女人街食飯公司

营业中

休息中

餐廳分2個時段，我揀左6:00-8:15早時段。朋友未到齊，但肚餓，先點兩個小食食住等。鯪魚球，口感彈牙，好味臭豆腐，配上甜醬，超脆美味朋友到齊，可以點菜了杏汁白肺湯，至愛湯水，料充足，飲完唔口渴黑松露蝦多士，隻蝦成塊多士咁長，每啖都咬到蝦肉，多士脆而不太油，配上黑松露沙律醬更好味士多啤梨腩排，味道充滿士多啤梨香味，略嫌腩排有骨，唔係啖啖肉咕嚕肉，同平時食既唔同，比平時既酸少少，好開胃，好味魚湯杞子浸娃娃菜，清甜椒鹽鮑魚，超推，啖啖肉，唔硬，超鮮味家鄉焗魚腸，需要20分鐘製作好足料，每一口都有魚腸，好香口整體上食物質素好略嫌服務一般般，但還可接受

位於商廈內面並非地鋪, 商廈lobby幾新淨。餐廳有對龍鳳係門口, 裝修好有懷舊感覺，似足香港七八十年代。Weekend晚上都幾多人等位,建議book位。Menu包括地道小炒, 例如蝦多士, 焗魚腸, 椒鹽九肚魚等。杏汁豬肺湯, 連阿媽煲開湯都話正, 好香杏汁, 豬肺洗得乾淨, 值得推介鳯梨咕嚕肉, 豬肉瘦肥適中，調味以酸甜為主, 鳯梨都幾甜 黑松露鮮蝦多士, 蝦肉都好多體型都幾大豉汁炒大蜆, 本身想食花甲,  不過今日得大蜆。雖然大蜆好大隻, 醬汁有少少鹹芥蘭夠嫩，而咸魚切到細細粒加上肉碎，有鑊氣又惹味

之前好多人都講位於旺角女人街食飯公司出名懷舊，全個裝修好特別，今次終於試到，約了幾個friend上去食，一入到去有一些好懷舊感覺，地方夠大，好乾淨，全部設計都系七八十年代，唔會太花巧，簡簡單單。風沙九肚魚：炸到好乾身，脆口，完整嘅九肚魚好香好滑身，肉質鮮美，粉漿調味已經足夠，可以唔使點其他嘢。彩椒黑醋脆豬枊：近似咕嚕肉食法，不過係以黑醋為主角，豬肉瘦肥適中，調味以酸甜為主，非常之夾。蟹子蛋白野菜脆米炒飯：飯粒炒到好乾身，調味又足夠，面上放了好多蟹籽，令到成個飯繽紛色彩。依間餐廳實在太受歡迎，提提大家如果想食嘅話要早些少book位,應該都會等好耐。

女人街食飯公司雖然位於商廈內面嘅，但依間餐廳好有舊時香港嘅味道，裝飾有舊式大牌檔同70-80年代茶記嘅味道。當然，有一些現代化嘅象徵，好似霓虹燈。有香港夜生活嘅感覺。.講番野食先。叫咗2支哈爾濱啤酒🍻。（約$28蚊一支），之後叫咗屋村三鮮-豬生腸、墨魚丶鴨腎（$78）。而一口臭豆腐（$58）。黑松露鮮蝦多士（$78）x2，因為78得3件，$156會有2件。仲有，黑椒蜜餞茨仔牛柳粒$168。金銀蛋浸菜苗＄88，但我地叫咗豆苗，所以另外要加多$20。最後少不了，鳯梨懷舊咕嚕肉$88。.首先，哈爾濱啤酒，唔太苦，而且唔太濃烈，反而有少少清香。而屋村三鮮做得好爽脆，滷水做得好入味。一口臭豆腐炸得好脆口，而且有臭豆腐嘅臭腐，沾上酸辣醬會變得更加好味。金銀蛋浸豆苗就無咩特別，不過真係好熱，啱啱出爐嘅樣，見到好多蒸氣喺啲豆苗上面。而牛柳粒炒得好有鑊氣，薯仔甜得嚟都有少少脆口。.鳯梨咕嚕肉啲鳯梨比較酸，不過咕嚕肉做得幾出色。因為少炸粉同少肥肉。😚最後，黑松露鮮蝦多士，有好多黑松露粒，而且蝦多士嘅蝦肉都好多，做得都脆口！

如果想食大排檔風味既食物，而又要求環境乾淨整齊，咁尼間餐廳就岩你。不過，價錢貴其他大排檔之餘，亦要加一。想食建議6點左右就到，晚市人流多，要等位。叫左鳳梨懷舊咕嚕肉($88)，高湯粉絲雜菜煲($98)，豉汁蒸帶子2隻(每隻$32)，普通白飯(每碗$12)。咕嚕肉份量多，而且上枱已經聞到陣陣醋酸既氣味。擺落口個陣，d醋會濃到刺鼻，但食落又唔係太酸。用新鮮菠蘿，配以三色椒炒香，配飯一流。雜菜既款式只係得4款，略為少左d，有西蘭花，菜心，娃娃菜，小棠菜。粉絲粗身，配湯食唔錯。而且湯底清甜冇咩油，健康。個人覺得，個價值貴在於個湯，以及粉絲煲入面有7至8隻大蝦乾。如果菜類再多款d，就更加好。帶子肉甜，加埋爆香既豆豉蒸煮，更有鮮味。每款海鮮唔係日日有，所以都係要睇番當日既海鮮餐牌。白飯就普普通通，$12一碗就見仁見智啦。可以叫豬油飯。整體，上菜速度拍得住大排檔夠快，餸菜夠熱，味道亦唔錯。侍應做野快手。不過，價錢就因人而異。環境懷舊確實係一個賣點。

妹妹一去異鄉便是兩年, 沒有人陪, 這段期間宅女真的比以前更少出外吃飯, 亦比以前來得更加宅. 但時光飛逝, 數月前就在她回來之前, 自己巳經列出一堆新餐廳打算待她回來跟久未重逢的朋友一起吃. 妹妹也沒有異議, 不過就是特別說, 盡量希望吃中菜. 剛好宅女又看到這家裝潢特別, 玩味十足的懷舊中菜館, 這晚就約了另外一位朋友, 一起來試試順便聚下舊. 有感這幾年玩懷舊主題的餐廳好像越來越多. 先有一間開完又一間的懷舊冰室, 後又有以本地懷舊漫畫做主題的豉油西餐廳. 而這家於2018年9年才新開幕的, 同樣也是玩懷舊場景, 不過比起其他冰室或火鍋店玩得更加徹底. 餐廳位於旺角通菜街那邊, 算是非常熱鬧地帶, 不過店並非地鋪, 而是藏身在商業大廈內.乘電梯上一層, 一出就巳經看到小時候在舊式酒樓才會看到的紅絲絨牆配金色大龍鳳雕塑, 突然童年回憶湧上心頭. 門面非常搶鏡又高調, 就知道內裡的裝潢一定不會令人失望. 我們雖然沒有訂位不過因為來的時間頗早, 所以還沒有什麼食客可以直接入座, 不過就有時限要交枱. 餐廳佔地幾乎有一半層足有幾千呎, 地方非常的寬敞. 店內都是做懷舊主題, 但就是偏向

之前去開旺角食飯見到一間叫女人街大排檔， 一直都想去食， 今晚就約埋幾個friend一齊去 ，今次我醒目地預先打去book位，用餐時間個半鐘好似有啲趕， 夥記介紹幾個招牌菜,杏汁豬肺湯， 真係冇介紹錯，平時我唔食豬肺 ，但今次見到色澤好靚，所以食咗一嚿 ， 好味，真心推介 瑤柱招牌走地雞， 雞肉好嫩滑，配上瑤柱絲，還有兩碟醬料 真係好惹味椒鹽炸鮑魚: 炸鮑魚呢個食法我第一次食，不會炸到好靭，又保持鮑魚淋身，真係有驚百味脆鮮魷, 鮮魷肉好厚身，表層粉不會太厚，炸得剛剛好，用送啤酒之選豉汁炒大蜆, 醬汁有少少鹹, 蜆肉有些沙。

之前喺facebook見到好多人極力推介，今日終於可以試到啦! 店舖名幾得意， 門口有兩個龍鳳擺設，霸氣十足。而家呢d擺設越嚟越少呢到真係好有60年代懷舊嘅感覺每個設計都好精心佈置， 加上播返啲舊歌，令我勾起好多回憶。屋村三鮮(生腸，鴨腎，墨魚)生腸顏色鮮豔而且好爽口，鴨腎切得薄同夠晒入味，一d都唔韌，墨魚軟熟爽滑，份量好足。曼谷鹹魚炒芥蘭芥蘭夠嫩口同炒得好爽口，而咸魚切到細細粒之餘再配少許肉碎， 夠曬鑊氣非常惹味。彩豬黑醋脆豬柳黑醋味唔算太重帶點鹹味，豬柳大細適中， 肉質鮮嫩， 鍾意食鹹味嘅呢個都係唔錯嘅選擇。風沙九肚魚九肚魚炸得比較乾身脆口， 椒鹽味好足唔會太鹹， 肉質夠曬滑，廚師水準非常高。餐牌簡單清楚，如果唔知食乜，不仿試下廚師推介。

人去到咁上下年紀就會開始懷舊，回憶總是美好的，尤其是當香港已漸漸變得陌生之後，總會懷念過往自由、合理的香港唉~ 不談政治只談風月，停留在口腔期的港豬，總是想尋回以往滋味，有餐廳就睇準呢點，用昔日大排檔佈置作為賣點，做了這間女人街食飯公司裝修是重塑昔日大排當情懷，在其中都覺得得意的，當然是刻意營造的，始終稍欠風味環境氣氛佈置別具心思特色大排檔，充滿懷舊風味，最正係你枱邊有個痰盂食物方面，蜆芥鯪魚球熱騰騰炸起上桌，粒粒漲卜卜，蜆芥醬汁味道剛剛好D大蜆巧大隻，服務太過殷勤，我哋未食完碟炒蜆成日埋嚟想拎走芥蘭爽趣但salted 豉油王炒麵都ok，不過魷魚要用放大鏡找😅整體來說，都係有特色的，食物水準中上，愛懷舊的可以一試

見好多人都推哩間餐廳，所以特登黎試下。所有裝修擺設都好有心思，連碗碟枱燉都係以前既大排檔一樣。杏汁豬肺湯，有杏汁香，但偏咸同d豬肺有d腥味。黑椒薯仔牛柳粒，幾香口，應該用左蜜糖打沟，甜甜地，不過都係偏咸左d。哩個魚好香，好肥美，但都係偏咸。咸魚炒介蘭，好有鑊氣，但都係偏咸。哩度食物都幾有鑊氣，環境唔錯幾有特色，係味道有D偏咸，配啤酒應該會好D。好適合一大班朋友嚟飲啤酒食飯。

看到網絡上照片，位於旺角的女人街食飯公司，裝飾得成地道懷舊的港式大排檔風格，十分有趣，所以預早訂座 到這裡吃晚飯 。餐廳門口有一對金色大龍鳳，非常別緻，顧客謹記在這裡拍照留念喔！胡麻鮮淮山- 雪白的淮山上澆滿冰冰凍的芝麻醬，是很開胃的冷盤。八味脆豆腐- 豆腐炸得外脆內嫩，豆腐表面裹了椒鹽，點一點喼汁吃，味道一流地道咖哩水魷- 這是非一般的咖喱水魷，咖喱汁濃厚，掛在水魷上味道非常香濃，水魷爽脆可口瑤柱招牌走地雞- 芝麻雞肉女嫰滑，配上兩碟醬汁蘸，甜甜酸酸的醬汁及香蔥醬油都非常美味。百味脆鮮魷- 薄薄的粉漿包裹著魷魚鬚，肥魷鬚炸得很鬆脆，加上一些金蒜粒在面，非常可口豉椒炒大蜆- 唯一味道比較一般的餸菜，大蜆的殼非常厚，蜆肉不太肥美，似乎蜆殼比蜆肉多，幸好味道還是不錯的，蜆肉也沒有沙子。椒鹽炸鮑魚- 鮑魚炸得恰度好處，金蒜粒香口，鮑魚肉冧身，好吃 臘味芥蘭煲-這個煲仔菜是秋冬必點的美食之一。煲仔菜有臘肉、臘腸和潤腸，臘味肥美可口，配上鮮甜爽脆的芥蘭，美味無窮。有精美的小菜，當然不少得配上美酒，這裏點了啤酒後會，餐廳會提供戰鬥碗，戰鬥碗被雪至冰凍，倒一點啤酒在戰鬥碗，和朋友一起大呼飲勝，是一件

女人街食飯公司其實係一間打住港式大排擋、充滿舊香港風情既餐廳。裝修做得幾細緻。有得感受返大排擋感覺，但同時地方又舒服企理。佈置有特色當然都適合打卡，伙計都著返大排擋服飾，服務都好快手。今次平日早食都未算多人，黎之前最好訂檯，如果唔係都有排等，越夜越多人。食物種類選擇多連海鮮都有，仲好似酒樓咁有個海鮮corner。曼谷咸魚炒芥蘭，葉都摘走晒，炒起上黎翠綠爽口，有咸香。士多啤梨三度腩排，醬汁甜甜酸酸仲真係有士多啤梨肉，包著炸得香酥既腩排，配啤酒的話幾好。風沙九肚魚肉質新鮮軟滑，外皮炸得香酥又唔會有太多的粉漿，同平時食開既好唔同，質素高好多。薄荷葉紅酒牛尾煲，肉同紅蘿蔔都燉得軟爛入味，醬汁又好送飯，而薄荷味道清新，加埋一齊係出乎意料禁好。今次唔叫白飯要油飯，油飯同想像有少少出入，油香少但香料味重，唔好俾油飯呢個名影響其實都唔錯，份量又多。三個人每人$150 左右，4個餸2個飯，都幾抵食。

係寫呢篇食評既一刻，我已經光顧過餐廳兩次了！可想而知我對餐廳的評價有多好。煮出有水準的中菜並不簡單，工序繁複之餘亦很考功夫，簡單幾道小菜已經睇得出師父功架！不得不讚餐廳的裝修別出心裁, 門口的一對龍鳳彷彿已消失於時代的巨輪之中，很難得重現於摩登的酒店。店家以大排檔做主題，但放心衛生程度絕不會像舊式大排檔般惡劣。基本上樣樣都想試，這次我就總結一下兩次光顧我最推薦的菜式。士多啤梨三度腩排$108超級推薦！本人平時很喜歡吃咕嚕肉，食得多都想有些新意思，這道菜的味道像是咕嚕肉及京都骨中間，甜比酸多一點，三度腩排肥瘦相隔，肉質軟稔，先泡油再掛上醬汁，少少脆，多多開胃風沙九肚魚$88考功夫在於要做到外脆內滑而不油膩，風沙是指炸蒜，九肚魚炸漿薄且脆，咬開便見到魚肉仍是非常滑嫩瑤柱走地雞 半隻$128用十二個字形容：雞唔肥，啖啖肉，肉質滑，剛剛熟。 用一個字形容：正！配上兩款醬汁，個人較欣賞泰式醬汁帶微辣及酸，好醒胃。半隻份量幾多，不怕師傅打虎頭！哈哈大叔焗魚腸$98比較少食到的傳統菜式！魚腸也不是太容易入到貨，留意返即點即焗大概都要等廿分鐘，菜式以砵仔焗，砵仔比平日見到的深，蛋面焗得金黃，魚腸非常多

地方大，食物偏重味～ 質素還可以～但衛生 程度很差～杯碗要用茶洗三次還有油～其中有些碗內還有殘餘餸汁…………………服務態度麻麻…招牌杏汁豬肺湯味道太重～好咸蝦一般～不太新鮮～魚很好很鮮味～屋邨三鮮值得推介～杏仁蛋白菜很好一般食物都比較油利………重味但衛生環境令我無下次……

大時大節，我地一家人都會出去食，而屋企人都鐘意食大排擋既中式小菜，幾乎每次都係去深水步食，而家姐見到呢間大排擋最近好hit，裝修又好有特色，所以冬至與家人相約係呢度食，不過因為位於樓上，位置對於年紀大既長輩會比較難搵，但係想吃的心按奈不了，阻止唔到我地既到來入到去真係好似回到舊時既香港咁，裝修好特別，係懷舊既環境中用膳別有一番風味🍤《農村粉絲海中蝦煲》$148海中蝦果然非常大隻，蝦肉好肥美，新鮮得黎鮮甜爽口👍🏻而粉絲好彈牙，唔會煮到林batbat，加上索晒啲醬油汁，一啲都唔咸，好好味🍍《鳳梨懷舊咕嚕肉》$88呢個食完唔夠喉，要再嗌多round酸甜汁既味調得好好，加上粉漿都比較薄，肉又夠林夠爽🐷《八鄉客家炆豬肉》$108真係好有客家既味道，同我係大陸食過既差唔多，豬肉炆得夠林夠入味，又唔孩口，連啲酸菜都好好味🐮《黑椒蜜餞薯仔牛柳粒》$168好貴！但係味道真係食過之中數一數二，當然萬發仍係第一位呢個牛柳粒係甜既，質感超林，完全無筋，一啲都唔韌唔難咬，好厲害。薯仔又係帶點外脆內軟，而且夠入味，唔會太林或者太生，所有野都控制得好好，貴得黎但有水準🥬《XO醬馬拉盞芥蘭煲》$88芥蘭煮得好食真係有