天 · 悠蔬食 (已結業)

位於荃灣楊屋道18號荃新天地2期地下G08至11號舖的天悠蔬食(Leisurely Veggie)，主打素食。曾經試過尖沙咀分店，食品精緻，味道不錯。今次則試試荃灣分店的手勢。餐廳在中午時段設有午市套餐，加一後大約一百元一位。西洋菜羅漢果蓮藕湯 Watercress, Lotus Root & Luo Han Guo Soup 蓮藕湯足料，味道濃郁，西洋菜的味道頗為濃厚，感覺暖胃舒服。水梨藜麥沙律 配 草莓黑醋汁Quinoa Salad草莓黑醋汁味道酸酸甜甜，頗為開胃。水梨口感清甜爽脆，配上藜麥和切成小塊的生菜片，整體口感豐富。蒲燒玉子淮山蓉素鰻魚 配日本珍珠米 $88Grilled Veggie Eel & Tamagoyaki Rice主食賣相精緻，充滿和風的感覺。日本珍珠米口感煙韌軟糯，素鰻魚的質感也是頗QQ的，味道鹹鹹香香。熱韓風蘆薈柚子蜜Hot Korean Honey Aloe Citron Tea呷一口柚子蜜，感覺暖暖的，口中彌漫著柚子酸酸甜甜的香氣。

食得肉多, 間中都會想食吓齋! 經過荃灣, 見到好少女, 裝潢好夢幻的一間餐廳, 查一下先知係食素, 超想試! 坐住超舒服, 成件事超粉嫩, 好啱少女心滿滿的我! 午餐好多選擇, 有包, 有飯, 有意粉! 甘荀薯仔椰菜花忌廉薑湯 配 香脆法包 +$10 ~ 甘荀味滿滿的, 雖有薯仔但唔會太飽, 有薑好暖胃, 好適合呢種天氣! 和風淮山野菌燴扁意粉 配 雜錦天婦羅 $88 ~ 意粉軟硬適中, 係高質的意粉! 醬汁味道非常棒, 配合意粉淮山等, 根本唔似食緊素意粉! 天婦羅炸粉唔厚, 放置一段時間才食亦唔會油淋淋! 檸檬蜂蜜生薑茶 ~ 呢個天氣最適合, 暖暖的! 

食個早晏, 再返公司做嘢! 所謂 work from home 其實仲忙過喺公司, 橫掂要出街, 不如直接返公司啦! 懶得散叫, 午市套餐原來好多選擇! 餐廳裝潢好少女, 好適合我 (: 喂天山雪蓮椰子花生雪耳湯 配 迷你滷水拼盤 +$10 ~ 湯雖然無肉, 但係都好濃郁好滋潤! 拼盤更讚, 好入味, 但唔會過咸, 特別係個冰豆腐, 超讚! 泰式鳳梨炒飯 配 沙爹串燒 $88 ~ 好泰…飯炒得好香, 一粒粒飯粒清晰分明, 有雜菜及菠蘿碎同炒, 雖然咁多菜但飯完全唔濕唔腍! 沙爹串燒有濃濃的沙爹味, 唔講真係似食緊肉串燒…韓國蘆薈柚子蜜 ~ 清新潤喉, 好舒服! 再來一客甜點, 巧克力蜜糖吐司遇上香草雪糕 +$30 ~ 朋友一齊食甜品, 吐司外層香脆, 內裡軟熟! 雖然又朱力力又蜜糖, 但唔會超甜, 正! 好滿足! 

男朋友一向堅持素食主義，作為體貼的女朋友自然會好好搜羅素食好去處這間天悠蔬食是我們的飯堂分量適合大食的男生味道適合挑食的女生價錢方面十分合理，下午茶尤其抵食今天我們決定在假日午餐時段幫襯

黎到荃灣呢間素食，裡面好粉紅☺️😳坐得好舒服有人埋單走仲聽到佢地講：呢到傾計好舒服😂😂 有午市套餐就揀下啦，都幾多款式架！揀左個素鰻魚飯，黎到男士可能會比較份量不足，但對我呢個小鳥胃同食左啲野既就岩岩好食得曬仲飽既🧏🏻‍♀️🧏🏻‍♀️好得意鰻魚係准山蓉食落似肉盒又好有鰻魚味道，以為落左鰻魚汁？錯 因為食食下發覺唔係鰻魚汁係甜到好似蜜糖既汁咁但第一啖好有鰻魚味🤣🤣🤣有最愛既酸薑蘿蔔漬可以解一解甜膩感成個大滿足啊～叫多個黑芝麻千層～聞落好香了成舊啖啖芝麻香，算唔錯啦野飲叫左杯蘆筍冰茶 ，可以料再多啲😂😂整體係鐘意素食一定要去試，多款得黎夠新奇而且夠健康，無食開素既我決定間中都要去下🤭🤭

今晚行過荃新天地見到這間食素嘅餐廳，本身想去前面搵食，但朋友想試試，當然沒有所謂啦！這裡地方闊落，座位舒適，餐牌上有晚餐選擇，而望真啲都幾吸引，本來無肉不歡嘅我都可以選擇到，有中西式口味煮法選擇！而套餐可加錢升級甜品，咁當然要加埋佢！今次點了個沙嗲金菇秀牛粉絲煲配羽衣甘藍菜飯，前菜就係雪燕椰菜花南瓜甘筍薑湯配泰式香茅金柚沙律，個泰式沙律味道鮮甜多汁，加埋個濃郁嘅南瓜甘筍湯都係一個清新嘅感覺！平時食肉多，久不久轉口味又係一個唔錯嘅嘗試！主食沙嗲金菇秀牛粉絲煲配羽衣甘藍菜飯就分開上枱，大大煲金菇秀牛粉絲吸了濃郁嘅沙嗲味，加埋個菜飯就係絕配，夠晒開胃！個汁真係食多碗菜飯都可以！最後加埋錢升級了個宇治抺搽之旅，有煙銀彈牙嘅丸子加埋個抺搽雪糕，真係對沒有得旅行嘅時間十分治愈！整體十分滿意，加埋份量十足一定夠食！

見到同事食素瘦身成功，搞到我都心思思想試吓食素，啱啱開始食揀啲好味啲嘅，無論賣相味道都有點像肉食。茶樹菇竹笙黃耳百合雪蓮子燉湯湯品滋陰補腎，同飲肉嘅湯味道分別唔大，真係健康湯水，茶樹菇竹笙黃耳百合雪蓮子燉湯，第一次飲這樣鮮甜的素湯；同事話健脾補腎又補血，很適合女生飲用。入口鮮香清甜感覺， 夠鮮夠香又夠甜！滷水花菇毛豆百頁豆腐伴醬燒牛蒡前菜都已經這麼講究， 牛蒡營養價值豐富，醬炒加芝麻都很好吃。口感脆嫩，鹹鹹甜甜的調味醬鮮味十足。意大利牛肝菌乾燒伊麵 $158義大利牛肝菌可以話係菇菌中之王，非常厚肉，味道豐富，味道濃郁。Fusion 廣東式乾燒伊麵，有超多的意大利牛肝菌，香濃的汁煮麵，實在超美味。宇治抹茶之旅 果然係星級甜品，點樣相信自己係食緊齋呢！餐牌仲好小心咁提我地雪糕係含有奶類，甜度適中，入口慢慢滲出抹茶的甘香。附抹茶雪糕，滿口都是甘醇的抹茶香氣。雪梨青檸蘆薈冰茶自選飲品冰凍飲品，生津解渴，添上完美句號。

今日去咗一間好特別的素食餐廳平時素食都係好清淡老人家啱食咁不過不過呢間打破晒全部傳統一入到去超粉紅色 仲有好多打卡點今次食咗幾樣野平時都會再去食食咗個炸蔬菜餅 佢係好多唔同配菜好特別好香口另外試咗水果茶仲有試咗個鰻魚pizza好似係素但係超鍾意食。甜甜的好大份仲叫咗幾款甜品 乳酪蛋糕 酸酸甜甜而且呢間好快就到食物完全唔需要等候服務都好好喎超少見好香呀 最鍾意都係pizza 都好厚皮大大啖口感十足之後應該都會再去

行完街開始肚餓，經過見到呢度裝修幾靚，原來係一間素食餐廳，一於入去會一會佢。裝潢主打粉紅色，充滿少女心。而且環境舒服，座位寬闊。🥢滷水花菇毛豆百葉豆腐和醬燒牛蒡滷水汁味道好香，帶一點甜，好清爽。🥢茶樹菇竹笙黃耳百合雪蓮子燉湯中式素湯，用料好足，很滋潤。🥢沙嗲金菇秀牛粉絲煲一上枱就好香沙嗲香氣，一片片睇落好似牛肉，其實係菇片，沙嗲味道足，很香帶點微辣。搭配羽衣甘藍菜飯，味道很香，配埋粉絲同醬汁食好夾。🍹鮮榨蘋果雪梨汁好清新，鮮榨既果汁無得輸🌹玫瑰荔枝乳酪蛋糕入口香甜，濃密芝士口感。悠蔬食屬於新派素菜館，裝修同食物賣相同傳統齋館好大分別，比人感覺更加清新。

是日諗住去荃新天地 快閃睇BT21 去前想揀間舒適好味既醫下肚 尖沙咀分店既 雅悠蔬食 就試過兩次 都覺得係超水準表現既素食 諗住呢間都係差唔多 穩穩陣陣試下啦 誰知食物一樣咁好 環境配套仲更為親子🤩·午市套餐前菜及湯品🔸南瓜蘋果甘筍濃湯配香法包🔸印度椰子花生雪耳湯配新薯青醬黑醋藜麥沙律👨‍👩‍👧：中湯西湯配晒佢大家多啲款式share 只可以講各有特色各有各好味 大家睇自己心意啦😂主食🔸野菌甘筍腰果忌廉汁燴扁意粉配雜錦天婦羅（可免奶）$98諗住穩陣之選 誰知有驚喜 個汁既味唔濫 新鮮有層次 扁意粉很掛汁 菇有菇味 天婦羅就正正常常🔸低卡椰香冬陰椰菜花飯配溏心蛋（微辣）（可免蛋辣）$98呢個諗住做試伏器 誰知覺得好味到非試不可 😍汁料椰香為主 所謂辣都係點到即止取其過癮感 椰菜花飯諗住會硬同dry 結果完全相反 像米仔粉 字母粉一般 粒粒分明但又索晒味🤩 升級飲品🔸藍蝶花雪梨汁（凍）+10*2正正常常 清新解渴但又唔令人難忘果種追加小食🔸土匪腐皮卷 $68賣相同味道都無得輸 外觀好聰明用雪條棍支撐成幾可亂真既雞膇 土匪外皮脆而不乾 內膽既腐皮一層層 有咬口但唔硬 好有咬雞肉既效果 🔸香芒

坊間有好多食素食嘅餐館，但係新派嘅素食fusion菜，少之又少。今次來到荃灣呢間天悠蔬食，除咗大玩新派嘅fusion菜之餘，還有充滿少女心的裝潢。可以品嚐美味嘅素菜之餘，亦不忘打打卡。餐牌款式多樣性，最抵食當然係佢嘅set menu啦。每逢過一排，菜式都有啲轉換， 盡量畀顧客新鮮感，呢樣係我欣賞餐廳嘅原因之一。裝修極具心思，尖沙咀嗰間就係迷人嘅粉紫色。而今次荃灣呢間就係可愛嘅粉紅色，試問女士點會唔喜歡呢? 餐前小食我就整咗沙律和西湯。金柚沙律嘅菜夠新鮮，加埋甘柚同埋佢嘅黑醋，酸酸甜甜非常醒胃。 而西湯雪燕椰菜花南瓜甘筍薑湯，甜甜地又唔會太甜，南瓜椰菜同甘荀既味完全融入喺湯入面， 薑味就淡淡地，個配搭非常新鮮。 主菜就叫咗呢個白松露淮山繪意粉配吉列牛油果。 炸咗嘅牛油果更有香味。 如果牛油果份量多啲就更加好啦。 而意粉芡汁非常惹味，鹹鹹甜甜略帶一點白松露香，食到冇停口。 雪梨青檸蘆薈冰茶唔使加錢， 好清新好好飲。 坊間啲茶鋪沖出嚟不遑多讓。 最後當然唔少得加錢食埋佢嘅甜品。呢度係我至愛嘅 宇治抹茶之旅。除咗有香濃嘅綠茶雪糕之外， 仲有日式嘅丸子，蕨餅同埋羊羹。每一款甜品都係我嘅至愛，口感

🚗有日揸車經過, 見到好光猛粉色裝潢的素菜店, 約朋友一同前往試試。.A餐 ~ 🥣雪燕椰菜花南瓜甘荀薑湯 配 泰式香茅金柚沙律🥗, 主菜: 和風白松露淮山燴扁意粉配吉列牛油果🥑 $178! 好新鮮的配搭, 金柚沙律唔會太甜太酸, 🍝意粉軟硬度剛剛好, 配菜亦非常豐富, 🥑吉列牛油果好有驚喜, 好軟滑! 雖然完全無肉, 但非常滿足! .🍵+$30 宇治抹茶之旅 ~ 有不同款式的Mochi及啫喱, 附上抹茶雪糕🍦及又濃又杰的糖漿, 好香甜啊! .🍹飲品: 雪朵青檸蘆薈冰茶, 唔太甜, 唔會勁多冰, 好清新舒服! .🥳貪心的再要一份小食, 泰式哈餅4件 $88🦐 ~ 唔油膩, 沾上泰式甜酸醬, 真係好似食緊蝦餅呢….🤤好 Fresh 好清新仲超好味, 讚! 

被夢幻的粉嫩所吸引，久未有食素菜，一於試試 🤔花多眼亂, 最後選定晚市套餐,套餐包括前菜, 湯, 主食, 飲品及甜品, 乜都有唔駛諗!😁.B餐 ~ 🍄茶樹菇竹笙黃耳百合雪蓮子燉湯 配 滷水花菇毛豆百頁豆腐伴醬燒牛蒡, 主菜: 🍄大啡菇白松露手作薄餅 $168🍕! 燉湯足料清潤, 滷水豆腐超超超讚, 而最最最最最最驚喜係手作薄餅, 餅底好薄好脆, 大量菇及瓜片及滿滿的芝士🧀, 好濃好香, 滋味滿滿, 十分滿分! 🥳.🍰+$25 椰香紫薯千層班戟, 超香濃紫薯味, 忌廉軟滑, 好夢幻的紫色, 靚到唔捨得食! 十分滿分，好耐無試過咁好味的素菜

童話世界有人最近搬咗去荃灣，經過荃新天地話間餐廳好得意叫我陪佢去食，作為吃貨嘅我點會托手踭🤙以前嘅我會覺得素食其實得甜酸齋，菜同埋芋頭魚呢間餐廳令我改觀左，原來素食都有咁多選擇叫咗個套餐再加啲小食大啡菇白松露手作薄餅 $168，加咗$20將佢個餐飲轉左鮮榨蘋果雪梨汁，用埋佢個套餐優惠價將個牛油果手卷由$38轉做加$18🍕🍎🍐🍹🍱🍣香芒牛油果苜蓿芽手卷，蘆筍素香鬆蓿芽手卷，兩個手卷都係冇飯，啲豆苗唔會話好草青味，食落口反而有啲清新嘅感覺，加埋啲配料成個配搭清新而且唔會苦反而甜🥑🥑🍣🍣🍣大啡菇白松露手作薄餅🧀🍕好多芝士，諗住拎1件出嚟嘅時候啲拉絲好正🧀🧀🧀🤤泰式蝦餅（4件）$88🍤🍤🍤味道同平時出面差唔多，但有少少硬！百合杞子豆乳浸時菜$108🥦平時出面時菜食得多，但用豆乳浸就第一次食，時菜今次係皇帝菜，浸埋啲豆乳幾甜👍鮮榨蘋果雪梨汁🍎🍐飲得出去真係鮮榨嘅，唔會話過甜洋甘菊花茶$50🌼🍵朋友同我呢排壓力都好大同好攰，見佢呢個花茶有得紓緩壓力同埋抗疲勞，所以就叫咗套餐甜品，玫瑰荔枝乳酪蛋糕🍰細細件的的式式，啱晒我哋眼闊肚窄嘅人#hkfoodie #hkblogger #yummy#素食 #無

係荃新天地見到喱間餐廳裝修好吸引，睇下餐牌原來係一間素食餐廳，個人真係好少食素🤔一於試下先🍴食物🍴1️⃣晚市套餐$168（大啡菇白松露手作薄餅）餅底很脆，白松露很香配大啡菇簡直是我最愛，好好味😋包飲品（雪梨青檸蘆薈冰茶）味道很清新，解渴，如果蘆薈多一點就更好😆包甜品（玫瑰荔枝乳酪蛋糕）唔會過甜，有淡淡荔枝味道。2️⃣香芒牛油果苜宿芽手卷（套餐+$18）健康配搭，芒果唔酸，加上牛油果會有一份飽肚感。3️⃣泰式哈餅$88: 口感硬了一點，味道普通唔算好特別。4️⃣百合杞子豆乳浸時蔬$108: 整個配搭好健康，時蔬吸收了豆乳味不錯，又可以當湯飲😂5️⃣洋甘菊花果茶$50: 味道甘香，有減壓安眠作用，可惜份量少了一點。💥環境💥粉紅色裝修好吸引，望上去有熱輕氣球做裝飾很特別，坐位濶坐得好舒服。💥服務💥雖然客多，但上菜快，職員都幾主動。