女人街食飯公司

营业中

休息中

裝修實在無得頂, 鋪前鋪內, 度度都係影相位 !如果有親朋好友自遠方來, 十分推介另外值得讚賞: 鹹魚芥蘭好惹味不過呢啲小炒鋪都係諗住重口味, 點知呢間就掉轉, 無乜味除左生炒骨叫好啲, 牛肉炒飯、滷水三寶都好淡同埋門口位叔叔好燥底, 充滿左旺角街頭既語氣 .. 雖然唔算貴, 但黎一次開眼界就算

想食大排檔小炒又唔一定去D好踎嘅地方，上網見到有人介紹呢度，地方夠大，仲有好多打卡位，即刻叫朋友陪我嚟試試～～平日中午時段都幾多人嚟幫襯，呢度有午市套餐，我哋人多就決定叫小炒開心些牙。大排檔食物最吸引人之處就係最基本嘅菜式加上適當控制嘅火喉，會撞出想像以上嘅味道！蟹籽蛋白野菜脆米炒飯 $88蟹籽份量多到無論你點撈都一定會食到好多，因為夠火喉所以Ｄ飯無會黐立立，真係做到脆米效果；咸度適中，唔會食食下覺得好咸要飲水，反而會越食越開胃，野菜、脆米同蟹籽分別帶唔同程度嘅口感出來，加埋滑滑地嘅蛋白，所有食材恰到好處，滿分之作。豉油皇炒麵 $98越係簡單嘅菜式越係難做得真心好食，呢個炒麵開頭我都係抱住基本心態，但事實上佢係TOP3！油光閃閃嘅炒麵一Ｄ都唔油膩，鑊氣成功令炒麵更有彈性同逼出多餘油分，加上適當分量嘅蔥絲進一步減膩，我相信一位男士絕地可以一個人KO碟炒麵。蒜蓉時蔬 $78有豆苗嘅情況下當然老虎蟹都要叫豆苗啦~~D菜好新鮮，就算炒完都係好爽口唔會爛曬，有油氣但唔油膩，蒜蓉份量剛剛好令碟菜更惹味，唔錯唔錯～黑松露鮮蝦多士 $78多士每一件都係超大件，上面幾乎係原條蝦咁上，聽講蝦多士係每日新鮮

新發現好去處‼️‼️不過哩度嘅價錢偏貴 但食物質素同埋服務態度就真係係大排檔嘅質素😅😅屋村三鮮 係有豬生腸 墨魚同埋鴨腎 啲食材都幾新鮮幾爽口嘅 我好鐘意食生腸 識食一定配埋芥末醬👍🏽👍🏽薑葱頭抽美國珍寶蠔 哩個真係煮得好好食喎 啲蠔好大隻又真係脹卜卜架喎😍🤩同埋隻蠔嘅邊邊係有少少脆 整體係幾好食嘅👍🏽👍🏽如果熱返啲先上枱就更好喇👉🏽👈🏽👉🏽👈🏽黑松露鮮蟹肉菊花蛋 外賣不過不失 但都唔係流心嘅😥😥又話係流心嘅🤔🤔但係啲蟹肉都好多下🦀🦀整體都唔錯丫虎皮尖椒豉蒜爆鵝腸 味道都幾入味下 都好多尖椒的🙂🙃鵝腸都炒得幾好食幾爽口 係正嘅😄😀羅勒黃金軟殼蟹 都炸得幾靚下嘅 炸到脆卜卜唔會淋哂 但係食物唔係好夠熱吧😅😅BTW 哩個餸嘅味道都好特別下 有羅勒嘅味道真係無得輸 配搭都幾新穎下😄😀黑松露鮮蝦多士 一碟有三條 其實都幾大條下嘅 都好多蝦滑下嘅 又有黑松露嘅味道 食哂成條 個口都仲有黑松露嘅餘香👍🏽👍🏽☺️☺️因爲計埋我都有4個人 原本想加錢要多條的 但哥哥好好人 送多條俾我地🙏🏽😝😛

今晚朋友話見我咁耐未去過旺角，帶我去女人街食大排檔，乜女人街都有大排檔嘅咩？出咗旺角地鐵沿着女人街一路行去油麻地方向，到咗一幢新開嘅商業大廈1/F，門口嘅龍鳯裝飾好有氣派，呢間樓上「大排檔」一啲都唔簡單，地方較晒大，餐廳內有海鮮檔口、好多懷舊招牌、霓虹燈、舊鐵閘、舊式鋪頭等...打卡位勁多，雖然唔係真嘅大排檔，但都夠晒氣氛。一坐底店員就攞住茶水＋盤子俾我地沖洗碗筷，服務周到。餐牌一目瞭然，由地道小食如咖喱水魷、港式滷味到燃手小菜、鑊氣小炒，甚至貴價鮑魚、龍蝦、老虎班都有供應，很多元化。叫咗小食三寶咖喱水魷魚、胡麻鮮准山、八味脆豆腐，水魷夠厚夠爽，咖喱汁惹味。鮮准山好鮮甜，配上胡麻醬特別開胃一囗脆豆腐熱辣辣，外脆內軟，忍唔住囗不停食瑤柱招牌走地雞，只是叫了半隻但份量十足！叫得招牌一定有番咁上下質素，皮爽肉嫩唔在講，脂肪比例適中，就算連皮食都唔覺油膩，夾埋啲瑤柱一齊食，連醬汁都唔需要點！大排檔點少得叫椒鹽系列呢，最鍾意食椒鹽九肚魚，表皮酥脆唔會好厚粉， 魚肉嫩如豆腐，簡直係人間美食！

生日月慶祝飯局繼續，今次同大班朋友一齊食飯，於是我就揀間一班人都可以食得開心既餐廳。呢間餐廳開的時候已經睇左D報道一直好想試，但一直未有時間，既然生日食飯一於就黎試下。朋友一早就致電到餐廳訂枱，餐廳表示分了兩輪，一輪6點半，第二輪8點半。有朋友大概8點去到都可以入去!餐廳內裡佈置懷舊，仿如去到80年代街邊的大排檔。由於是星期六，餐廳座無虛席。今次一行7人，所以可以點夠多的小菜一齊食。本身諗住叫淮山杞子燉螺頭湯，但可能我地太夜了，湯已經賣完!屋村三鮮($78)，三鮮包括了生腸、鴨腎、墨魚。這幾款都很爽口，而且還附有黃芥辣及甜醬，感覺就好似係街邊食緊"肥姐"咁!豉椒炒大蜆($128)，份量唔算好多，但係味道確實有大排檔風味!由於是大蜆的關係，所以蜆肉肥美鮮甜，如果配埋飯食一定係送飯既好菜式。鳳梨懷舊咕嚕肉($88)，咕嚕肉唔會淨係得D粉，食落D肉又唔會好韌!酸汁唔會太酸又唔會太甜，味道剛剛好，食得出有鑊氣!黑松露鮮蝦多士($78/3片)，這裡的蝦多士不會好像出面的那樣油，多士食落脆卜卜，有淡淡的黑松露味，蝦食得出好新鮮彈牙!風沙九肚魚($88)，我第一次食九肚魚係覺得佢D肉好似豆腐咁滑，口

嗰日經過搭lift見到，即刻約埋三五知己去試吓門口就真係幾懷舊嘅出邊果門口好舊式酒樓feel，入邊都係玩懷舊氣氛一於睇吓食乜好啦，但係唔見所講嘅懷舊菜其實啲嘢都冇乜特別都係一般小菜，只不過係啲名取巧，例如我問佢乜嘢係黑松露蟹肉菊花蛋，其實即係賽螃蟹＋黑松露同菊花，四個人叫咗六個餸一個炒飯…但係唔飽叫咗個黑醋脆豬柳幾好食真係脆皮，味道唔錯虎皮尖椒哦腸其實咪即係豉椒炒鵝腸三鮮其實即係滷味，味道真係OK嘅我覺得好食個肥媽客家炆豬肉講真真係幾難食，冇乜味道總之唔好食啦魚湯浸豆苗冇咩好講魚湯浸熟咗嘅豆苗叫兩碗白飯但係佢同我地講話冇囉，局住一定要叫炒飯蟹子蛋白炒飯OK啦不過食小菜真係白飯會比較配合黃金蝦算吧啦的而且確都幾多鹹蛋黃但係唔好食，相對我覺得咁樣嘅價錢係貴其實呢間野我覺得真係幾貴，佢份量好少如果多人就死得啦，咁多野其實係四個人食都唔係話食到太飽，見到佢啲價錢都幾貴仲要份量甘真係有少少覺得唔值，最慘係你唔好諗住可以一路食餸一路食飯，因為佢煮完一個餸又要等兩三個字先至再送另一個送來，等到花兒也榭了～仲要食物唔算好出眾！重點係講得懷舊都預咗服務態度都係爭小小但係都唔係咁搞笑啊嘛大叔，有個四眼大叔

今個下午同朋友去行旺角，朋友話帶我去「女人街食飯公司」食lunch，因為佢之前去過覺得餐廳裝修夠懷舊，有特色。 裝飾別有一番心思，大排檔擺檯方法，四周環境似返回70年代的香港，單睇環境已經夠睇頭。至於午市套餐堅大件夾抵食，有「似斷估乾炒牛河」都只係$50蚊，大大碟，河粉十分多，牛肉嫩腍有咬口，配上辣醬更惹味。而驚喜之選，係叉燒炒滑蛋配白飯都係$48蚊， 碟飯有成個小山丘咁高，足夠2人份量，如果用細碗分嚟食，可以分到4大碗。 味道方面，叉燒是半肥瘦的，肥瘦半均，滑蛋炒到好滑，仲流緊蛋汁，真係好好味，回頭率極高。另外再點了一個懷舊小食，就係黑松露鮮蝦多士$78，炸到熱辣辣， 蝦膠打到好彈牙，多士都算唔太油啦～甜品就點了蛋白杏仁茶$28，夠熱而且蛋白量好多，都幾抵食，不過太甜了。 我就叫了古法脆麻花都係$28蚊，都係即叫即炸，味道普普通通啦。餐飲加多$3蚊有熱飲，我哋叫了鴛鴦及熱檸茶，飲品就不及茶餐廳，但尚可接受。

今日係尖沙咀shopping 完已經晚上9點半，就用exxxgo 睇下有什麼特價晚餐食，便選了女人街食飯公司，晚上10點後有半價優惠，即刻訂座。我們一行4人點了蟹籽蛋白野菜脆米炒飯、豉油皇炒麵、淮山杞子燉螺頭湯、黑松露鮮蝦多士、泡椒豬手、金銀蛋浸菜苗及黑椒蜜餞茨仔牛柳粒。蟹籽蛋白野菜脆米炒飯：唔錯豉油皇炒麵：唔錯淮山杞子燉螺頭湯：濃郁黑松露鮮蝦多士：香脆泡椒豬手：偏辣金銀蛋浸菜苗：唔錯黑椒蜜餞茨仔牛柳粒：正

今日同同事傾開計之下,有同事話女人街內開咗一間上樓而比較特色嘅飯店。於是即約朋友今晚就去試吓呢間特色懷舊裝修嘅飯店。原來呢間懷舊裝修嘅飯店是在x記下一層，所以位置比較容易搵，因為之前都去過x記食，就這樣諗緊會唔會有分別咩。行入鋪內個環境真係比較特色，跟住就睇吓餐牌有咩食先😃睇完餐牌我哋叫咗三個小菜瑤柱招牌走地雞。我以為是熱，但送上來是凍冰冰而且雞係冇雞味XO醬海鮮小炒皇。幾好味，不過咸咗啲。彩椒黑醋豬枊⋯⋯我個人認為整體上有進步空間，希望下次去食有改善。

今日約左朋友食晚飯，一直想試呢間所以就打鐵趁熱去試下先！7點去到，都不算多人，但因為無bk位，只能坐房入面，無得坐出面環境靚果d位，but唔緊要啦。我地點左4樣菜，杏汁豬肺湯、百味炒鮮魷、紅酒牛尾煲、上湯浸豆苗。首先，杏汁豬肺湯超正，養顏一流，杏汁比例岩岩好，唔會話搶哂d味，飲落好舒服，豬肺我就無食，本人不太好內臟，但吊味係幾好。百味炒鮮魷同椒鹽鮮魷差不多，點埋醋食超惹味！鮮魷都幾淋，配酒一流！紅酒牛尾煲，我嫌份量太少，因為真係送飯一流，食到停唔到，d紅蘿蔔同牛尾好淋！係真係唔夠食。浸豆苗就不過不失，因為太耐無食菜所以我都清左半碟。總結，係值得encore，加上佢播懷舊歌，仲有好多靚打卡位，下次會再黎！

約左班fd想食大排檔啤啤佢 點知搵到呢間，一睇到openrice佢個名同d相已經覺得好正 好有懷舊feel 於時就去試試佢都早到所以唔算好多人等位 不過一入去就限左時間食野 因為8點半既booing都full晒要交枱叫左佢地最出名既大叔焗魚腸 （＄98）講到明要等20分鐘，想食既一坐底就叫定先好d我個人就真係唔係好識欣賞，因為腥味都幾重 但d蛋係真係滑既同埋好足料 極多魚腸，落左胡椒粉食好好多彩椒黑醋脆豬柳 （＄88）呢個好食 炸到d豬柳好脆但又好多汁入面，同埋每舊都有汁，甜酸度適中 唔想食咕嚕肉可以一試呢個啊 好清新高湯粉絲雜菜煲 （＄98）我覺得呢個菜既份量小左d，但粉絲就好多 而且加左蝦乾個湯底好香 豉椒炒大蜆 （時價）大排檔必食就一定係 豉椒炒大蜆，唔係講笑佢d蜆係真係好大 但都好足料 佢炒得岩岩好 d蜆好鮮甜岩岩熟咁 想無限encore 一個人都食得晒！！！當然唔少得食大排檔就梗係要啤啤佢啦好正啊戰爭碗！

Vintage theme decorated food stall , located in one of the renovated old building in the  kitsch area ladies market.  It is quite cute as you will find all the old culture that brings your childhood memories with the surroundings. Love the down to earth location and the creative decor. I was excited for  this birthday treat from mates. Unfortunately , it was overpriced a big time !The pricing is the same as 4stars hotel in TST ,which this is somewhere upstairs in MK. Dish portions  is almost up

$148自選3款餐前小食雖然話小食，但其實份量唔少。(1)胡麻鮮淮山夠新鮮(2)估唔到咖喱魷魚係凍食，第一啖feel 唔到辣，但之後d辣味慢慢滲出黎，辣得幾過癮(3)黑醋茄子唔會過"林"胡麻鮮淮山咖哩魷魚黑醋茄子杏汁燉豬肺見到個煲湯白得咁緊要，以為d杏汁味會好勁，好彩飲既時候又ok，不過不失，反而覺得d豬肺太少太細舊。瑤柱招牌走地雞一上枱，賣相已經好好，食落味道唔差，夠肥美，以冰鮮黎講，質數算不俗。一口臭豆腐比起其他食肆算大粒，不過嫌佢唔夠臭。古法豉油皇鵝腸好香豉油味，鵝腸爽口，如果可以再d肥更好。彩椒黑醋脆豬柳其實只係得青椒，稱唔上彩椒，味道一般。金銀蛋菠菜XO醬馬拉盞芥菜煲白酒胡椒鮮竹浸魚雲魚雲散晒，只會夾到骨，湯有少少藥材味，但又唔夠濃，又飲唔到胡椒味，咁多樣餸最唔掂呢個。大叔焗魚腸因為好少食肆有呢款咁嘥工夫既餸，但食完有d失望。蛋，魚腸，果皮，三種味分開晒，而且魚腸帶苦，失敗。

今日同同事講緊今晚一齊食飯有咩好選擇的時候，有人話好掛住以往的大排檔，突然個個都異口同聲好想去大排檔，仲唱起歌（每當變幻時）大家都笑左😂。而我知道有間跟大排檔一模一樣型式的食店在旺角，就同班同事懷緬過去一下。食店位於商業大廈1樓。晚上7:00已經好多人等位啦。大家先點了個招牌杏汁燉豬肺（$138），天氣凍，飲個熱沸沸湯，正，又足料，黑松露鮮蝦多士（$78）蝦很新鮮，多士又唔油膩，四個人食叫左三份😂，黎大排檔又點少得豉椒炒蜆（$128）呢我見到好多台客人都有order菠蘿咕嚕肉美味。大家都好滿足，講定下星期叫多d同事再來食過👍🏻。

今次為朋友慶生，餐廳主打小菜，店內裝潢為地道大排檔風格，幾具別緻。食物即叫既煮，上菜時仍然熱辣辣，煎炸菜式做到外皮香脆口感，三鮮拼盤襯托芥末醬，味道一流。可惜小菜份量太少，價錢相對比較貴。雖然室內舒適涼快，不過個人更鍾愛地道大排檔，一圍人坐近大街，痛飲豪食嘅豪邁style～