女人街食飯公司

营业中

休息中

打卡必到嘅懷舊環境！啱哂同班Frd返去80年代！-真正嘅大牌檔，就係要係街邊，但今時今日仲邊有街邊，最猛料嘅方法，就係將室內裝修成戶外，將牆壁裝修成鋪頭。。。-🍖砂煲臘味豬油撈飯 ($68)田中見到個名已經知道必食，撈埋臘味後，每粒飯都散發油脂香，加上少量芫茜中和膩感，差啲想叫多煲。👍🏻8.5/10🌶辣酒煮花螺 ($128)嗜辣之人必食！夠重口味之餘，花螺同酒香令醬汁更鮮，粉絲索哂啲汁，入味兼惹味，不過小心辣。👍🏻7.5/10🥓彩椒黑醋脆豬柳 ($108)豬柳外脆內軟，大大件兼夠肥美，黑醋類似咕嚕肉，酸酸甜甜，但就更清新。👍🏻8/10🥬清炒時蔬 ($68)菜類選擇出奇地多，最緊要有田中最愛嘅娃娃菜。👍🏻8/10

這裏以懷舊大排檔為主題嘅人氣小炒餐廳，主打各式有鑊氣海鮮小炒，有如置身60年代電影場景當中😍 ✴黑松露碧綠炒龍躉球🐟鮮味炒龍躉球，肉質煙韌爽脆，黑松露滲入喺西蘭花裏面更感香濃美味😋 ✴鐵板黑椒京蔥牛仔骨🥩舖滿黑椒京蔥嘅牛仔骨， 熱辣辣燒紅嘅鐵板上香味十足，而且牛仔骨好入味 😋 ✴北菇紅燒豆腐🍄北菇好大隻，醬汁好味， 燒香後豆腐入面都非常滑，紅燒豆腐好味道👍所有食物都好新鮮，而且即叫即炒， 有大排檔有鑊氣嘅風味

唔係講笑，好耐冇食過啲咁高質嘅大排檔式餐廳，妹記個啲真係行埋一邊😂餐廳行懷舊風，佈置得好靚，打卡位都幾多下，同埋啲碗碗碟碟茶煲都襯埋，好有心思😗餐廳嘅員工非常之多，總有一個係你身邊standby，但又唔會阻住你食嘢令你尷尬個種，呢樣嘢十分抵讚😆如果想食嘅話記得要book枱，因為都幾full下😝.🥢 優惠孖寶 (A) $198呢個set包半隻招牌瑤柱走地雞同埋兩隻金蒜銀絲蒸大元貝😍半隻雞但份量似足足一隻，啖啖肉，肉質鮮嫩，仲有兩款特製嘅泰式醬汁，真係超級好食，一定要叫🤩元貝超級大隻，啲蒜頭好惹味，食落覺得唔似係用急凍食材😋.🥢黑松露鮮蝦多士 $84/3件呢個蝦多士又係好食到不得了，誇張到小編食完都仲要買多幾舊外賣🥰雖然價錢有少少貴，但第一次食蝦多士係有西多士個種感覺同味道，仲要有埋黑松露醬😳呢個去到唔叫一定後悔🥶.🥢鮮魚湯杞子配時蔬 $88魚湯味好濃，直頭可以當湯咁飲🤣娃娃菜完全索曬魚湯浸味，好鍾意個種鮮甜健康嘅感覺😝.🍽味道: 4/5🏙環境: 4/5👨🏼‍🍳服務: 4/5💧衛生: 4/5💰價錢: 3.5/5

🌕Hello我係Moon🌕所謂進步一日千里，而家就連食物都更加多樣化。作為美食天堂嘅香港，相信最有味道嘅絕對係懷舊嘅店舖。🤪但有啲就係復刻以前嘅餐廳，😋當中就例如女人街食飯公司呢一間既現代又懷舊既餐廳。招牌瑤柱走地雞： 😎同白切雞唔同嘅就係多咗瑤柱同埋炸蒜蓉作為一個點綴，😏至於主角走地雞顧名師而就係經過運動之後令到肌肉更加結實同埋減少脂肪。 😌所以肉質爽勁，脂肪都比例少好多，😉更重要係餐廳注重嘅係新鮮。清新嘅感覺就似無添加。😛啫啫龍躉頭腩煲： 😌煲仔嘅菜式絕對係香港獨有嘅典範，😗龍躉故知然係人見人愛，每一條魚嘅腩位相信都係油脂分布最靚肉質最軟嘅地方，😇再配合枝竹嘅靈魂同埋薑蔥嘅爆香，勁走咗一道色香味俱全嘅菜式，😌偷懶部份都會有少少骨但係每一條都係明顯而唔係一細條,同其他魚腩一樣油脂位特別香，配合㷫烚烚嘅鍋更帶出焦香嘅味道😛懷舊鍋貼小棠菜：😎全日食個最有特色嘅一定係呢一味菜，並唔係我哋而家所想像嘅鍋貼更加唔係一棵棵嘅小棠菜咁樣呈現，外表好似炸饅頭但裏便包住嘅既似豆腐又似蝦膠嘅感覺，😳雖然出面係油炸成嘅皮，但酥脆嘅感覺冇半分嘅油膩感，呢一個味道並唔似我哋所食譜嘅任何一樣嘢，😮可能呢啲就係所

大排檔就等如麻甩🧐但我就係鍾意佢夠地道小菜夠穫氣🔥又可以隊下啤酒🍻今日我地就黎到呢間充滿懷舊大排檔裝修風的女人街食飯公司🙌呢度比舊式大排檔乾淨得多😂 食得好放心❤️又多餸菜款式選最正係仲有好多打卡位📸📸中前菜小食酒香醉🐖豬手 $68上枱見到滿滿既蔥絲😜一啖咬落去豬手好爽滑嘅口感，再加上陣陣嘅酒香😍真係食到舔舔脷😋八味脆豆腐 $58一咬即爆開既嫩滑酥炸惹味豆腐☺️一口一粒剛剛好😍豆腐夠嫩滑軟😊咬落去仲超級滑💕送酒一流呀🍻呢個孖寶好抵食$198金蒜粉絲蒸大扇貝大大粒又新鮮厚肉嘅扇貝鋪滿炸蒜粉絲🤤粉絲索晒蒜蓉嘅香味🙌連埋扇貝一齊食好好味😋招牌瑤柱走地雞（半隻）最鍾意食雞🐥呢個招牌菜喺雞上面鋪滿好多瑤柱炸蒜👍走地雞皮薄肉質好嫩滑好Juice😋😋總括呢度份量好大碟😜兩個人都食唔晒要打包🙊另外店員有禮貌仲好勤力換碟🤝下次要再約班朋友過黎叫多幾味餸嘆吓啤酒🍻吹吓水聚下真係唔錯🤲

上網睇佢個餐廳設計係好特別，有懷舊氣氛。入到去好嘈，其實枱都分到好開又空曠，唔知點解咁嘈，講野要叫岀來。我哋叫左以下幾味，大蝦龍蝦脆泡飯，蝦多士，八味鮮魷，八味豆腐，椒鹽雞翼尖，鮻魚球，咕嚕肉，乳鴿。另想叫走地雞就賣晒。最好食係大蝦龍蝦脆泡飯，夠鮮味同口感唔錯。唔係度度食到👍🏽八味鮮魷都ok...魷魚好後有肉地，味粉唔算過分多。其他比較濃味，食完回家飲好多水。見多人都會點蝦多士，就試下，點知...一口油🙄舊蝦就好食既。唔知係咪深夜來潮同一老闆，食物感覺似，同埋均用戰鬥碗裝啤酒。😅

🍽黑椒蜜餞薯仔牛柳粒  （4.5/5）💰168去大排檔點可以唔叫薯仔炒牛柳粒啊！自己就整過幾次，一於試下真正有鑊仔既薯仔牛柳啦！薯仔外脆內軟，脆到好似食薯片咁！牛柳粒岩岩好一口一粒，好嫩滑撈飯食簡直可以叫多碗飯添啊🍽啫啫醬爆田雞煲  （4/5）💰118店員一枱個下先掀蓋，個下個煲仲係到bulubulu超級熱辣辣，調料好香，聞到已經吞曬口水田雞好軟淋，肉質so juicy但腳唔夠食啊！再多啲腳就好喇🍽曼谷咸魚炒芥蘭  （4.5/5）💰88都踏入5月，芥蘭已經唔算係時令食材但係！佢地啲菜都仲好綠色，食落有汁冇渣條條菜都好爽脆，睇黎應該炒之前有用心篩走好多老菜加埋曼谷咸魚既咸鮮味，錦上添花，好值得食！餐廳裝修好用心，好似翻咗去六、七十年代咁，大排檔既設計搭配試枱枱凳凳，真係會以為翻咗去以前既香港咁而且店員都好nice，個個都係靚仔哥哥(大叔)黎

朋友將要離開香港,就食埋最後呢個港式大排檔風味飯局,由於要就大家時間地點,就決定左呢間交通方便的女人街食飯有限公司,裝飾方面好有港式味道,睇得出有心機去包裝成懷舊香港風,都有幾個打卡位入座後已經好肚餓即刻拿拿聲叫野食我地叫左 蓮藕花枝餅外脆內裡肉汁豐富,同行朋友大讚好食有驚喜,入面有種香料味,但口感唔錯,熱辣辣食一流金銀蛋高湯硯菜比較清淡,菜煮的岩岩好黑椒薯仔牛柳粒薯仔有拖過油,好香口,牛柳粒黑椒味香,嫩口,但有小小生粉味酸甜菠蘿咕嚕肉每次必點,菠蘿配呢個汁幾好食,伴碟青椒反而失色有生草青味黃金脆鮮魷魷魚太大塊,好難咬,唔係唔軟,而係每舊好似桶咁樣好大舊,一咬 外面金黃色炸層就同魷魚分開左,味道ok但口感有待改善。每人食到飽,同埋幾岩一大班人坐下傾下計,都叫坐得舒服的飯局之選

#旺角 雖然疫情下, 女人街車仔檔已經完全無咗昔日光景😔, 但食肆依舊興旺🤤! 是日去女人街嘅女人街食飯, 懷舊一下! .👯‍♀️餐廳設計以60年代懷舊大排檔風格裝潢，以舊式香港霓虹燈招牌、鐵閘、酒樓喜宴金龍金鳳等作裝飾, 好型! 🍚突然間想食飯, 來一客砂煲臘味豬油撈飯 $68 ~ 滿滿的飯焦啊🤤🤤...飯上枱, 侍應叫我按自己喜好加豉油, 蓋上蓋再焗一陣便可以食🤤🤤! 再打開蓋, 滿滿的臘味及飯香, 飯焦焦而不硬, 薄薄一層, 飽足!  .🦑金沙脆鮮魷 $108 ~ 滿滿的金沙...鮮魷好厚身, 新鮮爽脆, 唔硬易咬開! 金沙剛剛好, 香而不膩!🥩脆皮牛腩 $128 ~ 炆腍牛腩再裹粉漿炸, 牛腩超腍, 炸得香脆, 份量比想像中大太多...🦪六叔煎蠔餅 $98 ~ 超超超級多蠔仔, 唔油膩, 脆邊, 無粉味, 有蛋香🥚, 堅正! 📸臨走影埋對龍鳳, 完美的一夜! 

女人街食飯公司 位於旺角女人街，主打大排檔菜式，裝修亦配合主題，以懷舊大排檔及港式霓虹燈作裝修！金沙脆鮮魷 $108外層炸粉醬炸至金黃香脆，內裡鮮魷爽口彈牙，再加上咸蛋黃醬嘅咸香，真係無得輸，好惹味！Wasabi沙拉骨 $108估唔到Wasabi蛋黃醬配沙拉骨可以咁滋味！排骨啖啖肉，大大件，配上陣陣芥辣香味，好有特色！胡麻雞絲粉皮 $58粉皮夠爽夠清，加上大量雞肉、青瓜絲及芝麻醬，好開胃！醇滑嘉士伯$28食香口野，當然要飲啤，爽呀！

約左朋友係位於女人街地段，通菜街威達1/F的女人街食飯公司食飯，進店已見到一系列懷舊裝修，有重溫在大排檔的風味。近排食得多紅肉， 故今晚都想食下白肉，就點了2款想食的魚類了！#豉油鱈魚球🐟魚身輕微炸過，咬落有脆口感，但又不失魚肉嘅幼嫩，稱得上外香脆內柔軟，加上豉油咸味，送酒一流。#豉汁蒸鱔魚我選擇了豉汁蒸惹味點，鱔魚厚身很滑沒有泥味，配搭豉汁非常之夾。店鋪地方乾淨企理，環境裝修得很懷舊，地點就腳，多人聚餐都好好選擇的地方。

舊同事話帶我去食大排檔，因為我地都好鐘意食小炒，呢間喺通菜街嘅上樓嘅隱世大排檔好高質！一踏入餐廳彷彿走進時光隧道！店內裝潢用心，將舊式街市熟食中心＋大排檔帶到室內！啱哂怕熱又怕凍嘅我地！除左勁啱打卡嘅裝修，仲有海鮮檔添！優惠孖寶 (A) $198 🐔招牌瑤柱走地雞（半隻）賣相極吸引嘅招牌瑤柱走地雞，半隻望落都好大碟！雞肉鮮嫩，雞肉肥瘦均勻，雞皮爽口彈牙，味道同生熟都適中，配埋瑤柱同好似座山咁嘅炸蒜一齊食更入味，而醬汁就有傳統蔥油醬同泰式醬兩款！一碟雞可以食倒三種味！勁！🧄金蒜銀絲大元貝 （兩隻）優惠孖寶嘅另一個小菜-金蒜銀絲大元貝，滿滿嘅粉絲同大量嘅蒜蓉配大大個元貝，新鮮彈牙！正！🦪豉椒炒蟶子皇 $84 /2隻- 豉椒汁香甜惹味，蟶子皇夠大隻，炒得爽脆香口，配料有洋蔥同三色椒好快比我地清左呢碟！🍜豉油皇龍鬚炒麵 $98我最鐘意食炒麵，呢個炒麵抄得唔油仲好乾身！微微嘅鼓油味配埋超Q彈嘅魷魚鬚🦑同爽口嘅芽菜一齊食多種口感！最後加埋傳統辣醬簡直冇得彈！

最近旺角新開左一間特色大排檔，裝修大玩香港懷舊風格，勁多朋友已經去咗打卡，今日我都終於有機會嚟食晚餐。餐廳位於旺角通菜街樓上鋪，裝修好有本土特色，啲相點影都靚。金鴛鴦蒜粉絲蒸蟶子皇 ($42/隻)我同朋友都鍾意食海鮮，點左兩隻蟶子皇，可以選擇豉椒炒，或者蒜蓉清蒸。蟶子肥美鮮甜，極富蒜蓉香，仲有好多粉絲，好好食。黑松露鮮蝦多士（ $28/件)見到幾乎枱枱都點咗黑松露蝦多士，似乎係呢度嘅招牌菜式，便點了3件試吓（最少要order 3件）。食完就知點解咁受歡迎，多士非常香脆，黑松露醬香氣四溢，推薦一定要試吓！沙嗲粉絲中蝦煲（ $168 ）估唔到蝦煲份量咁多！入面不下十隻大蝦，隻隻新鮮、肉質彈牙。粉絲係粗身嗰隻，另有菠蘿、彩椒，送飯一流。餐牌上仲有好多其他豐富菜式，下次要嗌多啲朋友一齊嚟食先得！

今晚小妹打算同朋友去通菜街睇精品同Namco夾公仔🧸, 於是就去附近睇下有咩食, 經過女人街食飯公司記得之前食過覺得唔錯, 於是我地就決定上去食!🌟琥珀合桃合桃金黃焦脆幾香口, 甜得嚟又唔太膩🤭🌟鳳梨懷舊咕嚕肉咕嚕肉炸皮薄啖啖肉, 醬汁味道調得岩岩好, 酸酸甜甜好醒胃!🌟金蒜銀絲蒸蟶子皇蟶子王大隻肉厚, 食落口感爽彈鮮甜好惹味!🌟生炸脆皮頂鴿頂鴿熱辣辣, 大細適中啖啖肉, 皮脆肉嫩, 食落好juicy而且無咩油膩感!

今次嚟到位於女人街嘅「女人街食飯公司」食飯🤣🤣，依間餐廳唔止個名特別，裝修都好有特色，宛如時光倒流返去八九十年代嘅舊香港😚• 麻辣栢葉 $58冇諗到喺涼拌菜，但錯有錯著，成為咗本餐嘅MVP😳牛栢葉大塊得黎爽脆又唔韌，做到依個口感真係要俾啲掌聲👏🏻麻辣汁超惹味，不過辣度唔輕，尤其係底嗰啲🤭夾埋青瓜、蔥絲、花生，口感味道一流👍🏻下次嚟到都會再嗌返佢😽• 香辣牛柳粒 $128牛柳粒口感軟稔，辣度係有喺度，不過就欠缺咗少少香味，反而估唔到可以同大啡菇炒埋一齊，菇菇同個汁又幾夾，有中西合璧嘅感覺😆• XO醬海鮮小炒皇 $108老實講，唔係朋友叫，我都唔太知小炒皇喺咩🤣小炒皇姐係韮菜花、蝦乾、腰果、銀魚炒埋一碟，全部都係鹹鹹香香嘅嘢又點會唔好食😋而依度再另外加咗魷魚同鮮蝦落去炒，食材新鮮彈牙有鑊氣，將碟餸帶到去另一個境界😛• 黃金軟殼蟹 $98有幾可大排檔有得食軟殼蟹，搭埋鹹蛋黃依個配搭都幾新穎，薄身脆皮包住啖啖肉嘅軟殼蟹，仲有啲蟹膏係入面，喺香口之選✌🏻✌🏻• 白飯 $12• 藍妹啤酒 $32