姚姚酸菜魚 (港威商場)

营业中

休息中

經過海港城俾呢間裝修得好靚嘅姚姚酸菜魚吸引咗，餐廳用Tiffany Blue做主色調，營造小清新嘅氛圍，好舒服😌 食物高質得嚟仲要唔貴🤩🌟姚姚酸菜魚 $278 二人份呢度嘅酸菜魚可以自由選擇辣度、麻度、甚至連少油都可以揀🤩 平時食酸菜魚最驚面頭一大層油，太過邪惡，所以我揀咗少油😆 二人份量勁大份，魚肉係超級多，真係爭啲食唔晒🤣 呢度用嘅係肉質鮮嫩甜美嘅鮮鱸魚，魚肉爽口彈牙，唔會一夾即散，好正👍 仲有大量經過24天醃製，酸爽開胃嘅水東酸菜，夠酸夠惹味👍 湯底好鮮，我都忍唔住飲咗好多😂🌟 椒麻皮蛋 $58呢個一睇賣相已經流晒口水🤤 用嘅皮蛋好特別好靚，配上花椒麻油，再加上蔥花一齊食，好香食到停唔到口😆🌟熗炒手撕蓮白菜 $58呢個應該係我哋食開嘅辣椒炒椰菜，椰菜炒到剛剛好，Keep到爽脆，加埋辣椒勁惹味👍🌟紅糖糯糍粑 $58有六大條，對於糍粑控嚟講真係好滿足🤩 糍粑炸到外脆內軟，咬落熱辣辣出晒煙👍 如果有多啲黃豆粉就更加正啦😆🌟紅豆烏龍冰粉 $38真心好有驚喜🫶🏻🤩 滑溜嘅冰粉食得出烏龍嘅味道，好清香😍 除咗紅豆之外仲有好多唔同嘅配料，例如花生、提子乾、白玉丸子，口感豐富之外味道亦都好好，推

呢間酸菜魚都幾出名，成日見到有人打卡去。叫咗個雙拼酸菜魚同水煮牛肉，上到嚟係幾大盤，但其實佢有一半都係實心，所以佢份量真係勁細，所以係完全食唔飽，唔推薦。咁嘅價錢有更好嘅選擇

最近終於抽倒時間同朋友嚟呢間近期人氣值幾高嘅餐廳食飯，晚上時間勁多人排隊，都要等咗陣先有位。見好多客人都叫酸菜魚食，所以當然要試吓啦，餐廳有三款酸菜魚供應，而且仲有雞煲、小菜等等。姚姚酸菜魚拼水煮牛肉 ($308) : 餐廳招牌菜式，揀咗酸菜魚拼牛肉，牛肉同魚塊口感非常嫩滑，而且湯底味道非常濃郁。麻辣牛展 ($88) : 牛展非常入味，口感煙韌，而且唔肥唔膩，食多幾塊都冇罪惡感。😋姚姚脆奶 ($68) : 一碟有四條，即係大良鮮奶卷 😋 唔係好多餐廳有得叫，呢啲小食一流。多多桃膠椰奶 ($48) : 個款望落有啲似紅豆冰 😝 桃膠養顏就係人都知，所以我都唔執輸 🥰 超多料，而且味道唔錯。

最近海港城購物完有優惠卷，見到上面有姚姚酸菜魚好想試下～ 但可能好多人都用卷去食，晚餐經常大排長龍，就算8:30去都等到9:00左右🙈平時2個人叫一個酸菜魚已經好多，試唔到其他菜式，呢度比較特別係酸菜魚可以雙拼！酸菜魚係固定菜式，另外有蕃茄魚、水煮牛肉、避風塘大蝦可以配搭。🌟姚姚酸菜魚拼水煮牛肉 $308🐟餐廳用手機下單，可以選擇辣度同麻度🐟平時食嘅酸菜魚會有金菇、豆卜、薯粉等配菜，但呢度係冇嘅⋯⋯🐟加咗薯粉，但職員搞錯放咗去水煮牛肉個邊😑🐟酸菜魚方面，鍋入面都算多鱸魚片，魚質入口鮮嫩有彈性🐟湯底鮮甜，酸中帶辣，夠惹味🥩水煮牛肉鍋上面舖滿重慶指彈椒，入面都有萵筍，豆芽🥩湯底入口辣中帶麻幾過癮，但個人覺得偏鹹🥩牛肉係鮮牛肉片，唔係用肥牛🥩肉質唔算軟淋，有啲韌座位比較逼，一個雙拼鍋基本上佔滿一張2人枱。總結：試完酸菜魚覺得普普通通，已經冇興趣再叫其他食物。講真價格偏貴，服務又唔係好，仲要排好耐，個人覺得有更好選擇。

姚姚酸菜魚大名鼎鼎 朋友一直都想試試聽說長期爆滿 終於扚起心肝一齊去排隊 ８點半到依然滿座要等位 果然人氣爆燈ＴｉｆｆａｎｙＢｌｕｅ配色 裝修時尚乾淨企理沒有中菜老土感 座位亦算好坐食物款式多 份量足味道不錯性價比頗高 美中不足是人太多要等位 服務略有不足如果將來人潮減退或不限時 還是可再訪-⧫⧫ 姚姚酸菜魚 拼 避風塘大蝦 ⧫⧫ $𝟑𝟎𝟖可以雙拼好人性化 酸度辣度麻度能自選機械人運送 上檯超大盤感覺大過我個頭小辣酸菜魚很溫和 我胃炎剛癒也放心吃湯底是清爽路線香氣十足 不油不重口味配料有酸菜蘿蔔花椒芝麻等 開胃又惹味選用有身份證可溯源的魚片 食得較安心魚肉嫩滑啖啖肉無碎骨 吸收了湯很鮮味避風塘大蝦那邊則是另一感覺 乾身香口大蝦份量多 以大量炸蒜辣椒炒得香噴噴脆卜卜連蝦殻食都得 配搭炸薯條超邪惡欣賞它底下有火烘著 吃到最尾仍然溫暖 -⧫⧫ 萵筍片 ⧫⧫ ＋$𝟑𝟓酸菜魚不能沒有萵筍 爽口不索油較健康-⧫⧫ 藤椒無骨鳳爪 ⧫⧫ $𝟔𝟖因為叫了炸物 其他就選些較清新的菜式自己很喜歡這碟 涼浸浸的爽口無骨鳳爪微微醋酸配上青花椒的鮮麻香辣 很過癮-⧫⧫ 酸辣土豆絲 ⧫⧫ $𝟓𝟖土豆絲爽脆帶芝麻香

黃金脆炸小酥肉🔥新鮮即炸熱辣辣，酥脆可口👍作為餐前嘅小食，真係最好不過❤食起身肉質鬆軟，而且飽滿肉汁，好有口感。.姚姚酸菜魚拼蕃茄魚(2人份) 可以雙拼兩種口味，🐟更加可以試多樣！酸菜魚是店鋪招牌，入邊嘅配料都好足😋好鍾意酸菜嘅味道，🌶爽脆入味，配埋嫩滑嘅魚肉，起咗骨之後，啖啖都係魚肉嘅鮮滑，🥢非常好餸飯。.鮮奶紅茶凍，多多桃膠椰奶🧋佢哋嘅飲品都幾有特色，🤓選擇比較豐富。好鍾意鮮奶紅茶凍🍵因為Q彈茶凍帶出陣陣茶香味。

最近天氣熱，常去海港城逛街吹冷氣，就想順便試試很多人推薦的打卡店『姚姚酸菜魚』。店內以Tiffany色調和白色雲石為主，看起來很清新時尚。現在以手機點單，很方便，可以自己慢慢選。特別的是有酸菜魚雙拼，選了姚姚酸菜魚拼避風塘大蝦另外加了萵筍，香港頭條（油條)可以沾湯吃。酸度、辣度、麻度都可以自己選，非常人性化。小吃點了黃金脆炸小酥肉和姚姚脆奶，飲品是是很多人推薦的多多桃膠椰奶，怕吃不飽的可以點一碗白飯。黃金脆炸小酥肉外皮酥脆，粉不會厚，上面撒上花椒粉香辣惹味。肉質軟嫩，味道都好好。姚姚脆奶炸的鮮奶凍，剛上桌時吃外皮香脆，不會油膩。裡面的鮮奶凍奶味十足，入口即化，外脆內軟的口感好好吃。油條上桌，準備沾湯來吃！主菜姚姚酸菜魚拼避風塘大蝦終於上桌啦！好香呀！可以一次試到兩種口味，超幸福。姚姚酸菜魚的湯底好清爽，不會油，香氣十足。因為不大敢吃辣所以選了小辣，辣度剛好，麻度酸度也夠，這個辣度直接喝湯都可以。所以我先喝一點湯再吃魚肉，最後拿來沾油條，清爽的湯底讓油條吃起來不油膩，更好吃。魚肉新鮮彈牙，軟嫩但有口感，份量也很足。萵筍脆脆的口感搭配酸菜魚湯超好吃！避風塘大蝦一上桌就滿滿避風塘的氣息。充滿

內地著名的「姚姚酸菜魚」正式登陸香港！店內裝修採用小清新的Tiffany Blue風格，充滿美感～ 店內使用微信小程序下單方便又快捷，還有自動化的機械人送餐點。跟朋友還使用海港城美食卷，超級抵食！難怪門外大排長龍。 姚姚酸菜魚拼水煮牛肉 - $308雙拼的酸菜魚除了可吃到招牌酸菜魚，更可配搭水煮牛肉、番茄魚或避風塘大蝦。大得幾近霸佔整張枱好震撼！酸菜魚方面，整鍋滿滿肉多刺少的鮮鱸魚，夾起魚片有點透亮，又有厚度又有彈性，入口好鮮嫩；奶白的豬骨雞湯底好鮮甜，加上水東新酸菜、爆香了的小米椒及重慶指彈椒，有齊麻辣香酸的口感，超惹味。水煮牛肉方面，好多大大片的牛肉好鮮嫩爽滑，湯面佈滿紅油有麻辣鮮香的感覺，底部還有少許晶瑩剔透又充滿彈性的寬粉滲透湯汁精華。 姚姚雞翼 - $58即叫即炸特別酥脆，咬開雪白的雞肉流出熱呼呼的肉汁。 紅糖糯糍粑 - $58這個必須熱吃，酥脆的外皮咬開是軟糯香甜的糍粑，有著濃厚的米香和紅糖的蔗糖香。 彩虹烏龍冰粉 - $48解辣一流的甜品。晶瑩剔透的冰粉帶有濃郁烏龍茶味，加入香甜的椰奶感覺更清新，再鋪滿提子乾、珍珠、黑芝麻、花生脆和紅豆等配料，五彩繽紛之餘，口感層次更豐富

一個月前已經想食，打嚟訂位時竟然要等一個月，心諗應該好好食啦，咁照訂啦！終於過咗一個月， 有得食，滿心期待，中午有時間仲專登上 OpenRice 睇下有乜必食推介。點知，超超超超失望，茶餐廳格局，茶餐廳服務，貴價酒樓收費，但係唔好食囉，仲要限時個半鐘 ☹️☹️☹️，上嘢唔算快。 最離譜係未夠鐘已經埋嚟執枱，我話我哋未食完、亦未夠鐘 😡因為一早訂位，所以唔使等，我哋 5 個人，餐廳竟然安排卡位比我哋，多出一個要坐旁邊 (即路口位) 有冇搞錯 😡，張枱係茶餐廳嗰款，所以都唔敢叫咁多嘢食，驚唔夠位放。埋單每人要 $270，唔算飽，好彩有商場現金卷 (最後每人 $190)，冇下次 䈑荀 - 最簡單涼菜，冇可能唔好食嘅 即叫即炸嘅油炸鬼，最好食 今晚嘅主角 - 酸菜魚 (4 人份量 $398)，唔好食，重味精，唯一叫好嘅係啲魚唔散 雞煲 - $178，超細煲、啲雞冇味，又係重味精 蝦球 - 一般，唔難食 呢個唔記得叫咩，味道一般，但竟然話係廚師推介 😳😳😳三杯飲品就一般啦

依間係港威既人氣酸菜魚店，晚晚都大排長龍，食好野真係要等下😋用藍色為主，呈現出魚同海洋既感覺。姚姚酸菜魚拼水煮牛肉通常酸菜魚同水煮牛肉一叫都已經係二人份，所以一餐只能食一樣，但依度居然有酸菜魚同水煮牛雙拼！簡直係為食人士既恩物，一次滿足兩個願望。鍋下有小蠟燭保溫，整鍋份量好大，造型賣相都幾矚目。水煮牛湯底少麻少辣，濃香惹味，牛肉腍滑入味。仲有芽菜同寬粉都索哂湯汁精華，好味😋酸菜魚片一口一塊滑溜魚肉，酸菜食到口水係咁流，辣辣地，正😋大盆花菜有驚喜，麻辣味重加上蒜香味突出，加埋五花肉肉炒，油香豐富，花椰菜沾滿肉汁同麻辣汁，惹味指數不輸水煮牛肉！朋友都忍唔住叫番碗飯送。姚姚脆奶炸鮮奶做甜品，外皮酥脆內裡軟滑，咬落去立即有香甜牛奶香。多多桃膠椰奶有椰香唔太甜，像到粒粒口感既桃膠，如果椰奶質感可以再濃厚d會更好。係海港城晚餐賣單600蚊都唔洗，可以食齊酸菜魚，水煮牛，小菜，甜品同野飲, 好抵！

今曰到訪人氣熱店，未到七時，店外已經堆滿食客了！餐廳以Tiffany blue 作主調，有少少西餐廳的格局，但主要供應四川菜。雖然我吃不到辣，原來有少辣、唔辣、大辣等，選擇也不少。姚姚酸菜魚拼蕃茄魚（2人份）這雙拼窩真係正！尤其那招牌酸菜魚，我們選少辣，味道酸香，帶一點麻辣，魚肉極為香滑幼嫩，那少辣中又有少少麻，味道又鮮，令人有追吃的感覺。蕃茄魚是唔辣的，魚肉香滑無骨，加上酸酸的蕃茄，十分醒胃，不錯。涼拌篙筍絲這涼菜看似平實，但篙筍絲爽口柔滑，又帶一點油香，感覺輕盈，是不錯的涼菜香港油條這油條真巨型，油條炸得不油膩，口感鬆化，沾上湯汁，真可口。脆炸鮮奶炸鮮奶炸得外脆內軟，炸衣脆薄，內裡的鮮奶香甜滑溜，味道唔太甜，有牛奶香，好吃！宮保蝦球這宮保蝦球真可口！蝦球大大粒，炸得爽脆又彈力，加上惹味的宮保汁，配上軟滑茄子，十分開胃好下飯！臘味炒飯炒飯炒得粒粒分明，口感鬆軟，而且每一口都吃到臘味，味道濃厚，充滿油香，好吃。大盆花菜這炒什菜炒得好有鑊氣！椰菜花炒到入哂味，加上爆香的豚肉片，少少辣椒，十分香口又可口的炒什菜。紅糖糯糍粑這糯糍粑有啲似年糕，口感軟糯，粘粘的，薄薄的脆衣加上紅糖，甜度剛剛好

作為酸菜魚控 ᐝ (๑⃙⃘´༥`๑⃙⃘) ，基本上每星期都會心思思想食一次 ，講到酸菜魚既有名店一定要講依間人氣爆燈既姚姚酸菜魚，早前係海港城開左，每次經過都見到大排長龍，今次終於約到朋友一齊試埋下依間店既特色係酸菜魚可以做搭配水煮牛肉/避風塘大蝦/蕃茄魚變成雙併，彈性得黎可以滿足到樣樣都想食既客人˃́ꇴ˂̀除左叫酸菜魚之外，仲叫左其他前菜同甜點，勁豐富既一餐🔺姚姚酸菜魚併蕃茄魚 2人份上枱個陣雙併鍋超級巨大驚人，鍋底下有個小蠟燭，令食物保持溫度酸菜魚湯頭微辣順喉,叫左多酸，酸得過癮，有齊蒜蓉辣椒、白蘿蔔同酸菜，採用養殖鱸魚🐟份量勁多，鍋內盛載滿滿魚肉，魚肉無骨滑溜蕃茄湯底有大量茄蓉，配以魚肉同粉絲，同樣美味，可以自選唔同配料做搭配 🔺酸辣土豆絲 🥔開胃前菜，土豆絲清爽🔺紅糖糯糍粑外層炸到脆脆，入面咬落煙韌，口感豐富，加埋黃豆粉同黑糖醬好味，做得好出色，朋友大讚♡～(´ε｀　)🔺茉莉香橙 🍊好香鮮橙味，清新解渴🔺新鮮水果烏龍茶 🍉加入左西瓜、熱情果、菠蘿等水果，甜度適中 ，解辣一流

服務態度簡直惡劣，我哋一行五人去餐廳食嘢，等咗超過一個半鐘頭，眼見佢係咁比一至二人或三至四人入去，五至七人嘅枱完全未郁過。咁我哋就去問前枱嗰個人佢同我哋講五人以上台係得一張。我哋表明唔介意坐三至四人枱再加櫈，佢叫我重新取飛。我哋多次同前台解釋冇可能叫我哋重新取飛係你哋餐廳安排唔到但係亦不獲理會。之後我哋終於叫到我哋個張飛，我哋嗰張飛係8號，職員已經叫緊我哋入去，突然間7號飛又返咗嚟，職員又要我哋出返去，呢度完全唔識得點樣管理人客同編排枱號，我哋同佢理論佢仲鬧翻我哋轉頭，前台嗰個男人買所謂嘅經理男人態度非常惡劣，好似想同人打交咁。食物質素非常一般，絕對唔食得排咁耐隊去食，亦絕對唔值得去試

今日去海港城行街， 見到間排曬隊既餐廳， 原來係食酸菜魚。 呢間酸菜魚有個特點好吸引到我就係可以雙併😂😂 前所未見過的優點， 一次過可以滿足兩個願望。 前菜方面叫左個椒麻皮蛋， 呢間餐廳用既係黃金塘心皮蛋， 食落唔會好辣，塘心既蛋黃好好味。 主菜: 酸菜魚拼蕃茄魚， 一次過食曬我曼想食既口味， 餐廳有提供埋酸度/辣度自選， 魚片好滑又大塊， 最重要係無骨！！ 蕃茄魚就內配埋粉絲，湯底比較鮮甜。 由於酸菜魚的配料不算很多， 我就加左份萵筍， 仲叫左份香港頭條（油條）。 食川菜點小得甜品，甜品: 彩虹烏龍冰粉配料好豐富， 另外仲有份紅糖糍粑， 這個很推薦， 外脆內軟糯， 口感十分正， 加上黃豆粉和紅糖調味， 簡直100分 。

放咗工同朋友喺尖沙咀海港城行街，見到有間餐廳好多人等緊位，就吸引咗我哋過去睇吓，間餐廳用Tiffany Blue做主打色調，好有少女心，原來係大陸名店出品，主打食酸菜魚，真係好懷念返大陸食麻辣火鍋同酸菜魚所以一於試下呢度同大陸一樣，都係用微信嘅QR code落單，仲有機械人過嚟送菜，好特別，佢呢度嘅酸菜魚可以揀雙拼姚姚酸菜魚拼水煮牛肉 $308一個價錢有兩種選擇，超正，好適合心思思咩都想試吓嘅人，酸菜魚份量好多，以為得半份魚肉會好少，但一啲都唔係，魚肉非常嫩滑，個湯底酸味較重，辣味和花椒味較淡，好適合一啲鍾意食酸但又唔太食得太辣ge 人，餸菜份量都非常之多水煮牛辣和花椒味較重，比較適合鍾意食辣嘅人士，牛肉好多片，每一片都超大塊同非常厚，牛肉味濃，而且嫩滑，配菜份量亦都好多有好多大豆芽同埋薯份，薯粉同麻辣係最佳嘅配搭，大豆芽吸收晒麻辣湯汁，一流，味精唔會好重，食完唔會好口渴泡辣雞腳 $78青花椒味好突出，雞腳好爽口，份量非常多姚姚脆奶 $78我自己覺得依個係必點，表皮炸得好香脆，鮮奶味好濃，食完唔會覺得好油膩椒麻皮蛋 $58呢度嘅皮蛋係金黃色，蛋黃係流心，好creamy，個辣汁花椒味重，