太平館餐廳

营业中

休息中

見到咁多好評.所以特登黎試.個feel係懷舊扖房.坐底無耐就揀左2人餐啦.海皇湯,d海鮮都ok,但有d腥...到瑞士雞翼,試下,係幾好味,但未至於勁想再去食.我覺得自己整個d雞翼頌好食...(好串tim)跟住有個瑞士汁杪牛河.好大碟.d牛肉都幾滑.但個汁太漏.食完好飽蛋糕就係依家好少見既橙味蛋糕但本人唔中意食橙味既甜品....焗梳乎里無得試.下次要再黎試.因為聽講份量好大.總括黎講.依個價錢係食佢個招牌.食物唔係真係超好味.係咁既話番荃灣食莎樂美會抵d...

5月11日晚上唔洗等位就有得食，叫左個二人母親節套餐，有沙律海皇湯，招牌雞翼6隻，招牌牛河，兩杯飲品+蛋糕~$36x另加一。o的叔輩服務生都好有禮貌~除左個炒牛河幾好味外，其他都好普通...雞翼係好入味，不過唔覺得好特別，未至於食過翻尋味~另外個橙味蛋糕既樣真係好懷舊感覺!

星期日巧遇QQ, 於是決定一齊食dinner, QQ好想食瑞士雞翼, 所以就去咗太平館。比起銅鑼灣嗰間, 尖沙咀的分店寬敞好多, 坐得舒服D, 而且最好就係唔洗等嘛!周打魚湯K啦, 好似大碗咗D焗洋蔥湯:QQ話OK瑞士雞翼:一貫水準焗海鮮飯K, 有一隻好巨型的蝦梳乎厘:其實上面嗰D都食唔哂, 但QQ堅持要叫, 咁味道都係平時的水準啦, 但真係太大個了, 雖然QQ最後一個人隊咗3/4個, 但其實太平館會不會考慮做一個迷你版迎合下女顧客呢?總括嚟講, 味道都係平時咁啦, 我唔覺得特別好食, 但有時久唔久又會想食佢哋D瑞士雞翼。

海皇湯(餐湯連餐麭)--聽無敵講d海鮮又多又新鮮...羅宋湯(餐湯連餐麭)--好多款揀, 仲有忌廉湯同牛尾湯, 實有一款啱你口味...瑞士雞翼--招牌貨, 有6隻, d汁拌意粉好match...煙倉魚拚蝦沙律--倉魚好juicy, 沙律好懷舊feel...蛋糕(餐甜品)--我同無敵一路食一路笑, 因為好似廿年前翠華d蛋糕...焗梳乎里--戲肉黎啦... 我冇唸過咁巨型架... 好驚呀... 無敵對手都借唔晒個梳乎里, 好誇張... 不過太好味啦, 入口即溶, 所以最後都只係食剩十分一左右, 我地真係有食力架... 餐茶連熱朱古力都揀得, 真係舊式餐廳先做得到, Good!!!相片:http://hk.myblog.yahoo.com/ken-merry/article?mid=1613

三人聚頭傾成了不少旅行細節，還買到了新鞋，進度十分理想。　幾個為食人士，見任務完成，忍不住又去食多餐；路經太平館，我們決定去挑戰巨大疏乎厘!　當時約五點，我們點了疏乎厘二人下午茶餐($92)，又忍不住重溫了瑞士雞翼餐($48):　巨大疏乎厘-一上檯，嘩，真的很巨型哪!新鮮焗起的疏乎厘香噴噴，三人立即拿起叉狂攻；疏乎厘質感棉棉的頗濕身，吃來充滿濃郁的蛋香，吃到底就發現它的秘密：原來除了上層是蛋白為主，下層還有至少八隻蛋黃打底，難怪吃來那麼漏!雖然如此，到底是軟棉棉的東東，整個疏乎厘最後終於得順利清掉，其中，我居功至偉...哎..　瑞士雞翼-可揀薯菜或意粉，原來前者只是一件恰熟的薯塊，感覺好頹。講返雞翼，該日我被疏乎厘漲飽了胃，到雞翼已經沒多少胃口剩下，然而都要承認太平館的瑞士汁的確味道細緻；不能說是十分的滋味，但對於愛吃咸中帶甜的人，如龍，會十分喜歡，至於我，試過兩次很足夠了。　其實比起瑞士雞翼，我更欣賞太平館的凍奶茶，嚴格來說味道有點偏甜，但因此很合我意，我飲得很滿足~　無論如何，能達成疏乎厘心願十分令人高興；但三個人都是增肥多於減肥就與計劃大幅偏離了!

今晚因為朋友生日而去食．．．點了瑞士雞翼($125)，梳乎厘($90+)同雜扒餐($130+)雞翼．．．真的沒什麼特別梳乎厘呢，好玩囉，大大舊的，不過吃下去像雞蛋餅味的泡泡雜扒餐跟外面的差不多奶茶看上去很濃，但實際上沒什麼味

星期日的晚上，本來諗住同豬頭人去尖沙咀的譚魚頭打邊爐，8點鐘去到，點知一開門，已見人頭湧湧，待應小姐未等我地開口已話「最快要等一個鐘」，傻仔敏的格言係「等不得」，所以梗係打退堂鼓。 甘食咩好…尖沙咀街頭邊行邊諗，諗住去食和花亭，不過依間人氣人龍店，排兩個鐘都唔知有冇位，行下行下，抬頭一望，見到「太平館餐廳」(尖沙咀加連威老道40號)，早前見到網上介紹這裏的瑞士雞翼，好…甘有緣，就度食啦！！入到餐廳，全場已滿，要等2張…等左20分鐘，經理問樓梯附近介唔介意，食飯…無所謂啦，一坐低，侍應遞上熱茶及菜單，豬頭人只顧看餐廳的歷史，所以今天點菜的重任就落在我身上。唔洗5分鐘，我已諗好點咩！！我共點了兩個套餐，分別是瑞士雞翼意粉餐($143)及蟹蓋餐($158)。依度d侍應叔叔似乎非常熟練，不一會已送上餐包，餐包旁付著一盒充滿懷舊色彩的牛油，為免吃得太飽，所以我只吃了半個。接著到餐湯，豬頭人點的是牛尾湯，湯內用料十足，充滿了濃濃的肉香，很好味！！傻仔敏的那碗是海皇湯，湯內有大蝦、蜆肉、魚肉，味道有點像龍湯，個人還是較喜歡牛尾湯。蟹蓋餐的頭盤是焗釀蟹蓋，蟹蓋的面層焗得香脆，份量足夠我和豬頭人一起品嚐

食了二人餐,有海龍皇湯,瑞士雞翼,乾炒肉片河粉,甜品同餐茶.湯ok, 個炒河都幾大份,兩個女仔,食好飽仲食唔晒.瑞士雞翼真係好普通,甜品我們食雪糕,細細杯啱啱好.總之食物一般.不過環境真係好舒服,因為人唔多,一去到就有位坐,可能係因為lunch time貴d同Weekday.食食下佢地換上下午茶餐牌,如果再去的話會去下午茶個段時間,因為想試下個大大梳乎里.$95包2位餐茶.平時就只係梳乎里,$95不包餐茶^^

之前食過好幾次,每次都覺得好正,今次都唔知咩事,又唔熟,中間仲要一\"patpat\"咁,向個侍應伯伯反映,佢\只係\"哦\"就算,再無其他反應,咁算咩意思,我明嘅...佢\咃係老字號唔休做,所以唔需要有今時今日嘅服務態度,但錢又識收今時今日嘅收費.............

成日路過呢間餐廳，都因為貴所以冇入，但尋晚慶祝開心野，同男朋友決定都入去試下啦…其實所有餐都幾貴，所以都係決定食二人餐…其實d叔叔既服務唔錯，好殷勤…但係d野食就…1. 海龍皇湯 普通，有好多急凍海鮮，但d魚好腥2. 乾炒鬆肉粉牛河 好多油，好黑，d牛肉好勁鬆肉粉，所以食剩左3. 瑞士雞翼 個汁好好味，但d雞翼唔入味4. 甜品 舊蛋糕好懷舊，完全係以前茶餐廳d西餅，但我起好細個既時候已經覺得美心西餅好食好多5. 熱奶茶 杯茶上來既時候深色到好似咖啡咁，幾驚飲完會訓唔著埋單既時候，我地只係覺得~~好貴，但望住爆滿既餐廳，我地又會諗，係唔係只係我地唔識欣賞呢？不過，我諗我地都唔會再去…

(26/12/07)只有好朋友才會和我癲,食這個巨型梳乎里。今日我地來食late tea。瑞士雞翼,三隻+細件烚薯。下午茶menu沒有梳乎里,另哎,食食o下,侍應說我地有三杯餐茶,原來梳乎里係個二人餐黎架!梳乎里精髓是面層,果然係要size大,才食得夠"鄙"。如果唔係之前食飽野,二人消滅這梳乎里都唔係難事呀。p.s.奶茶的茶濃黑得如咖啡,怕怕!

風聞這一間是香港第一間西餐廳，便來試試看！一入餐廳便聞到很香的麵包味！我們點了著名的瑞士雞翼意粉餐和蝸牛豬扖意粉餐。餐前麵包的確不錯，很軟又香。瑞士雞翼很入味(共五隻)，配意粉，可令沒有味道的意粉生色不少。蝸牛有點似煱田螺，口感很爽口和彈牙，豬扒只是一般炸豬扒而己。餐後有是日甜品，今回是西餅，因外貌和味道有點似美x西餅，所以不太特別。服務員態度親切有禮，如想吃瑞士雞翼的話，可以一試。

20071117離開論壇會場已經一點半，剛好避開午市的人潮，三個人，在這間老字型大小的樓上卡位舒舒服服坐下來，聊聊天，悠悠閑閑就磨到三點多，眼看著身邊的餐牌從午市轉為茶市，也沒有人催，這種速度，正合了懷舊的氣氛。都是女孩子，吃不了太多，點了兩樣來share，一個焗芝士石斑飯，一個瑞士汁雞絲河粉。朋友不吃牛，所以選擇雞絲，想來都是瑞士汁去炒嘛，誰知端上來以後，顏色雖然看著對板，卻一絲鮮甜味都沒有，就是普通一個炒河粉，不禁大失所望。石斑飯正正常常，沒什麼好說，所以整餐下來，從味覺上講，就真是普通過普通了，好在環境舒服，服務周到，也可以給一個笑臉。

今晚朋友請食生日飯，揀咗間我從未去過的太平館餐廳，一於試一試，點左兩個set，有瑞士汁雞翼、焗蟹蓋、干炒牛河、梳乎厘，食物味道唔錯，干炒牛河夠鑊氣、梳乎厘超大、瑞士汁雞翼都頗滑，大家食到飽飽走！雖然店子全是上年紀的waiter，但個個友善，抵讚！共$606

尋晚同女友去O左試呢度O既招牌菜瑞士雞翼。我地叫O左兩個餐︰1. 瑞士汁雞翼餐 - 瑞士汁雞翼 - 大蝦沙律 - 橙色舊式西餅2. 瑞士汁乳鴿餐 - 瑞士汁乳鴿 - 燕窩雞茸湯 - 橙色舊式西餅講真，除O左瑞士汁系列可以一試(一試好啦，因為唔值呢個價錢)之外，只有環境相對其他港式餐廳好，值得一提係佢上菜係等你食完一道再上一道咁O既，所以唔怕張枱唔夠位放，或一次過上哂之後菜未食就變涼。服務態度唔叫好，但都未至於差O既。