女人街食飯公司

营业中

休息中

一大班人聚會有時想炒幾碟小菜，飲返兩杯，但好多時大排檔俾人嘅感覺就唔太乾淨衛生，「女人街食飯公司」就可以食到香港本土風味之餘，坐得舒服食得安心《屋村三鮮》屋村三鮮係生腸、鴨腎同魷魚，佢處理得好乾淨，而且口感爽口有𡁻頭，好鮮味，佢應該冇乜滷水過，所以如果嫌唔夠味，點佢跟埋既甜醬同黃芥辣就岩岩好。《豉油王炒麵》豉油王炒麵第一樣最緊要就要炒得夠乾身，第二就係夠豉油味得來又唔會太鹹口，簡簡單單加蔥芽菜吊味，再加魷魚增加口感，最後就係一定要跟埋辣醬，咁就冇得輸。《蝦乾芥蘭煲》芥蘭同蝦乾洋蔥炒得夠香夠油，油而不膩，最後再用熱辣辣嘅砂煲上保持溫度。

疫情後，好耐都冇飯局啦，難得可以聚下，緊係要搵間夠特式架啦，我揀左呢間有舊香港大排檔風味嘅『女人街食飯公司』呢度嘅裝修得好有心思，懷舊feel環境唔錯，食飯之餘仲可以嚟打卡！4個人叫咗8味餸😋味道正，夠地道又有風味，咸淡適中。我最鐘意飲招牌杏汁豬肺湯同黑松露厚蝦多士🤤招牌杏汁豬肺湯 ($148)我最愛，奶色夠滑夠味夠晒料，呢個湯自己係屋企攪真係攪唔掂，都係出去飲好d, 杏汁味唔會太濃幾好飲😋黑松露厚蝦多士 ($28/件，3件起) 第二最愛，一定要點大量黑松露醬，好鬼夾，脆脆的，一定要趁熱食😋屋村三鮮 (豬生腸、鴨腎、墨魚) ($78)口感爽又冰凍，夏天食好正，送埋啤酒就更正，藍妹而家賣緊買2送1，好抵，配埋戰鬥碗飲就更爽生炸脆皮頂鴿 x 2 ($196)皮脆肉嫩骨香，肉味濃厚，肉汁豐富好juice 都係要趁熱食呀古法豉油皇鮮鵝腸 ($128) 呢個餸係我個friend推介我嘅，好爽呀，好味，都係送啤酒一流瑤柱招牌走地雞 (半隻) ($138)因為其他餸太好味，對比下呢個幾好啦，有雞味，仲堅有瑤柱架金銀蛋浸莧菜 ($88)食咁多肉肉緊係要食返d菜茶啦，因為我唔鍾意太乾身嘅菜，所以金銀蛋浸

✨黑松露厚蝦多士 💰28@1 (3件起)💫評分: 8.1/10📝招牌蝦多士卜卜脆, 有一定厚度, 蝦🦐都幾大隻, 除咗有黑松露係面, 仲有甜甜地既黑松露醬一齊食, 夠曬濃味又唔會太油🥰✨屋村三鮮💰78💫評分: 7.6/10📝有墨魚、鴨腎、豬生腸, 口感爽口冰凍, 送酒一流, 啤酒🍻仲係用飲勝碗裝, 好正😍✨風沙九肚魚💰88💫評分: 7.7/10📝炸得乾身, 外層酥脆, 入面嫩滑, 配炸蒜同點醋就係邪惡嘅美味😋✨大叔焗魚腸💰98💫評分: 7/10📝記得要趁熱食, 即叫即整原砵上, 第一次食想試吓因為宜家比較少地方食到呢個菜式, 好似蛋餅, 口感厚實🤣女人街食飯公司 𝕃𝕒𝕕𝕚𝕖𝕤 𝕊𝕥𝕣𝕖𝕖𝕥 𝕊𝕚𝕜 𝔽𝕒𝕟 ℂ𝕠.📍旺角通菜街1A-1L威達商業大廈1樓B室(旺角🚇E2出口行5分鐘就到)想睇更多美食可以去Instagram @hoisumeat💫評分: 7.7/10💬裝修以懷舊大排檔風格為主, 充滿香港情懷, 平日都多人食, 適合一大班人一齊叫餸食飯, 可以試多啲嘢食🥰唔驚太熱食唔到大排檔🤣#女人街食飯公司 #LadiesStreetSikFanCo #新式大排擋 #大排擋 #焗魚腸 #風

突然好掛住鑊氣小菜❗❗想去食大排檔…但而家天氣咁鬼熱💦真係唔想坐戶外食到身水身汗呀！今晚一於揀間靚靚仔仔嘅冷氣大排檔開餐啦🤩呢間滿滿💈香港懷舊風情嘅食店好鬼有型！！未叫餸已經影咗一打相😝. 先嚟個 🦑屋村三鮮 $78 做冷盤前菜！有厚肉彈牙嘅墨魚、入味又有咬口嘅鴨腎、爽脆新鮮嘅生腸！沾甜醬芥茉食開胃一流👍👍. 再嚟個卜卜脆嘅 🐟風沙九肚魚 $88 過吓口癮！每件都粉薄又夠脆！魚肉又唔腥又夠滑！Be條條連骨都食埋😋😋. 跟住上枱嘅係 🐔瑤柱招牌走地雞半隻 $138 好彩叫得快咋！隔離枱指住呢碟雞想跟風點時已經賣哂😅雞肉表面鋪滿鮮葱＆瑤柱好特別！件件雞都鮮味得嚟又嫩滑！果然係呢度名物🤫. 食得咁豐富！叫番個 🥬清炒通菜 $78 平衡吓菜肉比例先！炒得夠鑊氣而菜仲係維持青青翠！爬埋個 靚仔(白飯) $12 就完滿啦😃

雖然呢間”大排檔”唔係喺街邊，但風味十足，設計充滿懷舊風格，店內更有唔少搞鬼打卡位📷本身book左8點半，我地早左到，侍應超nice未夠鐘都比我地入～餓鬼上身既我地叫左好多野😂招牌杏汁豬肺湯 ($148)聽講有時會賣晒，所以第一時間叫左先！黎到見到咁奶白色就知有超濃既杏汁，飲落去係有淡淡既杏味，而且好足料，豬肺亦好入味。屋村三鮮 (豬生腸、鴨腎、墨魚) ($78)呢3款都係我至愛既街頭小食之一，爽口彈牙滷水味啱啱好，點芥末醬同甜醬一流。黑松露厚蝦多士 ($28/件，3件起) 次次黎都必食！新鮮炸出黎要趁熱食，蝦多士超鬆脆，有好香既松露味😍加埋黑松露醬無得輸。生炸脆皮頂鴿 x 2 ($196)炸得超靚，個皮好香脆，肉質嫩滑，咬落去啖啖肉之餘仲保留到肉汁，要用手食先夠滋味古法豉油皇鮮鵝腸 ($128) 鵝腸好爽口，好香好夠味！瑤柱招牌走地雞 (半隻) ($138)走地雞果然好嫩，而且半隻份量真係唔少！另外配有兩款汁 - 一款似泰式酸辣汁，另一款蔥油，個人比較喜歡點泰式酸辣汁。金銀蛋浸時蔬 ($88)鹹蛋同皮蛋唔會令到個湯好鹹，莧菜好嫩好好食。黑椒蜜餞茨仔牛柳粒 ($168)牛柳粒完全唔會韌

見到格仔地板、鐵水壺、窗框、霓虹燈、招牌… …即刻好似返咗細個嘅香港咁，嚟呢一度食小炒真係好有風味！/🍴大叔焗魚腸 $98成日喺大排檔見到，但係就未食過，今次終於一試！原來焗魚腸即係魚腸蒸蛋，順德菜，以鯇魚腸、鯇魚肝、雞蛋焗成，通常以瓦砵盛載。 焗起上嚟真係成個疏乎厘咁，保溫力十足！入面好有蛋香，亦都好有鯇魚鮮味，如果唔怕腥嘅話，都可以一試。/🍴屋村三鮮 $78突然又想食下潮州嘢，就叫咗滷水拼盤，有生腸、雞腎同埋墨魚鬚，份量超級充足，全部都好爽口，唔會有浸怪味，當小食咁食真係冇得頂！

呢間真心正！無論環境定係食物都高質😍😍收工去黎個Girl talk in girl street 🤪岩唒呢間餐廳嘅名😚😚砂煲臘味豬油撈飯 （$68）想試呢d 豬油撈飯好耐 熱辣辣好滋味佢啲飯係真係粒粒分明🥰🥰仲有專人為你服務😚佢會叫你落豉油 之後幫你撈勻佢建議之後蓋住等番幾分鐘先好食啊😚😚😚😚薑蔥鮑魚雞煲 （$178）呢個我係為佢而黎架 兩隻大大隻鮑魚🥰 仲要好多雞肉 好入味架😚😚好正正😚😚優惠孖寶 （$188） 生炸脆皮乳鴿豉椒炒蟶子皇即炸乳鴿 我自己食咗¾隻😝😝😝因為太好味了 又好肚餓就停唔到口了🙂🙂佢個皮係好脆🤩 兩隻聖子微微辣 加上三色辣椒🌶️又健康又好正！加一服務費女人街食飯公司 (旺角)旺角通菜街1A-1L威達商業大廈1樓B室

之前朋友帶過我嚟呢間大排檔覺得幾得意所以今次我就帶另一個朋友嚟試吓！呢間大排檔嘅設計好懷舊非常有香港舊時特色非常適合用嚟打卡。麻辣柏葉呢個前菜涼盤來講估唔到都幾大碟而且份量都幾足夠，牛柏葉入面仲加埋少少青瓜絲洋蔥絲同埋花生碎仲有d蔥絲，最後撈埋少少麻辣醬汁非常開胃。虎皮尖椒醬爆鮮魷尖椒再加上啲紅椒同豉椒醬汁炒埋一齊非常之有鑊氣啊！鮮魷食落好彈牙好鮮甜。XO醬馬拉盞芥蘭煲XO醬配上芥蘭同肉碎蝦乾炒埋一齊非常之夾啊！芥蘭重要批咗菜頭嗰啲皮食落好嫩口，非常貼心咁就唔會食到好多菜渣啦！呢啲係咁多個餸菜之中我最鍾意嘅！豉椒炒大蜆豉椒炒大蜆出邊街食嗰啲全部都係得個殼但係呢度就唔同啦隻隻都非常啲大隻之餘仲要勁多蜆肉！另外呢度有得選擇白飯或者油飯我哋就要左一個白飯一個油飯，估唔到啲油飯勁香口呀食到停唔到口所以如果大家下次去都記得試吓佢哋啲油飯！最後我哋就叫咗兩個杏仁茶唯一少少失望就係唔係好夠熱但係食落都係好好味嘅！

講到香港嘅美食經典😛點少得大排檔🍛不過舊式嘅大排檔衛生情況未必好理想🤔所以每次想食大排檔風味小菜都會諗起女人街食飯公司💃🏻🕊️生炸脆皮頂鴿頂鴿都幾大隻皮脆肉厚，醃得夠曬入味🥳味道甘香口感甚佳🤤🥘豉椒炒蟶子皇蟶子嫩滑爽脆有鮮味之餘一啲都唔硬🥰🍲豉椒炒大蜆大蜆分量多鮮甜美味😋豉椒汁香濃帶微辣🌶️非常惹味🫕金菇沙爹肥牛煲上枱嗰陣熱到咋咋聲肥牛份量多而且偏瘦🐮味道香濃最正嘅就係煲底有粉絲🤩相當美味對比起大排檔呢度相當企理😚涼住冷氣坐得舒服更唔使擔心衛生問題🐜唔怪得咁受歡迎啦～

懷舊場景餐廳去得多，造得比較逼真嘅場景就比較少見，好似進入左時光隧道咁。呢間充滿港式風味大排檔，環境乾淨衛生，現場仲播放經典歌曲，氣氛超好，仲有賣少見少嘅霓虹燈，酒樓龍鳳婚大禮堂，街市魚檔，懷舊鐵閘同埋上海髮型屋等場景，令我諗起80年代最嚮往嘅時光。呢度嘅侍應制服好港式，充滿香港精神，做嘢熱情又快又爽手食物更加係水準之上。全部菜式份量都好多後面仲有屏風相隔住，感覺美觀，而且疫情之下安全衛生好有港式味道的感覺屋邨三鮮生腸丶墨魚丶鴨腎三合一嘅拼盤，同旺角一間排隊當紅嘅小食店口味一樣，點埋甜醬同芥茉醬，食落十分開胃爽口。砂煲蠟味豬油撈飯上台後店員會比你自己落豉油，然後焗3分鐘就食得，打開煲蓋，臘腸油香滲入粒粒飯粒入面，與豬油完美融合，見到臘腸臘肉份量都幾多，攪勻啲飯之後都會聞到陣陣油脂香，整體個飯好香而且食落感覺唔油🥰瑤柱招牌走地雞 （半隻），面頭放滿左瑤柱同蒜蓉，走地雞非常嫩滑，仲有兩隻醬可以選擇，一個係蔥油，一個係泰式酸辣。另外走地雞份量好多，兩個人都食唔晒。金蒜銀絲蒸大元貝粉絲吸滿咗蒜蓉嘅香味同埋元貝嘅鮮味，兩隻元貝都好大隻，蒸得啱啱好，十分鮮甜彈牙。XO 醬海鮮小炒皇呢碟菜份量好多，

🔻 女人街食飯公司旺角通菜街1A-1L威達商業大廈1樓B室/一直都好想拜訪呢間主打香港懷舊風嘅鑊氣小炒，今晚終於嚟咗！環境好闊落，佈置用咗唔同嘅舊香港元素，好有心思、風味，令小妹諗起小時候同屋企人去食飯嘅回憶。///🧃鳳梨懷舊咕嚕肉 $108咁懷舊嘅碟好耐冇見過啦，咕嚕肉新鮮炸好，每一粒入口都係熱辣辣、脆卜卜，甜酸汁薄薄咁樣包裹喺炸皮上面，唔會太厚，炸皮都唔算厚，入邊嘅肉唔會硬掘掘，整體唔錯！/🧃XO醬海鮮小炒皇 $108小妹最鍾意食小炒王，貪佢夠鑊氣，呢度嘅小炒王一樣鑊氣十足，而且非常足料，有腰果、炸白飯魚、大大條蝦乾，竟然仲有鮮蝦！全部應脆則脆，應腍則腍，應鮮則鮮，好有水準！

幾時大排檔都係一班人去食先係最好，但係最近限最令最多四個人，男友見我講左咁耐，今日終於帶我去食。竟然旺角都有依間餐廳特色大排檔，叫做「女人街食飯公司」菜單果然花多眼亂、簡直包羅萬有首先餐廳環境真係非常之靚，好有70/80年代嘅香港感覺，雖然係大排檔，但係冇咗嗰種污糟感覺。生炸脆皮頂鴿乳鴿炸得非常之香脆香口，絕對係一個令人齒頰留香嘅餸菜，下腐都必定ENCORE。豉椒炒蟶子王亦是水準之作，超級肉厚同好大隻，絕對有鑊氣。風沙九肚魚一間大排檔好唔好食就要睇依啲小炒，九肚魚嘅粉漿一啲都唔會過厚，夠乾身唔會油淋淋，而肉質都唔會有腥。砂煲臘味豬油撈飯其實名副其實就係一個臘味煲仔飯，我稍為覺得略嫌豬油味香唔夠，臘腸、臘肉粒好多同飽滿，鮮魚湯杞子浸時蔬依個餸穩穩陣陣，食咗咁多肉類咁肥膩，中和返冇咁多邪惡感。

最近去旺角搵朋友囉野，佢介紹左我食一間樓上大排檔「女人街食飯公司」  ，原來呢間野都幾隱蔽，搵左一陣先搵到。上到去好有懷舊感覺，門口有對金色龍鳳大禮堂嘅擺設係門口，好誇。整體價錢都有少少高價，即管睇下咩質素先講返食物，呢度有我最鐘意食嘅雞蛋焗魚腸呀！！！呢咪菜式除左20年前係龍華酒店食過之外，坊間已經好難有得再食到呀！！！而且今時今日只係$98，我覺得係ok價，好大兜架！超好送飯!!!! 正正正~~~~我諗我可以就咁叫一兜焗魚腸配白飯~~另外仲有乳鴿$98，好嬾唔鞋口，比酒樓/大排檔嘅仲好食，好Juicy😁 真係非常好食然後加多份聖子王$58/隻，不過佢話今日嘅貨無咁大隻，收$48/隻，照殺。黎到都好大隻，好嬾滑好正😍呢度嘅裝修都係玩Vintage 可以黎影下相打卡😇

又到晚飯時間⏰今晚食呢間 #女人街食飯公司佢嘅裝修充滿晒懷舊氣息連啲枱、櫈、燈泡💡都充滿晒懷舊氣味連飲啤酒都用碗上，大大一湯碗超級豪氣😄·鐵板黑椒豬手$148超大份量的原隻豬手，兩個人食綽綽有餘；再加上充滿骨膠原嘅豬皮入口即溶，鹹香又適中，配酒一流👍👍👍·優惠孖寶 $188生炸脆皮頂鴿 -皮脆肉嫩，美味可口，必叫小吃 😋😋😋豉椒炒蟶子皇 - 超新鮮超大隻嘅蟶子皇，配上豉椒爆炒煙韌彈牙又惹味😍😍😍·砂煲臘味豬油撈飯 $68分量十足、誠意十足，粒粒米飯都沾滿晒豬油同臘味，美味得來又唔肥膩，仲有脆卜卜嘅飯焦，絕對是香港的懷舊美食🥰🥰🥰別具特色的打冷小菜、又有充滿香港懷舊氣息的裝飾，絕對係三五知己把酒言歡的好地方📍女人街食飯公司地址：旺角通菜街1A-1L號威達商業大廈1樓1B舖☎️：26851618#女人街食飯公司 #打冷小菜 #大排檔 #懷舊風味 #香港特色 #hkfoodie #foodie

👧🏻CACA最近經常發掘到旺角美食，今次食吓鑊氣十足嘅地道小🥦啦！呢間位於旺角通菜街(女人街)嘅地道餐廳，充滿懷舊💈FEEL，都幾有特色喎，睇下有咩好野食先😋👧🏻CACA今次食D咩?🥢鳳梨懷舊咕嚕肉：咕嚕肉大大塊，啖啖肉，醬汁味道酸甜都剛剛好。🥢招牌炒米：加左彈牙大蝦同肉絲一齊炒嘅米粉，乾爽不太膩。🥢薑蔥鮑魚雞煲：一見到就好想食，鮑魚又大隻又彈牙又入味，加上雞煲嘅香氣，超推介！🍹咸檸柒：食完咁多鑊氣小菜，飲返杯咸檸柒消消滯，很爽！