好燒式串燒專門店 (大南街)

营业中

休息中

晚飯時間又係要諗食咩既時候，行街經過見到好燒式，記得幾年前同朋友去過旺角分店食，印象記得好好味，見到太子都開左分店，梗係要去試下。餐紙上見到食物有好多選擇，而且價錢實惠，好多款都好想食。🥢蒜蓉燒茄子（原條）$34食串燒又點可以少得燒茄子呢，原條茄子好大份，味道咸鮮回甜、蒜香濃郁。🍢鴨舌串 $23味道爽口又香脆，香辣惹味。🍢安格斯牛肋串 $26通常出面食安格斯牛肋串價錢都唔太平，但呢度係又平又好味，牛肉鮮嫩，肉味濃郁，食落多汁，必點之選。🍢炭燒牛舌串 $28牛舌很厚肉，食到牛舌的單純香味，肉質夠腍。🍢鹽燒白鱔 $43外皮焦脆香口，白鱔肉嫩味鮮，呢個都係必食啊。🍢燒日本芝士年糕 $12個人本身好鐘意食芝士年糕，亦都食唔少，值得一提係呢度燒得好好！食落口感軟糯又夠香，咬落去芝士非常流心，必食必食。🍢串燒豆腐 $18店員推薦無錯，外脆內嫩，而且帶點點甜味，好滋味。🍢韭菜 $17食串燒叫燒韭菜是常識吧。🥢低溫去骨燒乳鴿 $78又低溫又燒既煮法都係第一次食，保留到乳鴿有肉汁，配埋露筍一起食，好有西式既食法。🍗燒大雞脾 $32朋友最鐘意食燒雞脾，所以差唔多佢食哂，雖然係燒，但肉質仍然保持嫩滑，雞皮亦

永遠冇失望ge串燒店，老闆員工都好nice！👍👍幫襯咗佢年幾兩年，食物質素次次都好穩定好食，出面港式燒烤店一般都落大量孜然粉，好燒式反其道用自己醃料、蜜糖去整，仲有個惹味泰式醬汁比點，一個字-好正！！！有1664draft😍😍不過尋晚冇叫😂左起：翠玉瓜、雞腎、豚肉、鴨舌- juicy~燒得岩岩好雞皮- 脆！香！蟶子- 鮮甜，底層金菇吸收曬鮮味，一黎到食左兩舊先記得影相😂 雞翼尖、雞軟骨、煙肉蘆筍卷重要的事講3次- 正！正！正！

好燒式的串燒很實惠，10幾蚊起就有交易，醬汁也很出色，百搭的泰式酸辣汁酸中帶微辣，而麻辣汁就勁度十足！牛肋串 $26牛肉濃郁，香口惹味！黑毛豬肋串 $28肥瘦適中，軟腍可口！炭燒牛舌串 $28牛舌獨有的味道超濃厚！雞中翼 $19燒至皮脆肉嫩，點泰式酸辣汁就啱晒！雞胸軟骨 $27$27有兩串，卜卜脆送酒一流！羊肉串 $19帶溫和的羊羶味，同麻辣汁勁夾！雞肉腸 $1616蚊打孖上，抵食！燒茄子 $34勁大條，茄子熟透而且夠多汁，索滿蒜香！韭菜 $17燒到唔乾又香口，一串有好多棵！菠蘿 $18香甜多汁，正！七喜 $12獅威 $26

兩個人去食，一開頭叫太多野，全部一次過黎，張枱係唔夠位擺架，只有兩個碟嘅位🙈 同事介紹為左個龍蝦麵而黎，佢嘅汁的確好好味，其他串燒都同普遍串燒鋪差唔多🤔所以下次應該食返屋企附近嘅店啦。但店員服務好好，值得讚嘅！

今日係太子做完嘢，順便係附近搵嘢食，經過見到哩間串燒專門店好似幾吸引，所以就入左去試下。餐廳環境寬敞，座位係沙發凳，都幾好坐，而且一坐低，店員就會提供紙袋比我地放口罩👍🏻枱面上面有點餐紙，可以係上面揀返要既串燒數量，選擇都非常多。🎈海鮮類🔸蒜蓉燒蟶子皇 $68🔸雜菇蘆筍燒扇貝 $68兩樣海鮮都非常新鮮，肉質爽口彈牙，充滿鮮味，而且蒜蓉同雜菇既份量都好多，好味推介👍🏻🎈串燒肉類🐂安格斯牛肋串 $26🐷西班牙黑毛豬肋串 $28🐂鹽燒牛舌串 $19🐔燒雞胸軟骨串（2串） $27牛肋肉牛味濃郁，肉質軟腍；黑毛豬肋肉有驚喜，咬落去勁多肉汁，充滿油脂香；估唔到牛舌係非常厚個種，咬落去肉質同樣軟腍；雞胸軟骨同平時食開既雞軟骨有啲唔同，大粒一啲，油脂亦更豐富，但同樣咁好咬！🎈蔬菜類🍢串燒豆腐 $18豆腐有三大件，表面塗上酸辣醬，咬落去非常多汁，夠曬惹味開胃。🍆蒜蓉燒茄子（原條） $34茄子燒得一啲都唔乾，入口蒜香味好重，再灑上辣椒粉，非常好食，而且真係超大條，啖啖茄子肉。整體黎講，哩間既串燒食材新鮮，火候控制得岩岩好，夠曬惹味好食，如果你鍾意食串燒既話，真係可以一試。

一坐低STAFF就埋黎好親切咁介紹今日海鮮價錢，點完菜好似一陣就好快上齊了。叫第2輪個陣, staff 就馬上出黎話剛剛入左比較多單可能要等耐少少 燒菠蘿超正, 燒完甜左仲多汁左帶子好大隻, 如果再多粉絲放上面就好了XD燒蔬菜正呀 , 蕃茄茄子強推喔!!叫左個甜品做ending 香蕉同朱古力真係perfect matchencore 蕃茄 豆腐無得輸呀泰國蝦餅同烤金針菇仲有年糕, 雞腎, 烤雞串無影到但全部都好好食

和朋友去了太子大南街32-34號的好燒式串燒專門食串燒。一進入店，餐廳就給人一個整潔，光猛，企理的感覺。而且服務員亦十分殷勤有禮，還很主動，讓人感覺舒服。我們點了芝士墨西哥薄餅，羊肉串，燒雞翼，燒茄子，燒雞髀及海鮮荷葉飯。飲品點了樽裝津路烏龍茶。芝士墨西哥薄餅，饀料是包滿了雞肉和芝士，熱辣辣，芝士有拉絲，吃起來非常好味。羊肉串，沒有太濃的羊騷味，加了孜然粉，非常配合。燒雞翼燒得皮脆肉嫩，加上孜然粉，好惹味😉👍燒茄子切片，比原條吃起來更方便，而且兩邊都沾上了香料，更加好味。燒雞髀，大大隻，大件頭和朋友分享一流。海鮮荷葉飯，內裏有些蜆肉，翠玉瓜，蛋絲等，吃起來有淡淡的荷葉香味，真的不錯。總結：好燒式串燒專門餐廳裝修企理，坐得舒服，而且不會有油煙味，店員服務亦相當有禮，最啱我和朋友過嚟飲嘢食串燒。

服務很好， 一到埗店員便會介紹如何點餐，也會介紹今天新鮮到埗的食物，記得要問店員今天有沒有特別的 off menu. 上菜速度很快，而且每一件食物都是熱辣辣的。 點餐紙上可以選擇不同程度的辣，以及要否加入孜然粉等等的選擇。看見很多人推介他們的豆腐， 果真厲害，外皮乾身，帶點蜜糖焦香然後灑上辣粉及孜然粉， 香脆可口。我自己也曾試過燒茄子的，難度覺得十分高，但他們處理非常好，非常細小的蒜蓉碎，入味，原條處理，肉質仍然十分juicy。日本年糕的芝士十分香濃，也是我的心水推介。 而朋友喜歡的是他們的雞腎及炭燒牛舌， 因為兩者都是肉質軟，沒有筋。如果覺得熱氣，其實可以選擇燒菠蘿，因為清清甜甜的，可一邊吃串燒一邊去除油膩及熱氣感覺。順帶一提，我發覺他們六點半左右已經開始比較多人光顧，有需要可先訂位。整體感覺，覺得他們的串燒質量很好。肉類黑毛豬肋、炭燒牛舌、雞軟骨雞腎、煙肉露筍、多春魚、墨魚丸蔬菜素食日本年糕、原條燒茄子、菠蘿、豆腐、秋葵 飲品可樂、鴻福堂涼茶吃了 $306

今晚來到好燒式串燒專門店吃晚餐🍡🍢， 位於太子大南街， 平時也有路過的。 店內環境光猛整潔， 坐低不久店員們親切地為我們介紹串燒， 最後點上炭燒牛舌串$28、 泰式燒豚肉$39、 魷魚鬚$23、 燒茄子$34、 蟶子皇$68、 墨西哥薄餅芝士雞肉$45、蜂蜜綠茶$16、 凍檸樂$18。✨✨✨🔸魷魚鬚🦑～ 爽口彈牙的魷魚鬚帶點微辣， 好惹味。🔸炭燒牛舌串🐮～ 口感厚身， 牛舌燒得剛剛好。🔸泰式燒豚肉🐽～ 稍為燒得較乾， 但份量很多， 帶有泰式風味。🔸燒茄子🍆～ 原條燒原汁原味， 加入調味粉後更加滋味。🔸蟶子皇🦪～ 蟶子肉鮮甜爽口， 配上蒜蓉粉絲， 味道更佳。🔸墨西哥薄餅芝士雞肉🥠～ 除了串燒，還可以試下墨西哥薄餅，鬆脆的墨西哥薄餅，夾着半溶濃郁芝士和雞肉， 值得一試。🔸蜂蜜綠茶🥤～ 蜂蜜綠茶可以去膩， 夏天飲最正。🔸凍檸樂🥤～ 超大杯檸檬可樂， 好解渴。本身很喜歡吃串燒， 而這裏的串燒做得幾好， 調味適中， 款式多， 價錢相宜。👍🏻

成日覺得串燒係同朋友聚舊既唔錯選擇，因為D串燒即刻燒上得比較慢可以慢慢吹水😂有個foodie朋友就介紹左呢間串燒店俾我，佢已經幫襯過幾次話每次都keep到水準兼好抵食，一於等我試下🤓因為我個好飽既lunch仲濟到夜晚🙈 所以叫左唔多野～除左菠蘿係原味之外，其他都係少辣😀 有蒜蓉燒蟶子，西班牙黑毛豬肋串，雞胸軟骨x2，魷魚鬚同雞泡魚乾，另外仲有特色蒜蓉包～❤️雞泡魚乾好大塊👍 燒得靚唔會太燶又唔會太乾身😋❤️特色蒜蓉包蒜蓉包係配原舊蒜蓉上，唔怪之得叫“特色蒜蓉包”😯 有四件，每件都脆卜卜超好食！牛油味濃郁，可以按照自己喜好搽啲蒜蓉上去，創新既食法👏👏❤️蒜芯一串份量都好多下，只係其中一兩條有少少渣，其餘都幾甜～❤️燒蟶子面頭舖左勁多蒜，超惹味😁 蟶子好靚好新鮮，多肉肥美，底下仲舖左啲金菇，索晒蒜蓉好好食🤣❤️西班牙黑毛豬肋串肥瘦適中，肉質比我預期滑，好食！🤤❤️雞胸軟骨唔同普通雞軟骨，係真係連住少少雞胸肉😯 而啲雞胸肉竟然出奇地滑😱😱 軟骨有咬口，加埋少少辣味perfect match！😋❤️燒菠蘿係一開始落單但最後先黎到既，相信係店員刻意安排👍 非常甜同多汁，令成個晚餐好圓滿🤗朋友果然無介紹錯，呢間

低溫去骨燒乳鴿 💲78芝士雞肉墨西哥薄餅 💲45豬仔脾 💲39燒雞脾 💲32燒茄子（原條） 💲34安格斯牛肋串 💲26牛柳串 💲19羊肉串 💲19雞全翼 💲19✅ 第一次試去骨乳鴿，仲要係低溫煮法😯 質感有少少似鴨胸🦆 皮脆仲要啖啖肉🍖✅ 芝士雞肉墨西哥薄餅餅底烤得香脆，芝士分量恰到好處🧀 惹味得嚟唔會好腬🤤✅ 串燒可自選辣度同醬汁，私心推薦雞全翼🐔👅Taste：7.25/10💰CP值：7/10🙋🏻‍♀️Service：7.25/10👁‍🗨Stylishness：6.75/10

串燒我唸好多人都食過，但係好食嘅又有幾多間呢？今日友人就帶我黎到太子既好燒式串燒專門店到，話呢一間唔錯喎！咁我當然好高期待啦有分幾種辣度 適合返自己口味仲可以加蜜糖，孜然粉等等 咁係我地唸緊加咩之際，店員好好咁話唔夠可以直接問佢拎 佢另外加俾我哋！非常貼心芝士丸 雞肉腸 串燒豆腐芝士丸一咬就爆芝士出嚟！唔係雪到實一實 有預早解凍！雞肉腸，串燒好多地方都食到腸 但呢一度既唔太咸 燒到小小焦 幾好！串燒豆腐 口感似炸豆腐，一咬落去入面仲有汁出嚟 香脆！牛油金茹包牛油好足！每一條金茹都有牛油味份量又夠！爽口，唔會咬唔開蒜蓉燒茄子 原條佢有切件/原條簡，個人覺得原條食梗係最好啦蒜蓉多到不得了，一夾成條絲上 讚！芝士墨西哥薄餅估唔到串燒店都有薄餅食，仲要整得幾好皮薄 雞肉紅椒芝士！配搭幾有層次炭燒牛舌串 牛肋串 雞軟骨串牛舌必點，咬落去中間勁軟淋牛肋串厚肉有牛味雞軟骨正常！韭菜好難燒，因為薄易燒黑！呢個燒得幾靚 加埋小辣粉 正總結，當日平日去到full哂 如果想食記得bk咗先去

去花園街逛花店買d靚靚牡丹花回家插，經過大南街, 真的被「好燒式」個易拉架吸引左!趁時間尚早, 去食吓串燒, 啤啤佢, 順便抖暑。哈哈, 人客不太多, 服務也特別好, 好慷慨地俾張4人枱, 可以放包包之餘又可以放靚靚花~先叫技藍妹降降溫先, 立即叫個日本雞泡魚干來送,真係必選之列。牆壁看見黑松露蝦多士相片，好吸睛, 叫一份來試, 冇呃人喎, 同張相一樣, 黑松露雖然放在多士面, 但被多士嘅熱力迫出松露嘅香味, 蝦膠也是頗多, 爽口彈牙, 脆而不膩, 好功夫💪🏻冇骨雞就食過, 去骨燒乳鴿都係第一次見, 叫隻黎見識下先, 乳鴿入味之餘燒嘅火喉剛好, 仍有粉紅嫩肉,可以大啖大啖肉食, 暢快~ 值得一試👍🏻其他串燒:雞中翼、豬頸肉串、多春魚, 燒到時間、味道剛好又不太乾。雞肉串呢...朋友一個人食哂, 佢以為係有兩串, 食下食下就食哂, 到我問佢係咪好好食, 佢話係呀, 傻笑了😂😂😂牛油金菇包, 牛油香滑, 要趁熱食, 不然牛油會凝固, 影響質素。煙肉露筍, 這個我最鍾意, 煙肉嘅咸香加埋露筍嘅清甜, 一流😋😋翠玉瓜, 朋友至愛, 這店應該係先蒸熟, 再燒燒瓜面, 完成鎖住瓜嘅水份，真係好ju

今晚跟老公心血來潮突然很想去吃燒烤及串燒，於是到了好燒式。店員很細心，先為我們調節室內溫度，又逐一為我們推介好吃食物。肉和海鮮之中，以牛肋肉、黑毛豬肋肉、羊肉、白鱔和牛油燒開邊大蝦較令人印象深刻。師傅的火候和調味都恰到好處，不會有普遍串燒店很乾身和太濃味的問題，而且他們自家製的泰式酸甜醬跟肉食串燒的味道很夾，非常特別！這裡比一般串燒店有較多蔬菜類的選擇，其中串燒豆腐和黑松露什菇墨西哥薄餅更是不得不試的招牌。燒豆腐很香口而且伴著十分匹配的醬汁，黑松露什菇墨西哥薄餅外脆內軟，芝士再加上什菇及黑松露這配塔，相當美味！最特色的可算是蒜蓉包，除了一貫的蒜蓉牛油外，廚師會另將預先焗熟的全個蒜頭放在碟上，供客人按自己喜好再添加蒜香味道，很是特別！總的來說，這裡服務貼心，功力很有保證，食物的口感比一般串燒店更豐富和juicy。頗有驚喜的一間串燒！

很耐沒有吃串燒了，今日來到旺角，又唔係太餓，又想食串燒，就再揀返好燒式！孜然粉可選擇分開上，另亦有泰式辣醬和麻辣醬牛舌$28 雞腎$17 菠蘿$ 18日本芝士年糕牛舌燒得剛剛好，軟腍juicy, 牛味濃，必點之選雞腎好爽口，加上泰式辣醬，很惹味。食得多肉最啱就係吃一口菠蘿，清新一下口腔，又可以消滯去膩。羊肉 $19 雞翼 $ 19 雞軟骨$18羊肉嫩滑，羊羶味不是太勁，啱我。雞翼燒至外脆，入面仲好juicy。雞軟骨真係食串燒必點，口感脆卜卜，又可補下鈣😆芝士年糕軟糯 $12@芝士未至於爆多，但味道幾好蒜蓉燒茄子 $34每次必點，蒜蓉控必點🤭茄子燒至軟腍，茄子肉吸收了惹味嘅蒜蓉汁，令人食指大動。芝士大啡菇 $35即叫即焗，原個大啡菇，內裡有大量洋蔥，再鋪上芝士入焗爐，等大概二十分鐘就岀爐端上，熱辣辣，切開洋蔥汁緩緩流岀，鮮香撲鼻，令人垂涎三尺🤤朝日啤 大枝裝 $33食串燒又點少得了冰凍嘅啤酒呢