奧壽司

营业中

休息中

假日揸車去咗數碼港嘅一間 cafe chill下, 經過見到呢間幾有特色嘅日式餐廳, 見餐牌上嘅食物款式都幾多, 於是就決定喺度食晚餐🍽~我哋兩個食完嘅感想係：呢間真係超級高質, 而且服務好好, 雖然地點係有點遠, 但好值得再過嚟食！🍣蔥三文魚腩卷 - 食材好新鮮,每一啖都係滿足感呢！三文魚腩好肥美, 入口充滿油香, 連埋底下嘅壽司飯, 再點啲豉油同wasabi 一齊食, 超級美味😋, 啖啖都係鮮味, 真正大滿足！𓌈˒˒ 牛脷串 - 牛舌燒得啱啱好, 有油香及富肉汁, 肉質超級嫩, 帶爽彈嘅口感, 好好味😋, 一定要推薦俾鍾意食牛脷嘅人👍🏻！🐟銀鱈魚西京燒 - 用咗日本味噌調味, 味道帶甜, 魚皮煎至微脆口, 魚肉非常嫩滑, 有油香, 好有日本風味呢ꕀ🦀雲丹蟹粥 - 蟹粥口感好綿, 米粒濕潤度適中, 蟹膏味道鮮甜, 呢碗蟹粥簡直係吸盡晒蟹嘅精華！

喺數碼港嘅餐廳選擇唔多，但有一間日本料理餐廳奧壽司，好多人都推介，CP值好高。蟹牛肉火鍋：牛肉火鍋經已好豐富，呢個仲有埋蟹，簡直係豪華奢侈嘅享受。牛肉份量都幾多，油脂分布均勻，而配料都好豐富，兩個人食完全夠哂食。海膽刺身：海膽喺嚟自加拿大，不過都可以媲美日本海膽嘅鮮甜 ，而且佢哋嘅賣相好獨特，打卡影相都不俗，而加埋香脆嘅紫菜同埋一件件嘅卝壽司飯一齊食，口感更加豐富。鐵板燒蒜蜆：蜆本身好新鮮，經已好鮮甜，加埋海鮮絕配嘅蒜蓉，簡直係無得輸。雞泡魚乾：魚乾火候控制得宜，口感軟硬適中，食落有陣陣香甜嘅味道，蘸埋佢哋嘅秘製醬，會更加滋味。三文魚壽司：三文魚厚切，口感會更好，味道鮮美，配埋微酸嘅壽司飯，兩者味道配搭簡直係絕配。免治雞肉串：雞肉燒完仲保持到滿滿嘅肉汁，佢哋嘅調味得宜，令雞肉嘅鮮味更加突出。

前前排見返好耐無見既朋友～佢原來去咗數碼港返工，所以就專登去搵佢食個飯 我地去左間日本野試試 佢話平時返工去食個lunch都唔錯既～一坐低就見到呢個蟹牛肉火鍋，完全係我地2個想食既野！個鍋黎到，嘩竟然有３大隻水蟹，無諗過份量咁多! 至於牛肉呢佢就比較偏向係打邊爐既肥牛，我地兩個女仔就鐘意瘦D，呢種應該啱男仔多啲AHHA~~食完蟹同牛佢下面仲有好多蔬菜豆腐同金茹，食完個鍋我地已有6成飽...鐵板燒蒜蜆：呢個我好推薦，上到黎個石碗仲 咋咋咋！蜆既份量好多，再加埋香蔥乾蒜係十級惹味，蜆仔係中SIZE，入口完全絛沙GOODGOOD~~雞泡魚乾：呢個係我次次去食日本野必叫既，魚乾處理都剛好，唔會話烤到乾柴，入口仲係好有口感~免治雞肉串：呢個係我次次去食日本野必叫既野ｘ２，雞肉口感軟綿加埋粒粒雞軟骨好有口感，點埋美味月見汁一流~ 海膽刺身嚟自加拿大，四大片肥大肉厚，入口都好鮮甜，佢地會附送埋紫菜同埋已握好既壽司飯比你一齊食三文魚壽司：三文魚好大一塊超肥美

週末去貝沙灣探朋友，順道喺佢屋企附近嘅呢個商場食個午餐。餐廳分為室外室內兩個部份，環境幾好，安靜休閒。-雖然係有錢人聚集嘅地方，但係餐牌唔算好貴，正常日式餐廳嘅價錢。-三文魚芝士燒鰻魚卷Grilled Eel with Salmon and Cheese Roll$88火炙壽司盛合Tan Assorted Sushi$238天婦羅喬麥冷麵Tempura Cold Sobawith Soy Sauce Dip$128-三文魚芝士燒鰻魚卷有種入口即化嘅感覺，三文魚魚脂豐腴，芝士大大粒，加上厚切鰻魚，味道非常合拍。火炙壽司盛合一共有六款壽司，當中個人最鍾意嘅係香香甜甜嘅滿瀉燒海膽壽司同一食落口就魚脂香氣四溢嘅燒左口魚壽司，整體貌相同味道均佳。天婦羅外皮酥脆，而且夠薄。冷蕎麥麵加入生鵪鶉蛋、紫菜絲同芝麻香蔥芥末，入口冰涼透心，加埋熱辣辣新鮮炸起嘅天婦羅，凍熱交融令人欲罷不能。

數碼港係一個環境非常之寧靜，配套方便，假日旅遊玩耍非常適合，但係相對呢一度嘅餐廳數量不多，如果要食日本嘢的話這間奧壽司係不二之選，質素高價錢超值，為慶祝結婚五週年紀念，決定同老婆食一餐好嘅，今次不惜工本，叫咗多樣名貴小菜，有海膽刺身，生蠔拼盤，火炙壽司，軟殼蟹牛油果卷，蟹粥和年糕。全部都非常高質，食到大家開開心心，食得出非常新鮮，蟹粥係用上新鮮嘅三點蟹，再配上多項嘅材料，令到個粥非常甜充滿蟹肉嘅鮮味，蟹肉啖啖肉，食完再食飽到上心口，十分滿足。

今日同同事要去到數碼港呢度做嘢，做到咁上下就順便，喺呢度行下同埋食埋嘢，第一次嚟數碼港感覺都唔錯，好舒服好寧靜，第時放假可以嚟充電。數碼港商場雖然唔係話好大，但係食肆數量到唔少，最後揀咗我嘅至愛壽司嚟幫襯。餐廳環境幾寬躺，提供室外及室內比客人選擇。特色三文魚 ($65) : 呢個三文魚幾得意，餐廳本身幫佢調咗未，之後再配咗鵪鶉蛋，撈埋嚟食口感幾特別辣辣哋又帶鮮味。牛油果軟殼蟹卷 ($118)，三文魚芝士鰻魚卷 ($88) : 兩款卷物都好大件，尤其係三文魚卷嗰舊鰻魚大到嚇死人。鰻魚蟹籽炒飯 ($108) : 通常呢啲炒飯都係麻麻地，但係呢個炒飯自己超鍾意食，炒飯啲配料都幾多下，而且炒得唔會太乾身，濕濕地口感幾好，加上味道都唔差，呢個誠意推介。

☀️ 放假同朋友仔去數碼港放狗 🐶 玩到咁上下就順便喺商場食埋嘢，數碼港位置雖然比較偏僻，不過食肆數量都有唔少，不過有啲舖頭就比較早閂門要留意返，最後揀咗奧壽司。🍣🥩 牛肉他他 ($128) : 因為脂肪少而且無筋，所以口感鬆軟又富肉味，簡單又健康。🍣 壽司盛盒(特上) ($280) : 呢嗰壽司盛盒幾高質，啲魚生超大件超肥美。🦀 雲丹蟹粥 ($98) : 三點蟹非常大隻唔係得個樣，粥底口感綿綿，配料有海膽、紅蘿蔔絲、蔬菜等等，所以味道幾鮮甜。

Weekend去開Cyberport玩，原本以為cyberport 係美食沙漠，點知原來都有女仔既好朋友日本野揀，餐廳環境好開揚，裝修好雅致。生蠔餐廳職員話生蠔係空運黎既，緊係要試一試佢。$98/3隻好抵食，生蠔味道鮮甜，再加上餐廳特製醬汁，更加帶出清新既味道。性價比好高加拿大海膽當日日本海膽賣曬，我地叫左加拿大既海膽黎試，個海膽擺盤好靚好打卡able。海膽味道鮮甜，好新鮮，而且份量十足，幾個朋友一齊share都夠曬。炙燒壽司拼盤一個拼盤滿足曬我樣樣都想試既心，有齊燒左口魚，鰻魚，海膽，赤蝦等。擺盤同樣好精美，味道都好符合我期待。

今日去到數碼港睇戲，之後當然要搵餐廳食，於是揀咗位於3樓嘅奧壽司。星期六嘅午市時段，都陸陸續續幾乎坐滿人，可見呢一間係幾咁受附近居民歡迎！☺️呢度環境都幾chill，有一個頗大嘅室外區，可以睇到成個數碼港，而且食物種類豐富，除咗有當日精選嘅新鮮飛機魚之外，仲有多種壽司刺身，串燒、和食🤓壽司盛盒(特上) $280非常值得一試，10款壽司，除咗常見嘅三文魚、赤身、帶子、炙燒左口魚邊、油甘等之外，仲有比較少見嘅小肌、海膽，整體質素好高，鮮甜好食🤤燒茄子🍆 $58節單調味配上木魚碎一齊食，增添風味，而最重要係佢幫你完全起晒茄子肉出黎，再切成三段，可以好方便咁食☺️串燒每串十幾蚊起，叫咗多春魚、雞翼、牛脷、雞腎、豬腩仔，燒完都肉嫩多汁，尤其牛舌！唯獨雞腎嘅七味粉調味略重，其他都恰到好處👍🏻

奧壽司門口收銀處女士扎馬尾，戴眼鏡既 我地叫埋單 佢睇到就扮睇唔到 行出去同佢講埋單 佢走去收野就唔應你，到佢行返埋來，佢就收剛行入來既人外賣order,到底係咩事！ 可以用咁既態度對客戶，如果奧壽司既老板睇到呢篇comment 可能你要睇下係咪無加佢人工 所以佢幫你倒米？請教導貴餐廳員工！顧客唔係大哂 但唔表示入來受氣！

位於數碼港嘅呢一間餐廳，價格唔算平，但勝在多元化。叫咗個日式便當，裏面有三舊小小的壽司，炒牛肉粒同炸餃子等小食。賣相不錯可惜味道一般，炒牛肉粒比較韌和多根，而且沒有什麼味道，吵得很清淡。份量看起嚟很多，但其實食完唔太夠飽。海膽魚生便當還好，食材都比較新鮮。海膽也鮮甜新鮮，飯量也足夠。還配上沙律菜，賣相也十分好看。沙律菜也是夠新鮮，這個會比便當好吃一點，但價錢也比較貴。午餐不包括飲品，但包了一碗麵豉湯，味道也正正常常不太鹹。

奧壽司位於數碼港商場 ， 主打日本菜， 食物幾多元化，拉麵丶壽司丶 手卷丶 刺身丶串燒 丶 天婦羅丶 火鍋都有齊， 價錢由幾十蚊至幾百蚊不等， 價錢屬中價。餐廳分室外和室內， 位置闊落， 而且樓底高， 坐得好舒服。 今次點了豬肉火鍋、 帶子刺身丶 軟殼蟹卷丶 叉燒拉麵和蛋壽司。 火鍋湯底夠味，足料，不過火鍋的豬肉太肥; 刺身和軟殼蟹卷用料新鮮; 叉燒拉麵質素可以。

Food is at average. Ramen’s not with a spectacularly good soupBut a bit overpriced.Could try if you are looking for a place to sit down properly and dine-in with Jap food in Cyberport

週末帶貓貓去數碼港行下 順便食個Weekend Brunch先 ↻牛肉鍋size細細地 兩個人齋食一定唔夠飽😂 應該係一人份既 甜甜地既壽喜燒湯底配牛肉就無得彈既 牛肉切得非常薄 放入滾湯裡2-3秒已經食得 口感一般 一分錢一分貨嘛😆 鍋裡仲有d蔬菜 一粒冬菇 類似冬粉 嫩豆腐等 食完牛肉再食時間剛剛好啦↻刺身盛合（上）有九款刺身 兩人份 各款魚刺身都好鮮 各有千秋 最愛個d油脂感豐富既魚刺身 蝦刺身大大隻夠鮮甜creamy 😆😆 帶子大大粒又甜 😍😍 海膽最好味鮮到一個點 🥰🥰 八爪魚乾乾哋🥲🥲 最失望係個吞拿魚蓉 無味既 🥺🥺@好耐無試過食sashimi啦 終於破戒了 😂↻吞拿魚刺身就係因為個刺身拼盤裡面既吞拿魚蓉太令人失望 所以做左個更後悔既決定 😂 就係散叫左呢個 口感仲差過酒店buffet提供個d 雖然入口未有筋 但同好味完全掛唔到勾 仲要食落有少少酸 呢個價錢真係失望極了😣😣

完全同相片不乎，侍應居然話實物同圖片一定係唔同 😡😡😡😡咁不如全部比三文魚我囉其他野食接近零分(人生其中一次最難食日本野😩😩😩）Confirmed 以後唔會再嚟