就會好想同朋友去食下。最近發現尖沙咀有一間裝修超靚Tiffany Blue既酸菜魚餐廳【姚姚酸菜魚】，見有好多人排隊，價錢又合理就試下啦。我地8點幾去到，都有好多人係外面等位，所以如果大家有興趣去，可以先book位。 姚姚酸菜魚拼水煮牛肉：酸菜魚係由機械人送餐過黎，好有趣。個人覺得唔夠辣，如果本身比較食得辣可以加辣。酸菜魚魚肉嫩滑，無骨無腥味，酸菜既酸味都好足！水煮牛肉牛肉有好多、裏面仲有寬粉同芽菜。不過個人覺得麻辣唔係好夠香。 麻麻辣辣口水鷄：分量好足，麻辣夠香！肉質鮮嫩，個人非常推薦！！ 黃金酥炸小酥肉：排骨炸得好香脆，上面加左D香辣調料，好香。 彩虹烏龍冰粉：好大碗，可以幾個人share既。個賣相真係好靚，同個名一樣彩虹禁。唔會好甜、冰粉好清涼！岩曬食完辣野之後食！ 茉莉香橙：個人覺得真係唔可以同茶飲店比，但都係清新解渴，不過水果味比較少。