女人街食飯公司

营业中

休息中

而家想食番舊日大排檔滋味，真係愈嚟愈難！而近日熱門的「女人街食飯公司」真係無得頂，環境仿照大排檔設計，但地方乾淨舒服有冷氣，係一眾良朋相聚的好地方！🍤黑松露鮮蝦多士好多人叫，我哋都唔執輸！蝦多士炸得金黃，好脆口亦唔油膩，大大隻蝦加埋黑松露醬放在多士上，伴埋黑松露沙律醬，好香！🦑客棧香煎蓮藕花枝餅蓮藕和菜乾切碎混入花枝餅內，咬落爽口，質感實在，配埋甜酸醬，是不錯的小食！🍓士多啤梨三度腩排一睇個名就好吸引！腩排肉質唔錯，沾著酸酸甜甜的士多啤梨醬，送飯一流！金銀蛋浸菜苗揀左菜心，菜心好甜好嫩綠，金銀蛋份量都好多，加埋高湯濕下口，都好好送飯！提提大家，記得要book位呀！今次平日嚟都坐無虛席，一枱人走就接一枱人嚟，好受歡迎！