太平館餐廳

营业中

休息中

又去尖咀晚飯, 有一段日子無食太平館了, 又再食過港式的瑞士汁餐. 當然, 食瑞士菜就去無瑞士雞翼食的Chesa.今次無揀二人餐, 叫了乳鴿餐同雞翼餐.雞茸燕窩羹: 6分, 燕窩當然稀少, 羹本身太鹹, 麻麻. 夾埋熱熱的餐飽, 仲覺得鹹.大蝦沙律: 8分, 典型的港式沙律, 一定易入口. 大蝦都幾夠份量. 不俗.燒乳鴿: 7分, 燒得過老, 差了點. 但用乳鴿肉去撈瑞士汁還是很好的配合.瑞士雞翼: 9分, 這瑞士汁依舊很入味, 用文迪教我的三分法, 一件不留清碟. 不過食得雞翼就搞唔到碟飯. 其實瑞士雞翼剩食係比較合適.焗葡國雞飯: 9分, 相當美味的雞飯, 葡汁撈飯很開胃. 簡單但好入味.縱然備受批評, 總覺得太平館的食物仍然是出色的. 至少水準比天樂穩定.當我們去欣賞蓮香, 得龍等中式老字號, 太平館這豉油西餐老字號亦值得支持.

之前一向都是到中環的店, 今次一到尖沙咀分店, 都是以招牌菜為主, 幸好2人餐巳包括了招牌食品, 價錢又是抵得多, 所以不要想了, 一於吃這個先來一個熱辣的餐包, 都是一般茶記水準吧, 海皇湯的賣相不太好, 但是味道郤出奇地不錯, 味道有著啖啖的海水味, 有3數片魚柳在其中, 味道十分濃郁, 這個是我意想不到的, 朋友要的一個沙律賣相就一般, 都是港式的沙律, 一大堆醬加在其中的.之後干炒牛河這個跟a la carte相比碟頭小了, 比起中環分店的油分多了點, 河粉炒得有點零碎, 牛肉亦不夠多, 幸好味道尚算可以, 豉油均勻地分佈每一片河粉之中, 味道又不會太咸, 如果不炒得那麼碎便好了本人其實對瑞士雞翼不太有興趣, 皆因它都只是豉油雞翼吧, 但朋友未嘗一試, 所以今次再食, 這個餐的雞翼只是中翼加尖, 没有了雞搥, 跟a la carte的分別很大, 有點欺騙成分, 不過雞翼的味道真的入味, 而且賣相都很吸引, 合格有餘了~~~環境當然十分懷舊, 很多一大班人來食的, service的叔叔們都很專業, 還會提點下如何點菜才是最抵食的, 雖然態度一般, 但都總算為我省了點錢吧~

好耐都無食過太平館. 今次都係掛住疏乎里, 所以去食番次.2個人, 唔係叫太多野食. 一客瑞士汁牛河, 葡汁焗四蔬, 疏乎里. 初時食都幾有衝勁, 但食到疏乎里既時候, 真係有"後勁不繼"既感覺. 一來飽啦, 二來係底有d燶. 侍應伯伯見我地食唔曬, 竟然有問我地原因. 呢樣都係我第一之喺太平館感受到既"售後服務".

前幾日同老死二人去食二人晚市套餐，去太平館無非係為咗食佢地d瑞士汁，或豎散叫個雞翼都要$110 (嘩!係好貴囉)~所以叫咗個set：有湯(一個),有沙律(一個),瑞士汁炒牛河,乳鴿,甜品及飲品。上一次食係大約一年前，同今次食其實冇咩分別，哈哈..你可以話佢無驚喜，但好穏陣。個沙律好特別，明顯係中國人煮沙律，全部都係中式材料，但都係好食架!至於個河粉,erm...我地都覺得ok..濕濕地，又唔會太咸，加埋辣椒醬..一流!至於個賣相，用豉油炒一定係黑黑的…但佢地個牛牛真係好淋…正!好好味…又夠大碟….至於個燒乳鴿就一般貨色啦!無咩特別，唔叫雞翼係因為一定食唔哂…但係...食乳鴿都有瑞士汁附加...都好意..其實個蛋糕仔都幾得意呀…好香好軟!!(好彩無汁)服務就一般啦。你預咗係老號餐廳個個侍應都老過你..你又點好意思嫌佢慢手慢腳呢!

本地老牌豉油西餐廳，至今已是第五代傳人。來，主要是為連皮帶肉的牛尾，訪尋新鮮的牛尾，就連另一老牌子Jimmy's Kitchen亦見不著其足跡。時光倒流卅年，昏暗偏黃的燈光，整齊有緻的擺位，不見起伏的地氈，老一輩在這方面還是有堅持的。一堆頑固的老頭兒，對著後生的客人，頗有微言，知其脾氣，還是唔該前、麻煩後，畢竟是前輩，是應該專重的，給他們面子，斟茶加水招呼還算是不錯。是日叫了牛尾湯及砵酒焗牛尾，建議不理吃炒牛河，是用鮮牛肉配瑞士汁，專人起鑊炒的，非一般茶記大鑊炒起分四分，不理聽後如哭喪般死命叫不好，最後叫了炸蝦燒牛扒配蒜蓉汁。濃而杰的湯，下了意米，加了少少牛尾粒，味複雜而濃郁。隨湯附送舊式的餐包，暖暖地，配鹹鹹的牛油，軟熟又微鹹，味道幾夾的。砵酒焗牛尾是期待之物，一客五件，連皮帶肉，有大有細，大的如拳頭般大，砵酒吊出其味，配紅蘿蔔sauce來焗，又甜又入味，同坊間不同的是其厚厚的外皮，膠質感甚重，豐腴美味，女士怕肥敬而遠之，偶與不理「三扒兩撥」吃個精光。花開堪折，連太平館亦棄用鮮牛尾時，難不成要自己煮？煮得起膠、肉腍而不散，自問沒有這份功力。不理的炸蝦燒牛扒，說好不是，說差但師傅卻是有

d所謂懶出命雞翼個d豉油汁好鬼苦, d焗海鮮飯味道同茶餐廳d味一模一樣,最難食係佢個setdessert,仲衰過屋麵包鋪d西餅...不如叫佢慳番d啦...如果咁質數半價就差唔多

MY LOVE^^ 成日都話帶我去食太平館"面盆咁大"既梳乎厘, 加上太平館呢個大名聽就聽得多, 但一值都無食過, 終於帶我嚟試喇^^打開MENU, 中西都有, 幾攪鬼喎...不過價錢真係貴咗少少。呢夜我哋兩個都唔係太肚餓, MY LOVE^^ 話我要叫疏乎里就唔好要兩個餐, 一定食唔哂！我正考慮要焗蟹蓋餐, 個蟹蓋有幾大呀。不過都聽話乖乖哋叫住一個蟹蓋餐加一個期待已久"面盆咁大"既梳乎厘。首先嚟個海皇湯同餐飽, 不過不失啦~再嚟瑞士汁炒米(無錯, 係米粉！因為賣哂河粉~), 我最怕食炒粉麵, 怕食到一口油嘛。無喎, 米粉爽口, 鹹味又唔適中~蟹蓋嚟喇！噫, 又唔係太細喎。好香濃既蟹糕香味, 正正正~ 好味到仲想食添^^食飽正餐, 上我哋專程嚟食既"主菜"喇！嘩~好開心呀, 真係"面盆咁大"檯檯都三四個人以上先敢叫, 我哋兩個人夠膽挑戰！個面焗到焦焦哋, 香噴噴^^ 切落鬆軟, 好香既蛋香同雲尼拿香, 食落口, 真係入口即溶, 好似食咗"陣風"咁。不過咁大盤, 有排我哋食。味道又唔會太甜, 真係好好好滿足^^ 同埋佢咁大量生產都係即焗架^^ 另外, 我哋個餐仲有件西餅仔, 傳統港式餐廳

中文打字慢，寫得精簡些，大家有怪莫怪．朋友介紹瑞士汁炒牛河，食時姑且試下．lunch set 收68,友人點葡國雞飯.都係餐.先個包同牛尾湯,包唔夠軟熟,湯只係快餐店紅湯.汁炒牛河陣黑漆漆,食落冇想像中咁喊,過好油,牛肉質感ok,配咁多豆角感覺好怪,中西,整体真係好一般,用鎮店令人莫名奇妙.友人個葡國雞飯,好奇試一舊,好鞋,汁好regular,完全值一提,大家樂20年前已經好過佢,但平九條街,咁大間餐廳,賣咁野,收2人lunch set $150.仲能生存，一定唔駛交租.

去過Causeway Bay果間分店,都係食豬扒焗飯,但好似尖沙咀果個好食d...而且d侍應態度都好d!!!除左豬扒焗飯之外...仲試過佢既招牌菜- - 瑞士雞翼,但真係唔明,有幾好食...盛日都想試下佢個梳乎里...好好大個嫁...不過2個人唔知點食呢??

同男朋友0係尖沙咀行街,晚上大家都唔係太肚餓,所以我就提議到太平館share一個瑞士雞翼餐。個餐包括:1. 大蝦沙津(我覺得都ok,隻蝦幾新鮮,但男朋友就覺得有點腥)2. 雞翼六隻+ 意粉(講真,真係覺得好一般,唔可以話唔好食,但以呢個價黎講,真係覺得有點唔值,因為成本價真係十蚊,我覺得自己整同佢0既味道都唔會差好遠,但就平佢十幾倍。個意粉一d汁都冇,可能佢諗住係用d瑞士汁撈,不過個人覺得如果d意粉有返少少味會好d,同埋亦似乎有點油膩)3. 一件小花餅(好傳統的花餅味道,都ok)4. 餐茶下次再黎,都唔會再食瑞士雞翼了,因為真係唔抵食。

2005年10月24日去過呢到有以下不愉快經歷以後都唔會幫襯『走到尖沙嘴太平館共晉午餐拉開玻璃門就已經感覺到那種很濃烈的六、七十年代的氣味門前還懸著那個「不設非吸煙區」的牌子走上了二樓裝潢是很懷舊卻沒半點陳舊空調很冷椅子和餐桌也很老套還有那全鐵煙灰缸這一切都看到店東極力地保存這種三十年前的味道不是很大的店子不過座上客的沒有半百也有四十本想坐卡位不過在有空卡的情況下被那夥計以卡位已滿的「理由」一口拒絕翻開菜單目錄也未看到便從頭細說太平館的歷史甚麼甚麼自1860年廣州老字號西菜館就連瓷器碗碟上也印上「1860」歷史的確是用來賣弄的最好工具點了客周打魚湯沙拉牛脷意粉不知是夥計的耳根有問題還是我們真的說得糊里糊塗不清不楚又或是跟這個七八年代的夥計有代溝用那很想找人渣的語氣和不做我生意也罷的態度覆述話也沒有說完小二已經急不及待地收回那本我正在細看的餐牌很是不悅當然我一定要討回以遏止他那主客不分的氣焰接二連三夥計們如職業病發作似的走過來二話不說就收起那些還沒吃完的沙拉和餐湯那我當然不由他們胡來討回又討回小二只好沒好氣地放回來那張嘴臉真叫人倒胃不過最令我咋舌的是七十多元的午市套餐提供的是完全沒有醬汁

一直都因為價錢問題而卻步等到今次做野做得咁辛苦終於有豁出去既衝動貴就貴啦點都要食一次點左最招牌既二人套餐($238)海龍皇湯反而最出色既一個好過出面一般既所謂龍蝦湯好多用料豐富有帶子魷魚同兩隻大蝦碌全部都幾新鮮好得喎瑞士雞翼+ 瑞士汁乾炒牛河瑞士汁無想像中無甜而且無論雞翼同牛河都唔算好入味好似浪費左個咁濃既汁有丁咁多失望有問「一般咋喎點解佢值得咁出名呢?」我都唔知呀不過人地百幾年歷史可能係宜家既我地奄尖左啦…仲有食完都真係有尐滯喎特別係食到尾唔夠熱尐油開始瓊果陣見到隔離檯既疏乎厘大到咁雖然好似好食但都唔夠膽叫我就覺得ok雖然食物唔係一流但係黎到呢度真係好似帶左你返左六七十年代難兄難弟既年代無論裝修侍應到餐具睇怕都係由果時用到宜家就連隨餐甜品香橙蛋糕既造型(注意係香橙唔係鮮橙即係橙味豐富但無真橙果種不過又幾好食喎)都係似足果個年代當然價錢就係廿一世紀啦…試想想三十年前一班達官貴人就坐係呢個位度食緊瑞士雞翼同牛河其實都幾過癮哈其實係我心目中太平館呢一種先至符合「西餐」既定義宜家既法國意大利西班牙絕對做唔到呢種情懷而且以豉油西餐計服務都算唔錯好過金鳳好多有得食又俾你發下夢仲想點?

The place was full when I went.It was old, quaint, and the waitors are old men, giving the place a feelthat its been there forever.Service by these ecentric old waitors is something uniquie, don't expect them to pamper you as at their age, they would treat you like their children instead. Like those old english waitors.Food is excellent. We had the chicken wings, reminds me of how my mother makes them (which she doesn't anymore of course). The roast pidgeon was also excellent. Their bread was al

其實唔可以話勁難食，只係唔值，我認為最多只值茶餐廳價錢，不過就算平四倍價錢我都唔會再食lor.swiss wings- 剛剛睇過其他人的cmt，原來唔少人都認為自己媽媽/茶餐廳都整得好過佢，我屋企整好食過佢好多好多好多倍(不過我屋企通常係成隻雞整，同唔係用d xx牌瑞士汁整)瑞士汁牛河- 我估干炒可能好d卦(未食過，亦唔會去食)，d河粉好爛溶溶咁，牛肉都係型典好似茶餐廳咁"o拿"到淋晒.其實一向我係唔介意咁淋.......如價錢係廿幾蚊的話.........可惜呢度唔係，不過我唔知幾多錢.葡國雞- 幾多，焗起個面金黃色，賣相唔錯，個汁幾好味，lo飯不錯，但我係唔知"正宗"葡汁應該點，因平時食開/睇電視葡汁應好勁椰汁味，但佢無乜. 可惜d雞好唔掂，"鞋"又唔入味，我相信d雞唔係同d汁一齊炆，都係果句，屋企整好食過佢n倍.......咁ge價錢，應該可以用多d時間/心機/爐火做好d卦......依家唔係收緊4/5十蚊呀.疏乎厘- 好大個，六個人分我諗都好似出面每人食兩/三份. 幾好，不過其他餐廳、酒店有得食的話都係咁好食ga la，我朋友都話除左大，味同出面一樣，但少人食(少過六個)點食呀

女友提議去呢度食,去到未夠6點,位仲好多,有卡位坐.先叫了:雞茸燕窩湯($78):都叫做有燕窩既,不過只係一般餐湯既size要78大元就...瑞士雞翼(連意粉,$118):雞翼有加入花椒八角,有點藥材味亦入味.至於意粉,細細碟.梳乎厘($88):真係成個足球咁大,可能本人抱恙又或者得兩個人食啦,食左唔係好多已覺吃不下了.不過,那種像是吃啤酒泡的感覺很有趣.之後再叫了焗蟹蓋,什麼材料始且不論,但一個小小的蟹蓋要138大元...算啦,一個月豪一次.服務員大都有一定年紀(老字號嘛),服務ok,不過落去下層的洗手間竟然鎖了,上去問番原來要同佢地講聲佢地會開比我......是停止非顧客濫用嗎?咁既價錢,唔算值,我寧可食自助餐.