女人街食飯公司

营业中

休息中

旺角有間新開唔似大排檔嘅大排檔， 懷舊味道又想試，今次上到去唔算太多人排隊都等咗1個鐘，等位當中有啲混亂，我手持號碼重覆咗， 又話搭枱按號碼先後次序， 大家同一個輪候號碼但係明明我上嚟先😃佢行快一步交飛所以張搭枱比咗人哋。好在我諗諗吓唔對路，趁熱辣辣同職員講番同一號碼，好在有留心聽書，如果唔係白等都似。 好欣賞職員承認忙中有錯， 咪唯有乖乖繼續坐喺度等😶入面有播歌由於太嘈根本聽唔到係乜歌， 步入店內有唔同懷舊嘅招牌， 玻璃窗內有舊式玻璃窗!餐牌簡而精只係前後兩頁， 食乜諗乜唔需要太傷頭腦。士多啤梨骨， 真係有士多啤梨肉， 個汁酸酸甜甜好醒胃，份量精緻咗啲。花枝蓮藕餅， 熱辣辣、外脆內軟、爽口彈牙。炒飯， 都分到4至5碗，食完都飽曬!要介紹戰鬥碗， 飲啤酒除咗支啤酒夠凍先好飲，連盛器都要係凍嘅!!正!!餐廳新開入去就撞到搵食朋友，食完一致比隻大拇指。