女人街食飯公司

营业中

休息中

見到朋友網上打卡，見到呢嗰啲家裝橫 充滿本地色彩 ，大龍大鳳原是90年代本港酒樓通用裝飾，但現在已經好少見得到， 就算去婚宴場合嘅酒樓都係行西式嘅裝橫路線， 今日專程去呢度食， 有部分原因都係因為一對龍鳳，而且見雜誌介紹呢度的食物質素似乎不俗。去到見到門口好多人，等左一陣，終於有個靠窗邊嘅四人位 座位後面咁啱係魚缸可以睇到魚同鮑魚， 幫咗我唔少，起碼個女可以一路睇一路食， 唔使坐唔定周圍騰。由於好多嘢都想試所以叫得over咗，三大一小 叫咗屋村三鮮， 半隻瑤柱招牌走雞， 韭菜豬紅， 椒鹽鮑魚， 黑松露蝦多士 同埋蛋白脆米炒飯，飽到不行屋邨三鮮係豬生腸 墨魚 鴨腎， 其實我都係唔係好知點解要三鮮，因為呢啲全部都係醃製食物， 但我自己又好鍾意食， 再加上佢配埋芥末醬 乳豬醬，味道一流但工人姐姐同囡囡就似乎唔係咁欣賞。瑤柱招牌雞好入味， 肉質嫩滑 ，同樣係配兩種醬， 而且真係有瑤柱絲， 感覺豪華。韭菜豬紅， 啲豬紅真係滑到好似食涼粉咁，滑左落咀， 我老公唔係咁欣賞，佢鍾意食啲有texture d鮑魚平時食開都係清蒸，今次試下椒鹽， 估唔到咁好味。 平時清蒸個陳皮味有時太重，我唔係咁好，但椒鹽

旺角有間新開唔似大排檔嘅大排檔， 懷舊味道又想試，今次上到去唔算太多人排隊都等咗1個鐘，等位當中有啲混亂，我手持號碼重覆咗， 又話搭枱按號碼先後次序， 大家同一個輪候號碼但係明明我上嚟先😃佢行快一步交飛所以張搭枱比咗人哋。好在我諗諗吓唔對路，趁熱辣辣同職員講番同一號碼，好在有留心聽書，如果唔係白等都似。 好欣賞職員承認忙中有錯， 咪唯有乖乖繼續坐喺度等😶入面有播歌由於太嘈根本聽唔到係乜歌， 步入店內有唔同懷舊嘅招牌， 玻璃窗內有舊式玻璃窗!餐牌簡而精只係前後兩頁， 食乜諗乜唔需要太傷頭腦。士多啤梨骨， 真係有士多啤梨肉， 個汁酸酸甜甜好醒胃，份量精緻咗啲。花枝蓮藕餅， 熱辣辣、外脆內軟、爽口彈牙。炒飯， 都分到4至5碗，食完都飽曬!要介紹戰鬥碗， 飲啤酒除咗支啤酒夠凍先好飲，連盛器都要係凍嘅!!正!!餐廳新開入去就撞到搵食朋友，食完一致比隻大拇指。

是夜四人行，友人提意是次新店，位於女人街中樓宇。 店內環境以懷舊店鋪為主題，以為人熟知的熟食中心、理髮店等裝飾，帶出另類氣氛。經眾人商討後，點選了多款菜式屋村三鮮（豬生腸、鴨腎、墨魚）$78士多啤梨三度腩排$108黑松露蝦多士（3件）$68薑蔥頭抽美國珍寶蠔$198椒鹽大連鮑魚（$38 @ 4 = $152)招牌杏汁燉豬肺湯$148屋村三鮮（豬生腸、鴨腎、墨魚）爽口，以芥末作伴，作頭盤是不錯的。士多啤梨腩排，味道酸酸甜甜，腩排厚肉，有咬口。黑松露蝦多士，件數不多，多士香脆，以黑松露帶出香味及點綴。薑蔥頭抽珍寶蠔，香氣撲鼻，珍寶蠔夠大隻，但邊位略位難咬。椒鹽鮑魚，以住未有試過這種食法，外脆有咬口。招牌杏汁燉豬肺湯，湯香味濃，材料充足，值得推薦。

嘩，大排檔搬到樓上舖真係別有一番風味，嚟打卡影相已經好吸引，樓上舖裝修到好似街市一樣，有魚檔，理髮，燒臘檔，但有個大魚缸好迫真，一班朋友約左係度食飯吹水隊啤杏汁豬肺豬：杏汁味好濃，豬肺爽口好新鮮，湯料十足，洗得好乾淨，好好飲要飲多碗屋村三鮮：生腸脆口，鴨腎入味，滷墨魚，三樣都好，有水準椒鹽鮑魚：鮑魚新鮮爽口熱辣辣又彈牙，上枱仲有少少煙泰式辣肉碎大蝦生菜包：非常惹味醒胃，辣度十足，要包住生菜食中和辣味士多啤梨骨：用新鮮士多啤梨炒，酸酸甜甜

女人街食飯公司喺旺角嘅中心，位置便利，啱哂朋友聚會內裏設計好有大排檔風味，卻又比街邊大排檔整潔企理，加分！餐牌上嘅菜式選擇好多，海鮮、肉類、菜類，款款都有！第一樣上枱嘅係半隻瑤柱招牌走地雞雖然係冷盤，但依然肉質嫩滑，配埋兩款醬汁好好味！必食！然後係八味脆豆腐，高度推介熱辣辣上碟，外脆內軟，調味亦好足！另外有蛋白野菜脆米炒飯，好特別！脆米嘅口感似飯焦，好香脆雖然配菜唔多，但簡簡單單反而更清新！最後有金銀蛋浸菜苗，同樣非常暖胃！菜苗好嫩、好新鮮，鹹蛋皮蛋亦唔少，推薦

去旺角行街見到呢間懷舊風情嘅餐廳，個名已經好特別，女人街食飯公司，全部懷舊裝潢，好特別，好多特別菜色選擇，我最愛乳鴿，乳鴿好有肉，表皮好脆，肉好嫩滑，好多肉汁，有椒鹽和喼汁，呢個必備孖，提升味道，喜歡鹹嘅人士都適合，正啊😘鮮魚湯杞子浸菜苗，呢個無🉐️頂吖，首先湯底好鮮甜，濃郁香醇，奶白色係我最愛，飲左湯後再食菜，菜苗好甜，無渣，好味又有營養💕鹵水三寶都唔錯架，屋村三鮮，有豬生腸，鴨腎，墨魚，配甜醬和芥末醬，真係好新鮮，脆甜，爽口，呢個飯前小食無得頂👍最後主角黃金大蝦，新鮮大蝦配黃金蛋黃爆香，每口都濃濃嘅蛋黃味，小小鹹，蝦因為新鮮，好彈牙，呢個都係必點菜式，出面好少會整，因為工序繁複，必須好好珍惜

上網見到旺角開咗一間好懷舊嘅餐廳，今晚決定同朋友去一試👍🏻👍🏻一入門口已經比佢嘅裝修吸引着🌟🌟好似時光倒流去咗80至90年代嘅香港😁😁之後店員好細心，會走埋嚟同我地介紹特色嘅食物，同埋介紹今日既海鮮🐟🦑🦐🦀前菜我地叫左依個雜錦嘅滷味，有生腸，同埋魷魚🦑好入味👍🏻黃金蝦係店員介紹既，餐牌冇寫既🤗所以鍾意食海鮮嘅朋友，可以問吓店員有什麼推介同煮法呀✌🏼黃金蝦有濃厚既蛋黃味，正呀👍🏻叫左一隻乳鴿，平時唔係四圍有得食，依到既熱辣辣，外脆內軟，啲肉又多汁😋😋食到舔舔脷呀👏🏻👏🏻之後叫左半隻走地雞🐔🐔🐔啲雞肉好滑😁記得要點樣呢兩款汁，點左更加好味🎉最後問下店員有咩甜品，原來都有幾款可以選擇嫁👏🏻👏🏻不過我哋叫咗啲款好有特色既，係好懷舊既甜品，現在已經唔知係邊到有得買喇，所以我超級鐘意食呀😻😻😻味道甜甜地，而且好脆，大人小朋友都鐘意呀🌹

之前見朋友係網上介紹過呢間餐廳兩次, 見個裝修又幾特別, 今晚同朋友食飯就一於嚟試吓新嘢睇吓佢有冇介紹錯先! 去到見到個大門口確係幾特別, 好有80年代嘅屋村茶樓feel , 內裡嘅裝修就似一條街, 營造個感覺係舖頭關門後係門外擺檔的大排檔! 幾有特式, 好啱嚟影相打卡😂食物方面款式唔算特別多, 但就有啲出面飯店未必有嘅嘢！例如: 蝦多士, 焗魚腸等等食物嘅質素相當高, 樣樣都好好味! 屋村三鮮(豬生腸,鴨腎, 墨魚) 三樣好爽口, 夠新鮮黑松露鮮蝦多士夠晒脆口又唔油膩, 蝦肉又夠大隻啖啖肉又彈牙! 八味脆鮮魷魚~薄薄一層嘅炸粉,魷魚大件爽口彈牙, 帶點椒鹽味, 用來送啤酒很不錯士多啤梨三度腩排帶點淡淡嘅甜味, 腩排肉好腍夠入味, 會一口接一口 XO醬馬拉盞芥蘭好惹味, 芥蘭又沒有苦味, 幾好食!曼谷辣肉碎生菜包, 只能食到小辣嘅我就覺得肉碎好辣却惹味, 食完一件會想挑戰第二件, 朋友佢可食辣的就同我相反覺得不是太辣! 如肉碎份量多番啲會更加好總括來說, 環境, 食物質素, 服務都很不錯! 我又多一間有下次的餐廳了!#純粹個人口味

今晚去女人街食飯呀 係呀，去女人街食飯公司食飯呀  餐廳名夠出位，唔係咩咩餐廳，而係一間食飯既公司 門口位已經好吸睛，有種舊式酒樓「鸞鳳和鳴」既感覺。 入到去，好似去左D片場咁，每個角落都分左唔同主題。 仲有搶FO既霓虹燈，影相一流  餐牌既選擇有好多，有D係懷舊菜，就如焗魚腸，看似簡單既心機菜 我地叫左幾樣試下，有屋邨三鮮、脆麻花、杏汁燉豬肺、香芒黑魚子、蝦子撈粗  屋邨三鮮食緊既仲有係回憶，好有掃街既感覺，唔使點其他sauce都已經好好味仲有淡淡地既麻油香。 脆麻花比平時酒樓食既薄身，質感似配搭粥既簿脆，不過就比平時既少左陣蛋香。  秋風起，飲呢個滋潤又養顏既杏汁燉豬肺都不失為一個好既選擇一大鍋湯2個人不但飲到4-5碗，湯渣亦好足料。好多人都擔心出面既豬肺湯會唔會有陣怪味，我想講呢度既豬肺湯好香又冇奇怪既味道，杏汁味道又唔會蓋過其他味道  香芒黑魚子炸蝦配上芒果沙拉汁，酸甜惹味，加上大蝦既爽口彈牙，多重口感。不過如果再熱D就更好啦  最後仲有個細既蝦子撈粗，豬油渣香口，配埋個麵食又唔會好漏 

女人街食店林立,已經花多眼亂了,但原來仲有一間新開張的懷舊感覺食店好出名位於威達商業大廈1樓,地方好闊絡,而且裝修格調真係好特別,入門有酒樓喜酒的金龍裝飾,有茶餐廳水吧、綠色鐵閘車仔麵檔等......以為自己去左80年代的大排擋咁,每張都是大圓枱,茶壺、餐具也是舊式的,仲不停播著80年代熱門的廣東歌,真是熱鬧又俾年輕人感受到以往食飯的情境。食品菜式都顯得有心思,貴精不貴多。和男友見到有杏汁豬肺湯,二話不說就點了一盅。豬肺湯處理步驟很多,但呢度價錢合理,就試下好飲不~好快店員就呈上大盅的熱湯了,已有杏汁味飄出來了,而且湯料好豐富,我們喜出望外!~奶白的豬肺湯甜而充滿杏汁香味,味道偏濃郁。豬肺都清潔得好但事後飲完一點口渴也沒有,可見味精不過份。我們每人都飲左3,4碗,份量真係好大方,好好好好飲懷舊菠蘿咕嚕肉,用左鮮菠蘿,肉塊脆卜卜,唔會厚粉,甜酸適中,送飯一流雜菜粉絲煲,清湯底,有3款菜同大蝦干,味道鮮甜,粉絲多到食唔曬最後要稱讚下個白飯,有些餐廳的白飯很求其,硬而且沒有米味,但呢度的白飯係白雪雪,軟綿而且有米味,有左呢碗飯,更加似家的感覺,味道更加好

今日兩口子去旺角食下港式野。只係睇個名以為真係一間公司黎，不過上到去好明顯有陣舊時七八十年代果種feel，咁當然入面因為新開無耐，地方算係幾乾淨同闊落。兩個人叫左五樣野，兩樣小食、一個湯、一個麵加個餸。小食類一個係咸的屋村三鮮（即係豬生腸、鴨腎及墨魚），望落份量唔少，就咁點佢隻汁已經好惹味，另一個係甜的古法翠麻花，一共四件，呢樣我見識小，今次先係第一次食，睇佢個樣我真係諗唔到係甜品類，不過食落又唔係十分甜，算脆口幾好食。主菜係香芒黑魚子（大蝦），應該係有芒果粒的沙律汁伴大蝦，蝦就斬左件，黎到上黎呢碟可能凍左少少，無咁香口。叫埋香菇油渣蝦子撈粗送下餸，豬油渣粒唔少，略為咸但係好惹味。最正係個湯度，叫左招牌杏汁燉豬肺。成盅上，個湯夠哂滑，好香杏汁味，豬肺食落又滑，最少搵到兩三舊唔細的豬肺，不過因為得兩個人食的緣故，一個人平均都分到起碼5,6碗湯，真係飲湯都飲到飽。

今日同小鮮肉老公放工專登去一間好有香港味道的扮大排檔餐廳食飯😂四周圍嘅佈置非常特別而且又有特色🤗完全好似去咗舊香港咁！一路食飯嘅時候見到好多妹妹仔喺度打卡～～～～而且飯市嘅時候成場爆曬，可想而知呢間餐廳都幾有人氣～椒鹽鮑魚：大件夾抵食，唔會食到大大嚿炸粉，而且椒鹽唔會蓋左鮑魚本身的鮮味，相反鮑魚入味得來又彈牙～火候控制得啱啱好士多啤梨骨：😝一食落去簡直驚為天人，本來諗住都係中式牛柳嗰啲味👅點知一食落去真係有濃郁的士多啤梨味，鮮果入菜令到排骨多了一份清新，而且甜甜酸酸咁樣非常開胃！！呢個飯其實我諗左好耐～因為佢嘅和尚炒飯🙄人妻心諗乜和尚食肉嘅咩😝😝不過最後因為個名咁特別所以都叫咗～食落去嘅時候粒粒分明而且炒到金黃色～配上蔬菜粒肉碎！最特別係佢仲有脆米！實在非常特別😘😘咬落去有口感之餘更有鑊氣💕💕💕💕總括而言呢間鋪頭簡直要進入非物質遺產！人妻好希望將來生左小小B嘅時候～都可以比佢試吓香港傳統嘅大排檔

過往未曾與愛人到大排擋，一來怕污糟，二來怕坐位不舒服，但發現旺角女人街有樓上大排擋，決定一嚐來到門口，發現餐廳非常有90年代茶樓風格餐廳內部以舊香港為主題，氣氛相當好想不到可以陪伴愛人一起回到過去餐廳的坐位舒適，空間也夠寬躺一反大排擋要冒汗享用的印象食物價位比茶樓平，雖然選擇不算多，但也算豐富，想嘗試的也不夠一天試完最吸引眼球的是杏汁豬肺湯，豬肺清洗乾淨是非常花工夫的有很香的杏仁味，湯水也很濃郁，因為湯料十足，兩個人總共喝了差不多8碗，非常抵飲另外要一份炒聖子，聖子非常大隻，啖啖肉的感覺很滿足聖子鮮味十足，也不油膩，但愛人怕辣就不多吃了粉絲雜菜煲的材料就是菜、粉絲和蝦乾，簡單而有質素，蝦乾也非常大隻最後是咕嚕肉，肉炸得香脆而無肥肉，醬汁酸甜適中最驚喜是菠蘿是新鮮而不是罐頭，十分有誠意第一次與愛人體驗大排擋實在滿意餐廳樓面員工非常足夠，因此食物質素和服務非常好餐廳也設有大枱，適合一班朋友來旺角聚會但享用完畢後，約7時，門口已人頭湧湧，想試的話建議先訂座

今天和女友到旺角逛街，找到女人街食飯公司，店內裝修古色古香，很有八十年代的風味，跟一般餐廳有很大的風別，我和女友到達時剛好是中午，可以試試他的午市精選套餐。我選擇了古法生炒牛肉脆米飯（$50），吃下去果然非常脆口，每一口都品嚐到脆米的口感，平日在普通餐廳並不容易找到這個菜式，加上牛肉亦遍佈飯裹，十分美味。女友選擇了椰香咖哩牛腩配白飯（$54），牛腩軟腍入味，應該是經過特別燜煮，加上椰香咖哩汁襯托，更香濃吸引，而且份量十足，絕無欺場。套餐配例湯，是日例湯是蓮藕湯，湯水非常入味，喝了兩口覺得很好喝，便把女友的湯都拿來自己享受。

今日約左朋友食晚餐，就選了座落旺角女人街的女人街食飯公司。我們一行4人，安排坐在一張圓枱上，餐廳環境很懷舊，很多類似大排擋的擺設。我們分別點了屋村三鮮（豬生腸、鴨腎、墨魚）$78、士多啤梨三度腩排$108、黑松露蝦多士（3位）$68、薑蔥頭抽美國珍寶蠔$198、椒鹽大連鮑魚（每隻$38 x 4 = $152)、招牌杏汁燉豬肺$148、豉椒炒印尼檉子（例）$128、惹味香辣肉碎海中蝦$168，咸檸七2杯及啤酒🍻4杯。屋村三鮮（豬生腸、鴨腎、墨魚），好爽滑，點埋黃介末醬及甜醬，好味。士多啤梨三度腩排，醬汁特別，酸酸甜甜。黑松露蝦多士，香脆。薑蔥頭抽美國珍寶蠔，蠔大大隻，連埋薑蔥一齊食，正。椒鹽大連鮑魚，有淮鹽、香蒜，超好味。招牌杏汁燉豬肺，杏汁燉豬肺湯超水準，材料足，一飲再飲。豉椒炒印尼檉子（例），正常。惹味香辣肉碎海中蝦，超辣，鍾意食辣既朋友一定好喜歡。咸檸七，唔錯。啤酒🍻，正。