女人街食飯公司

营业中

休息中

最近到旺角行街，見到一間以女人街為命名的餐廳，今日終於到來試嚇啦。餐廳門口龍鳳呈祥的裝修就像酒樓一樣，而裡面裝修就一片香港的懷舊風格，充滿香港的舊情懷。屋邨三鮮$78屋邨三鮮是豬生腸、鴨腎及墨魚，豬生腸及墨魚都帶爽口，而鴨腎的邊有少少脆，㸃上甜醬及芥辣，味道豐富。清炒蒜蓉菜心$78清炒蒜蓉菜心，每蓬食飯都喜歡㸃上一個青菜，健康又有益，今日要了清炒蒜蓉菜心，菜心頗嫩，炒得又夠蒜蓉味之餘又爽口。鳳梨懷舊咕嚕肉$98鳳梨懷舊咕嚕肉，有菠蘿、青紅黃椒及少少洋蔥，咕嚕肉切成長條形，因剛炸起，外面還帶點脆，酸酸甜甜非常惹味。

第一次黎食飯，環境唔錯，幾有以前大排檔嘅FEEL，但地方相對清潔野食方面希好多野揀，但因為今次得三個人食，所以只係嗌左五個送加上第一次黎，試下啲推介同大路野先椒鹽鮮魷唔錯，炸得幾好，又唔會好油。啲魷魚都相對大舊，有咬口咕嚕肉正正常常不過不失，唔會淨係成舊炒粉，個汁都唔差一口臭豆腐都唔差，我平時唔多食臭豆腐都食左好幾舊屋村三鮮有生腸、鴨腎同墨魚，幾爽口唔錯總括黎講如果一大班朋友黎食飯係一個唔錯嘅選擇

光顧大牌檔一般須坐在街邊進食沒有冷氣也可能沒有上蓋，有的話多是帆布搭建的假屋簷雖甚風味旺角是屬於香港的中心地帶那里聚集著各式各樣的特色小吃，甚至被很多美食愛好者把香港稱做天堂熟知大排當食肆有很多，但進化版最不可錯過港人口味 今次就親身和朋友到旺角嚐嚐... 非常適合家人、朋友、同事等多人聚在一起，一邊聊天一邊享受各種點心帶來的心靈的治愈。屋村三鮮(豬生腸/鴨腎/墨魚) ( 黑松露鮮蝦多士 )( 古法鼓油皇鵝腸 )以這裡既氛圍營造創意回憶搭建用最傳統裝潢佈置場景踢走舊式派系模樣街頭巷尾，保留風貌革新之餘食材方面以海鮮/熱炒/小食菜式樣樣俱備 !鬧哄哄走大眾路線風味呈現，桌上大大一張菜單不禁讓人大呼過癮品嚐味蕾大大提升讓人食慾大開的菜式雖沒有精美擺盤陣容份量需小但品嘗到著地嘅香港味道難免是一種幸福讓人一口接一口停不下來

今日去到女人街行完街，想搵間中菜食， 但係唔係多人，就啲嘢食未必係好好味，無意間俾我發現呢一間女人街食店，它好有女人街嘅特色， 不妨一試，上到去真係好有嗰種喺大排檔的感覺，但係一點都唔污糟，畀我有兒時嗰種大排檔嘅風味，每個客人都好有笑容，我相信佢哋都係食得好開心，而店主就介紹這個瑤柱雞走地雞，及果皮蒸龍躉， 佢話呢個係佢哋嘅招牌菜， 我已話不說就order 了! 這個走地雞真係好犀利，一粒一粒的元貝，又大又鮮甜 ，雞有兩個醬汁，一個係中式，一個係泰式，如果想食泰式的話可以將雞點入泰式醬，就有泰式的風味; 而我個人就比較喜歡中式，因為有豉油的香味，雞非常之 鮮嫩 ，大件好有雞味， 淡淡瑤柱的香味滲入雞肉裏面，令到整個雞都有瑤柱的香味！再講到這個龍躉 真的是冇得頂 ，果皮的香味滲入龍躉的魚片中， 一片片魚片都有果皮的香味 ，最好味的是龍躉的皮有彈牙 ，亦有骨膠原， 食完這兩個餸都非常之滿足 ;但係埋單都係三百幾蚊，真係化算，下次等我都食下佢其他招牌菜！

食物味道不俗，但上菜速度有待改善。不計小食，我們點了咸魚炒芥蘭、雜菜煲、沙拉骨、咕嚕肉、椒鹽九肚魚、鐵板牛柳、椒鹽鮮魷、花枝餅，8款餸菜中，除了雜菜煲、牛柳及鮮魷，其他上枱時已涼。環境衛生一般，員工於女洗手間內及外面走廊吸煙，多位食客於洗手間外之走廊吸煙，整個走廊煙霧瀰漫。接近last order，員工與相熟食客開始飲酒談天，間中高聲叫囂，並於席間吸煙。我們當中也有煙民，但朋友會自律到樓下吸煙。希望餐廳及其員工能遵守室內禁煙的相關條例。

女人街食飯公司一聽個名就知夠地道，要食佢都唔容易，一早打左黎預約留定枱了！環境裝修一流，唔知以為去左屋村大排擋，十分富有香港風味，如果有親友由外國返黎，黎呢間影下相都係一個很好的選擇。鳳梨懷舊咕嚕肉係細個必食餸菜，酸甜好味易送飯。今日梗係要試試啦！師傅鑊氣十足，餸菜上枱非常熱，食的時候記得小心！咕嚕肉外脆內軟，肉汁豐富，甜酸汁味道適中，而且醬汁不會過多，剛好掛在咕嚕肉上，功力十足！香口野就試左羅勒黃金軟殼蟹，份量不算很多，但味道不錯。入口充滿陣陣咸蛋香味，加上軟殼蟹的油脂味，令人欲擺不能！兩碟餸都十分惹味，可惜兩個人胃仔細細，下次要再帶多幾個朋友先可能品嚐其他菜式，必定再次光顧！

今日一大班女人gathering 其中一個女人話去呢間個名好應景嘅餐廳！首先個地點好易去錯隔離大廈 見當日好多人都去問大廈管理員同一個問題。入到嚟餐廳個門口好70年代去飲嗰d酒樓嘅感覺，喺門口瘋狂自拍😂😂蛙多士好脆 厚薄適中 好好食蠔餅粉太厚 一般般臭豆腐無想像中咁好食 味道唔夠個醬怪怪地…

我和從前的一班大學好友，糾眾自稱為"肥仔黨" (因當時大家的身形都有番咁上下)，經常一起打波走堂去食tea，一同過了好幾年開心無憂的日子....畢業後各人四散東西。時光飛逝，至今在肥仔黨內仍會有見面的，就只剩下我和另外兩位。友情維繫了將近二十多年，真是難得....對上一次三人聚首，已是差不多年多前的事。今番在此聚頭，選的地方，吃的東西，都是我們這班麻甩最愛的....三條麻甩在一起，又怎少得了戰鬥碗與冰凍啤酒 ?老友一睇到有韭菜豬紅可點，兩眼發光，馬上來一碗。豬紅滑溜；韭菜不老；調味重手非常多椒蒜粒勁度十足，吃完後馬上灌兩大口凍啤來為喉嚨救救火....客家炆豬肉豐腴惹味撈汁好送飯。三層肉咬下去不柴不韌，加上鹹酸菜下去絕對是一等一的伴飯王....椒鹽九肚魚弄得甚是乾身，魚身完整不爛，用手拿起一條就放入嘴巴，同是一等一的送酒恩物....金銀蛋莧菜稍嫌鹹蛋白份量太多了點，弄得周邊的菜與肉碎的鹹度也提昇了。幸好菜算是翠綠新鮮未至於全軍覆沒....要點白飯來伴食，這兒可以加錢將之升級成油飯。一來便是一大碟惹來友儕艷羨目光，飯粒油香滿溢不會爛爛的，和許多馬來店子相比下來也並不輸蝕....最後一人來兩

這一晚朋友們突然提起想去這家店，但來不及訂位，便直接上去試試，還好没多久便有位。本應高興，但門口負責收銀兼接待的大叔，態度令我很氣。我客氣地問没有訂位是否要拿籌等待，他黑面得好像我給他添了什麽麻煩般，冷冷説人到齊了未，然後給我一張輪候紙，及後安排了一張靠牆的桌給我們，但由於枱的一邊貼著牆，座位便變得有點擠逼，剛好見旁邊有另外一張圓桌，便問夥計可否換枱，那人便問門口負責安排的那人，誰知他走進來跟我們說，要就照他安排入座，不要就到外面再排隊，態度惡劣，但朋友説既來之，則安之。我也明白可能那桌已留了給别人，不方便給我們，但總可禮貌的告訴我們，我們畢竟是顧客，不是來吃救濟餐的。雖然這裏的招呼很差，但也得說句公道話，這裡的菜做得不錯，那瑶柱走地雞，有雞味及嫩滑，士多啤梨三重腩，好味且不覺肥腻，椒鹽鮮魷，上枱時仍熱氣騰騰，外脆內軟，惹味十足，但馬拉盞芥蘭煲就有點過鹹。環境佈置有六，七十年代的街市感，入口還有一對舊式酒樓禮堂的金龍金鳯，喜歡懷舊的朋友可来這裡打咭了。

環境充滿香港特式，地方乾淨，枱與枱之間有足夠空間，很適合同朋友聚餐。食物種類多，而且分量好夠，煎蠔餅有三大塊，味道唔會太淡，偏濃味！伙記態度都可接受，主動問我地好唔好見。

不得了！ 不得了！CP 值極高的懷舊香港大排檔🤤🤤好有香港特色黑松露鮮蝦多士真係好好味😍😋😋喺出邊食過好多唔同嘅蝦多士，大部份都好油膩而且用冷藏蝦。呢個真係勁大隻蝦係上面，配埋黑松露醬加黑松露沙律醬超夾🎉🎉冇得再挑剔，滿分呀💯虎皮尖椒豉蒜爆鵝腸👏🏻👏🏻係另一道我想推介嘅食物！如果鍾意食內臟嘅朋友呢碟鵝腸非常嘢味呀。用尖椒、豆豉、蒜頭爆炒鵝腸，鵝腸本身夠嫩滑再吸收哂豉椒汁,用嚟送飯送酒都一流😍😍今次試唔到雞因為每日都係好快賣晒，好搶手！大家想食要早d去喇！一定會再黎！

懷舊風呢排真係好hit,茶室、士多……今次就開大排檔,座響有冷氣既地方食大排檔都係第一次,唔洗熱辣辣流哂汗甘食,佢既裝潢好有上世紀80-90年代既feel,不過價錢唔太抵食,一試無防 我地叫咗個蝦多士、xo醬馬拉盞抄芥蘭煲、半隻鷄、滷味、咕嚕肉,5個菜個蝦多士佢加咗黑松露響上面-比人感覺高級咗唔少,不過七十幾蚊得3大塊,平均一塊25蚊,如果10個人去食咪要叫夠3、4 碟,值唔值大家自己評論一下吧, 蝦多士口感有DD脆,蝦都算彈牙,無雪味xo醬馬拉盞抄芥蘭煲-我真心呢個炒佢收呢個價錢係值既,因為佢真係簡得好清,比個芥蘭心你,入口唔會起司、太硬,而佢個味都係岩岩好半隻鷄-有鶏味,唔會有雪腥味,就算唔點醬都OK,不過有D濃味滷味-唔夠滷水味,太淡,而且D滷味咬落去唔係好爽,但又唔係咬唔開個種,但係叫完一次唔會再叫個種咕嚕肉-個汁整得唔錯,係用新鮮波羅,不過佢D內就有D細粒

<<超懷舊室內大排擋 之 女人街食飯公司>>-之前都食過呢間樓上鋪但重金用心做返懷舊裝修既仿大排檔餐廳, 而上次係簡單食個午市客飯, 而今次終於有機會食晚市了!屋村三鮮 (生腸, 鴨腎, 墨魚) HK$78 - 小小偏貴, 但質素幾好, 比得上日日排長龍間肥姐~黑松露鮮蝦多士 HK$78 - 都係小小偏貴, 但真係好食, 蝦同黑松露配合得好好~彩椒黑醋脆豬柳 HK$98 - 比較特別既主菜, 其實似咕嚕肉, 但用黑醋去煮, 好開胃, 好啱餸飯~整體如果唔計氣氛只計食物水準, 係好食既, 而性價比叫做合格但唔會係極高CP值. 計埋氣氛就當然更正! 如果有機會, 我會想成班FD去食多次, 食多幾款菜

好喜歡這間食飯公司的裝修，懷舊風實在難找，給門口的霓虹招牌吸引了，裝修落本，讓人置身於舊式大排檔一樣。裝修用心不特止，食物也很有水準，兩個人點了很多白式，咖喱水魷魚很有意思茶樓吃的感覺，金銀蛋莧菜味道很好，椒鹽大連鮑魚很出色，沒有炸過龍，鮑魚仍是水嫩多汁的。店舖座無虛席一定是有原因的，除了裝修吸引，服務也很好，也很適合打卡，一大班朋友到此聚會也很有話題，是很不錯的選擇，而且名字有趣，很有地標性。這餐廳將會是我的新寵，價錢合理，食物質素好。

2條友在旺角行完街都成9點, 快快翠搵個地方E肚食個靚飯, 地方裝修成個大排檔, d侍應哥哥都係大排檔充滿男子氣概的打扮, 好貼合成個裝修風格。這個屋村三鮮不得了, 好肥美又爽口, 食完想再食, E家望返張相都流口水咕嚕肉勁好食, 上菜時仲出煙的, 送飯一流。小炒王十分惹味, 愈食愈想再食落去, 好有大排檔風味。今次得2條友, 可以食得的份量唔多, 見到隔離枱叫左好多都想食的野, 好似蝦多士等等, 下次一定要再來