太平館餐廳

营业中

休息中

其中一個黎太平館既原因係呢度既氣氛, 充滿懷舊風味,從擺位,燈光, 用既係年資很高既伙記就知道呢度有濃厚既老香港氣息星期日晚上黎到要等30分鐘,建議預先訂位點左一個乳鴿套餐( 乳鴿+葡國飯),加一隻乳鴿, 同梳梳乎厘有一個餐湯,係海龍重湯,海鮮湯,很足料!乳鴿: 一路都好鐘意呢度既乳鴿, 一黎份量足,乳鴿都有返咁上下大隻,皮係香脆既! 另外個招牌瑞士汁都真係好香!葡國飯:很好吃,有好濃既椰香,但食落唔會好"漏"跟餐甜品: 真係麻麻地,但都幾有老香港既感覺焗梳乎厘:淨係個SIZE已經贏左,因為真係好~巨~大 ! 雖然入面既都係氣, 但最好3-4人食先好叫,之前睇飲食節目講過原本佢攪拌既過程都要用上30分鐘,先可以"發"到咁大!入面有好香既蛋白味烤到淺啡色既蛋白有不一樣既口感,唔錯!好特別!總數: 大概 $600

同呀媽行左半日街，諗住去半島 Chesa 食飯但無位。行上黎太平館一入黎就有位坐低，諗住開開心心食餐飯啦。嘩！簡直係惡夢，食到成肚火！特登為左寫呢個 entry 開個 openrice account！落 order 果陣，一邊講一邊指住個 menu 個燕窩湯比個侍應睇。佢問我係唔係要個餐，我話唔係，係要個燕窩湯。點知佢一句省埋黎：『咁你唔好亂咁指啦！』我同呀媽即刻呆左，原來今時今日仲有咁既服務態度架！再點其他野食，都唔知個侍應係咪玩野，叫 A 佢就問係唔係要 B，幾經辛苦先完成 order！點晒野食，坐左陣 D 野就好快黎。張台本身細，個侍應再送野食黎，呀媽執開 D 碟 比個侍應放野 (因為無人收) ；我同呀媽話唔駛，叫個侍應收左 D 碟就得。點知個侍應好慶咁話：『你唔執台我點擺野呀？』嘩！叔叔，我地係食客，唔係妹仔！諗住太平館懶高級會有返 D 服務，你唔同我地收碟都算，你仲要叫我地自己執好張台等你擺野，不如你叫埋我地洗碗？我忍唔住當面斥責侍應既服務態度，佢即刻唔出聲。地下有垃圾 + 坐位唔舒服拎黎同勁差既服務作比較，都顯得微不足道！講真，野食再好食都無用 ；服務超差！一入去好似欠左

這食記是記上年七月頭的一餐,因為對我來說實在是很重要!那天剛好是高考放榜後的一天,成績不算出色,但分數總算是達到入讀大學的要求. 家人都替我高興,所以便來到自己一直想試的太平館餐廳和我慶祝.這天正直公眾假期,我們於中午時份到達,幸好人流不算太多,仍有數張空檯. 眾所周知,太平館是一間擁有逾百年歷史的餐館,從餐廳的環境所見,餐廳仍保留著懷舊的裝修.牆壁掛上不同時間太平館面貌的黑白照,印證著其多年歷史. 餐桌裝飾如檯布,椅子等也富有懷舊氣息. 前來進餐的我能感受從前餐廳的特式.來到太平館,當然不能不試名物瑞士汁雞翼,所以點了一個瑞士汁雞翼配炒飯. 另外也叫了另一名物燒乳鴿,乾炒牛河,還有十分期待的巨型梳乎厘.點餐後,待應伯伯先送來餐具. 其實,待應也是太平館其中一個特色.當其他餐館全騁請年輕待應,太平館仍然僱用著一些年紀較大的伯伯當待應,他們還穿著懷舊待應制服呢!先來的是每人一個餐包.餐包並不熱,不過伴著牛油吃,味道不會差到那裡去. 接著就是乾炒牛河.份量較外邊茶餐廳的少.看到油泛在河枌上,已覺得很油膩,幸好吃下還未至於很滯. 不說油不油膩,豉油汁均勻地分佈在每一條河粉上,吃下鹹度適中,河

12點幾與媽行到加連威老道，見到太平館，就進去食晏。一進入口便可看到有關太平館的歷史，原來第一間太平館是1860年在廣州開的。沿著這樓梯便可到達一樓的座位餐廳提供多款午市套餐選擇，由幾十元到百幾元都有，亦可在餐牌上a la carte單點，豐檢由人。我們點了兩個午餐share食。羅宋湯好香好濃郁，湯料十足，附有軟滑餐包。我怕吃酸，所以覺得湯略為酸了一點，但媽媽就覺得剛剛好。來到太平館，當然少不了要吃瑞士雞翼，水準也依然保持著。媽想吃牛脷，午餐有白烚或o岑味兩款，因o岑味有汁，媽選了這個其實，我們倆掙扎良久，好想再點一個梳乎里，但這裡的梳乎里那麼大，吃那兩個午餐已經飽飽了。下次要多叫兩個親戚朋友一齊來吃餐，就可品嚐那吸引的梳乎里，又可多點其他出名菜式，如乾炒牛河等。總括來說，侍應的照呼不錯，細心勤快。

食物同服務一般，價錢唔合理。 D湯用粉推出來，無來味道。炒牛河唔干身，乳鴿太干，炒碟菜都唔得呀！ 點解仲有咁多人like?連花園餐廳都不如，我真係好難想像太平館變成咁。

環境舒適，是談天說地的好地方。今天選了大蝦沙律同瑞士汁乳鴿。沙律的蝦很大，也很爽。最好吃的是瑞士汁乳鴿，鴿味很重，瑞士汁亦很香，且不太甜。加上老公太愛吃，一吃便停不下來，連叫了兩隻。最後當然不會錯過超大梳乎里，個盤差點大過個頭，兩個人吃未免真的太過份吧。最終居然掃清光。勁。

太平館款式算太多，精選加味道，可另人一再回味。下午....set抵...80元左右湯有好多選擇忌亷(周打魚)湯 - 足料，都好creamy牛尾湯 - 超濃味及足料，大量牛尾肉..yummy....瑞士汁炒牛河 - 非常"光亮"，這已令我食慾下降，對於過油吃物都有所保留，而瑞士汁又少少甜，更非我杯茶。這碟由仔仔包辦，由於沒加洋葱，都算特別。牛肉沒梳打，但牛肉味也太重。芝士焗大蝦飯 - 賣相已非常吸引，乾身和飯底也乾身，絕對是我杯茶。蝦算太鮮味，不過又多、又大大隻、爽口彈牙，芝士夠香凍檸茶 - 茶味香...一入歺廳上那杯茶...一樣是紅茶...記得唔好用黎洗匙羹和义，要試飲咖啡 - 即磨那隻...如果能改用更上等咖啡豆就更出色蛋糕仔 - 失敗...已收了少少水，乾硬少少，蛋味濃共186元下次必再臨食魚、梳乎厘、牛脷...

吃過午飯，朋友問有否興趣去太平館食梳乎厘。有得食，我又不會拒絕的。下午茶餐，一個梳乎厘加兩杯飲品，收費$105，另加一，取價亦算合理。要等三十分鐘，是絕對可以理解。超大的成品端上來，又真的令人興奮。中間空的，二人輕而易舉便可把它殲滅。裡頭軟熟，外層微脆，質感是可以的，如果甜度可以加重少許，我是更喜歡。咖啡不是這裡的強項。

今日一家三口去食，食左一碟瑞士汁牛河，一份瑞士雞翼再加個疏乎尼。瑞士汁牛河 ~ 好好味，多汁好JUICY，不過牛肉就好小.....瑞士雞翼 ~ 保持以往質素，不過真係有0的貴...但值得的疏乎尼 ~ 係我成晚最期待的一個主要食品....好有蛋香，好軟，底部又可以做到有小小燶燶地，但又可以食得，真係超好味不過唯一美中不足就係服務，可能全部都係上左年齡既伯伯，所以都唔係幾好老脾，問多聲都唔耐煩，不過可能就係呢度既特色啦

今日有個友人話同我去食Swiss Wings,佢話個汁甜而不膩，入味而肉嫩，咁就真係要試下！我幾鍾意呢到個環境，好懷舊，而且呢到既侍應全部都中年人士，加上佢地既服飾，好有以前酒店FEEL～個湯好足料，但味道較淡，得小小龍蝦味個沙律整定，而且仲放左好耐，煙三文魚啞曬色，有點失望好油，而且牛肉彈牙到有D怪（罷明用左好多梳打粉）但值得一讚既係，佢地炒個河粉係唔會黏埋一餅餅個乳鴿皮不夠脆但肉嫩，可能唔想D汁蓋過乳鴿味，所以個汁比較淡最最最期代既雞翼終於黎啦！好好好入味，但佢入味得黎裏面D肉完全不沾色，出面食個D一係浸到好媒，一係就好甜，呢到恰到好處我好小好小飲奶茶，因為好怕飲到個口好鞋，但呢到唔會啊，而且奶同茶份量好似量過咁，好平均既味道！呢個雪糕就係飯後甜品，雖然無食個梳乎厘，但都已經好滿足了

年廿五, 終於可以一試太平館一入去, d裝飾好懷舊, 好似番左幾十年前既餐廳咁但係衛生情況都幾好, 坐落幾舒服個menu有好多野食, 樣樣都好似唔錯咁, 最後要左二人餐, 加多個牛脷先黎有牛油餐包, 幾鬆軟, 不過唔係幾夠熱再黎一個海龍皇湯 & 三文魚沙律個湯好濃丫 有龍蝦味, 仲有d蝦肉同魚肉係入面 好香三文魚沙律份量就細左dd, 不過d材料都幾fresh既再黎一個煙肉炒雜菜, 炒得好香, 話咁快就食哂成碟瑞士汁牛河, 瑞士汁味道唔錯, 甜甜地, 牛肉都有鮮味既, 不過食食下就覺得d汁多左d, 有d膩之後既瑞士雞翼就好正喇, 雖然都係瑞士汁, 但係呢個係稀d既, 冇咁膩, 雞翼入哂味之餘d肉又唔鞋, 真係做到皮脆肉嫩再黎岑味牛脷, 個汁其實係鴿肝同肉碎煮出黎, 味道有d似煮牛什既湯咁, 加上極度厚切既牛脷, 味道夠哂香濃食哂主菜, 就黎甜品喇, 跟餐既有jelly同埋花餅, 兩樣都好有懷舊feel, 特別係花餅, cream既味道真係同細個食o個d一樣真係想食多幾件另外order左呢度既名菜, 特大梳乎里, 要等成半個中架 黎都真係好大個丫, 好香, 熱辣辣, 食落都好鬆化, 又有雞

差不多六時, 我們已肚餓, 路經太平館, 反正未試過這家, 不妨一試二人餐:海皇湯的確有海鮮味, 還有小蝦幾, 餐包不熱, 不點失望似乎這次的乾炒牛河一般, 有香味, 但吃下不夠味道有點兒淡, 失誤反而炒雜菜很香, 一口吃完一口, 值得一讚, 各式雜菜種類不少, 很好!比起上次另一店試過的, 這次不夠入味, 幸好都炸得很香很脆, 還有招牌瑞士汁在旁, 可以隨時加料調味有點兒似現成的西餅, 又乾又硬, 很可惜呢..... 為何跟餐甜品不是鄰枱的啫唎呢!!!服務有效率, 一班伯伯們很專業, 讚呀! 但似乎是上次試的佐敦店好點呢....

牛尾湯，在於一分心機，以最少投資換來最大回報的商業法則下，誰會笨得先將炆鮮牛尾留下的醬汁，加入另外熬製的濃郁牛湯作兩回處理，再奉客？湯面浮著薄薄的牛油，脂肪如畫龍點睛般令creamy沉厚的雜菜牛湯添上獨特香氣，濃得化不開的香滑與甜味良久不散，徘徊舌間，是雋永難忘味道。

這天...滿心歡喜來到太平館...可惜失望而回不是因為東西不好吃...也不是服務不周到只是...盛世裡...不一定太平...難免會遇到某種亂事我們又再一次面臨禽流感的威脅食肆們又再一次陷入困境想不到...在太平館會遇不上瑞士雞翼這裡沒了最重要的角色...感覺立時變了應是充滿氣氛的日子...頓時添了幾分冷清簡單吃兩個茶餐好了雀肉蝦多士茶餐 $48瑞士汁牛河茶餐 $52雀肉是珍肝肉醬做的...特色傳統之物喜見本店仍忠於保留原味...讓人得以回味一番味道是雜了...不如常見的清...但總有人欣賞瑞士汁是此館必吃的味道...以牛河代雞翼...也是不錯的選擇牛河香濃幼滑...那種甜是吸引的整體感覺少了一個鎮店之寶...多了一份失落感期待下次相遇

這天，和滯滯看完『那些年，我們一起追的女孩』，滿腦子都是電影裡的畫面，竟想不出吃什麼好，路過太平館，心想不如也懷一下舊，嚐嚐這間百年老店吧。走上樓梯便進了餐廳，雖說是老店，環境裝潢倒也優雅寬敞，獨個來這用膳也不錯餐包暖熱鬆軟，配上放至室溫、易於塗抹的牛油，平凡卻美味來這裡不要錯過牛尾湯，熬得十分濃郁醇厚，還有濃濃的紅酒酒香，比很多西餐廳的出品都要出色太平館乾炒牛河則用店家秘製的醬油所炒，河粉爽彈筋斗，色澤飽滿入味，牛肉也嫩滑而富有肉香。入口不是很油膩，清碟時也不見盤底掛了很多油脂焗蟹蓋和一般西餐廳的出品有所不同，蟹肉不算很飽滿，而是混合了麵包糠同焗，雖說不算是真材實料，但焗得香噴噴熱烘烘，又有蟹肉的鮮美，整體而言也不錯令人有點失望的要屬這碟砵酒燴鮮牛尾，端上檯的時候看到表面有一層膜，賣相就令人倒胃口。好在連皮的牛尾夠鮮，炆得入味，酒香滿溢，肉皮豐腴而帶彈性，可惜牛尾肉不夠軟嫩，個頭又太小，吃起來不夠過癮紅酒牛尾汁配白飯應該不錯，可惜我倆怕太撐都沒怎麼吃米飯甜品選了雪糕，很普通的雲尼拿口味，沒什麼特別；飲品要了熱咖啡，我很無厘頭的將咖啡倒入雪糕杯中，就變成affogato了埋單的時候HK