夫妻沸片-台式麻辣火鍋 (已結業)

最近疫情好轉，終於可以同fd去旺角食下嘢啦😋路過雅蘭中心見到有間台式火鍋店，叫夫妻沸片。原來係台灣過江龍，主打麻辣火鍋，決定同朋友入去試下!!!😬入到餐廳，好有氣氛呀!! D餐具好精緻呀，位又闊落，最啱一家大細黎食！！點餐係掃QR Code落單，有好多套餐可以揀，亦都可以單點食物。我地人仔細細，揀左個二人套餐。天氣轉涼，叫左個暖男鍋補下佢先。☺️湯底有人參紅棗淮山，開動之前要飲啖湯先，享受下精華所在🤤二人套餐入面有美國肥牛，牛舌牛丸，黑毛豬，雲吞，仲有素菜拼盤，好豐盛呀😍牛肉好鮮嫩，入湯一陣就可以食得啦。雲吞係鮮蝦雲吞餡，蝦肉好彈牙，正🤤牛舌有咬口，加d醬料，真係一流呀。隔離仲有自助水果可以任摞，打邊爐驚食得滯，呢個時候最啱食D聖女果消下滯😏兩個人食到飽飽，滿足。😋😋