太平館餐廳

营业中

休息中

朋友回港, 指定到太平館。在太平館用餐, 最出名的莫過於其瑞士汁菜式。因為要留肚吃目標梳乎厘, 我們不敢叫太多, 今次淺嚐其瑞士汁雞翼。雖然明知瑞士汁Swiss sauce=Sweet sauce, 但在別的餐廳吃到的都過甜, 小人還是覺得太平館的最好味, 咸甜適中, 盡吸汁液的雞翼滋味無窮。等了三十分鐘才有的梳乎厘, 份量大得驚人。合我們二人之力方能完成! 蛋白外層焗得脆脆, 裡面甜甜綿綿, 口感像吃著一陣風似的輕, 更要趕緊在它未下陷前吃, 不然便浪費掉這個精緻的甜品了! ￣∇￣老字號餐廳的經典美食, 吃之不厭!

午餐的甜餐包好鬆軟,熱辣辣餐湯叫左個羅宋湯, 嚟到既時候都係熱辣辣, 仲係熱到辣口, 超多菜, 配餐包一齊飲, 正呀!個焗豬扒飯個汁既香, 有磨菇同蕃茄, 整體都覺得好食, 但個飯炒得比較碎,豬扒好似俾以似薄左, 男士可能未必夠飽太平館獨有的瑞士汁雞翼意粉, 一個午餐配有4隻雞翼, 份量剛好, 意粉硬度適中, 味度依舊,多年來還可以保持水準

「太平館」– 細細個已經聽既老字號，次次行過見到餐牌咁貴，但係係食乾炒牛河，就一路都無特登去試。直至今年聖誕gathering，終於有人提議食，我立即舉腳贊成，因為另一個無去食過既原因係成日想試個個巨型梳乎厘，但兩、三個人去又食唔哂，所以一定要多D人一齊食至得﹗終於我地就叫乾炒牛河、瑞士汁炒牛河、招牌瑞士雞翼、岑味牛脷，當然唔少得焗巨型梳乎厘喇，不過食到咁上下先order甜品﹗兩個牛河其實都無咩特別，反而我覺得平時茶記叫個D仲夠鑊氣、仲香口﹗ 瑞士雞翼味道甜甜，都算好食，但唔會有WOW既感覺，size亦唔算大隻。岑味牛脷反而幾特別，一來係比個名吸引左先，二來不嬲我都幾鍾意食牛脷。可能因為太想食，所以無影到相哈哈﹗原來「岑味」即係法文Salmi既譯音，以牛油及雞肝煮成的醬汁。味道特別，牛脷炆得腍，又夠厚切，係咁多款菜式入面比較出眾既~最後就到焗巨型梳乎厘，呢個唔影相唔得喇真係﹗大就係大，不過味道真係普通，首先我唔係特別鍾意食空氣，另外我嫌佢焗得唔夠香脆，可以再微焦一D﹗食到中間D位真係唔太鍾意，好似食緊泡泡咁，不過係我本身唔好呢款甜品啫﹗始終係招牌菜，來到點都要一試既﹗另外特別想提既係呢

第一次和男友到太平館晚飯，去到人都算多，但等待入座還算快，未夠十分鐘便可以有位了。我們點了以下食物:蒜蓉炒時菜 (西蘭花) : 已經叫了小油，但仍然油得緊要。干炒牛河：男友點了這個，覺得還好，牛肉都算林，但不算叫好好吃。我點了捲筒斑：老實說，$155.00　只是兩件這個似炸的卷，裡面研究不到是什麼蝦肉，總之一定不是鮮蝦，汁多又偏有點咸，又貴又不划算。最後甜品是所謂馳名的梳乎厘。我們在上正餐時已經叫了梳乎厘，侍應生說要３０分鐘，我們說OK，誰知吃完晚餐，等等等，等到已過30分鐘，查問下竟然沒有下單！！！又要再等３０分鐘！結果是再等了４０分鐘！！梳乎厘真的超大，兩個人很難吃完，感覺太甜，味道不算特別好味，只是「大」而己。最後差兩口男友都無法再吃下去，因為太甜了。總括：不會再來試，五百幾一個晚餐，去正式西餐廳更多選擇及美味。

因為約左朋友睇戲！要係50分鐘內完成晚餐！所以選擇左呢度！認為老字號！水準應該唔會差得去邊！點知會搞成咁！汁咸到食緊途中已經要狂灌水 ！牛脷好入味 ！但係其餘既就咸到驚！

那天是我的生日，男友說要給我一個驚喜，他說選了一間開了很久的店和我吃晚餐。於是我們點了幾道菜...瑞士雞翼味道濃郁，甜味適中。乾炒牛河，超級大份，我最喜歡它放很多醬油，牛肉也很嫩。Soufflé的體型完全超乎我想像，原本已知它很大，但是當它被端上時，我們還是被它的體積嚇了一跳...吃下去軟、綿、嫩，入口即化，又不會太甜膩。但是吃多了還是會有點受不了...我覺得多些人一起吃比較好

TST的太平館食DINNER，來個簡單慶祝。見到個MENU，價錢是有點偏高，但是服務超好，零出聲下，幫我們REFILL了N次茶，杯茶又好飲，而且坐2-3小時閒聊都不會趕人的。如果要找地方食飯兼吹水，這是不錯的選擇。本來想叫個招牌2人套餐，但它缺少了我最想食的梳乎厘，所以只是看看罷了。我們叫了個乾炒牛河，是用瑞士汁煮的，甜甜的，味道不錯，牛肉件數多，而且仲有牛肉味。要知道現在出外用膳好多時是牛沒有牛味，雞沒有雞味，豬沒有豬味，只要你去做BLIND TEST就會明白我的話了。然後來一客瑞士雞翼，都好似有成9OR10隻，雞肉做得好嫩滑，但覺得未算好入味，可能我食開重口味，所以我LIKE個乾炒牛河多一點。最後，就叫了個期待已久的特大梳乎厘，仲大過我們個頭的，見到它真的不亦樂乎，個人不由自主地興奮起來。亦都THANK YOU侍應大哥幫手影了張靚靚合照，所為餐飯的句號。講真個梳乎厘都OK好食，甜甜地，好滑的，只是這種巨無霸試一次就足夠了，期待明年三週年的來臨。

沿著紅地毯拾級而上，就是我的至愛太平館餐廳，已有一段時間沒有光顧，很懷念，今夜晚餐就在太平館吧。約7時到達，無須等候，即時入座，急不及待落單，選了瑞士汁炒牛河，焗豬扒飯及梳乎厘，先來瑞士汁炒牛河，味道鹹甜適中，牛肉鮮嫩，濃濃醬汁均勻滲進每寸河粉內，美味非常。再來焗豬排飯，豬排厚薄適中，薄薄脆槳，鎖緊豬排的肉汁，香脆無比。最後送上招牌梳乎厘，份量很大，賣相吸引，遠遠已聞到濃濃的蛋味，面層脆脆，內層暖滑綿綿，美味無窮。最後，當然要來一杯熱檸檬茶，亦是出色之作，茶滑香濃，絕不能錯過的餐後飲料。 坦白說，到太平館餐廳用膳，除了享受美味的食物外，還有一份講不出的情意結，但最難得，以一間歷史悠久的港式西餐廳來說，食物味道仍能保持穩定水準，實在難能可貴。

當晚約七點半，和老婆在尖沙咀逛完街後，想找一間似樣一點的食肆晚膳。途經太平館這一間老牌食店的時候，看見沒人在輪候，我們便停下來看一下問外的餐牌，老婆和我都能點出想吃的食物，於是便進去了。老婆已經不是第一次來太平館了，按她的印像，這家餐廳的食物質素是挺不錯的。而我倒是第一次來光顧，故對這家餐廳的食物十分期待，畢竟這裡的食物標價也不是便宜的。當晚點了一個2人餐：餐包+牛油龍蝦湯和沙拉各一炒雜菜瑞士汁沙牛河瑞士雞翼6只餐包很好吃，揣來時候還是微溫的，外脆內軟龍蝦湯一般般，不是不好味，只是沒有什麼過人之處，印像不深沙拉是老婆點的，味道如何，我不太清楚，因只淺嚐一口。炒雜菜，有瓜有菜有煙肉片，味道不錯，瓜菜炒後偏干身，軟硬適中，是我喜歡的口感。主菜是那碟炒牛河，真的十分好味道，牛很嫩，河粉後彈牙，沒有讓我失望。最後來了雞翼6只，也是很好吃，瑞士汁已經完全滲透到肉里，咬起來肉質偏軟，不用太用力便可讓肉骨分離。整體上，我對於此餐都十分滿意，唯一可惜是我點的凍奶茶味道一般 (我都婆點的凍檸茶蛮好喝的)，否則便是完美了。

SUNDAY NIGHT, 7PM唔使等位, 入面D氣氛暗暗地, 好似舊式扒房。有好多老一輩GE人, 佢地著D衫都好OLD SCHOOL, 令我覺得好得意, HAHA。叫左招牌瑞士雞翼餐 & 特大SOUFFLE龍蝦湯: 幾濃郁, 入面有唔少蝦肉, 幾足料, 好飲!吉列豬扒飯: 係用焗飯果D 兜上的, 都是典型茄汁豬扒, 唔咸, 味道OK GA, 不過塊豬扒太薄, 而且大部分都是炸粉...瑞士雞翼: 原來同`SOUFFLE一樣要等NEAR 半個鐘架, 個雞翼餐有3隻翼, 連雞翼尖, 我個人覺得有D 咸, 不過雞肉好嫩, 個汁濃得來帶少少甜, OK 呀~JUMBO SOUFFLE: 一早知佢好大個, 夠4-6人食, 一來到, 嘩, 大過我個頭, 熱辣辣, 個面質感實在D, 中間都是空氣泡泡, 低層就似SPONGE CAKE, 唔太甜, 好食!BTW, 雖然是老牌餐廳, 但估唔到D WAITER 都幾好傾, 唔會擺哂架子唔想SERVE人果隻~ 同埋D野都來得快, 除左要等果D之外~

今日早放左一個鐘, 之後出左尖沙咀, 今晚睇黃子華棟篤笑show前去醫下肚, 咁啱依家仲係下午茶時間, 所以去左太平館呢d長期都要排長龍既餐廳食個tea. 如我所估計, 餐廳入座率不足一成, 環境好寧靜。而且仲有下午茶餐, 抵呀!是日餐單︰太平館瑞士汁炒牛河 ($58)下午荼餐既份量當然少過正價既份量, 不過仍然好足料! 瑞士汁充滿在河粉上, 牛肉片整得好淋, 而且好夠味道, 果然係出名招牌菜之一.焗豬扒飯 ($52)上面舖滿茄汁/ 蕃茄, 加上飯係炒底既. 好有誠意.豬扒本身已切好上碟焗, 肉質也很淋, 唔會好乾同埋un, 不錯!招牌疏乎厘 ($128+兩杯餐飲)雖則係正價, 就當賺左兩杯餐飲啦!當然知道整疏乎厘既成本實在係好低啦! 但還是係想食既!佢既size都遠近馳名架喇, 出名夠大!用羮吉既時候, 真係好似吉緊綿花糖。食落口雖然好似得一陣風, 但係口感好軟熟滑口, 而且好有蛋香味道. 上層有焗得燶燶地既脆面, 也很可口.

三個人的晚餐，乾炒牛河瑞士雞翼，梳乎厘，萄汁四蔬仲有份牛利，大家一起分享呢個乾炒牛河之前都食過幾次牛肉真的好香仲好淋，仲好辣口河粉味道香口帶少少甜不過次次都感覺好油我朋友佢話炒牛河是必然多油而且佢地加入特別醬油有種香油所以感覺好像好多油再講瑞士雞翼，甜甜地雞肉好嫩滑，每次必定叫葡汁四蔬，個汁彼杰，放上檯面好香味道彼濃郁，我覺得有芝士如果多少少更加好味嘞牛利每片都好大片蚊得入味，爽口而不會靭梳充厘蛋白好似食緊忌兼咁好cream不過感覺都係好甜呢呢度服務員多數都係老人家地方都算大，一定行上二樓坐大卡位環境十分舒服題外話最初食太平館的牛河同雞翼大約十五至十六年前是爸爸經常帶我去柯士甸路那裡食現在的太平館現在變了別的店子小孩子時我在茶餐廳吃牛河大概花費不超過二十元但是當時太平館收六十元相等於我在茶餐廰食三碟有多了

雖然我的生日真的過了很久，但係我一定要回味一下因為我的好友帶我去了我一路很想到的【太平館餐廳】認識這間餐廳我想也是因為Sammi 及安仔早上到餐廳吃飯好像說遠了耶....就是我的好友知道我一路也恨去所以這年的生日飯就去了尖沙咀分店的----【太平館餐廳】來到這個餐廳也當然來吃一點它家的招牌菜吧首先要介紹的當然是它家的瑞士汁系列食品吧!!第一樣要介紹的就是瑞士汁牛河吧它家的瑞士汁跟我平常吃的真的很不同,它有點甜,但係又帶一點咸,最重要就是它每一條的河粉也沾有汁唔會像街吃的總是一舊舊的,不過牛肉有一點淋的但係如果以$12x 既價錢真係貴左些少啦xdd它是我第一碟最貴的瑞士汁牛河 第二道要介紹的就是瑞士汁雞翼 這個招牌菜就是招牌,一上碟的時候也是熱辣辣的一碟有五大隻,它沒有任何的雪藏味也許它做得的解凍好好XDD如果有煮開飯的朋友,也應該知道是瑞士汁類食物也是不斷把食物連同汁一同煮一段時間吧?但係當然這樣的煮食方法雖然食物一定會入味的不過也會有機會令食物會更加老的話嗎.....不過這個皇牌的食品中,它除了是很入味之外而它當中的肉質是很細滑的呢!!!!真的很想知道它的煮法耶~~~最後我們吃光光雞

我係為左大大個梳乎厘而黎嘅，當然要試吓呢個招牌甜品！梳乎厘脹卜卜，仲大過我個頭！表層微焦，入面很輕，像泡沫，入口即化。蛋白味很香，但偏甜，三個人分也很膩，吃不完。另外，瑞士汁亦是太平館的招牌。瑞士汁雞翼很好吃，汁很濃稠，但不會過甜或過咸，值得一試。太平館裝修很有老香港高級餐廳的感覺，古色古香，充滿香港特色。店鋪很舒服，配上悠揚樂韻，令人覺得很寫意。

壽星女揀左lee 間餐廳食生日飯，佢一早心有所屬，所以甫坐下就可以點餐了。砵酒豬扒飯 - 好好味！！！ 酒味濃厚但又不至過重。飯配上醬汁真係一流，令人食唔停口！豬扒同樣出色，夠入味又不鞋口，想起也回味瑞士雞翼 - 這名菜反而令人失望。。。雞翼不入味，只有醬汁的顏色，但味道真的很一般。舒夫里 - 壽星女當然要來一個生日蛋糕。這兒的舒夫里自當然是must have item 了。佢的 size 真係好震撼，大大的一盆，伴隨著濃濃的雞蛋味，口感輕盈，曾擔心我們幾位女將吃不下，但擔心是多餘的，因為我們最後把盆清光光~~~ hmmmm, 真的不錯！