天 · 悠蔬食 (已結業)

裝修整潔， 藍天白雲嘅天花， 掛上色彩繽紛嘅熱氣球， 西餐廳嘅風格🍽 其實主打係新派素食， 少糖、少鹽、少油👍餐牌款式多且健康😚今次 chill 著嘆素食😌午市套餐中、西、日、東南亞都有，夠曬多樣化👍又吸引😊奉送冷熱飲品😚鮮茄芝士波菜南瓜猴菇焗飯+💰10有前菜、餐湯🥗🍜印度椰子花生雪耳湯料多清甜，秋天要滋潤吓😊新薯青醬黑醋藜麥沙律🥗 食材新鮮，好 fresh👍焗飯表面佈滿芝士🧀 平時食多數有肉嘅焗飯，今次材料全部都係素食， 感覺唔錯😋 食咗輕盈啲🤭雪梨青檸路會冰茶🍹唔甜之外，仲有生果蘆薈食👍

和朋友去了荃新天地二期的天. 悠蔬食，這是一間新派的素食餐廳。很喜歡這間餐廳，因為裝修得精緻外，環境亦很舒服，座位也很寬闊，而且服務員非常殷勤有禮。我們點了兩個晚餐，另外加了前菜，湯及手捲。我的點了茶樹菇竹笙黃耳百合蓮子燉湯，非常足料，滿滿的材料，雖然是素湯，但味道相當甜，雪燕椰菜花南瓜甘筍薑湯，味道很濃郁而且南瓜質感打得很幼滑。前菜是泰式香茅金柚沙律，酸酸甜甜配上蔬菜十分醒胃。另一款前菜是，鹵水花菇毛豆百頁豆腐拌醬燒牛蒡，這款前菜味道比較濃郁，豆腐吸收了醬汁非常入味。另加了手捲，香芒牛油果苜蓿芽手捲，口感非常爽脆和清新。主菜是沙爹金菇秀牛粉絲煲配羽甘藍蘭菜飯。粉絲金菇非常入味，吃起來質感和味道都像牛肉，但是素菜就比較健康。另一款主菜是大啡菇白松露手作薄餅。薄餅材料，店員將薄餅放上枱面，已聞到陣陣的芝士香味，熱烘烘的，食起上來非常好味。如甜品是，班蘭椰汁千層糕及玫瑰荔枝乳酪蛋糕。玫瑰荔枝乳酪蛋糕入口香甜，而且說得夠凍，像食半雪糕的狀態，很好味。總結：天. 悠蔬食是新派的素菜館，不會給人 傳統齋館很油膩和寡的感覺，口感都是與清新食材天然為主，更能迎合年青人的口味。

好耐冇去一間猶如置身天空之城嘅素食店....你間素食店裝修不單止漂亮華麗....而且入到去嘅氛圍就好像自身童話世界一樣悶愛仲有一些小擺設...已經吸引大家眼廉🎊🎊🎊我同朋友身邊一人叫一個套餐前菜有泰式香茅金柚沙律和滷水花菇毛豆百葉豆腐伴將燒牛蒡...沙律食落去酸酸地醒腦提神...湯盤有雪燕椰菜花南瓜甘筍薑湯和茶樹菇竹笙黃耳百合說蓮子燉湯....尤其是呢個中湯分量十足主食我哋點了一個沙嗲金菇秀牛粉絲煲配羽衣甘藍菜飯我秀牛真係冇得彈...像真度非常之高淨係個外貌已經無懈可擊像真嘅牛肉一樣羽衣甘藍菜飯都分量十足另外一個主食為大啡菇白松露手作薄餅...淨係個薄餅上枱已經聞到陣陣濃濃嘅白松露香味...而且脆卜卜食落芝士仲要起司嘅添最後甜品我哋揀咗斑斕椰汁千層糕和玫瑰荔枝乳酪蛋糕作為一個美麗的終結

今日去食素食估唔到而家素食店可以咁colorful好有少女風style 真係估佢唔到😆睇過Menu有兩款食品特別吸引所以都叫咗嚟食第一樣就係炸雞腿配啤酒真係想唔不到🤩原來炸腐皮卷埋有咁嘅效果土匪雞腿嘅味道真係好香口原來啤酒都仲係零酒精😆所以都係no guilty food 🥘 第二樣就係宇治抹茶之旅甜品晚餐加$30就有，真係好抵😆份量非常大，都足夠兩個人食小丸子及抹茶涼粉入口非常清涼抹茶雪糕亦夠濃味真係好滿足😊餐廳仲有其他素食蛋糕個樣都好靚真係下次再去食其他款式😘另外值得推介就係猴頭菇竹笙百合燉湯真係好好飲夠清甜、足料、同埋真係好健康鍾意飲素湯嘅朋友真係要試吓😊

呢間餐廳裝潢好鬼靚。主要以粉紅色為主題。原來係間素食餐廳。嘻嘻。呢排食🉐️太多。係時候要食🉐️健康d😎。+$20有前菜同湯🥣有A或B兩個選擇。我哋一人叫一款開心share🥳前菜係泰式香茅金柚沙律&鹵水花菇毛豆百頁豆腐伴醬燒牛蒡為食妺👧🏻鍾意食金柚沙律多d。酸酸甜甜好開胃。茶樹🍄竹笙黃耳百合雪蓮子燉湯～個🥣好足料wor。真材實料。飲完覺得好滋潤。主食我地一齊揀咗A)花菇淮山🌰炆猴菇煲配珍珠糙米🍚。全部食材都係我鍾意食❤️。秋冬食最岩。養生一流😎。雪梨青檸蘆薈冰茶～味道淡淡的。陣陣雪莉味道。

WFH會吾會肥左好多？答案係真架！😂所以女朋友落左命令要齊齊減下肥😵.想減肥，食下齋都係個吾錯嘅選擇起碼冇大魚大肉咁高卡路里而呢間「悠蔬食」除左主打係齊菜仲用創新嘅烹調方式，令到每道菜式都不平凡連口感同賣相都印度度好高食得開心又健康D，正呀！.🔸牛油果南瓜紫薯藜麥焗千層闊麵 芝士鋪滿哂成個表面，再焗至金黃色輕輕一拉就有拉絲啦！可見芝士係好勁量🤣芝士嘅下層係茄蓉闊麵，酸香開胃又有嚼勁除此之外，仲有好多配好似掘寶藏咁，愈掘愈多有牛油果，南瓜，紫薯等，口感好豐富.🔸柚子青檸蘆薈冰茶味道清新，甜酸中帶點茶嘅回甘底下有好多蘆薈粒，增添口感～.🔸柚子蘆薈乳酪蛋糕乳酪蛋糕果香十足，甜而不膩配上曲奇餅底同粒粒蘆薈，大讚👍PS. 套餐：Main Dish+飲品+甜品.🔸鹿茸菌冬瓜黃耳竹笙百合雪蓮子燉湯配日本黑豆亞塔子伴吉列元貝 $20齋睇個湯名都知材料豐富🙈味道香濃，養生又滋潤～黑豆亞塔子都幾特別其實黑豆係有抗氧作用而亞塔子，果肉半透明，口感柔韌又Q彈仲有吉列元貝，香脆可口😎.🔸焗蘋果酥皮盒 豐盛嘅晚餐一定要配埋飯後甜品先至完美雪白色嘅酥皮盒，賣相吸睛裡面係富士蘋果果肉酸酸甜甜又有鬆脆嘅酥皮，不錯😋

雖然我唔係素食者，但間中都會搵下素食嘅餐廳食下，平衡一下生活同健康！今日同朋友相約一齊食個素食午餐，嚟到餐廳估唔到入邊裝修係咁靚，仲好少女嘅感覺，淨係望住都覺得好舒適，心情更好！午餐嘅選擇都唔少，日本、泰國、台灣嘅菜式選擇都有。我揀咗A餐鮮茄芝士菠菜南瓜紫菜豆卷焗飯。先來左杯飲品，同埋餐湯。野菜粟米雪耳忌廉濃湯，都幾滑，幾creamy！仲有配個香脆法包焗飯賣相都唔錯，面頭有好多芝士，焗到金黃色，相當吸引。整體味道都唔錯，好香噴噴，都幾足料。令我對平時較悶嘅素食另眼相看！最後叫埋個甜品，椰香斑蘭千層糕pancake，呢個真係好好味，要推介！質感好香滑，每層都好薄唔會厚實，椰香味濃，正呀！

行街見到呢間素食餐廳 諗住 健康D試下新事物估唔到都幾有驚喜呢到選擇超多 中式西式都齊曬 第一張就係叫左黑松露大啡菇PIZZA好足料 啖啖都係cheese 同大啡菇 仲要離遠已經聞到陣陣黑松露味 超高質！除左PIZZA 另一個主食就係擔擔面 湯底一食落就有花生既香味 面又好有彈性 都好不錯之後係蕃茄炒百合 蕃茄加埋百合又幾夾 味道又家常 可以平衡下出街食飯既油膩最後就係猴頭菇既一個煲 既餐 佢個煲超大超多姑 一個人食唔曬 仲跟左野飲同一件 小cheese cake 又抵又好味！

食得太多肉 就去試下素食 健康D呢到選擇都好多 感覺同去左普通餐廳都無分別咁👍🏻👍🏻第一味就係叫左黑松露大啡菇PIzza 佢黑松露加埋芝士已經好香 好吸引 焗完之後茹仲好juicy🥰🥰另一樣係蕃茄炒百合 呢樣比較清淡 但好清新同家常 感覺健康之後就係猴頭菇既一個煲 佢拎上黎份量好多 佢好惹味 佢呢個連埋餐 仲有野飲同甜品 甜品係一件cheese cake 食埋好滿足最後就叫左擔擔面 佢湯底好熱好香 好大陣花生味 面又唔會過稔 😋估唔到素食都咁多變化 中西餐都食勻曬😆😆😆

-🦄天.悠蔬食 @leisurelyveggie-花菇淮山栗子炆猴頭菇煲配珍珠糙米飯 Hkd168Rating🌕🌕🌕🌕🌑茶樹菇竹笙黃耳百合雪蓮子燉湯 +Hkd20Rating🌕🌕🌕🌕🌑斑斕椰汁千層糕 +Hkd0Rating🌕🌕🌗🌑🌑滷水花菇毛豆百頁豆腐配醬燒牛蒡 +Hkd0Rating🌕🌕🌕🌑🌑-⚠️悠蔬食兩間分店供應嘅食物都略有不同⚠️當然午市同晚市供應食物之款式都唔同⚠️大家可以因應自己喜好決定去邊間分店-話說🤤秋風起🍂我就突然心血來潮好想食栗子🌰人果然要跟24氣節去養生😏正所謂不時不食😌而家栗子又咁當造😳我又好想食栗子炆菇嘅菜式無奈我懶得自己煮🤣咁岩比我發現到悠蔬食都有喎仲要真係好岩我😭係一間多元化嘅素食餐廳🌱咁就真係無理由唔去嘅...🙈琴日嘅1800我準時入座因為都係一早諗定食咩🤣所以都唔洗考慮太耐🤭有一樣野要提提大家 應該都係我自己眼殘睇唔到...原來套餐係冇包到湯同前菜架😰我一直以為包埋點知埋單個陣先知要額外加20蚊 咁就有啲驚歎到我不過叫咗就算啦😭😭個湯同前菜都好味嘅 安慰自己但大家要自己衡量下要唔要加個湯同埋前菜🙈因為加左湯而本身佢又有包左飲品同埋水🤣一肚子都會係水好飽🤣全個

今日一行4人，每人點左個set lunch每個set lunch 都有兩塊蒜蓉法包，湯，主菜同飲品。今日個湯係南瓜濃湯，真係好濃郁好味道。主菜點左冬陰椰菜花飯，個飯有好多菇，個醬汁辣辣地，好惹味。飲品就點左雪梨青檸蘆薈冰茶，好fresh 好解渴。

荃灣新開左一間以素食見稱嘅餐廳 環境裝修得好靚 空間好大坐得好舒服 食得健康坐得舒服 同朋友遲啲健康食物同傾偈一流個Menu好多選擇 我哋叫咗一個套餐加散叫晚市套餐白松露薄餅-個白松露薄餅 松露味好出好香 估唔到同芝士又會咁夾 而且佢係薄批 嗰邊好鬆脆 唔會太油 食多兩件都唔會覺得有罪惡咁雪菜毛豆百合燴百頁-呢個好有驚喜 佢唔會太濃味 但係佢個豆香味好濃 好好食 泰式香煎魚餅-除咗個泰式醬素魚餅 咬落去口感好似好真 有一絲絲好似肉咁 一定要試鮮榨蘋果雪梨汁-果然係有食物同飲品都一貫咁健康 呢個果汁絕對冇加糖新鮮即榨 好清甜解渴水果茶-呢個水果茶 水果多過茶 非常足料 而且好清甜好飲千層蛋糕-呢個係紫薯味蛋糕 佢啲cream勁滑 個皮又好薄 超級好食

做完一朝野，好攰又好肚餓，行到半路仲落起雨添，即刻走入商場搵食，揀了食呢間素食店。已經兩點半，原來有下午茶餐牌，不過連晏都未食，還是點份午餐好了。餐具很整潔，感覺不錯。先來的水梨藜麥沙律配草莓黑醋汁，梨好清甜，菜爽脆，個黑醋汁酸酸的帶味果香好好味，平時黑醋太酸了，呢個mix左草莓好味好多。仲加左個中湯西洋菜羅漢果蓮藕湯，濃郁香甜，蔬菜湯一樣可以好甜㗎，碗湯仲勁足料，勁多西洋菜正呀。午餐點了煲仔菜跟飯。煲仔菜係呢樣，回鍋醬燒猴菇煲，一打開就香噴噴。醬汁微微辣很惹味，入面有冬菇，椰菜仔，荀，腐皮等，吸滿醬汁勁好味，仲有唔少得嘅猴頭菇啦，平時只知用黎煲湯，原來炒都好好味，咬落爆汁不知幾正，個醬汁好味到要倒晒啲飯落去撈呀。個飯係珍珠糙米飯，感覺健康，雖然話係糙米，入口都無鞋喎，仲好有飯香。餐飲要了熱檸茶，紅茶底夠香。最後加了甜品椰香紫薯千層班戟，真係好有椰香呀，微甜的忌廉綿綿滑滑，千層蛋糕有口感，好味喲。完美的一餐，咁多道菜都好味呢～

以往對素食嘅印象都係比較負面－味道淡，款式少....但近年素食已經大大改進，呢次朋友帶我嚟嘅悠蔬食，就令我更深切體會到素食絕對可以健康美味同時並存嘅訊息。餐廳裝潢走溫馨住家路線，晚餐非常多元化，既有中式燉湯，又有西式意粉，更有日式甜品。我點了晚市套餐，前菜和燉湯雖然要加$20，但個人覺得還是值得一試！我選了西式的牛肝菌桃膠忌廉濃湯配泰式香茅金柚鮮果沙律。牛肝菌忌廉湯口感creamy香滑，牛肝菌香味濃郁，巧妙地配搭桃膠，食起來口感更加有層次！泰式香茅金柚鮮果沙律味道清新，作為前菜非常醒胃。主菜菠菜合桃野菌忌廉意大利飯配椒鹽猴菇片($168)頗有驚喜，椒鹽猴菇片應該係扮炸雞吧！雖然食起來唔算香脆，但猴菇片嘅口感確實有幾分似雞肉，加上椒鹽粉，幾可亂真！意大利飯煮得比較淋身，適合香港人口味，我鍾意入面嘅合桃，香脆惹味又增添口感。餐廳奉送飲品一杯，呢度貫徹健康嘅理念，飲品可選擇柚子青檸蘆薈冰茶或蘆薈柚子蜜，而蘆薈有殺菌、消炎、鎮痛功效。我揀咗前者，柚子青檸酸甜有致，加咗蘆薈口感滑溜，健康養顏。最後當然唔少得甜品啦。古法黑芝麻糕芝麻味都濃郁，甜度唔高，好啱我！

最近喜歡上素食，之前去過尖沙咀分店嘅雅‧悠蔬食，食物唔錯，唯一係嗰時同朋友食飯坐唔耐，傾唔到計。上星期去荃灣嘅天· 悠蔬食，環境比尖沙咀分店闊落好多，坐得舒適！我點咗一個set dinner，有飲品，主菜和甜品，再+$20額外點了前菜和湯品，非常豐富！湯品有中式及西式選擇，平時喺屋企少飲燉湯，所以點咗猴頭菇竹笙黃耳無花果百合燉湯配鮮味百靈菇刺身。燉湯好鮮甜，真材實料，火候十足。百靈菇刺身口感爽滑似鮑魚，蘸上醬汁似食緊刺身。原來百靈菇刺身唔容易整，因為百靈菇水分較多，一唔小心就會容易爛呢！主菜點咗白松露露筍茄子紫薯焗千層闊麵，我覺得比平時嘅肉醬千層麵更勝一籌呢！因為入面材料好豐富，有露筍，茄子及紫薯，仲有焗得金黃嘅芝士鋪面，加埋一齊食到唔同嘅層次，好滿足！甜品推薦宇治抹茶之旅（+$30)，雖然天· 悠蔬食係素食店，但呢個抹茶甜品絕對媲美出面甜品店！蕨餅口感軟糯，不會過硬，配上濃郁的抹茶啫喱，煙煙靱靱的白玉，口感豐富！有呢個甜品作結，真係非常圓滿！套餐仲奉送飲品，我呢杯蘆薈柚子蜜酸甜開胃，滿足！