女人街食飯公司

营业中

休息中

旺角區越來越多特色餐廳，今次約埋三位閨蜜去食下麻甩打冷仲叫埋藍妹暢飲🤣「女人街食飯公司」個名都夠特別，餐廳裝修得像舊香港般，充滿懷舊味道！ 我們點了幾款小菜作晚餐！打冷要夠鑊氣，個人認為呢間餐廳都算不錯，小炒都幾野味！鳯梨咕嚕肉甜甜酸酸，不過不失！反而要推介一下兩款野味小炒 - 八味脆鮮魷和虎皮尖椒豉蒜爆鵝腸，兩款小炒熱騰騰上菜蒜香撲鼻椒鹽夠野味岩灑餸飯！另外，還點了脆皮乳鴿及清清的金銀蛋浸菜苗！食打冷又怎能少了藍妹啤酒🍻呢？點都要啤啤佢！

今天一行四人來到旺角通菜街的女人街食飯公司，但看名字已知道是新派的餐廳。他們用了懷舊大排檔的裝修入邊的裝修令你置身在大排檔一樣，當然沒有大排檔的骯髒和熱氣沸騰。我們點了XO醬馬拉盞芥蘭煲，二．招牌雞，三．招牌的豬肺湯，四．椒鹽九肚魚，五．韭菜豬紅。他們說今天六叔不在，所以所有豪餅類的食品也欠奉。雖然吃不到別的招牌菜，我特別欣賞他們的豬肺湯，和椒鹽九肚魚，確實有大排檔的風味。韭菜豬紅相比之下有點失色，汁有點偏鹹但豬紅卻沒煮入味。

女人街食飯公司以七十年代大排檔為主題，門外面掛上大喜宴的金龍，充滿兒時去嘅感覺鋪位在於新商廈內一樓，但平日上到去已經大排長龍本身諗住叫杏汁白肺湯，但可能我地太夜，湯已經售罄屋村三鮮分別是生腸、墨魚及鴨腎，點黄芥辣食唔錯，不過份量唔算多黑松露鮮蝦多士熱辣辣，帶有淡淡黑松露香氣, 每啖都咬到蝦肉，唔太油士多啤梨腩排，味道充滿士多啤梨味，肉身都淋, 鍾意腩排有骨，而唔係啖啖肉黑椒蜜餞薯仔牛柳粒, 牛柳粒肉質軟熟，蜜餞令薯仔更甜更惹味。XO 醬馬拉盞芥蘭, 上枱時香氣撲鼻，加上蝦乾更有添風味，芥蘭亦夠嫩，好吃

一行九人食飯，落單果陣侍應問我地幾多人食，果陣都冇為意既。。。開始上菜啦，食完一碟，岩岩好一人一舊食完，再上第二碟，又係咁。。。開始覺得奇怪。。到第三第四至第八樣。。又係一人一舊咁。。想食多少少都唔得，份量呢方面一d都唔理想！上菜方面呢，逐碟逐碟上，食食下上白飯，又冇晒送食，好奇怪！食完一樣勁快收走，好似趕人咁！環境太嘈啦，一班人食飯係好選擇，但傾唔到計！侍應態度ok，食物味道ok，環境佈置好有舊香港風味，但份量，上菜時間方面真係唔得！價錢略貴！以呢個份量黎講一d都唔值，唔推介。。

嚟到呢度一定要食嘅，黑松露鮮蝦多士，豉汁蒸魚雲，杏汁豬肺湯，瑤柱招牌走地雞，豪仔餅，咖喱魷魚超入味。這裏環境懷舊，古色古香，食物大排檔風味，有水準與三五知己暢飲一番別有一番風味。。。。

同師兄和Ba叔晚飯，Ba叔揀咗呢間位於女人街嘅懷舊大排檔。門口嗰兩條龍，充滿兒時去酒樓嘅感覺。由於是限時的關係，等齊人腳先入。叫左支啤酒，又係用碗上嘅。屋村三寳，有墨魚，生腸同雞腎，點黄芥辣食唔錯，不過份量少咗啲。我反而鍾意食點綴個幾條蔥。炸九肚魚，食落都 ok 唔錯。上湯浸菜心，夠嫩。蓮藕墨魚餅，都算彈牙。最後叫多咗個咕嚕肉，酸甜度適中，唔錯。總括而言，這裡裝飾似足在大排檔，但食物少了在真大排檔的鑊氣味，可惜。

呢間咁有風味充滿懷舊氣息嘅大排檔中菜，位於旺角女人街，想帶屋企人呢食好耐最抵係上網用app book位有半價優惠，好唔好食都抵試餐廳裝修好得意，好似舊街市一樣，有魚檔、 理髮店、有大押舖等等。 座位已舊式餐桌為主，大排檔風味濃厚餐牌有多款小菜及海鮮，價錢唔算好平。我哋叫咗椒鹽炸九肚魚，分量都幾多， 面上佈滿炸蒜，新鮮炸起，外脆內軟，啲魚肉幾林，幾好食魚雲煲啲魚頭好滑，但係煲嘅味道偏鹹， 比較重口味。咕嚕肉都係新鮮整起，炸得好脆，醬汁酸酸甜甜， 調教覺得十分好，啲肉又唔肥夠林清清哋嗌咗個薑汁炒芥蘭，味道唔錯，有鑊氣呢度環境好得意，都幾啱一家人或一班朋友嚟食，食物質素都唔錯。 幾特別又有風味。

女人街食飯公司以的七十年代舊式大排檔為主題，餐廳門面掛上舊式大酒樓喜宴必備的金龍🐉，内裏香港舊式招牌、舊式鐵窗、通花鐵閘、紙皮石地磚應有盡有，十分instagramable📸，帶外地朋友黎肯定歡喜！1️⃣脆皮頂鴿 $88 (7.5/10)乳鴿都幾大隻，外皮燒得薄脆，肉質唔乾都頗為嫩，沾少許鹽吃更添咸香惹味👌🏻。2️⃣家鄉鯪魚球 $68 (8/10)鯪魚球新鮮熱辣，外面炸得香，裡面軟熟，蘸點蜆芥醬吃味道更香濃。👍🏻3️⃣屋村三鮮 $78 (7/10)屋村三鮮分別是生腸、墨魚及鴨腎，但滷得不夠入味，但尚算新鮮有口感。4️⃣黑松露鮮蝦多士 $78 (7/10)蝦多士熱辣辣，帶有淡淡黑松露香氣，但略厭蝦不夠爽彈🧐。5️⃣地道咖喱水魷魚 $58 (6.5/10)上檯才知道原來是冷盤，咖哩味道不算濃郁，凍食感覺有點奇怪🤔。6️⃣椒鹽粟米 $68 (7/10)只能說這個椒鹽粟米就是普通粟米，沒有甚麼特別之處😅7️⃣蒜蓉粉絲蒸蟶子 $128 (7.5/10)蟶子新鮮又大隻，不錯！👌🏻8️⃣蒜蓉粉絲蒸海中蝦 $158 (7.5/10)蝦的質感不算爽彈，但味道濃鮮入味，不錯！9️⃣豉椒炒蜆 $- (8/10)大隻彈牙又有鮮味，而且炒得入味！

叫左6個餸,每樣份量非常少而且唔好食6個人叫左6個餸3個飯,完全冇飽嘅感覺煲類嘅餸,每人夾一次已經冇哂炒蜆➡黎到係凍嘅😲而且好腥金菇肥牛煲➡唔係肥牛椒鹽豆腐➡冇味粉絲雜菜煲,黃金蝦,蓮藕餅➡唔難食亦唔係特別好食,唔值個價錢最激氣係食物唔出色都算,裡面嘅人服務態度極差,問佢少少問題都答到勁悔氣咁之後我地明明碟餸未食完,仲有2,3舊就係咁問仲要唔要,想收走佢😠不斷想趕人走食完一肚氣,請我都唔會再黎

當晚book 咗枱同朋友慶祝生日，因未人齊所以未有即刻叫餸，即時惹來侍應白眼，期間有個男老侍應問我地要幾時交枱，大佬我點知啊book 枱又無講，之後個男老侍應又黑住面過嚟話8點3交枱，語氣仲要好兇，好似得罪咗佢咁，呢啲服務真係請我再來都耍手擰頭。嘢食幾好味，份量亦足，價錢尚算合理。但你問我推唔推介？出邊大把大排擋好食又平仲有就係晚市可以無白飯供應，但又有炒飯等等之類可以比你嗌，真係唔知咩回事，一頭霧水！

呢間打正旗賣懷舊小菜既餐館一直好旺場，雖然鋪位晤起眼，但當晚平日上到去已經大排長龍，要排成1小時先可入坐。一坐低當然叫約個招牌小菜同老友分享，小食三味有生腸同內臟，全站爽脆入味，配上黃介末味道一流；雙椒蒸魚頭份量很大，蒸既時間掌握得好，魚肉鮮味道清淡，配上椒很魚味很突岀！黑糖醋肉係最有驚喜的一道菜，炸得脆身，入口食得岀有大量肉汁，味道酸甜道適中，很好送飯，肉粒完全晤肥，適合現代人。最後叫了蒸豆腐，汁咸就一點，但豆腐滑又配上海鮮鮮味，水準很高，不需三兩分鐘已清光。

近期有好多朋友都推介呢間新開ge餐廳，佢話一去到就會有似曾相識嘅感覺，係我地兒時回憶果種。咁啱有ABC朋友係香港，所以決定今晚去試一試！𨋢門一開，即刻好似返咗細個大時大節一家廿口係酒樓開兩圍坐主家席的記憶，呢對龍鳳不得了！而入面ge感覺有舊式街市老街feel,我可能認得少少，因為我果陣仲細🤫但D舊家用街窗花同D＂伙計＂ge制服，就exactly 係以前婆婆屋企同樓下大排擋咁款！食物方面我哋叫咗個風沙九肚魚，襯返呢度懷舊大排擋。呢個九肚魚真係水平之上，炸得好乾身，但入面又好夠嫩，只要大家有心理準備，食完可能會熱氣因為一食多三碟都唔夠喉。而咕嚕肉唔駛講邊個老外同＂細路＂會唔啱食，所以呢個係今日必點菜色，酸甜又適中，所以上枱九秒九清哂跟住嚟ge係魚湯菜苗，食D菜均衡營腸，保持𣈱通吖嘛，但呢個魚湯真係要讚，因為飲落清甜，相信係無味精，所以唔止菜，連一滴湯都無剩。最後上枱ge大叔焗魚腸，落單前伙計大哥已經提醒呢味菜即叫即整，要等半個鐘，估唔到⋯⋯真係要咁耐，所以想食要付出少少時間同耐性。剛焗完原砵上的魚腸，口感厚實但唔老，味道好特別，唔腥，有D食膶ge味道，講真我就一般，但估唔到ABC朋友叫飯佐

由朋友搵餐廳，係網上見到餐廳環境同食物已經好期待！因為好中意食大排檔！平日8點左右拎位 太肚餓關係 3個人決定搭枱 等左一陣已經好快入去！ 屋邨三鮮 $78最期待係屋邨三鮮！ 果然無令我失望！ 雖然份量又唔算太多 但係好爽口！八味脆鮮魷 $88發現佢炸物既粉都唔會好多！ 唔會令你覺得係食緊粉多過鮮魷！鳳梨懷舊咕嚕肉 $88普通咕嚕肉無咩太大分別 不過咕嚕肉無咁多粉去炸！ 同埋啲菠蘿係用新鮮菠蘿去整！金銀蛋浸菜苗 $88勁足料！ 不過略嫌味道可以再重少少 咸蛋都唔係太咸！油飯 $18見到對面枱嗌左個 好吸引！ 同海南雞飯既油飯一樣 不過唔會太油膩 好香！

Family friends gathering, they chose this place. Booked for 7pm with 1.5 hours dinner time allowance. Lots of people waiting.Food arrived very quick as soon as after order placed. As it’s our first time, didn’t know what to eat, we looked for recommendation via Openrice We ordered the Bite Size Stinky Tofu, Deep Fried Bombay Duck fish with salt and chilli, Golden Basil Soft Shell Crab, Prawn Toasts with Black Truffle, and a set which includes half poached chicken with dried scallops, and a steam

新春團拜朋友想試試這間裝潢好有懷舊香港大排擋的中式菜，係星期六晚飯時間,我地有9個人更係預早訂位和食頭輪6點好些，係女人街的右手邊的側邊商廈，一出電梯就見到餐廳大門口有懷舊酒樓的金色龍鳳，進去就開始回到70年代的懷舊香港，好多影相位，裝修好有特色，店內很大好多大圓枱，如沒有訂位有機會和別人搭枱坐10人枱。點餐我們先試了牆壁上寫的必食推介，其中的豬肺湯和乳鴨要訂位時預定，乳鴨1隻$98 切開4件點了3隻，蝦多士一份3件，伙記見議我們9個人要點了3份，香辣蝦一份6隻，蓮藕餅和雪魚就一份也是6件，點好餐好快就上豬肺湯和食物。豬肺湯幾好，蝦多士點松露醬好味，生腸墨魚都幾好，走地雞整得幾滑，頭抽雪魚塊都ok, 香辣蝦唔太新鮮，蓮藕花枝餅咬落去蓮藕份量比較少變成以豬肉餅為主，焗魚腸蒸蛋，因條魚腸沒有切開一小段一小段，變成不是人人可以食到有魚腸的蛋，而食到魚腸那人就食到長過蚯蚓的魚腸很膩口，啤酒是哈爾濱啤酒用碗飲的，個碗寫住戰鬥碗，飲完見到個勝字，幾特色。埋單自行拿單到門口付款，整體合格可以一試，過下懷舊香港大排擋的感覺，影相打卡很好，味道和鑊氣就普通。