女人街食飯公司

营业中

休息中

今日同男朋友去左女人街食飯公司食飯，午市精選套餐都已經有十幾個選擇，心大心細諗左好耐先捨得落單，我就鐘意新嘗試，古法生炒牛肉脆米飯個名吸引住我，好奇心驅使我試一試，男朋友就叫左個椰香咖喱牛腩配白飯。椰香咖喱牛腩配白飯香味十足，牛腩軟硬適中，份量亦相當之多，配合埋白飯同咖哩汁，相當飽肚。是日例湯係蓮藕湯。古法生炒牛肉脆米飯真係好脆，講緊既係佢啲飯同平時食開既好唔同，米飯經過特別處理，牛肉全部切成一小粒，平均分佈在脆米飯內，每一啖都好有口感。套餐加配凍飲只需加6蚊，我地分別叫左一杯凍檸茶同一杯凍奶茶。午市精選套餐時間長，11點30分直至16點30分，無論係午餐定下午茶，都係一個價廉物美既好選擇。

好老實係因為看到呢間懷舊特色的內部裝修吸引住而來的。先講地點。好方便。近家樂女人街尾。但我搵錯門口。最好搵到。好彩有訂枱，越夜就越多人。個人認為全間餐廳也有打卡位，每個位置都可以影相，餐廳老闆也有點頭腦。講講小菜，連餐牌都有懷舊feel,菜色照近乎懷舊菜色，飲品，糖水。叫左屋村三鮮，九肚魚，豆腐，咕嚕肉，菜等。全部食到好新鮮，味道好有獲气，值得讚。唯一係食到最後，也因為出面多人，有點希望你快埋單的感覺。希望下一次揀小d人先嚟食。就可以睇真d.

一班人食飯，要嘈得，傾計唔使就住就住，就應該食大排檔呢度算係環境舒適版，店內裝修真似大排檔一樣，仲要有老香港風味既特色。呢個水壺好復古風先點左枝哈爾濱啤酒,呢度都係用戰鬥碗飲啤酒，好似拍緊古裝戲又要相機出沒要影相呃 like 啦啤酒係勁冰凍, good~幾個人, 每人揀左一個餸, d餸等左一陣好快就到，上菜效率高，值得一讚點左個屋村三鮮，夠爽脆夠入味，值得一試炸鮮魷送啤酒一流！外面酥炸到啲皮真係好脆，爆炸得又算唔太膩，好好o既佐酒小菜。 炸花枝餅好正，外面脆脆，裡面爽口，配住戰鬥碗飲啤酒，真係爽啊薑蔥魚勻煲送飯一流，夠晒獲氣，D蔥色澤炒完好靚，綠油油咁爆到好香魚勻煲整體味道適中，唔會太鹹，落油唔算好多，食落仲有蒜頭爆香既味道，配飯食好滿足再來都係點左重口風味小炒，尖椒炒大腸，真係無得輸，豉椒味濃大腸通得乾淨是必然的吧，爆得好香入晒豉椒晒，爽身帶D脆，唔送飯就咁食已好正咕嚕肉炒得色澤唔錯，啲肉夠入味難得既係洋蔥同青椒都炒到有功架半淋狀唔會仲係生生硬硬，又係佐飯之選總結：呢度D嘢幾好味，夠曬镬氣，埋單每人百幾蚊，旺角鬧市呢區，算係好抵食！一班人想熱鬧又坐得舒服，而且可以係有冷氣受裝修帶懷舊

一去到門口，個門口都已好吸晴～入面裝潢好有懷舊港味，好得意及精緻🤭宛如一個街市既佈置..睇睇菜牌，肉類選擇正常，海鮮類比較多..朋友介紹椒鹽鮑魚，不得不試👀真心肉彈牙兼內軟，椒鹽味又香口。係每隻叫既，$38覺得都ok。黑松露蝦多士～都係推介之一，多士炸得剛剛好，蝦又大隻，黑松露味道相配，表示喜歡💕炸臭豆腐～好有味道（個臭豆腐味😂）外皮酥脆豆味濃，而且份量幾夠，配上豆瓣醬👍🏻士多啤梨腩排～腩排肉嫩，醬汁均勻，不過個人口味想酸d姐😂大致ok的。炸鯪魚球～香口，size剛好...份量夠。魚湯杞子豆苗～魚湯香甜飲左好多，豆苗嫩口，杞子超甜😳清晒😁😁一開頭等位都見好多人等，唔怪得咁多人排，有原因的👀

今日去開旺角買衫，叫埋女朋友收工黎旺角食野，上網見到依間野幾特別，決定一試店內裝修充滿8，90年代既懷舊味道，打卡位非常之多。另一方面，餐牌上面既野好多都好吸引，奈何得兩個胃只能叫幾樣飲勝碗打卡位$128 蟶子不算太大隻，但入味都有口感尖椒炒鵝腸 $118 啫啫臘味芥蘭煲風沙九肚魚兩個人埋單546蚊，老實講唔算貴，價錢合理。菜色都夠火喉，重點裝修夠特別，環境夠乾淨。另一方面，入面會播一啲舊歌，例如MJ，許冠傑既半斤百兩，哥哥張國榮既歌，夠哂氣氛。餐廳中都有好多人係一大班人聚餐，同慶祝生日值得一讚既係，侍應們都好好禮貌好nice

人年紀越大，就越會懷念以前，因為以前嘅事物已經漸漸離我而去，所以每當人一記掛住以前嘅事物，就好想回味一番，鍾意食嘢嘅人又有番咁上下年紀，一定鍾意食大排檔，大排檔係香港嘅歷史回憶之一，而家真係買少見少啦，但我最近發現喺旺角，一啲樓上舖製造反 我哋好多嘅童年回憶，今次帶大家去呢間十足十我細個食嘅大排檔，而且非常好味，同成班朋友食下嘢飲下酒，回顧一下年輕時嘅瘋狂，如果大家都有喺大排檔有回憶嘅話，我建議大家可以去呢間感受一下，佢裝修到同我哋以前大排檔一模一樣，難得嘅仲可以搵得番當年模樣嘅茶壺啦、筷子、杯杯碟碟嗰啲用具，真係好有味道㗎 大排檔點少得，墨魚生腸雞腎三寶呀，佢非常好食，而且食落去好有我以前細個讀書時候返屋企前喺大排檔篤串生腸嗰種味道 除咗生腸，點少得臭豆腐呀，雖然臭豆腐嘅味道冇我哋以前細個食嗰啲咁臭，但係佢炸到非常之香脆，裏面亦都 留到一種香滑嘅豆腐味道 大排檔除咗食小食之外，煮菜一定係黃金蝦，香濃既鹹蛋黃炒出嘅黃金蝦，味道非常之香配上新鮮嘅蝦而且蝦殼炸到脆脆到可以食，呢種功夫非常之難得 除此之外，我係細路哥嘅時候嘅生日，屋企人一定會叫一隻乳鴿畀我食，絕對係我最開心嘅童年回憶，乳鴿炸

假期呢日我地四人去完行山，當晚大家玩完都比較肚餓，出番旺角揀食又方便走，朋友揀食之前幫襯過既小炒裝修好有懷舊香港特色，門外擺放咗一對舊時擺酒既龍鳳坐落7點左右已滿晒座，見到餐牌樣樣都想食，總共點了幾個菜：每次食小炒前菜椒鹽鮮魷，叫枝黑龍江啤，椒鹽鮮魷係下酒佳品，炸得甘香，送酒一流！炸花枝餅，顏色金黃，幾彈牙，唔點甜酸醬食都好味！咕嚕肉甜酸度剛好，啖啖肉，啱哂我地D食肉獸韭菜朱紅係我嘅至愛，每一食小炒打冷都會叫，好好味又香口，而且價錢通常定價都唔貴，朱紅煮得質感好好，吾會太淋，個汁夠入味。炸蝦西多士，呢個堅係正，新鮮即炸夠熱夠脆，有我愛既黑松露香！又係送酒佳品紅燒乳鴿好正，紅燒到d色好正，好均勻，同外面食既價錢相若，但呢度既好大隻，平時食果d都係體型細到好似未發育完成咁，呢隻好大又好味，必點之作。拼盤好正，拍得住旺角長期排長龍既小食鹵味店，有過之而無不及既level價錢合理，食完坐係度吹下水好舒服，同朋友泥吹下水食下野真係好正。

食小菜飲啤酒係我老豆教我，以前就落街去冬菇亭就可以食到，依家就要出街搵食先可以食到，難得跟1老豆橕枱腳我當然要搵間好食嘅同佢啤啤佢。我上openrice得見依間新開裝修有D懷舊所以就揀咗佢，估唔到要等位心就諗唔好食就大鑊啦實俾老豆鵝...好彩門口嘅裝修我老豆已經跟我講舊陣時，兩父女傾傾吓就有位入到去就先叫啤酒俾老豆潤吓喉先，再慢慢睇揀咩食...2個人叫咗3個餸邊食邊俾老豆想當年，依間大排檔超啱佢心意。食物方面相當唔錯，個蝦多士又脆又唔油膩，個蝦仲好彈牙，唔係用蝦膠做而係成隻蝦放落個多士度，面仲有黑松露醬提升香味，士多啤梨骨係我估唔到咁好食，個醬汁唔太酸味道剛剛好，再落咗新鮮嘅士多啤梨粒提升香味，而個骨口感同肉質相當好，啫啫芥蘭煲好野味成餐飯裝修食物最緊要老豆鍾意。

這間主打傳統中菜的餐廳，以舊式裝修為主，地方整潔，一開張即很多人排隊光顧，今次亦要等半小時才有位。小食方面叫了的地道三鮮和炸豆腐，前都非常有口感，爽脆的墨魚加了麻油令香氣大增。今次試不到杏汁白肺湯，一早賣光，唯有下次六點黎。主菜先點了士多啤梨腩排，裏面大量肉質之外，亦充滿水果香氣;雙辣椒蒸魚鮫份量很大，魚肉鮮味加上椒香，這道菜俾足滿分。砂鍋芥蘭煲，火喉十足，足足有8隻大蝦乾，勁有香味。整體食物不會過咸，試到食物本身既味道，對我呢淡味既人仕黎講非常合適。

行完波鞋街來到女人街午餐醫下肚, 哇估唔到無黎幾個月女人街已經開左好多新餐廳, 而且好多餐廳裝潢好時尚, 都幾難選擇 ~行行下見有阿姐派傳單, 叫女人食飯公司.. 咁有噱頭吸引左我上去 😂餐廳原來用左舊香港場境做主題, 門口一對龍鳳非常盞鬼, 入面又有霓紅燈, 通花鐵閘, 舊式髮廊等等, 裝修費盡心思 .. 餐牌選擇不少, 以為只係噱頭食物未必做得好, 點知原來大碟又好味!好喜歡套碗碟, 近年已比較少見.. 椰香咖哩牛腩And豬扒太陽蛋都足料味道不錯喔 , 好驚訝飯量不少.. 價錢相宜大碟夾抵食 !

點左三個餸，一口臭豆腐、虎皮尖椒炒鵝腸、大叔焗魚腸服務生叫幾次都無人理，臭豆腐普通，內外都干干地，唔覺得有咩臭味虎皮尖椒炒鵝腸~即係豉汁炒鵝腸，再撈d尖椒片，成碟鵝腸炒埋都唔知有無1隻尖椒，唔通而家d尖椒好貴?鵝腸唔新鮮，一陣味焗魚腸~等20分鐘，仲要上錯臺，問佢攞胡椒粉攞到埋單都唔見個魚腸~唉剩係見到一條，其他都係蒸蛋同油炸鬼~雖然預左比你賺，但都比下d貨仔啦，食左三分一都要擺低埋單$315，仲要去食譚仔，咁既菜試一次夠

一出lift已經比一對龍鳳雕刻吸引住目光，係樓式茶樓既報置，再行入餐廳入面，有理髮店、魚檔、學校、戲棚、各具特色。魚缸內既海鮮可即點即煮，保證新鮮，貨真價實。先來一碟豉椒炒蟶子，蟶子味道清甜新鮮，入口creamy感，豉油可伴飯。尾餐廳持名小菜屋村三鮮：有滷水墨魚爽口又彈牙、鴨腎鹹鹹香香有咬感、生腸脆脆地滑滑地，配上芥茉又添一個層次感。黑松露蝦多士：蝦味濃郁、入口脆脆感配有黑松露香，食完個口都有黑松露餘香味。蔥爆桶蠔：桶蠔大大隻，要分2-3啖先食得完，蠔身厚厚的，滿口蠔香，食指大動。最後點了一個杏汁豬肺湯：眼看奶白色已經很吸引，豬肺洗洗得非常乾淨，滋潤又潤肺

首先餐廳名稱已十分令人好想看一看，👀👀👀餐廳就感覺到一份好濃厚嘅懷舊氣息👄環境裝修服裝都是好用心去營造一個懷舊嘅氣氛比每一位客人💋💋💋黎到懷舊餐廳當然要點餐廳強力推介三鮮一路同朋友們吹水一路享受餐前小食真係人生一大樂事我自己最喜歡嘅就係今次介紹俾大家知道嘅菜式細細粒臭豆腐👻👻平時街邊食臭豆腐嘅感覺係一磚磚咁樣食嘅但係今次餐廳一個特色嘅菜式係好細粒好細粒咁令到我好想一路咁追住落去食，味道非常好，我自己覺得依個係鎮店之寶當然有黃金蝦啦因為我嘅愛人係非常鍾意食黃金蝦菜式🤗🤗🤗上湯浸白菜仔🤩🤩🤩🤩一人一件乳鴿唔使爭😋😋😋😋色香味俱全滋味雞😍😍😍😍黑醋汁 Like👍👍👍👍好好味嘅豉椒炒鵝腸🤗💋🤗脆麻花❤️❤️❤️❤️❤️

以大排檔為主題的餐廳近年大流行，懷舊元素淋漓盡致，左右兩旁卻是舊時在酒樓飲宴常見的金色龍鳳雕像，十分多打卡位、有趣！懷舊工夫菜一口臭豆腐 $58，即叫即炸，上桌便嗅到臭味湧出來！造成一口大小，蘸豆瓣醬與甜醬，香脆好吃。金銀蛋浸菜苗 $ 88，湯底味濃郁，簡直可以連湯飲，下飯一流。特式炸軟殼蟹 $98，面層用蛋黃炸，特別甘香可口。鳳梨懷舊咕嚕肉 $88，每圍台都必食！總結，每碟較細碟，多人食或叫多幾碟，欣賞師傅所有都是即叫即整👋店內有不少懷舊場景，像掛了霓虹招牌的老店舖、地下又舖上紙皮石。

無黎女人街一排原來開左好多新餐廳好多都裝修得好靚, 選擇困難症又來了見到阿姐樓下派傳單間餐廳叫"女人街食飯公司"個名咁有趣上去試一試都好威達商廈電梯一字樓岀去就見到門口用左酒樓左右龍鳳, 好有情懷入面原來係舊式大排擋作主題餐廳圓枱不少, 空間感非常足夠 !餐牌選擇多, 有散叫及午巿套餐一坐底就拎左湯黎, 個人認為有少少鹹點了5號椰香咖哩牛腩配白飯.. 好大碟! 一大碗足料咖哩加一大碟白飯, 味道唔錯作為男士都食唔哂浪費左, 下次可叫少飯