女人街食飯公司

营业中

休息中

🤗🤗今日突如其來的飯局，下午時我地部門啊頭叫今晚大家一起食餐飯 收到風應該係下個月要調去其他盤 本身小妹係做工程助理 職位低微😩上司叫到無得推 好在食飯地方都就腳係旺角 👍🏻我們一行五人早左收工6:30已到 不用等位直接就坐 👍🏻👍🏻環境幾特別主打懷舊風，佈置有舊式嘅剪髮店，綠色嘅鐵閘車仔麵檔，戲棚花牌，茶餐廳水吧，霓虹燈招牌，真係諗返以前，懷念過去嘅日子小食推介咖哩魷魚🦑比較乾身但好入味，呢個涼食充滿濃郁嘅咖喱汁味道小食係$148可以選擇三款小食，這是其中一款呢二款比較啱小妹口味 🥰蟹肉炒粉絲和黑松露🦐多士 😋😋 🤣蟹肉粉絲入邊配菜有雞蛋芽菜同蟹肉和蔥花，非常夠味，食落有不油膩，粉絲質感非常彈牙又幼身，口感我比滿分黑松露鮮蝦多士$68有三件，因為我哋人太多，所以要叫兩份先夠😁首先賣相非常靚炸到多士非常鬆脆香口用新鮮嘅蝦來做餡爽口既蝦肉，再加埋黑松露嘅香味提升左食物嘅味道☝🏻☝🏻椒鹽鮑魚 創新煮法 👅一流，而且鮑魚上面加一些蒜蓉粒，令到味道更加出眾美味可口☝🏻☝🏻☝🏻食肉獸至愛😜咕嚕肉甜甜酸酸，非常惹味，肉質又夠滑🤪加埋紅椒黑椒黃椒配搭，冇得輸飯後個個都飽肚回家，值得一👍🏻

朋友話想去特色的餐廳食飯, 記得旺角有一間以懷舊店鋪裝修的餐廳，便約了一齊去。那天是星期二, 雖然是平日, 但都企滿等位的客人, 我們都等了一會兒才有枱。裡面很有大牌檔的感覺, 連餐具都是懷舊的, 但地下卻是乾乾淨淨的, 只是有點嘈, 整體感覺不錯, 好有feel。我們點了瑤柱招牌走地雞(半隻), XO醬馬拉盞芥蘭煲, 再點了白飯及咸檸七做飲品。瑤柱招牌走地雞(半隻) : 超大份, 雞上鋪了很多瑤柱. 呢個菜配有2種醬料, 薑油及泰式酸甜汁, 個人較喜歡配泰式酸甜汁的感覺, 加上雞很嫩, 好好味。XO醬馬拉盞芥蘭煲: 原煲上, 裡面還有蝦乾, 超香超惹味, 再配埋白飯食, 一流!再加埋個咸檸七 , 超飽超滿足既一餐。

上網睇啲雜誌介紹呢間懷舊大排檔， 四千幾呎， 又有鐵閘 ，又有舊式鐵窗咁，又係影相自拍嘅好地方。所以趁食晏時間過嚟朝聖😆😆😆嗌左個碟頭豬扒煎蛋飯食物冇乜特別中中挺挺，塊扒都算juicy嘅。不過哩度明顯就係食裝修所以食物質素都未必係重點lol 如果晚飯黎可能可以多d時間慢慢影相會抵d 😂

泡椒豬手 $78一邊豬手骨起肉切片凍食 個醬酸酸辣辣好惹味 食完過一陣個辣都仲係度鮮魚湯杞子浸菜苗 $88魚湯幾清甜 飲落似冇咩味精既聖子 $42/each本身嗌聖子皇 不過話賣晒 轉左普通聖子 而呀叔上菜個陣都中氣十足講聖旨到! 最正係好多粉絲同蒜 不過粉絲浸晒鼓油咸左d 聖子都唔細隻 幾彈牙薑蔥珍寶蠔 $198成煲熱辣辣上爆過既薑蔥味好香 蠔都有半隻手掌咁大 幾飽滿依度勝在枱與枱之間有d距離 唔會大排檔咁嘈到好辛苦 一班人黎嗌多幾個送飲番杯都幾好氣氛

之前係旺角呢附近食飯時見過呢間上樓大排擋，裝修用懷舊香港做主題，用舊式大排檔做佈景， 非常特別，所以今晚約咗朋友一齊試下。地方好闊落好乾淨 ，真係好懷念舊時嘅香港， 真係忍唔住手會不停影相。店員見我地第一次嚟，好nice咁推介咗幾味皇牌小菜俾我地，而且Menu選擇繁多，價錢亦十分大眾化。我們倆個人叫咗半隻瑤柱招牌走地雞$128， 香嫩多汁的雞肉滲透出瑤柱嘅芳香，絕對值得一試椒鹽九肚魚也是必吃之選，新鮮熱辣，入面豆腐好滑，外層椒鹽好惹味，送啤酒一流！這𥚃嘅蝦多士卻比平常的加入新意，以黑松露配搭，炸得金黃不覺油膩，麵包香脆，蝦又夠大隻配埋黑松露沙律醬，真係好好味！ 下次再嚟一定一定要叫呢個最後壓軸叫咗兩隻椒鹽鮑魚，因為見到枱枱都有叫，自必定係佳品啦，估唔到炸完嘅鮑魚一啲都唔乾身，非常彈牙。

星期一晚，一行五人去食，叫了六個餸。鼓椒炒蟶子，唔熱，蟶子殼白雪雪，完全無鼓椒汁，明顯肉同殼係分開炒，臨上碟先撈成一碟。其他小菜，味度OK，唯份量太少。職員服務極差。用餐中途當時全場無虛席。但門外唔多人等位，職員卻不停對我張枱指指點點，有種趕客的感覺，極具壓力。更令人憤怒的是，職員不停徘徊我張枱，不停收碟。其中一碟炒銀絲，還有1/5碟都被職員收走。啤酒未喝到見底又給職員收走。不久職員離譜到主動問「不如俾張單你先」。完全無視顧客感受。建議各位不想受氣的食客小心，因一落單後就唔會當你係客，只想你拿臨食完拿臨走。

約咗朋友去旺角食飯 兩個女仔心血來潮突然之間想食d「佬野」，就一齊上左去一間「食飯公司」🧐 呢度嘅環境十分吸睛🤩 充滿着懷舊嘅色彩！因為係閒日過嚟 所以好快就有位～<<黑松露鮮蝦多士 $78>>炸到金黃色淨係賣相已經好吸引～ 口感鬆化 充滿蝦嘅鮮味 同松露嘅香味非常配合可以沾埋松露沙律醬 能更加突出黑松露嘅味道<<羅勒黃金軟殼蟹 $98>>黃金蝦就食得多喇～真係第一次食黃金軟殼蟹！一嚟到已經聞到香濃嘅鹹蛋黃味🤤 炸得非常香脆 但感覺又唔會好油膩而且不失軟殼蟹嘅鮮味～ 味道一流！最驚喜嘅係平時軟殼蟹通常都係得個殼 估唔到今次食到好多蟹肉仲要能保持到鮮甜～ 值得一試！<<家鄉炒米 $98>>炒得香口乾爽 又夠鑊氣～ 而且非常足料 絕對唔吝嗇d蝦仁同蝦乾～ 喜歡食辣的 可以再加辣椒醬 美味十足！時代變遷～已經好難做返以前嗰種係街邊食嘢嘅感覺。但係將呢個概念搬咗上樓仍能保持到香港原有大排檔特色 而且味道仲可以做到咁地道 絕對值得一讚！

今日和朋友小聚會，聽不少人講這裡有間好地道裝潢的餐廳就過來試，沒想到都有不少人等緊，等了一會先入去，入面裝潢的確十分特別，影相打卡岩晒。食物黎到十分快，而且份量十足，我同朋友都食得飽，每人$250都不用幾抵食，仲拿了些外賣回家添。當然叫我最愛的鳳梨懷舊咕嚕肉，咕嚕肉炸得剛好而且肉都好大舊，醬汁酸甜度剛好而配菜青椒和菠蘿都不少，最後忍不住叫一個白飯來送飯添。朋友見黑松靈就發光，仲要是比較少見的蝦多士，就叫了一份來試試，黑松露鮮蝦多士，黑松靈好香而蝦口感都好爽口，多士吾太油，夾住一齊食味道提升不少。古法脆麻花，來到見到份量岩岩夠我地二人食，好脆口又薄身，有不少蜜糖係度，甜甜的吾油好味道。飲品就叫了青檸梳打，青檸味十足配上即開梳打勁有氣，岩晒食完清清飽都食唔晒嘅胃。

約左中學同學出黎聚舊，哩間主打港式懷舊餐廳，都近期幾hit，係動新聞和電視飲食節目都見過，一於黎食下報導話，為左哩味餸專登聘請旺角區一間好出名鹵味小店既店員過黎做，隔離甜醬同芥末先係靈魂，親自由佢負責調配，好好味，魷魚好爽口，必食推介咕嚕肉，粒粒都炒得好入味，而且肉唔乾身什菜煲裏面有4種菜，包括西蘭花，菜心，大白菜，娃娃菜浸左入湯裏面，中間有蝦干提升返個湯帶少少海鮮味，粉絲一定要食，索晒湯汁魚雲煲又係好入味，可能先炸過，所以食落幾香口鹹蛋黃蝦，食落口有起沙既感覺，而且好大隻蝦啖啖肉，亦係必食哩個好似叫蟹籽蛋白炒飯，飯粒帶點濕潤，每粒飯都好夠味，撈蟹籽食可增加爆珠口感

約左幾中學同學食飯，佢地話這間唔錯帶左我黎，入到去真係好似置身於大排檔一樣，裝修好靚好迫真。蟹籽蛋白野菜脆米炒飯($88)，炒到粒粒分明，蟹籽混埋落d飯口感好特別。黃金海中蝦($148)，好似約有8隻，每隻都有手掌咁長，面層好香鹹蛋黃味，又有起沙果種感覺，蝦頭仲有少少膏食下。咕嚕肉($88)。粉絲雜菜煲($98)，唯一一味有菜既餸，而且有齊4款菜，真係好抵食，粉絲又吸左帶有蝦干既湯汁，好惹味。薑蔥頭抽魚雲煲($128)，好香口，而且份量都幾多，食到煲底都仲有魚雲食，真係好足料。屋村三鮮($78)，豬生腸，鴨腎，墨魚，三樣都超正，好爽口，點埋甜醬+芥末簡直絕配，這味餸不可不食。

今晚同明友出開旺角通茶街。朋友推介食這家食店。於是今晚去咗這家進食。這家食店，地方夠大，冷氣充足，店內環境及装修好特別，非常懷舊。好有特式。店員有禮貌和友善。叫咗個黑松露鲜蝦多士。熱熱地，鮮蝦好入味，脆脆地，真係非常好味道。另外叫咗半隻乳鸽，這個絕對值得推介，乳鸽又大隻，又脆，份量十足，做得非常出色，十分難忘，個人認為這個是必食的。另叫咗炸花枝餅，同樣做得出色，新鮮即炸，花枝餅非常好食。賣相夠全黃。這家食店，炸物做得十分出色。於是再叫椒鹽魷魚，一邊飲酒，一邊食，非常有味道。另叫咗墨魚，鴨腎和生肠，三款都好入味，又爽口，非常好食。又叫咗咕噜肉，甜酸度比例適中，甜甜酸酸，食慾大爭。個人認為這家食店物超所值，必定再來光顧。

見到網上有人推介呢間，就同朋友專程嚟試下，不算太多人等位，去到等了一陣，店員告知可以入座，但他通知我地只能用餐1小時，有點無奈，但因為太肚餓，沒有辦法下只能照食！之後舉手點菜時，等了幾分鐘都沒有人嚟落單。侍應態度亦比較冇禮貌，非常扣分！而且店內音樂十分大聲，加上枱與枱之間非常近，基本上同朋友好難傾到計，環境太嘈，令人好想快d食完就走。上菜速度快，食物質素ok，但員工同整個環境實在太差，不會再光顧!

女人街相信係80後中學時期必去既地方，2000年代興起既喇叭褲水筒褲熱潮，都必定係女人街搵到，每次經過都覺得好有回憶！！點知最近上網見到有間餐廳叫"女人街食飯公司", 主打港式大排檔風格，見到個咁特別，我又鐘意食大排檔，咁緊係要去試啦！位置大約女人街平時側邊d 樓，呢棟都算新（番新？）既樓，之後上1樓，即時發玩一間好有特色大排檔風格既餐廳！薑蔥珍寶蠔 - 黎得大排檔緊要食d 穫氣風味野啦！叫左個薑蔥蠔，好肥美，用左煲仔炆，夠香！泡椒豬手 - 本身以為係燒豬手，點知原來係凍豬手，不過反而有驚喜！！豬手好彈牙，值得一讚既係個sauce!!少少酸辣既感覺，完全提升左豬手整體個味道！鮮魚湯杞子浸菜苗 - 以為係豆苗，自己傻仔左，不過清清地食菜就無所謂啦！蟶子皇 - 本來想叫極大蟶子皇，點知無晒貨🙈不過低一級都好大隻，例牌蒜蓉蒸，無得輸！！！

是晚又到旺角搵食。點解會㨂呢度？3個原因：1. 店名叫「女人街食飯公司」，成間百貨公司名咁，淨睇名真係想像唔到食咩，好好奇。2. 㩒入openrice睇下，裡面裝修好80年代大排檔feel，有招牌有鐵閘有魚檔，雖然而家都好多食肆走懷舊路線，但都算吸引嘅。3. 再睇睇菜式，佢竟然有臭。豆。腐！唔駛諗，非佢莫屬。店鋪係通菜街，同十三姨同一條街，都係好隱蔽，仲要上樓上。不過去到發現人頭湧湧，要等位，還好地方大，好快就有枱。菜單只有兩頁，但其實款式都唔少，樣樣都想食，要㨂都花左點時間。不過當然，目標之一當然鎖定臭豆腐（$58），佢唔係街邊見到的大大件，而係一口size，食起上來方便好多，亦唔需要將甜醬豆瓣醬塞入件豆腐，就咁點就可以了。我最關心的當然係臭唔臭，聞係聞唔到，食就帶淡淡臭味，我嫌唔夠臭，但唔太受得的都可以一試。同埋佢炸得偏乾，表面唔係脆，而係硬硬地，裡面都不能期望會juicy。如果不是臭豆腐中毒者，呢道菜試唔試都冇所謂。見到隔離枱有碟XO醬海鮮小炒皇（$108）貌似幾吸引，忍唔住又試下。材料有韭菜花、蝦、蝦乾、魷魚、腰果等等，口感豐富，係好惹味嘅，不過就連我都覺得鹹左d，一定要搵碗飯

上星期一行9個人去左食晚飯慶祝生日 滿心歡喜 失望而回🙄🙄🙄🙄🙄 本身見到裝修環境唔錯 幾得意就決定試一試！！！ 點知！！！食物一般 選擇同分量超級無敵少💩 服務奇差 十問九唔應 所有野基本要追三次 keep左生日蛋糕但係唔肯幫我地點蠟燭 最後比錢等左勁耐都未找錢 問侍應佢話係散紙冇數到收哂-_________________- 最後求其比翻$40我地就算仲要態度好差 唔會再嚟🤮🤮🤮🤮🤮🤮🤮🤮🤮