姚姚酸菜魚 (港威商場)

营业中

休息中

由開張到而家都食咗幾以，平時雖然覺得服務質素麻麻，但味道取勝。但今晚同朋友再食好失望！我哋點咗一個酸菜魚加幾樣配菜，但上菜嘅時候發現只有一條魚，我哋同店員反映，店員就話候補返俾我哋，烚配菜攞出嚟落返落個湯！我哋先食魚，我都冇聞冇味，好似烚完D魚片加落D湯度，完全無任何味道，而且仲唔熱，好似放假一段時間咁😑😑我哋再點咗個糍粑，更加難以形容，就係一舊炸唔透嘅粉團😅😅😅唉，真係好失望😮‍💨唔會再食，又多人，D服務態度又差，而家仲要味道又變曬🙄

知道尖沙咀開咗間酸菜魚，望見餐牌好多都好吸引 ！仲要價錢超親民，即刻約埋媽咪去食🥰🥰😍姚姚酸菜魚拼蕃茄魚 $308👀因為媽咪唔食牛😞😞就揀咗2個雙拼魚！自己仲可以加料，加咗蒿荀同粉絲～個湯底可以自選辣度，酸度，麻度等等，留意返！如果唔中意食蒜，記得要走蒜😭😭因為個日我就係諗住應該唔會好重蒜味，冇走得，點知嚟到！啲蒜蓉多到每食一嚿魚都有蒜😂😂😂👀自己覺得酸菜魚個味濃過蕃茄～同埋配料俾嘅分量都好多！叫咗小辣唔算好辣🫣食到辣嘅可以試中辣～😍熗炒手撕蓮白菜 $58👀$58一大盤菜！好抵！！同埋炒到好惹味，夠酸，辣，同香！同媽咪秒清🤣🤣真心好食！😍姚姚脆奶 $58👀見到好多人都推呢款～外皮炸到好脆，入面重奶香味，唔死甜，係幾正😳😳😍多多桃膠椰奶 $48👀除咗有海量桃膠，仲有紅豆，其實飲完半杯都好飽🤣🤣同埋勁足椰奶味！不錯👍🏻👍🏻*不過個日2030去到門口重有好多人等位！真心有啲癲🤣🤣🤣大家早啲去食會唔使等咁耐🥹

唸番起未有疫情前，我間唔中北上食飯，上親去就大多數會去食酸菜魚🐟依家係香港都可以食到正宗嘅酸菜魚啦，今次就去左呢間位於海港城既姚姚酸菜魚✨係香港現時唯一分店嚟！整間餐廳主要用tiffany blue做主色，睇見都好舒服打咭又靚😌而且空間好大，坐喺度傾偈都唔會覺得好嘈吵👍🏻🍴食物🍴1️⃣姚姚酸菜魚拼蕃茄魚$308: 我哋揀咗二人份量，上枱大大盤😳份量好多好底食，魚肉又大件又厚身，細骨唔多，冇腥味，仲一次過可以滿足兩個口味，我自己就鍾意蕃茄🍅味多啲比較特別，入邊仲有粉絲㗎☺️如果唔夠喉仲可以加錢配午餐肉/芋絲/金針菇/牛肉等配料。2️⃣姚姚脆奶$58: 外層脆卜卜，咬落去裡面軟綿綿，有少少流心效果，口感一流！不過建議趁熱食，小心燙咀🤭3️⃣涼拌萵筍絲$58: 口感好爽口，蒜蓉味好突出，鍾意蒜蓉味嘅朋友一定好鍾意❤️4️⃣茉莉香橙/新鮮水果烏龍茶$38: 2杯飲品味道好清甜，解渴一流👅5️⃣彩虹烏龍冰粉$48: 一個甜品有超過8種材料極之豐富，黑芝麻/紅豆/白玉丸子等…食到酒釀味道都好突出，加埋呢個甜品今餐真係大滿足🤗！

酸菜魚起源於重慶🍲以往都要專程上深圳先會食到比較正宗嘅口味🚈年初內地著名品牌「姚姚酸菜魚」正式進軍香港🇭🇰首間分店正正座落於尖沙咀海港城✨同閨蜜睇完戲📽經過呢間以Tiffany blue作主色嘅酸菜魚專門店🍴梗係要試試🥰🔸麻醬雞絲粉皮（$68）粉皮份量相當豐富👏🏻入口清涼爽滑😺韌勁十足💋混合爽脆青瓜絲🥒同惹味花生醬🥜滋味滿分😎🔸姚姚酸菜魚拼番茄魚（$308/2人份）➿配菜：寬薯粉條（+$38）去骨魚片以大碟盛上🍽畫面相當震撼😀魚肉質感厚嫩🐟鮮甜味美👅湯底嘅酸辣味道層次分明🌶惹味得嚟又唔會過分油膩💁🏻‍♀️仔細品嚐更有啖啖川菜香料味🍀雙拼酸酸甜甜嘅番茄湯底海鱸魚🐠開胃至極🎊令夏天食慾大開👍🏻配搭煙靭寛薯粉條🍜滿滿的飽肚感💟🔸彩虹烏龍冰粉（$48）賣相極為吸引嘅冰粉🧊色彩繽紛🌈以黑芝麻、花生脆、提子乾、紅豆同脆珍珠搭配🥳冰粉軟滑爽口❄️且帶有濃郁烏龍茶味☕️同清新椰奶味🥥絕對係夏天嘅消暑佳品☀️🔹新鮮水果烏龍茶($38)烏龍茶內有各種新鮮水果🍹如菠蘿、奇異果、熱情果、檸檬片等等💥味道清新怡人😃解膩解辣一流🙆🏻‍♀️相當適合配搭酸菜魚💃🏼🔹紫米豆漿（$19）由原粒紫米提煉嘅紫米豆漿😚可以滋陰養胃之餘🤘

入座侍應叫我地用App落單，一定要用微信叫左一份雙拼魚（酸菜+蕃茄），傳菜係用機械人，上台我用左幾秒影相，已經急不及待試一試，第一啖魚，魚肉很新腥（鮮），尤其蕃茄湯果面，溫度係常溫，比起平時叫外賣，返到屋企仲要凍所以腥味更明顯。盤魚有用三粒ikea小蠟燭熱住完全冇乜功用見到好評黎食，相當失望甜品叫左炸牛奶，炸得脆，味道幾好外脆內嫩水果茶，味道淡，唔可以拎茶飲店比較**整體：酸菜魚係招牌，但係魚太腥做餐飲 連嘢食熱都做唔到 有啲失望***口味各有不同 如有冒犯 敬請見諒*

已經係第三次食姚姚，每次都有唔同野想試，但呢度份量都好夠，所以真係要黎完再黎😂😂今次黎唔知係唔係熟咗，俾個公仔我陪食😂😂😂又幾搞笑，咁俾佢入埋鏡😂天氣開始潮濕悶熱，前菜order左醬滷拌豬耳同椒麻皮蛋，醬汁濃郁不膩，豬耳爽脆可口，帶點麻香嘅流心皮蛋，開胃一流！🙂今次終於試可以滿足晒兩個願望嘅雙併，揀左水煮牛肉同埋酸菜魚，加埋寬粉🤡 最鍾意係可以選擇少鹽少油少or多麻等等唔同嘅口味調校姚姚嘅水煮牛肉係用新鮮牛肉，有口感冇乜筋，啖啖肉，真正做到麻辣鮮香！四川泡酸菜配起骨切片嘅魚片，滑溜無骨，再配花椒、辣椒乾、泡椒同大豆芽再加埋寬粉，滿足度大增！特別一提，酸菜跟湯頭味道融合，特別是蘿蔔，酸中帶鮮，而酸菜酸同爽脆度都剛剛好！🤤🤤🤤建議大家order 香港頭條，即係油條，佢嘅口感同平時食嘅油炸鬼唔一樣，浸一浸酸菜魚或者水煮度食，味道一流！strongly recommend!蔬菜方面每一次都必食大盆菜花，真係好回味，有鑊氣，又有麻椒香，同少量五花肉片一齊炒，更惹味！最後食紅糖糍粑做是日finale 🤤🤤 外層口感酥脆，內層口感軟糯Q彈，紅糖輕輕touch up 一下，今晚真係滿足到不得了！❣️❣️原

如果唔係今餐用海港城優惠卷平幾百我會極度後悔！招牌酸菜魚腥、水煮牛一般、皮蛋無味、口水雞好冰凍同唔夠味、淨係得個冰粉好食 全部野俾我嘅感覺係好睇唔好食！極度失望！

整體來講其實味道不錯不過可能本人期待太高，同想像中有少少出入😅7點鐘去攞位就等到差不多8點9先有得食先有得食🥢同朋友兩個人叫咗個水煮牛肉🐮拼酸菜魚🐟、皮蛋、黑糖糍粑加彩虹🌈烏龍冰粉，仲有兩杯水果茶🍹個水煮牛肉真係好好食但係個酸菜魚我同朋友都覺得有少少腥🙁認真唔推介❌飲品方面嗰兩杯水果茶都好好飲🍹好清新又唔會太甜甜品方面黑糖糍粑個人認為可以加多少少黑糖🙌🏻而佢人氣推介既彩虹🌈烏龍冰粉，真心味道麻麻！如果唔使排咁耐隊，我都會推介大家試吓

🐟有魚又有牛!食雙拼就可以食晒兩樣最熱門嘅嘢啦~ 呢度梗係要食酸菜魚同埋水煮牛 ($308) 兩人份量，每樣都可以試吓，對於平時食開小辣嘅我哋辣度適中，酸菜魚都幾酸㗎。魚肉同牛肉都好滑。甜品方面特別鍾意佢哋嘅炸鮮奶，冇油膱味之餘仲好香添！.Cannot choose between 2 flavour? Try the spicy sour fish x chili boiled beef at this restaurant! Their beef and fish were both tender and soft, hot, spicy and delicious. Their dessert also taste good!

星期六黎海港城行街shopping，晚餐去左一間bookmark左好耐既川菜餐廳，拎籌號大約等兩小時才有位，可見幾受歡迎。呢間餐廳就係姚姚酸菜魚，餐廳用左Tiffany blue tone，比人一種好舒服的感覺。呢閒餐廳主打酸菜魚，一直都好想試，所以點左2人份酸菜魚$278，我同朋友都想食多D魚，就加鱸魚片$58。辣度，酸度，麻度都可以任你選擇，好抵讚，因爲朋友唔係好食得辣，所以揀左少辣少麻。魚片份量都幾多，入口滑溜，魚肉吸收左湯的精華，好惹味。最緊要係無骨，啖啖魚肉，食得好痛快。酸菜好多，味道酸爽。麻麻辣辣口水鷄 $88麻辣味好出，鷄肉嫩滑，不過份量唔係好多。茉莉香橙 $38本來最想試的係新鮮水果茶，不過已經售罄茉莉香橙味道偏淡 淡淡的香橙味 如果加少少蜜糖 甜味多D 會好飲好多黃金脆炸小酥肉 $78呢個小食有驚喜，辣粉令酥肉香味更出，會想一啖接一啖食落去

次次總會只叫水煮魚嘅我，因為 @yaoyaohongkong 改寫咗我，真係無誇張，唔係下下都要食麻辣嘅，佢既無水煮魚嘅嗆辣🌶魚湯湯底令人不禁一啖接一啖👅真係好味得可以喝清過冮龍姚姚酸菜魚經常好多人喺門口等位，可見其人氣🔥🔥落單主要用 WeChat📲◽️姚姚酸菜魚(2人份) $278鱸魚肉完整大件份量好多🐟肉質仲保持到其嫩滑度，新鮮帶魚味👍🏻仲可以添加喜歡嘅配料，最鍾意個寬粉質地煙韌好有咬口，萵筍爽脆又掛湯👍🏻+ 萵筍片 $35+ 寬薯粉條 $38最驚喜係佢嘅湯底食得出魚湯熬製，酸菜清爽酸辣得宜，面頭嘅蒜蓉乾辣椒和花椒由滾油潑淋，份外惹味✔️欣賞佢哋蠟燭暖住熱住，食到尾魚肉同湯底都係熱辣辣👍🏻💯辣子雞軟骨肥腸 $198炸得非常香口又惹味，份量十足，唔似其他店通常泡椒配料多過主角，呢度食極都有雞軟骨同豬大腸👏🏻👏🏻呢個組合一流好食到停唔到口😋😋

。琴晚約左朋友去尖沙咀食飯😘，我同朋友都好鐘意食辣，於是我搵左間食酸菜魚既餐廳「姚姚酸菜魚」，滿滿人龍，果然係近期嘅網紅店，好彩我哋一早都book咗位❤️-我地叫左雙拼鍋 分別係酸菜魚+水煮牛，佢地既湯底有得揀辣度同油度，麻既程度等等，我地太耐無食辣，叫左小辣熱身先，上到枱面已經好香😘，但略嫌個鍋上枱已經吾夠熱，無冒煙既狀態，酸菜魚既魚肉鮮嫩，酸菜煮得吾夠出味，而水煮牛入面既份量真係好多，牛味濃郁，一次過滿足晒2個願望😋，我地加左闊薯粉，好入味好正❤️💯-我哋仲叫咗涼拌萵筍絲，口感爽脆，冰冷既夏天好開胃👍🏻👍🏻，麻油同蒜味都好香❤️-甜品方面我哋叫左紅糖糍粑，炸得好酥脆👍🏻，口感煙韌，片頭已經加晒黑糖同埋黃豆粉，果然好出色😘💯-另外當然吾少得叫咗佢哋個彩虹冰粉 ，七彩顏色，呢個真係打卡必備啊，分別有冰粉，提子乾，酒糟，花生，紅豆，芝麻，丸子等等，食完辣再食返碗真係好舒服😘，不過佢哋好早就已經上咗枱，等到食完嘅時候已經唔凍，如果冰冷嘅情況下食會更加好食❤️-

 【 #人氣熱店 】酸菜跟水煮都真係百吃不厭.... 耐唔耐總有種心癮想去食下，特別係冇咩胃口嘅時候，真係愈食愈開胃、愈食愈起勁。終於到我去食姚姚酸菜魚啦 ～食晚飯時間海港城店已人頭湧湧，排曬長龍等嗌飛，果然係人氣熱店。姚姚酸菜魚拼避風塘大蝦 大大盤份量十足，再加上可自選雙併，岩曬我呢d 貪食寶寶，一次可滿足兩次口慾，湯底麻香醒胃，魚肉滑漏無骨。而避風塘大蝦超有鑊氣！  仲有脆香薯條夠曬香口惹味，仲可以自選酸度同辣度，正喔！必叫嫩牛肉同香港頭條 （油條），牛肉嫩滑、油條即叫即炸，用黎放湯打邊爐超好味 ～多多桃膠椰奶 岩曬夏天消暑解渴嘅特飲，飲落仲有粒粒紅豆同養顏桃膠冇得輸啦～新鮮水果烏龍茶生津解膩，好有果香味夠曬fresh ~ 紅糖糍粑食埋甜品，入口外脆內軟，煙煙韌韌，配埋好糖甜甜地滋味～#yaoyaohongkong #酸菜魚 #sauerkrautfish   #海港城美食 #Foodie

放工跟老公去海海城行街原來好多人都食酸菜魚排左一陣終於可以食魚啦姚姚酸菜魚拼蕃茄魚鱸魚片很厚身，食落去很滑溜，鮮味無比，份量以兩個人食，都算多，叫雙拼就最開心，有辣有唔辣。酸菜魚味道夠酸，魚湯飲落去很鮮味無比，酸度辣度麻度都有得揀，我們叫左少辣少油。蕃茄湯底很香濃，勁多蕃蓉。寬薯粉條寬粉很晶瑩，煙韌彈牙，沾上湯汁很惹味，感覺上都係厚身，食落去又幾好嫩牛肉牛肉很嫩滑而紅得透亮，份量夠食，大片，但不會很柴皮。姚姚脆奶好似春卷甘圓筒形，外脆內軟，一咬就好脆，入面全是奶餡，軟綿綿，熱食先好食，小心燙口。彩虹烏龍冰粉鋪滿了黑芝麻、提子乾、紅豆，酒糟配料的冰粉，好養生，冰粉好Q彈又滑溜溜，食左酸菜魚，食返甜品就透心涼，而且濃濃的烏龍茶味及清新椰奶味，兩個人分享就一定要啦！多多桃膠椰奶養顏飲品，桃膠大粒夠晶瑩，加入椰奶，既香又滑，仲有香甜軟糯的紅豆，唔算太甜。

聽朋友講尖沙咀開咗間姚姚酸菜魚，鍾意食酸菜魚嘅我梗係要來試吓啦！點知失望呀～個酸菜魚又嚡仲要比我食到最中間發現有頭髮Tim(我肯定唔係我同我朋友啲頭髮囉，因為我哋啲頭髮係金色而碟酸菜魚嗰條頭髮係黑色㗎），搵左個職員姓康同佢反映咗，幫我換過條新嘅俾我喎！我唔係要換過碟新呀～係個衛生問題啊大佬！職員然之後就話張單幫我哋九折同埋送碟甜品俾我哋⋯奉獻朋友對酸菜魚有所期望嘅就千祈唔好去呢度食啦！失望而回啊！