奧壽司

营业中

休息中

咁啱今日去開數碼港做嘢，又唔想食西餐，係個商場到見到間日本餐，有啲人流，好多一家大細嚟食晏，所以就入去試下。有啲半開放位置都唔錯～牛肉鍋（$128）- 份量都幾大，肥牛肥瘦適中。個鍋嘅湯底係壽喜燒，甜甜地唔錯。配料都好豐富，有小棠菜、豆腐、金菇、粉絲、娃娃菜同冬菇，仲有隻生蛋，一個人食都好夠！啲壽司都唔會好貴三文魚籽壽司（$38）- 三文魚籽大大粒又多，一啖放入口大滿足。三文魚壽司（$20）- 三文魚好肥美，唔講仲以為係三文魚腩。仲有串燒食，好正😍牛脷串（$38/串）- 即叫即燒熱辣辣，每串有三塊，燒到爽口得嚟又唔會韌，一啲騷味都無，非常好好味。雞翼串（$28/串）- 個雞皮燒到好香脆，雞肉都keep到juicy嫩滑雞腎七味燒（$26）- 好爽口，加味七味更惹味。