姚姚酸菜魚 (港威商場)

营业中

休息中

今曰到訪人氣熱店，未到七時，店外已經堆滿食客了！餐廳以Tiffany blue 作主調，有少少西餐廳的格局，但主要供應四川菜。雖然我吃不到辣，原來有少辣、唔辣、大辣等，選擇也不少。姚姚酸菜魚拼蕃茄魚（2人份）這雙拼窩真係正！尤其那招牌酸菜魚，我們選少辣，味道酸香，帶一點麻辣，魚肉極為香滑幼嫩，那少辣中又有少少麻，味道又鮮，令人有追吃的感覺。蕃茄魚是唔辣的，魚肉香滑無骨，加上酸酸的蕃茄，十分醒胃，不錯。涼拌篙筍絲這涼菜看似平實，但篙筍絲爽口柔滑，又帶一點油香，感覺輕盈，是不錯的涼菜香港油條這油條真巨型，油條炸得不油膩，口感鬆化，沾上湯汁，真可口。脆炸鮮奶炸鮮奶炸得外脆內軟，炸衣脆薄，內裡的鮮奶香甜滑溜，味道唔太甜，有牛奶香，好吃！宮保蝦球這宮保蝦球真可口！蝦球大大粒，炸得爽脆又彈力，加上惹味的宮保汁，配上軟滑茄子，十分開胃好下飯！臘味炒飯炒飯炒得粒粒分明，口感鬆軟，而且每一口都吃到臘味，味道濃厚，充滿油香，好吃。大盆花菜這炒什菜炒得好有鑊氣！椰菜花炒到入哂味，加上爆香的豚肉片，少少辣椒，十分香口又可口的炒什菜。紅糖糯糍粑這糯糍粑有啲似年糕，口感軟糯，粘粘的，薄薄的脆衣加上紅糖，甜度剛剛好

作為酸菜魚控 ᐝ (๑⃙⃘´༥`๑⃙⃘) ，基本上每星期都會心思思想食一次 ，講到酸菜魚既有名店一定要講依間人氣爆燈既姚姚酸菜魚，早前係海港城開左，每次經過都見到大排長龍，今次終於約到朋友一齊試埋下依間店既特色係酸菜魚可以做搭配水煮牛肉/避風塘大蝦/蕃茄魚變成雙併，彈性得黎可以滿足到樣樣都想食既客人˃́ꇴ˂̀除左叫酸菜魚之外，仲叫左其他前菜同甜點，勁豐富既一餐🔺姚姚酸菜魚併蕃茄魚 2人份上枱個陣雙併鍋超級巨大驚人，鍋底下有個小蠟燭，令食物保持溫度酸菜魚湯頭微辣順喉,叫左多酸，酸得過癮，有齊蒜蓉辣椒、白蘿蔔同酸菜，採用養殖鱸魚🐟份量勁多，鍋內盛載滿滿魚肉，魚肉無骨滑溜蕃茄湯底有大量茄蓉，配以魚肉同粉絲，同樣美味，可以自選唔同配料做搭配 🔺酸辣土豆絲 🥔開胃前菜，土豆絲清爽🔺紅糖糯糍粑外層炸到脆脆，入面咬落煙韌，口感豐富，加埋黃豆粉同黑糖醬好味，做得好出色，朋友大讚♡～(´ε｀　)🔺茉莉香橙 🍊好香鮮橙味，清新解渴🔺新鮮水果烏龍茶 🍉加入左西瓜、熱情果、菠蘿等水果，甜度適中 ，解辣一流

服務態度簡直惡劣，我哋一行五人去餐廳食嘢，等咗超過一個半鐘頭，眼見佢係咁比一至二人或三至四人入去，五至七人嘅枱完全未郁過。咁我哋就去問前枱嗰個人佢同我哋講五人以上台係得一張。我哋表明唔介意坐三至四人枱再加櫈，佢叫我重新取飛。我哋多次同前台解釋冇可能叫我哋重新取飛係你哋餐廳安排唔到但係亦不獲理會。之後我哋終於叫到我哋個張飛，我哋嗰張飛係8號，職員已經叫緊我哋入去，突然間7號飛又返咗嚟，職員又要我哋出返去，呢度完全唔識得點樣管理人客同編排枱號，我哋同佢理論佢仲鬧翻我哋轉頭，前台嗰個男人買所謂嘅經理男人態度非常惡劣，好似想同人打交咁。食物質素非常一般，絕對唔食得排咁耐隊去食，亦絕對唔值得去試

今日去海港城行街， 見到間排曬隊既餐廳， 原來係食酸菜魚。 呢間酸菜魚有個特點好吸引到我就係可以雙併😂😂 前所未見過的優點， 一次過可以滿足兩個願望。 前菜方面叫左個椒麻皮蛋， 呢間餐廳用既係黃金塘心皮蛋， 食落唔會好辣，塘心既蛋黃好好味。 主菜: 酸菜魚拼蕃茄魚， 一次過食曬我曼想食既口味， 餐廳有提供埋酸度/辣度自選， 魚片好滑又大塊， 最重要係無骨！！ 蕃茄魚就內配埋粉絲，湯底比較鮮甜。 由於酸菜魚的配料不算很多， 我就加左份萵筍， 仲叫左份香港頭條（油條）。 食川菜點小得甜品，甜品: 彩虹烏龍冰粉配料好豐富， 另外仲有份紅糖糍粑， 這個很推薦， 外脆內軟糯， 口感十分正， 加上黃豆粉和紅糖調味， 簡直100分 。

放咗工同朋友喺尖沙咀海港城行街，見到有間餐廳好多人等緊位，就吸引咗我哋過去睇吓，間餐廳用Tiffany Blue做主打色調，好有少女心，原來係大陸名店出品，主打食酸菜魚，真係好懷念返大陸食麻辣火鍋同酸菜魚所以一於試下呢度同大陸一樣，都係用微信嘅QR code落單，仲有機械人過嚟送菜，好特別，佢呢度嘅酸菜魚可以揀雙拼姚姚酸菜魚拼水煮牛肉 $308一個價錢有兩種選擇，超正，好適合心思思咩都想試吓嘅人，酸菜魚份量好多，以為得半份魚肉會好少，但一啲都唔係，魚肉非常嫩滑，個湯底酸味較重，辣味和花椒味較淡，好適合一啲鍾意食酸但又唔太食得太辣ge 人，餸菜份量都非常之多水煮牛辣和花椒味較重，比較適合鍾意食辣嘅人士，牛肉好多片，每一片都超大塊同非常厚，牛肉味濃，而且嫩滑，配菜份量亦都好多有好多大豆芽同埋薯份，薯粉同麻辣係最佳嘅配搭，大豆芽吸收晒麻辣湯汁，一流，味精唔會好重，食完唔會好口渴泡辣雞腳 $78青花椒味好突出，雞腳好爽口，份量非常多姚姚脆奶 $78我自己覺得依個係必點，表皮炸得好香脆，鮮奶味好濃，食完唔會覺得好油膩椒麻皮蛋 $58呢度嘅皮蛋係金黃色，蛋黃係流心，好creamy，個辣汁花椒味重，

每次經過都會見到大排長龍趁今日一早收工，就帶媽咪去試吓新嘢餐廳主打酸菜魚，亦有配搭其他唔同類型嘅小食同埋菜式我哋4:45去到門口已經有人等緊位原來晚市開5:00等咗一陣好快就入場啦餐廳唔會侷促，而且座位都幾闊落仲有好多係卡位添顏色帶Tiffany Blue為主仲有部機械人係送餐我哋兩個人叫咗一個水煮魚拼避風塘大蝦賣相真係唔錯酸菜魚真係做到酸、香、滑而且魚肉沒有雪味同埋骨個湯酸酸地，一路食落去好開胃避風塘大蝦辣味適中，反而美中不足係蒜味唔夠醬滷拌豬耳豬耳非常之入味，而且爽口彈牙雞絲粉皮如果小食類型來講佢都算份量幾多而且粉皮尚算滑溜炸脆奶炸嘢不嬲都好啱我胃口，中間是軟心既，奶香味超濃郁

今日難得同朋友出省城不如去食好野，平時聽人講聽朝酸菜好好食，難得出來一定去試一試！我地等開門，點知未開門已經大排長龍囉哂票，唔夠15分鐘已經坐滿哂😆😆，真係好旺場👍👍而且入到去好多野都係智能化，例如可以用手機下單，同埋有智能車送菜！！🛵朋友真係冇介紹錯，一定吃這裡的酸菜魚🐠，必叫👍👍👍至於真係非常非常鮮嫩同滑，而入味而且冇多餘既骨，還有酸菜也不會太咸和還可以自己自由配不同的配菜，梗有一款岩你，還個魚湯很鮮，真係好好飲一定要配白飯食，每一口都充滿有濃濃嘅花椒八角香味，真係好食到停唔到口😋😋😋還許多紅油口水雞，唔好以為滿滿就好辣，其實食落口一啲都唔辣，而且雞醃得好入味配埋芝麻真係好香口！😍😍泡辣雞腳，又辣又好味，超有四川風味，仲有依個炒椰菜，真係第二度都食唔倒，很惹味得來唔辣🤗再合埋二杯水果特飲，絕對可以消暑解辣～🥰🥰

❤️ 雖然我唔係食得超辣，但係對酸菜魚都有一種特別嘅迷戀😂 過一兩個月就會想食😎❤️ 呢間係尖沙咀海港城嘅酸菜魚專門店，成日都大排長龍，人氣好高~ 上次同朋友約左一齊去食😋 (因為我媽咪同老公都唔食辣🙈)❤️ 首先真係要揀咗酸菜魚先啦！呢度有鴛鴦鍋好正😍 我哋就要咗姚姚酸菜魚拼水煮牛肉(2人份) $308❤️ 份量真係好多! 下邊仲有蠟燭熱住，一路食都唔會凍😁 酸菜魚真係好滑，仲真係完全冇骨！🤩 唔算好辣❤️ 水煮牛肉揀咗小辣🌶 食落去都比酸菜魚辣，有啲花椒味，好惹味😍😍❤️ 我哋買咗碗白飯，同埋油炸鬼，配埋一齊食，超~~正！❤️ 前菜就嗌左酸辣藕丁 $48，凍凍地酸酸辣辣好開胃👍🏼❤️ 椒麻皮蛋 $58 亦係我嘅小食首選😚❤️ 另外嗌咗個清清地嘅上湯菜心 $58 清下味蕾，又好似平衡下健康啲🤣❤️ 嘢飲揀咗五穀米漿 $38，又係比較清清地，同埋平衡下啲胃酸，等個胃冇咁大負擔😁❤️ 好食好滿足嘅一餐👍🏼👍🏼

位於尖沙咀海港城港威商場二樓2307號舖的姚姚酸菜魚，主打四川菜。用膳當晚，商場正在舉行推廣優惠，需要取票輪候入座。因此，筆者建議各位食客預留至少半小時等候。。就當晚所見，約有一半的食客都是二人來用餐。餐廳的光線也頗明亮。另外，餐廳全場爆滿，空調略嫌有少許不足。 食客需要掃二維碼登入微信去下單，之後還可以查看賬單，頗為方便。店內還有採用送餐機械人，減省了侍應的工作量。。姚姚酸菜魚拼水煮牛肉 - $308 （2人份）Chinese Sauerkraut Fish with Beef（少辣、加麻）招牌主菜上桌了，賣相相當澎湃壯觀，份量十足，同行男友人也滿足得捧著肚子離開。面頭還加了少許蔥花作點綴。雙拼鍋底下還有小蠟燭，保持著菜式溫熱。。酸菜魚採用養殖鱸魚，肉質嫩滑，份量十足，半個鍋盛載著滿滿的魚肉。魚肉內也沒有藏著細魚骨。。酸菜粒約半個手指頭般大，吃起來有口感但又不會大得難以下嚥。酸菜湯相當開胃，辣度比水煮牛肉少。朋友則覺得，如果湯底能有更濃厚的魚味，能夠和酸菜的味道互相輝映，味道會更佳更平衡。。筆者不太能吃辣，所以下單時選了雙拼鍋為「少辣」。可是，水煮牛肉的辣度也是頗為厲害的，愛吃辣的食

姚姚酸菜魚位於港威商場二樓，想食真的要早點來排隊～ 人龍很長！而且這裡可以用海港城coupon，更加抵食呢😋 🔸麻醬雞絲粉皮前菜小食點了涼拌雞絲粉皮，爽口的粉皮佐以雞絲和清新的青瓜，很適合夏天品嚐☀️🔹姚姚酸菜魚拼水煮牛肉值得一讚的是這裡的酸菜魚也可以雙拼✌🏼 可選蕃茄魚、水煮牛肉或避風塘大蝦，兩個人來吃也可以品嚐到多點菜式，一次滿足到兩個願望。我們選了姚姚酸菜魚拼水煮牛肉，酸菜魚香氣濃郁辣勁十足，鮮鱸魚肉質滑溜，另加了萵苣片，很好吃✨ 而水煮牛肉的辣度不會很刺激，牛肉片很軟嫩，送飯一流🍚🔸飲品點了五榖米漿和水果烏龍茶，水果烏龍茶有西瓜、檸檬、青檸和百香果等等，消暑解渴之選🍉🔹彩虹烏龍冰粉甜品必點這個亮眼的彩虹烏龍冰粉🌈 七彩的彩虹非常足料，有黑芝麻、花生、紅豆、丸子、酒糟、提子乾再澆上椰奶，底下是烏龍味的冰粉，帶陣陣茶香，非常清新，而且甜度適中，吃完濃味酸辣的菜式後剛好可以清清味蕾🫧

無下次啦🙈海港城*姚姚酸菜魚*🐠平時經常會搵唔同餐廳去酸菜魚，今次因為有coupon就去試呢間「姚姚酸菜魚」首先平日lunch time 13:15去到攞飛，大概等左50分先有位，自己衡量值唔值得等啦~2個人叫咗以下菜式，本來想叫個冰涼，最後完全無意慾想叫lu~1.雙拼魚（蕃茄/酸菜）2邊都好普通，而且本身配菜方面蕃茄湯底果邊只有蕃茄&粉絲，酸菜果邊就得酸菜&白蘿蔔，可以額外加錢加配菜，我們就加左闊粉&豆皮，整體嚟講魚唔算難吃，但唔覺得新鮮，而且酸菜唔酸的，咁的價位大把選擇。2.缽缽什錦 好細碟，味道尚可3.酸辣豆絲好普通4.2杯飲品 （水果烏龍茶/茉莉香橙）差！！！剛好坐係出餐位，睇住沖的過程真係好求其原價$606+10% （好彩喺用coupon食，折後$367）完全唔值，從飲品到食物都麻麻地~無下次~ByeBye

姚姚酸菜魚拼水煮牛肉餐廳既然叫得酸菜魚，咁當然要食下招牌菜啦，呢個係二人份量，不過想講，份量絕對足夠4人食，而且有好多片魚片，食落非常嫩滑，肉質唔易散，酸菜好開胃，另外仲可以追加各款配料，包括寛粉、金菇同粉絲等等，水煮牛肉嘅牛肉較淋，彈牙易咬，完全唔韌，而且好入味，麻辣香噴噴，配上芽菜等等麻醬雞絲粉皮味道ok ，規規矩矩，麻醬足夠擔擔麵普普通通嘅傳統擔擔麵，有少少花生香味，配上擔擔肉醬，都幾惹味，不過我就覺得唔夠花生醬姚姚脆奶上枱時睇落好般般，食落真係好驚喜 外皮炸得酥脆香口，鮮奶奶味濃郁，必食👍🏻 香港頭條呢個名我鐘意，查實佢係油炸鬼嚟，即叫即炸，食落相當香脆桃膠椰奶養顏推介味道 Taste：🙂🙂🙂🙂/5環境 Ambience：🙂🙂🙂🙂/5服務 Service: 🙂🙂🙂🙂/5消費 Spending：$230 /人 Person推介度 Recommendation：4/5

沒機會北上吃酸菜魚，也可以在香港吃酸菜魚。這家內地餐廳主調是亮眼的天藍色，裝修風格一致。下午5時多已有很多客人等候入座。以QR code下單，上菜速度快得驚人。⭐️五穀米漿$19有五穀夠健康，入口有粗糧的口感，甜甜的，很棒。⭐️香辣豬扒串串$88這串串燒有驚喜，炸豬排很香脆，入口又脆又香。⭐️涼拌萵筍絲$58萵筍絲入口爽口，很清爽。⭐️麻醬鷄絲粉皮$68麻醬絕對加分，粉皮入口很嫩，滑溜滑溜又冰爽口感很適合夏天。⭐️姚姚酸菜魚(2人份)/$278湯頭味道很鮮甜，帶點微辣。辣椒、酸菜、蒜蓉，再加金針菇$32，魚片的份量不少，一片片魚肉入口嫩滑，配以酸菜，又開胃又美味。

姚姚酸菜魚麻醬雞絲粉皮$68⭐️⭐️⭐️⭐️姚姚脆奶$58⭐️⭐️⭐️⭐️⭐️必食！多多桃膠椰奶$48⭐️⭐️⭐️酸菜魚拼水煮牛肉$308/2人份酸菜魚⭐️⭐️⭐️⭐️水煮牛肉⭐️⭐️⭐️香港頭條$38⭐️⭐️⭐️⭐️⭐️依個都係必食！

海港城間酸菜魚日日都勁多人等，每次行過都好多人，禁飛就要等20幾30張台，Lunch hour都一樣。侍應哥哥話食Lunch最好11:30 一開門就入座，禁話唔洗等，用餐時間1個半小時。我地等左一個鐘鬆d入座。座位寬敞，用手機點餐。我地點左個大酸菜魚（3-4人份）（$398），2碗白飯（$15@）。因為我地2個人都超鐘意酸菜魚，所以驚2人份唔夠食。酸菜魚入面唔會有寬粉、菇，如果想食就要額外加錢。魚會用個火座熱住。魚夠滑，酸菜味道都夠。湯底唔會太辣，可自由簡選酸、辣、麻程度。 然後我地再叫左個炸脆奶（$58），無咩特別。本來想食紅糖糍粑，但無哂喇。老實說埋單連加一，人均要$230左右，唔平但等候時間耐，其實尖沙咀都應該幾多其他選擇，大家等唔等，自己決定啦。