好燒式串燒專門店 (大南街)

营业中

休息中

鑱咀萬萬歲!🙌🏻ChamZeoiLongLongLife🙌🏻🐭 “好燒式”萬歲萬歲萬萬歲！🙌🏻...近幾年串燒店開到成行成市，唔難搵到一啲味道唔錯價錢又合理嘅串燒。但今日介紹嘅可以話係驚喜中嘅驚喜、優秀中嘅優秀！無論賣相、種類、款式、價錢都係有史以來我食過以來最好嘅😋...裝潢簡潔明亮，港式風格配少許歐陸色彩。好大個舖，大部份都係卡位，坐得舒服！...最令我驚喜嘅係食物款式種類！大量串燒款式：港式丶泰式丶日式丶川式。仲有西式Pizza丶墨西哥餅、意粉/飯，大量惹味小食。最特別係有港式燒乳鴿食！真係要乜有乜。而且價錢仲要相當便宜...🐭燒茄子 $34係生燒的，所以淋得泥仍然能保持茄子本身該有的口感。唔會太油，蒜頭嘅份量適中，好惹味...🐭牛肋串 $26🐭牛舌串$28🐭豬頸肉串 $19🐭鱔 $43牛肋牛舌口感幼嫩，充滿牛香！豬頸肉唔會過肥，肉質鬆化。 鱔鮮甜多汁！...🐭日本年糕 $12🐭翠玉瓜 $28🐭泰國蘆筍 $22越簡單嘅食材越需要用心機去燒！瓜同蘆筍好Juicy ，食到蔬菜本身嘅鮮甜味！非常爽脆。芝士年糕好煙韌！...🐭黑松露雜菌墨西哥薄餅 $48外皮非常薄脆！裏面嘅食材份量非常足

近排心思思成日都想食串燒，食來食去都係同一單，今日朋友就帶咗我去另一間試吓啦餐廳食物選擇都幾多～朋友仔最鍾意食呢度嘅豆腐，一坐底就叫左炸到個皮好硬但個心係軟嘅，不過個人覺得硬左少少麻麻哋啦～叫咗幾轉肉串，牛舌厚左少少，但好滑 雞腎同埋雞軟骨都幾唔錯～ 芝士年糕就唔係好抵啦，$12一粒，質素正常～叫咗個牛油焗金菇～ 唔會太肥膩最下面果個係雞胸軟骨串，係我嘅最愛！佢係雞肉同埋雞軟骨間隔串起，所以一齊食嗰陣個口感好得意～ 不過舊雞肉就真係好細，要大多好多先夠食菠蘿超級甜，好解膩～ 魷魚都夠香口，唔錯～ 整體覺得食物質素OK，可能我比較重口味，如果再多啲調味粉就更加香口不過價錢都可以接受，可以再來

餐廳環境非常乾淨唔會有好大陣油煙味牛油金菇包好足料，啲金菇吸晒啲牛油味，但總體來講又唔算好肥。黑松露蝦多士炸得非常好，外脆內軟，蝦亦都非常爽口！原隻燒茄子夠晒重口味-多蒜又有孜然粉非常香口！我哋嗌左九款串燒最值得一提嘅係雞胸軟骨，口感好爽口，食落去卡卡聲！而煙肉蘆筍呢個配搭好特別，蘆筍會平衡返煙肉嘅油膩！牛舌串亦都非常肥美，切得好厚，有種入口即溶嘅感覺！當然其他串燒都非常高水準！要讚一讚嘅係佢餐單上可以揀走辣小辣中辣大辣，亦都有唔同配料可以揀，例如蜜糖孜然粉辣粉等等，總會有一款啱你口味！

同得朋友出街 如果想搵個地方吹水 通常都會食串燒 因為portion每樣小小地 可以同朋友傾計慢慢食 當日就叫左好多野 食到超飽飽 尤以下下幾款比較深刻Asahi大枝裝 $33/1配埋串燒 清熱氣一流煙肉露筍卷$22貪佢有D蔬菜係中間中和下食串燒既油膩感牛肋串 $26唔會Un得黎有咬口 油脂分佈平均 有牛味 唔似街邊有D串燒會燒到唔知自己食緊D咩肉咁 推介! 雞全翼 $19原隻燒包保佢原汁原味 外皮燒到脆 肉汁又keep到黑毛豬肋串 $28爽口juicy 值得一試煙肉金菇卷 $19煙肉咸咸焦脆 金菇juicy夠清新呢到所有串燒其實都可以再揀配咩汁咩粉 有甜有辣有開胃有重口味龍蝦汁大蝦意粉 $98龍蝦汁好好味 大蝦係新鮮鮮甜彈牙 意粉係扁意粉 且有咬口 都幾好味燒汁烤魚交 $88隱藏Menu魚交燒完唔會乾仲帶點crispy仲保留到好juicy好鮮味既感覺 加埋有小小燒汁係面頭 甜甜地都幾開胃 不知不覺就會食哂Overall都幾滿意, 而且座位都幾闊落舒服, 唔會覺得食飽就要埋單走既感覺!

位置非常方便，出了地鐵站，行5分鐘左右就到。今天好在有提早訂座，如果walk in未必有位，今天坐在近門口的枱，未夠7點，已有walk in客沒法安排座位。今天點了平時串燒的常點款式和試了一些新款式，味道都相當不錯。常點款式 – 茄子、雞軟骨、豬頸肉、牛舌、牛肋串、雞翼全部都在水準之上，茄子燒得恰到好處；雞軟骨是雞胸的軟骨部分，非常特別；新款式 – 這裡有每天的新鮮海鮮推薦，價格因來貨價來定，非常公道，而且款式會因為每天的供應而有所不同，很有新鮮感。而且老闆非常貼心，因為來貨有限，會提醒各類海鮮可能不多，想吃就要盡早下單。最後，我們選擇了扇貝。扇貝非常大顆和新鮮，調味剛好，不錯不錯。另外，我們也試了燒鵝肝，鵝肝超級大，配上紅酒汁，非常出色。

好久沒出去吃飯了，今天約了兄弟到太子站附近的串燒店吃飯，到達的時候大概7點，店裏座位也有6 7成滿。 坐下之後先叫一支啤酒然後開始下單。 我們叫了燒黃立滄魚，牛油金針菇，孜然茄子，西冷牛排。當然還有不同類型的串燒。金針菇牛油味很濃郁，孜然茄子蒜蓉味很足，有一點蓋過孜然味不過還是很好吃。燒魚非常出色，肉很滑也新鮮。串燒豬頸肉最好吃味道帶有一點甜甜的。牛舌，雞肉串，豬肉串也不錯。可惜牛排有一點靭。總的來說這家我是會再來的～

好唔容易終於等到疫情有減退嘅跡象，餐廳都可以恢復正常入座率，係時候出動去食返好野呢間好燒式係我之前都去過嘅，回味無窮，只係今次去太子嘅分店食得串燒，我一定配啤酒，點咗支青島，透心涼食物方面，牛豬羊都要曬佢，茄子、金針菇更加係必點嘅，在朋友嘅推薦下，我地點埋黃立倉同埋泰國露筍我地全部食物都點咗小辣，加孜然係必須嘅。好鍾意佢呢款醬料，酸辣酸辣，係泰國冬陰功嘅味道，超級開胃，點乜肉都好夾牛舌厚切，但完全唔韌，口感好嫩好軟身，味道唔騷。羊肉味道反而淡咗d，我個人好鍾意羊嗰種騷味，但唔太食得出，有d可惜豬頸肉必點，推薦啦，好爽脆，油香味十足！肥而不膩。牛扒嗰度就相對有d可惜了，點咗5成熟，肉味就夠嘅，不過稍微老身，有d韌了。記得上次我都係點咗牛扒，上次係超級嫩，絕對唔比出面鋸扒嘅餐廳差，希望下次再點嘅時候可以食返呢種水準啦。蒜蓉茄子我嘅最愛，必須點全條，先夠曬風味，用筷子拉出一絲絲嘅茄子，濃郁嘅蒜香味入曬每一絲嘅茄子。如果孜然味再濃郁d咁就100分啦金針菇嘅賣相閃lingling，望落已經知道牛油味好香，食落都係好嫩，水分鎖住，冇乾，而分量依然係幾夠黃立倉都燒得幾靚，冇過熟，肉質結實，冇起渣，燒

地鐵站一出行1分鐘就到，入門口量完體溫老闆就為我地介紹今日有咩特別推介，每日有既海鮮都唔同好彩我地早六點幾到，餐廳去到七點已經滿座，等野食的時候留意到餐廳很多都是熟客，老闆亦非常親力親為，與客人關係很好打響頭炮先來人頭一人一條燒茄子🍆燒的程度剛好仍然保持茄子水潤，免頭再加調好味道的大量蒜茸跟住就黎試下今日有的蒜蓉扇貝，一上碟我地都嚇親，每隻扇貝好大隻，$48好抵食！食到好新鮮沒冇overcooked餐廳好專業，我地叫唔同串燒會分兩批上，用唔同既醬汁唔會混埋一齊俾個夾我地夾d串燒出嚟，唔會弄髒臉同手雞翼好脹卜卜，加左dd甜甜地既汁好惹味雞軟骨有兩隻，我地試左特別d既雞胸軟骨，對於我呢d中意軟骨多口感既好適合😋我既飛佛：香煎鵝肝！塊鵝肝大過哂塊多士，少少牛油加香醋汁，配搭得剛好唔會油膩亦好香口

大家乖乖番家抗疫多時，為食鬼蠢蠢欲動，第一樣想食既係串燒。上網搜尋就腳的串燒店，位於太子地鐵站c2出口，步行數分鐘就到既好燒式值得推介！7點去到，得番最後一張2人枱，坐低後陸續有食客wall in 黎，因無訂位，所以要等位去食的話記得提早訂位而為食鬼見到係呢個抗疫時世都要訂位先有得食，對呢間店舖亦充滿信心！round 1 叫咗串燒必食三寶牛舌，雞軟骨，雞臣為食鬼今日唔想食辣，所以點蜜糖燒，幸好店員細心提醒需要落孜然粉嗎？否則唔知變咗咩味道round 2 豬頸肉，司華力腸，豬仔髀，雞髀食肉獸食飽後，黎一份又係必食既燒茄子整體來講，肉類唔會燒到無哂肉汁，唔會乾到硬，咬落有趙口。環境方面，食串燒至怕烏煙瘴氣，食完變咗舊炭出番黎，呢度完全冇呢個問題，因為廚房安排在店舖後方，抽氣又做得好，完全係空氣清新咁食串燒呢餐完全滿足哂為食鬼食串燒慾望

好耐未食過好味嘅串燒餐廳啦，所以帶朋友嚟呢一間好出名嘅好燒式串燒專門店環境好好，好衛生，好乾淨最緊要係坐得舒服我哋叫咗蒜蓉燒茄子切片同燒雞胸肉軟骨串第一次食切片嘅燒茄子，開頭擔心會比起原條冇咁好味，冇咁多蒜蓉味。點知食落比起原條更加好味，因為切片所以更加有咬感，又爽口。雞軟骨串好有口感食落去好爽口，而且味道都唔錯。值得一提嘅就係雞胸軟骨串因為呢個平時好少有機會食到。佢係又有軟骨，又有雞胸肉喺度，食落去嘅層次感好豐富 ，而且加埋佢啲燒汁，味道非常夾。雞胸非常嫩滑，食落去完全唔知食緊雞胸，好似食緊雞髀咁。另外我哋都叫咗牛舌，上面加咗啲鹽同辣粉調味，都唔錯㗎，而且好軟身，食落去一啲都唔硬。仲有食咗個鹽燒白鱔好大條，肉質彈牙，燒得好香口非常可口牛油大蝦非常大隻！好彈牙爽口，上面加咗牛油落去同個蝦嘅鮮味好夾，一隻蝦啱曬兩個人食，因為份量真係好多

之前已同朋友去過旺角分店食串燒 貪佢串燒款多 亦有其他偏西式熟食我地叫左燒海鮮,肉類,丸類同蔬菜類蒜蓉扇貝 時價 當日就$48 1隻大隻厚肉 新鮮鮮甜夠蒜 好正好好味 一定要食燒甘油魚交 $88呢個係menu上無 係店員推介 甘油魚交油脂分佈平均 外皮燒脆 內裡juicy嫩滑燒茄子食燒野必食之選 惹味芝心丸一咬落去D cheese就拉芝咁流出黎 好正翠玉瓜爽脆多汁 惹味得黎亦夠fresh 食串燒要有D蔬菜中和下先係最完滿唔膩豆腐係Openrice見都幾有幾多人食呢個 所以就嗌左黎試 果然亦無令我失望 豆腐燒到好脆 但脆得黎裡面唔會乾 好香口整體來說旺角同太子2間分店食物質素相約亦唔錯 但太子分店比旺角店面大好多坐得舒服!

對於上一次與好友未有品嚐到的此店招牌菜式--招牌無骨慢燒乳鴿,只要一品嚐過其滋味,便在腦海中留下極好的印象,以至有機會就想返尋味;而這次約了另一位住九龍區的好友,於農曆新年前的聚餐,就是見到飛雲--機會來了!事前打電話去訂了當晚2位,免卻可能等位的時間;當與好友見面後,從太子地鐵站走過去,邊走邊聊天,大約10分鐘左右的腳程就到了;報了訂位的事宜,餐廳經理就帶我倆入內坐低;一樣的親切感,令人覺得舒適而放鬆的室內環境,還隱隱聞到鄰檯食物的煙燻氣息,令人更愉快!熟悉的點餐紙,當然是選自己喜歡的食物加辣度與香料去燒製;除了招牌無骨慢燒乳鴿,充滿港式味道的串燒當然是必點食物,還有不可或缺地配搭上地中海風味的意粉;店內有良好的抽風系統,是為現時食肆使客人更安心地享用食物的保證;隱隱從鄰檯散發出來的燒烤香氣,已令人食旨大動了!先上來的野菌黑松露雞肉意粉當然是相當精彩的食物;但若然用筷子用得好,夾著意粉來吃是真正中西合璧的動作;說回此個意粉,入口爽彈,但細嚼之下有點筋性,而且忌廉汁與黑松露醬的香氣已融入其中,另加上滑嫩的雞肉與蘑菇做點綴,更添質感自是十分討喜味蕾!這次的鹽燒豬仔肶,外面香濃油滑,而肉裡

諗住黎食串燒點知比我見到呢個黑松露雜菇墨西哥薄餅，幾特別所以試吓。最欣賞佢餅皮好薄好脆，有好豐富嘅蘑菇同埋芝士嘅份量，味道蓋過咗黑松露味。魷魚鬚好高分，燒得香脆之餘魷魚鬚亦都好大條好彈牙。而炭燒牛舌串同平時食到嘅有啲唔同，唔係脂肪特別多嗰種，但都好腍同燒得好香。秋刀魚外邊燒得好夠，入邊都唔乾，老闆仲有成大舊檸檬俾你用。原條燒茄子燒得好好食入邊一啲都唔乾好多汁，配埋大量葱花同蒜蓉嘅香味，好開胃食完想叫多一碟。成餐飯最驚喜嘅就係呢兩樣:燒鴨胸同埋燒豆腐。雖然佢哋價錢係最平但兩樣都好好食。鴨胸係厚切嘅，但唔會太鹹，啱啱好。豆腐炸得好脆然後再配上佢個特別既醬汁，有驚喜。

今天朋友說要帶我到一間串燒專門店進餐，皆因以往有光顧過，而且廚師曾在酒店工作，品嚐過覺得製作出色，一直想再次光顧，我亦許久沒有吃過串燒，便跟隨朋友到此進食晚餐。法國可倫堡1664白啤酒啤酒色澤金黃亮麗，頂層覆蓋着一層稠密的泡沫，花果香氣濃郁，口感清爽易入喉，不像一般啤酒的苦澀味，而且酒精濃度只有5%，即使一般不太愛喝酒的人士都適合。白壁藏大吟釀這瓶無濾過原酒是指沒有過濾及兌水，使用獨家低溫熟成技術製成，口感厚實，甘醇濃郁，餘韻持久，濃郁回香。鹽燒白鱔白鱔分量充足，外皮燒至微脆，肉質嫩滑厚身，口感十足，燒製時間控制恰好，入口仍保留肉汁，配上甜味醬汁，鮮甜味美。辣酒煮花甲花甲份量眾多，入口完全沒有任何沙，而且香辣味及酒味盡滲進花甲之中，味道鮮甜入味，微辣帶酒香，口感爽口彈牙。燒蠔燒蠔有四種口味，分別有煙肉、蒜蓉、什菇及白汁芝士，我品嚐了煙肉及蒜蓉口味，煙肉燒蠔的煙肉數量眾多，細心地切成碎粒，覆蓋整個生蠔，煙肉香濃惹味，沒有油膩感，蒜蓉燒蠔的蒜蓉量充足，加上蔥花點綴，味道香口帶點辛辣，而生蠔新鮮飽滿，內裏海水味豐富，蠔味濃郁，配上調味料亦沒有蓋過鮮蠔原本的味道。鈕西蘭羊扒羊扒有四塊，外層燒至

串燒就是為上班族放工後紓壓的好地方，有肉又有酒，比居酒屋還鬆馳！物美價廉的好燒式串燒店，深受我和朋友喜愛，也提供多種酒類有啤酒、清酒等等可供選擇，用餐氛圍輕鬆歡樂。與朋友宣洩幾句，頓覺所有煩惱都是浮雲。和同事一言不合?先訂位再說吧！經典款菜色從燒雞翼丸，到扇貝、露荀、雞泡魚乾等的蔬菜與海鮮類的串燒都一應俱全。我們點了不少旁邊有讚好的推介款式。辣酒煮花甲花甲肥美又大隻，伴碟的是煙韌的粉絲，粉絲滿滿掛著又香又鹹又辣又鮮的湯汁，一口吃下去，味道超濃郁好滋味。燒蠔燒蠔有多種創新口味顛覆我們對燒蠔的想像，有白汁芝士蠔，雜菇露荀燒蠔，煙肉蠔，蒜蓉蠔，實在難得。我最喜歡的是雜菇露荀燒蠔，原因是雜菇堆得滿滿的，CP值極高，值得打卡，雖則滿滿是菇香，但絲毫沒有蓋過蠔的鮮味，反而有大自然的清新味道，配搭得宜，最後仔細品嚐蠔肉，一點也不會燒得過乾，也沒有出太多水，口感是香軟順滑的，而且大小剛好收水，可見火侯控制很恰到好處。另外芝士蠔也乎我意料之外，同樣是沒有過多水份，咸咸的芝士味香濃，但蠔味也相當突出，食完也不會太膩。燒白鱔第一次吃燒白鱔，是意想不到的厚肉，油脂剛剛好，醬料燒得很有風味，鹹味和魚的鮮味平衡，