太平館餐廳

知道佢做開遊客生意，好耐無去，見隔離個個話掛住個梳乎厘，就同佢去食。去到都係嗰幾樣嘢乾炒牛河，瑞士雞翼，味道都係甘，無特別無變重點就係梳乎厘嚟啦，上嚟嗰陣時一睇就知道係燶嘅，叫佢返轉頭完全無視咗我嘅呼喚🫣知道佢呢項價錢唔算係貴，但係未至於要俾呢一個我吧？之後我見其他枱都有叫到，但係人哋枱個d嗰啲個個都大大嚿好靚嘅，睇到隔籬嗰個扁晒咀😟講真你呢個甜品成本有幾多，大家心中有數，廚房既然甘都出得，樓面又擺到落枱，我唯有跟你呢個標準食🙄我同隔離個講話叫多個黎食，呢個唔食囉，你知啦，佢哋即叫即整（要等），佢就話等得黎都飽啦，個晚餐就甘完左。…查看更多

去了太平館點了他們的梳乎厘。梳乎厘並不是一般的梳乎厘, 而是這間餐廳的名物。這次因為朋友生日所以帶她去試, 這梳乎厘真是超巨大的, 很吸睛, 一上桌便已經將朋友嚇倒。都沒有見過香港有售如此巨型的梳乎厘。但它不只是用來打卡和吸睛, 而是真的好吃。焗好之後的梳乎厘上桌, 直至我們打完卡, 它仍是蓬鬆地膨起來, 並沒有凹入去, 可見廚師焗的功力如何厲害, 我從未見過可以成功反地心吸力的梳乎厘。原味亦相當出色, 明顯吃到蛋香, 吃的時候只需配上少許糖粉便將香甜味道發揮至極緻。建議也可以配上香草冰淇淋，味道會更加出色。最喜歡裡的梳乎厘了, 因為其口感輕盈無比，入口即化, 不需要咬, 長者和小孩都會大愛。…查看更多

📍 用餐體驗：尖沙咀太平館餐廳踏入太平館餐廳，仿佛穿越時光隧道，迎接我們的是充滿香港懷舊風情的裝潢，復古的木製傢俱、低調溫暖的燈光，營造出優雅而溫馨的氛圍。這裡不只是餐廳，更像是歷史的見證，沉澱著一代人的味覺記憶。 給我一種貴族用餐的體驗。🍽 美食享受餐牌選擇豐富，令人難以取捨。清新的橙汁，是一種令人懷念的味道，帶來清爽開場；蓬鬆酥軟的餐包，細緻地搭配牛油，每一口都是經典港式西餐的味道；濃厚酸甜的羅宋湯，是開胃頭盤的不二之選；而鎮店名菜——瑞士汁牛河，肉質細嫩，醬汁甘甜不膩，相當惹味，河粉彈牙，完美演繹港式瑞士汁的獨特魅力。 不過用餐時要小心，一不小心就會沾到衣服。👥 服務與氛圍服務生親切專業，笑容洋溢，無論是點餐還是推薦菜式，都讓人感受到賓至如歸的體貼。餐廳內的環境優雅，桌與桌之間保有適當距離，即使熱鬧，依然能感受到閒適與自在。整個交流的過程都很舒適，每個服務員都十分友善。✨ 總結本來是打算去下海邊放鬆下心情，想不到在室內的環境聽著令人放鬆的音樂，靜靜用餐亦別有風味，達到相同的效果。這次的用餐不僅是味蕾上的享受，更是一場懷舊與美味交織的旅程。太平館不僅是味道的代表，也是港式西餐文化的象徵。無論是本地人還是遊客，都值得細細品味這裡的獨特魅力。 期待下一次再來探索更多美食，或許換個口味試試焗牛扒？😋…查看更多

太平館有好耐歷史，係我細個父母會帶我去嘅餐廳。依家過咗咁多年餐廳嘅裝修同氣氛都好懷舊，但又冇殘舊嘅感覺。同朋友係喺平日食晚飯，餐廳客人都好多元化，內地人外國人都有。我聽到侍應叔叔好有耐心又有啲幽默咁用普通話同英文介紹食物俾客人，服務質素真係非常高。乾炒牛河每次嚟都叫，佢調味適中，牛肉夠嫩，河粉唔會斷，仲有少少燶邊添。一上枱就忍唔住即刻食，結果唔記得影相😅焗葡國雞飯雞同飯係分開上，呢樣我唔係好鍾意。葡汁味比較淡，雞肉有啲柴，呢味我麻麻哋。瑞士雞翼招牌菜式點都要叫啦，瑞士汁夠惹味，雞翼又夠嫩，我哋用手食完諗住攞紙巾抹手，侍應就即刻自動攞咗一盤用嚟洗手嘅檸檬水。非常細心，值得一讚。焗疏乎厘另一個招牌菜式，仲好啱打卡添。不過記得要趁熱食先至香，一凍咗就唔好食㗎啦。總結成餐都食得好開心，環境好、服務好、食物都唔錯。坐足成晚慢慢傾偈冇人催你，喺香港呢種食飯體驗已經係非常難得！…查看更多

干炒牛河💰138牛肉炒得非常嫩，唔柴，河粉又滑又彈牙，炒得啱啱好，醬汁入味，食落去真係好開胃。每一口都帶住濃郁嘅香味。份量啱啱好！鮮茄燴牛脷飯💰118牛脷煮得好柔嫩🥹🥹不愧係太平館嘅名物，真係好好食！！！飯量好足，加埋啲牛脷食落去，真係好正，牛脷真係必點！！招牌焗梳乎里💰160甜品方面我試咗招牌焗梳乎里。分量超大～🤣🤣外面金黃香脆，裡面係充滿空氣感嘅梳乎里，食到最後有啲似食緊蒸蛋🤣。雖然唔算非常驚艷，但作為餐後甜品，仍然係一個好好嘅選擇。…查看更多

朋友聚餐，各自叫一份嘢食，嗌咗個share plate 豉油雞翼。細個爸爸指定飯堂，最鍾意食嘅焗豬扒飯，只可以講回憶總是美麗的。實在，都合格有找嘅。豬扒起碼都唔算薄，個汁啡色似gravy 果種，以前D豬扒飯做法同而家元素蕃笳汁係唔一樣。叫咗個疏乎厘，叫做有啲喜慶感，話晒都有閑人生日，俾個面囉，頭咁大，夠威啦。…查看更多

我相信係香港生活超過10年嘅人都會聽過太平館，而我都食過好幾次已上上上了，講真香港美食花多眼亂，亦走馬看花咁，而家開夠10年已拍手掌，更何況講緊百年，留得低一定有佢美味個人之處。今日同細羊食佢嘅簡單lunch set，我地都叫左牛河，分別係乾河同濕河之分。嚟到太平館我一定要求食瑞士汁，真心覺得佢嘅瑞士汁河呀、雞翼呀係整得好食，偏甜，感覺落滿滿冰糖煮汁。牛河本身肉質新鮮，食得出唔係用雪藏肉，河粉彈牙，不過今次嚟食覺得偏鹹。另外想講佢嘅羅宋湯足料，比起白湯，佢嘅紅湯好值試。除咗食物質素，佢哋資深服務員，每間分店都維持到水準，而聞說佢哋都專請年長人士呢～…查看更多

最後呢間都係連鎖店話全部分店都係自己物業所以好似連武肺都未驚過一八六零年係廣州開業一九三八年黎左香港超過一百年歷史呢間就係太平館餐廳我就去尖沙咀加連威老道果間就話呢間分店係一九七六年開既咁都差唔多成五十年地下有洗手間同水池仲有養緊金魚我都好耐未見過呢d野而洗手間都唔算太差有紅地毯樓梯餐廳有吊燈成個感覺係有少少似嘉麟樓咁或者係嘉麟樓想營造呢個氣氛先岩都未定咁侍應都幾有禮貌既有埋帶位檯面有檯布餐具都有擺位呢度的確唔似係市井懷舊扒房坐低會斟杯茶過你同埋佢d座位都幾隱閉燈光昏暗用黎幽會應該都唔錯餐牌先黎既係歷史堂單點菜式有埋set添不過我地平日lunch黎緊係叫番lunch set呢度最出名既應該係瑞士雞翼乾炒牛河同巨大化梳乎里但我都係想試焗豬扒飯lunch set有餐湯同餐包個羅宋湯都多料焗豬扒飯又係上網見好似話會筆上碟佢都係無既豬扒上面好多汁同蔬果而豬扒都係有切好既不過整體都算係一般唔算太濃味朋友話近排覺得豬脾牛脷隻汁幾好食應該即係瑞士雞翼果隻汁豬脾切片牛脷就一大件食落都唔鞋既set lunch有跟餐茶冷熱都唔洗加錢因為係同侍應埋單亦都會收信用卡所以係有加一平均每人百一蚊左右咁呢幾間最黎講坐得最舒服就真係太平館都坐左成個幾鐘先走估佢應該都唔會點趕人走之類服務唔可以話周到但絕對比一般舊式餐廳好好多至少都叫做有禮貌午餐呢個價錢就真係唔算貴不過最出名既梳乎里就要正價先食得到…查看更多

.🔻數一數二嘅懷舊中式西餐廳, 食物質素依然保持得非常好 👍🏻每次黎都有時光倒流嘅感覺🌟必食🌟 👉🏻 瑞士雞翼 - 招牌菜! 雞翼入味得無可挑剔; 不過以前啲雞翼大隻啲🤭 👉🏻 燒豬髀飯- 我嘅最愛! 薄薄嘅豬肉片, 味道超級濃郁, 記得一定要配白飯, 好味到停唔到口.🔻🍽 太平館餐廳📌 地址: 尖沙咀加連威老道40號地舖…查看更多

香港老派約會餐廳——太平館環境：有七、八十年代的風格，而且保養做得很好，我很喜歡餐廳的環境，充滿懷舊的風格。服務：服務只點單、送菜、收拾餐具都很快，侍應都是有點年紀的叔叔菜式基本上都是經典款，沒有特別的創意菜色在，但是每一款都感覺做到用心極致了「梳乎厘」⭐️⭐️⭐️⭐️⭐️超超超超大蓬鬆！這真是超乎想像的美味，服務員捧上來時已經聞到一陣陣的蛋香，分量超巨型，差不多好像一個頭那麼大，四個人分食剛剛好。表層焗得帶少少焦香，內部非常綿密，使人垂涎三尺。「干炒牛河」⭐️⭐️⭐️⭐️⭐️這是我吃過最好味的乾炒牛河。每條河粉平均沾滿了醬汁，牛肉細嫩，一塊是偏軟的香香的，一塊是較爽口脆的，但份量不多，性比價一般。，花旗砵酒豬扒 $134味道一般，份量大…查看更多

幾年冇嚟，突然間諗起，就即管試吓。感覺冇乜特別，冇差到，反而我覺得服務仲幾好添。記得上次嚟，仲要喺樓梯排隊等位，今次當然唔使，不過上到去都有八成枱係有人坐嘅，未至於太冷清。今晚唔係太肚餓，所以冇叫套餐，只係散叫咗乾炒牛河、焗蟹蓋、乳鴿。乾炒牛河今晚煮得幾好味，唔太油，河粉夠乾身，幾香。焗蟹蓋就最欣賞嘅，百食不厭，口感豐富，滿滿嘅蟹肉釀咗落個蟹蓋🦀度，焗得好香👍🏻。乳鴿都冇退步到，好鍾意佢哋將乳鴿內臟另上，再配上美味嘅汁，雖然知道膽固醇高，但係都忍唔住食晒😜餐廳內嘅服務員大多數係上咗年紀嘅，但佢哋都招呼周到，每一枱客走佢哋都會即刻用吸塵機吸走啲垃圾，亦都成日埋嚟主動添茶同埋更換餐具，服務都算貼心。…查看更多

📍尖沙咀如果話有邊間好食嘅餐廳係由細食到大，到而家仍然屹立不倒，太平館必定係其中之一太平館創辦於1860年，真正係咸豐年代；香港一共有四間分店 可能係因為全部都係自置物業，所以冇乜租金壓力；老闆只需要專心喺食物質素同服務方面，所以先可以保持住一貫水準四間分店全部都係走懷舊路線；入到去好似時光倒流咁，好有八十年代電影嘅格局，喺香港已經係買少見少佢哋嘅名物有幾樣，分別係瑞士雞翼、燒乳鴿、乾炒牛河同埋焗疏乎厘當然跟餐嘅羅宋湯同餐包都非常出色，只有舊式嘅西餐廳先可以食出呢種味道瑞士雞翼- 堪稱得上係太平館嘅傳奇，亦都係發明瑞士雞翼嘅始祖；配方以帶有甜味醬油去醃製嘅雞翼，每枱客人必點食物👍乾炒牛河- 從來都覺得乾炒牛河係非常之考功夫嘅食物；要煮得唔油膩之餘，每條河粉上色均勻，再加上生抽老抽同醬油要炒得出色，牛肉鮮嫩香濃，講就容易，全香港做到嘅冇幾多間焗疏乎厘- 蛋白加糖，人手打勻後放入焗爐大約十多分鐘；出爐後會脹大好多，香氣撲鼻，外層焗到金黃色帶微脆，飯後甜品首選…查看更多

未坐定，已經有個侍應先生問我要order 乜嘢。好奇怪，menu 都未有，我哋又唔係熟客，點落單呢？好，有menu 時，研究左一陣間，見個場四成滿，唔算好多人好忙，到舉手叫唔該落單，叫一次，應左我，冇埋嚟，兩個黑衫侍應繼續吹水，叫第二次，都係望一下我，就走左去。我原本諗住，如果再冇人埋嚟就走，結果終於成功落單了。凍檸茶唔凍，酸澀，細杯，紙飲筒，唉跟餐都可以正常少少size 卦煙肉「炒」雜菜微暖，灼菜，三片五蚊銀尺寸嘅煙肉，成碟水干炒牛河滾熱，牛肉入味淋滑碎而細塊，河粉未炒匀，豉油味太甜，失望。乳鴿配瑞士汁最後一道菜，微暖，皮淋，肉鞋，非常韌，枉稱成名招牌菜，唉。雪糕有冰碎二人餐，埋單$581#冇下次 …查看更多

乾炒牛河份量都十分足夠，幾塊牛肉片，有少少瑞土汁嘅味道，味道可以。乳鴿一開四，肉質嫩滑，充滿肉汁，有配埋手套，十分貼心。梳乎厘係太平館嘅招牌，真係接近每枱必點，雖然超級巨大（真係大過個頭），但覺得味道卻十分普通，而且內裹係水汪汪嘅蛋白液，好似未熟咁，所以只係食左少少就無食，覺得唔好味。價錢預左係貴架啦，但並無十分驚艷嘅感覺，有啲失望。…查看更多

太平館(尖沙咀店)小編最近有移左民既朋友番泥香港放假一於同佢試下呢間老字號懷舊港式西餐廳相信大家都聽過太平館既巨型梳乎厘原來除左梳乎厘    太平館其他主菜都同樣出色!店內環境好靚好有氣氛啱哂同朋友傾計聚會我地就係晚市時段試左以下幾款招牌菜:1.太平館瑞士雞翼  $198／8隻餐廳介紹呢道菜係佢地最具代表性既名菜雞翼生浸在由自家秘製既瑞士汁用文火浸熟至入味  所以都要預留20分鐘左右既製作時間雞翼即叫即浸 食落嫩滑多汁同埋好入味!!好想叫碗白飯撈汁食~2.太平館瑞士汁炒牛河  $138 餐廳用新鮮牛冧肉配河粉再加上秘製瑞士汁味道十分之夾河粉夠香滑 牛肉又好嫩唔會過老不愧係經典菜式! 不過菜名叫炒牛河其實上菜後係要自己撈勻唔明點解佢叫炒河而唔係撈河3.岑味牛脷飯  $140岑味Salmis係一種法國醬汁主要用牛油及雞肝、酒煮成味道都好特別而牛脷有3片厚切質感好軟熟!  軟稔中帶點彈性牛脷水準極高連配菜都好食4. 太平館焗梳乎厘   $160講起梳乎厘一家會諗起太平館 梳乎厘係全人手即叫即做  焗到金黃色呢份巨無霸梳乎厘空氣感重口感軟綿綿~又有濃郁蛋白香。我地今餐都好滿意下次會想試埋其他經典菜式!…查看更多