奧壽司

营业中

休息中

趁住去數碼港睇戲, 先去奧壽司食午餐。人流唔多, 我地兩個人被安排四人卡位,坐得好舒服, 餐廳播住日文歌, 英文歌, 環境舒適我地叫咗: 蟹子沙律、野菜天婦羅、吉列蠔、鐵板蒜片蜆、西京燒銀鱈魚、牛肉鍋西京燒銀鱈魚: 我嘅all-time favorite, 銀鱈魚燒得香又滑,加上西京燒汁, 香噴噴, 食指大動蟹子沙律: 青瓜絲同蟹柳絲已預先拌好蛋黃醬,加上頗多嘅蟹子, 好清新野菜天婦羅: 南瓜天婦羅好出色, 茄子就太過吸油喇吉列蠔: 蠔炸得香酥脆, 椰菜絲中和咗油膩感鐵板蒜片蜆: 驚喜之作, 超級熱辣辣嘅蒜片蜆,好香, 而且啲蜆吸咗蒜香, 好正牛肉鍋: 壽喜燒汁底, 配上各種應有嘅配料,例如: 大蔥, 豆腐, 紅蘿蔔, 菇, 菜, 金菇, 仲有好彈牙嘅透明葛粉, 推介鍾意食壽喜燒嘅朋友都一定鍾意數碼港免費泊車優惠好抵, 記得拎埋張收據去吸車飛

Went to Cyberport for movie and decided to have dinner there before.  The restaurant is pretty spacious with a balcony opening into the open space indoors.  The menu is extensive, with sashimi, sushi, robata, curry, udon, soba, ramen, tempura, etc.  The 4 of us had 2 tempura with inaniwa cold noodles, zaru soba, ponzu fresh oysters, grilled puffer fish, spider maki, spicy tuna maki, char broiled beef, robata: chicken wing, ox tongue and sweet corn, and 2 beers.  I must say all at good to high st

一位紮馬尾戴眼鏡嘅女員工我經常在夜晩食𡁵嘅期間見到佢催促啲客人埋單但係閒鋪明明收10點我唔知佢係咪因為趕住收工定有喲乜嘢特別情況要哄做你咁樣真係好尊重啲客人，令到嗰度返工嘅其他學生會有樣學樣，真係唔明點解公司老細唔將佢辭退，一間高級餐廳請咗啲咁嘅員工我覺得係鮮花插在牛糞上，希望嗰位員工可以好好改善下工作態度

數碼港出名係美食沙漠，冇諗過竟然有一間好食嘅日本餐廳，餐廳樓底好高，環境好闊落，完全唔覺得迫👍餐廳食物種類好豐富，刺身、壽司、麵類、飯類、炸物、小食選擇都好多🔍📌Lunch set每款定食都配麵鼓湯、沙律及小食，而每款便當配麵鼓湯同埋飯🍣蔥吞拿魚腩碎海膽飯定食 $138海膽飯定食份量一般，食埋埋麵鼓湯、沙律、小食先啱啱好海膽有3件，size都算大，食落十分鮮甜👍吞拿魚腩碎唔會好油，每啖都食到魚油香味🤤🌟 Lamlam脷指數 😋😋😋😋 (4/5)🍱便當F  $168(蔥吞拿魚、芝士焗軟殼蟹 、什錦刺身 、蟹籽沙律 、甜品)什錦刺身係三文魚同吞拿魚，每件都係厚切，色澤鮮明，食落都非常新鮮👍芝士焗軟殼蟹雖然上到枱已經有D凍咗，但係軟殼蟹好都仲係脆，食落好多肉🤩飯係炒飯底，份量好多，炒得好香🍚🌟 Lamlam脷指數 😋😋😋 (3/5)🌟整體評價: 食物十分有質素，刺身好新鮮，依個價錢嚟講算抵食。加上環境好安靜，坐得好舒服，下次要去試吓晚餐😋💡臨走嘅時候仲見到師傅推咗吞拿魚出嚟餐廳中間位置準備切，可惜趕住返工，未有機會睇到😫🌟 Encore指數 ⭐️⭐️ ⭐️⭐️ (4/5)

襯難得星期六放假，去到數碼港偷一點閒，一星期太攰，係要食下好西對自己好啲🤭🤭❤️💬 三文魚腩刺身三文魚腩十分肥美，入口滿滿油脂嘅甘香，佢表面𠝹咗網面，容易掛起豉油，沾埋少少wasabi 就perfect 了😋😋回頭食: ⓨⓔⓢ💬 牛肉鍋入面有香菇 豆腐 大蔥 金菇 娃娃菜等，最正嘅係有粗身粉絲😋仲吸收哂牛肉鍋嘅濃湯超正！而湯底感覺似係壽喜燒，甜醬油嘅感覺😍my favorite!單點個牛肉鍋都足夠，亦都可以追加其他配料😆回頭食: ⓨⓔⓢ💬咖喱吉列豬扒飯佢係日式甜咖喱，辣度偏向小至中辣左右，係非常惹味，就算唔太食辣都接受到的😋👍 至於豬扒新鮮炸起酥脆可口，厚薄適中，加埋咖喱汁一齊食好正回頭食: ⓨⓔⓢ💬雜錦天婦羅當中有香菇 南瓜 蕃薯 茄子 炸蝦 炸魚，惟獨少少美中不足就係魚有點腥，其他都正常發揮😆幾好食回頭食: ⓨⓔⓢ總结一下，食物質素不錯，環境好舒服，服務都幾好，店員好有禮貌，會自動幫你添熱茶👍👍 推介推介如果好天食完嘢仲可以去行下沙灘睇日落添！❤️奧壽司❤️薄扶林數碼港100號數碼港商場307號舖❤️2989 6286

今日行程原本打算由黃竹坑行去數碼港，係草地野餐hea完再行去堅尼地城。不過天公不作美，行行下落雨，俾咗機會我哋係數碼港食好嘢。蟹牛肉火鍋，$380。有三隻蟹😱。仲有一碟靚牛肉片、大量蔬菜，好抵食。蟹算易拆，但都要大戰一輪，食得滋味過頭成手都係😆，如果有提供濕紙就最好。食完蟹，剛好可以飲埋蟹湯，煲咗一段時間，蟹湯嘅蟹味鮮濃，仲有蔬菜嘅味，正👍火炙壽司盛合（上），$238。有六款不同口味，件件都肥潤鮮美。火炙得剛好，表面輕輕燒熟，微焦，令件壽司升呢咗，可以食到外熟內生嘅口感。用QRcode下單。也可以搵人落order。有加一。依度地方好大。坐得好舒服，可以慢慢坐係度歎下。食到飽飽之後再繼續行程。

數碼港唔係成日都去，但係聽聞呢度有一間日本餐廳價錢唔算好貴，但質素好高，今日專登由九龍入到數碼港，就係為咗試吓這間日本餐廳的口碑☺️☺️☺️壽司盛盒特上很豐富的壽司盛盒，但價錢唔算好貴，就已經有三文魚子壽司、海膽壽司、拖羅壽司🥰🥰集齊晒我最愛😊很新鮮，完全冇腥味，下次一定要再食！鰻魚蟹籽炒飯蟹子超多！鰻魚切到細細粒，每啖炒飯都有鰻魚😍😍廚師超有心思😋😋雞軟骨串雞軟骨也燒得很香，配上特製醬汁，好味！🤓🤓總括來講，我覺得這間日本餐廳比起尖沙咀同銅鑼灣嘅性價比係高嘅，尤其推介壽司盛盒特上，出面真係呢個價錢食唔到！

本人於本月二十日 星期日 下午約六時三十分在奧壽司購買了辣味吞拿魚卷和芝士天婦羅蝦卷給本人九歲兒子作晚餐。當晚小兒腹部出現陣痛，其後更開始上吐下瀉，折騰了一整晚，翌日到港怡醫院求診後證實為食物不潔引致腸胃炎，身體受罪之餘還耽誤一天學業。聯絡餐廳，一如所料否認食物問題，只能自歎倒楣。

本來想去公園坐、睇商場播大電影點知落雨⋯🥲唯有入商場搵野食比呢個餐牌吸引左入去⋯但最後無食到🤣因為太多選擇了想食海膽，咁啱有 lunch set三文魚子海膽吞拿魚腩蓉定食有前菜（芥末八爪魚）、沙律同埋麵豉湯超抵！全部嘢都好新鮮海膽鮮甜仲要左個北寄貝刺身點解唔食過拉麵呢，因為太多嘢要食，估唔到呢度有鵝肝多士勁大塊！唔會煎得過熟啱啱好又唔會好油串燒仲有好多選擇，但係淨係食得落牛舌燒得好香好juicy其實估唔到呢個商場會有間咁高質嘅日本野食

今日去咗數碼港度野餐，本身未去過數碼港，但係原來個商場都有好幾間食店選擇。本身就鍾意食日本嘢，而家亦都未有機會去到日本，所以就揀咗間日本嘢嚟食一食。播住悠揚嘅日本歌曲，配埋日式嘅餐廳設計，真係恍似去咗一趟日本咁。🤩蟹+牛肉火鍋因為實在太肚餓，所以就帶咗個原隻嘅蟹同埋牛肉火鍋。日式嘅醬汁同埋牛肉非常搭配，配埋花點蟹。真係海陸嘅雙重享受。份量亦都唔少㗎，啱晒大食嘅朋友。天氣開始轉涼食個火鍋就暖笠笠。🤩帆立貝特上卷帆立貝非常新鮮，配埋呢個卷物，入面嘅材料有牛油果，又有三文魚子，都幾好食㗎。唯一要提醒嘅係，我假日來，都幾多人食，如果大家唔想等位嘅話，就要預約啦！

今日大概6pm左右黎左數碼港食壽司呢個時間舖頭岩岩落完場，再加上數碼港人流本身小啲，所以去到嘅時候好似包場咁 我地嗌左個細嘅刺身盛 $260本身個拼盤有蝦，不過因為我同朋友都唔食蝦，師傅好好咁幫我地換左其實野啲刺身大部份都係厚切，賣相新鮮好吸引！三文魚剌身超級肥美，入口即溶。我最鐘意嘅係呢個鵝肝多士，鵝肝表面煎香左略脆，𥚃面充滿住油香，食完鵝肝嘅餘香仲響口入面持久未散！除左鵝肝之外仲有日式生蠔，面頭淺黃色嘅係檸檬jelly，好特別

咁啱今日去開數碼港做嘢，又唔想食西餐，係個商場到見到間日本餐，有啲人流，好多一家大細嚟食晏，所以就入去試下。有啲半開放位置都唔錯～牛肉鍋（$128）- 份量都幾大，肥牛肥瘦適中。個鍋嘅湯底係壽喜燒，甜甜地唔錯。配料都好豐富，有小棠菜、豆腐、金菇、粉絲、娃娃菜同冬菇，仲有隻生蛋，一個人食都好夠！啲壽司都唔會好貴三文魚籽壽司（$38）- 三文魚籽大大粒又多，一啖放入口大滿足。三文魚壽司（$20）- 三文魚好肥美，唔講仲以為係三文魚腩。仲有串燒食，好正😍牛脷串（$38/串）- 即叫即燒熱辣辣，每串有三塊，燒到爽口得嚟又唔會韌，一啲騷味都無，非常好好味。雞翼串（$28/串）- 個雞皮燒到好香脆，雞肉都keep到juicy嫩滑雞腎七味燒（$26）- 好爽口，加味七味更惹味。

Weekend去Cyberport 拍下拖食個晏～嗰頭餐廳選擇都唔係好多，經過見到間唔錯嘅日本嘢，坐得幾舒服又chill，價錢仲要唔貴，唔怪得閒日都有唔少人食。真係有好多嘢嘢，壽司、鍋物、炸物、小食、串燒同主食應有盡有。小刺身盛盒（$260）- 本身以為得幾件刺身，點知嚟到真係哇一聲，估唔到有咁多款刺身，有三文魚、油甘魚、吞拿魚、秋刀魚、牡丹蝦、帶子、劍魚腩等等。仲要大多都係超厚切。呢個係必叫！三文魚芝士燒鰻魚卷（$88）- 足足有六大舊真係掋食。外面係用肥美嘅三文魚包住，裡面有香濃嘅cream cheese，配埋燒到好惹味嘅鰻魚，口感同味道都係一流。牛油燒粟米（$22）- 牛油粟米無得輸，粟米好香甜。西京燒（$188）- 一客有四件，對得住個價錢。個魚燒得又香又嫩滑，我一個人都食咗三件🤣

假日去數碼港行一行，行草地走去醫肚～見到有刺身壽司都非常之吸引，太多選擇最後揀咗個細嘅刺身盛合。叫完嘢食，食物好快就到，相當有效率！刺身拼盤整得好靚，而且刺身高質夠新鮮！吞拿魚好鮮味，油甘魚啖啖油脂，三文魚亦都好夠肥。蝦好大隻超級鮮甜，仲有我鍾意食嘅帶子都一樣好鮮甜！食完刺身就到鰻魚蟹子炒飯，估唔到炒飯咁快就整好。炒飯好香，夠多鰻魚，而且仲有蟹籽點綴。一碟大大碟，都分到五小碗。串燒叫咗兩款：雞翼及牛舌。燒三文魚頭魚頭夠大，魚頭肉夠滑又燒得香。豬頭肉有油脂，肥美！

咁岩去開呢邊睇戲，睇完戲就搵食。見到呢間日本料理好似唔錯，餐牌有刺身壽司串燒、熟食、拉麵、炒飯等等。我哋幾個人樣樣叫啲一齊share。▶️刺身盛合$260（小）有三文魚、油甘魚、吞拿魚、秋刀魚、帶子牡丹蝦、劍魚腩。刺身全部都好新鮮又厚切。三文魚、油甘魚好肥美。牡丹蝦爽口大隻、帶子鮮甜。▶️肥牛拉麵$98肥牛拉麵大大碗，估唔到味道又唔錯。拉麵幾彈牙，而且有好多肥牛，湯底又幾香濃！▶️麵豉湯$28有豆腐粒，足料又夠濃味！▶️燒魷魚筒$88魷魚筒燒得幾香，而且好大隻！點埋沙律醬味道幾好！▶️牛舌$38/串叫咗兩串。牛舌好好食，有少少鹽燒味，而且夠爽口！▶️雞腎七味燒$26雞腎一粒粒唔會燒得乾，而且有咬口夠爽口！七味燒少少香辣又幾惹味！▶️雞翼$28/串鹽燒又燒得幾香，雞翼外皮脆脆地肉質幾滑。