天穴

营业中

休息中

前排有新同事入職，大伙就話迎新不如去遠少少食好啲。其中一個好鍾意食日本菜的同事就提議話呢間開左無耐，仲可以望住維港海景，啲賣相又睇落唔差咁，就決定呢間啦。每人叫左一個「御膳」，即係定食咁。再加一份「霜燒壽司御膳」share。小弟好奇一問侍應咩係霜燒，原來係用連皮火炙食材，再立即浸入冰水入面，再切成刺身。個做法都算繁複，用料都新鮮。難怪份量如此少，不過就係所有餐入面最貴（$288）。我就叫左個「美國安格斯牛柳溫泉蛋鍋飯」。牛柳幾大粒，咬落去唔韌有牛味，溫泉蛋同下面好大堆既洋蔥令成個飯唔會好乾 👍其他同事個啲餐賣相都幾吸引，忍唔住影埋落黎。有啲可惜係今次坐既位唔係對正海景，如果約人撐檯腳食lunch，呢度算係不錯既地方。

自上次這餐廳開張時到訪已經有好幾個月了。今天同朋友一行三人再訪。午餐的餐牌沒有改變，分刺身、定食、天婦羅及飯類等等。前菜沙拉用日式胡麻醬，感覺好fresh,而那漬海帶，酸酸地，十分醒胃。蒸旦：蒸蛋正到啱啱好，口感十分滑溜，又有鮮味，不錯！湯的味道則清清地，味道偏淡口，比較普通。上次試過特上刺身，今天試試普通的刺身御膳$198如何。這刺身御膳有七款，分別為三文魚、吞拿魚、甜蝦、油甘魚、白身魚、八爪魚同火炙左口魚. 刺身頗爲新鮮但上枱沒有特上刺身造型咁震撼，亦沒有海膽同toro. 各刺身切成中等大小，唔係切得太厚或太薄，是一口大小。其中以火炙左口魚味道最為突出，火炙後嘅左口魚魚脂豐沃甘香，油份十足，味道不錯，正好下飯。魚生飯配天婦羅麵$238這魚生飯十分的式迷你，飯面有三文魚、三文魚子、蟹子、玉子、青瓜等，顔色十分豐富，味道則ok 啦！天婦羅有兩隻大蝦同蔬菜：天婦羅蝦炸得不錯，味道幾鮮美，炸漿很薄唔油，幾香脆。佐賀照燒和牛牛扒御膳$388這道菜是三道菜之中比較出眾的。和牛煎至半熟，透著嫩紅的顏色，十分誘人。這和牛份量十足，上枱時已經切好一件件。這和牛肉味濃，牛脂充足，雖不致於入口即溶，但口

上次想吃無位，今次特登7點就去拎位。服務員態度很好，叫我地留低電話有位就通知我地！但離開唔夠10分鐘就打來話有位。環境唔錯，又有無敵維港海景。今晚的晚餐好滿意！

海港城OTE，今次係我第3次再嚟搵食, 環境唔錯~之前睇過仙鶴女 ($108)係用咗Hendrick's Gin/ 檸檬汁/ 青檬汁/ 忌廉/ 蛋白來製，因為當中有忌廉和蛋白，飲落去感覺有D似奶昔；甜度唔會好高，幾易入口。特上刺身拼盤有8款刺身 ($498)拼盤包括吞拿魚腩、三文魚腩、牡丹蝦、帆立貝、油甘魚、墨魚、文魚子。刺身好新鮮，吞拿魚腩，味道好香濃~ 油甘魚薄切鵝肝粒配南高梅醋醬 ($228) 平時食開都係厚切油甘魚，今次薄切之餘再加咗鵝肝粒同南高梅醋醬，帶酸甜的醬汁令魚味更濃郁之餘。飛驒和牛鹽燒伴日本野菜 ($598)仲叫咗飛驒和牛, 入口即溶, 旁邊仲配咗炸蒜片, 海鹽, 原粒芥末籽, 我都係鐘意用鹽點嚟食~唔會俾其他味蓋過咗~次後仲會叫咗串燒...燒鱔、明太子釀雞翼、豚肉露筍卷, 今次初嚐真係不錯~P.S. 可能新開, 職員未能完全了解餐牌種類同埋有點混亂~

有朋友介绍，今天约了朋友十二點去食晏，早了五分鐘到，要我們等五分鐘，合理。十二時正，一位穿西装的帶我們入座及發餐牌，没一句話，没一些笑容，如走肉行屍的。坐下有女服務員送上茶，我們眼前的壽司師傅，一眼也不看我們，繼續做他的工作，用剪刀剪 lai 尿蝦，全程零互動六分鐘，我拉了朋友，二話不説，起身走人。

一大班朋友嚟咗海港城食飯，知道呢間日本菜都開咗冇耐，仲有無敵大海景。職員推介我哋食長腳蟹三味，而且仲係最後一隻，咁啱我哋個個都鍾意食，所以就要左。對住呢個海景食飯真係無敵丫

海港城海運大廈OTE 有十多間新餐廳陸續開幕， 今天黎到天穴食lunch，可能位置坐落於海運大廈最盡頭， 所以唔係太多人， 唔需要等好耐就有位。我試咗燒靖魚❤️，味道跟其他餐廳差不多。服務都算好。不過呢間餐廳還有很多特別菜式， 下次我會再試試晚餐， 可以一邊食一邊欣賞夜景😍

星期日，要去行街街，我首選就係去尖沙咀，因為泊車方便，又有大把野行，大把野食......之前喺LCX見到有兩間餐廳開左，仲有靚海景，我一定要去試試先.....今日終於有機會喇😋見到lee個環境，未食都已經覺得享受中😍窩心設計,但賣相一般，可以整靚仔d!個雞翼真的要一讃👍🏻lee個酒係好飲，不過得4分之1，我三淡就已經飲曬😓天婦羅都炸得幾好👍🏻整體來說，lee間餐廳同我預期都係一樣，服務好、環境好、食物OK、價錢貴，完全係正常的！但有一點我覺得需要改進，就係正常有甘上下貴的餐廳，冇理由炸物d師傅不停傾計，有少少影響氣氛，可能佢地冇乜野做悶啦，但可以細聲少少😂

尖咀海運開擴大咗，多咗好多食肆，大部分坐擁360度維港靚景。本來想食pizza, 但阿女要食烏冬，所以就去咗「天穴」。之前都食過又一城同一集團的「穴」，不過不失，但「天穴」就是貴版。侍應話天穴的用料是較高級的，咁就試吓龍與鳯。環境是靚的，對住無遮無蔽的維港景食飯的確是心曠神怡的。午餐選擇很多，刺身壽司及各式丼飯都有。要了三小碗給小朋友，分別有牛肉飯、天婦羅飯及湯烏冬，都很適合小朋友口味。要知道帶小朋友食飯，最重要兩位大帝啱食。老公要了最貴的天婦羅定食，都算是抵食的，有海膽、蝦、蝦餅、蟹等等。味道都ok, 但蝦餅炸得不夠香脆。我要了刺身飯，刺身多過飯，很抵食，有海膽、魚子蝦子、海鰻、蛋、三文魚等，午餐來說都算新鮮。至於服務都是滿意的，一名男captain 仲帶我地出outdoor area畀小朋友行吓，仲話book位可以直接搵佢添。

今日同老公去海港城，知道LCX開咗一個新嘅地方, 於是去嗰邊睇吓有咩食。去到見到日本菜嘅吸引，雖然去到無位，我哋留低左電話然後等咗大概20分鐘就有位啦。去到環境好舒服，有無敵嘅海景，我哋叫咗壽司午餐定食我兩點小飯吃。首先個前菜蒸雞蛋，都好特別，但係味道唔算好突出。但係最令我哋開心嘅係主菜嘅食材好新鮮，魚生好好食，而且吞拿魚飯亦很鮮甜。侍應服務態度良好，在這麼美的環境下，吃着好味的食物，對於一個星期日的午餐來說是一個享受。

同朋友慶祝生日，一個月前已經打去book定枱，當時已經講過我想要室外嘅位置，店員話可以，不過建議魚生類喺室內食咗先比較好。咁我話無問題啦。食飯前一日我自己打去reconfirm張枱，點知店員話室外只可以飲嘢。都無所謂啦，食完先去室外飲嘢囉。我7點去到，同reception講我個訂位詳情, 佢哋帶我去門口第二張二人枱，真係無諗過一個月前book都會被安排坐門口當時都見到室外已經幾枱飲緊嘢嘅客。我再問侍應可唔可以坐出去，佢都話只可以飲嘢，咁好啦，我哋就叫咗刺身&壽司拼盤、串燒同一支720ml sake刺身好快就到，中間等咗20mins冇上過其他食物，上菜極慢。大部分侍應都係行行企企又唔跟進。支sake嚟到完全唔凍，成間餐廳仲竟然冇清酒壺 (中間可以放冰嗰隻)。食物質素ok, 刺身新鮮，燒牛舌同白鱔肉厚同彈牙，反而壽司好一般。食哂啲嘢後，我哋仲淨返三份二支sake就同侍應講想轉去室外，點知佢話我知出面油咗leger唔係咁適宜坐出去...下!!!咁點解我一直見到有人出去仲飲到尾呢？佢就話再問下先，其間幫我開sake嘅女bar tender同另一個女侍應仲喺我哋張枱面前咬耳仔講我哋。請埋呢啲無質

餐廳有分indoor同outdoor，我去果日天氣好好，但係outdoor只係for飲野，有D可惜。 餐廳可以近距離望住維港，而且位置好寬落，感覺好舒服。Lunch set有好多選擇，而且價錢比我想像中平，一個sashimi platter唔使200蚊。最後我揀左sushi set，無失望之餘仲有驚喜，每款壽司都有特別既整法，火炙左口魚邊、柚子醋油甘魚，好有心機！飯後甜品仲有我最鍾意既厥餅，好煙韌！ 不過我另外叫既燒年糕就麻麻，有D硬而且唔夠味。

隔離枱有一台外國客，幾個侍應招呼。反而我同朋友座在隔離枱，order 完後就完全無人招呼。隔離枱班外國客，早我地2分鐘柯打食物，但佢地好快全枱滿晒！而我地一路等完又等，剩係黎左碗麵，催了一次，等了三十分鐘只黎左一碗麵。過多十五分鐘，柯打既野都係唔黎。我最谷氣係其實間舖店員都幾多，但我隻手舉到直一直，啲侍應都懶懶閒唔想理，全店都招呼果枱外國客！嬲爆！最尾我發火，要求埋單，先有個經理過黎話跟返我啲野食！仲話我地柯打左既野食其實出左，只不過去左隔離果枱外國客度！咁即係話，呢間舖係外國客優先！

見海港城開左幾間新餐廳，有靚景之餘，睇見雜誌報導介紹好似幾唔錯，襯星期六約人食晏，一於黎睇下。揀左呢間日本餐廳，午餐定食百幾二百蚊一個餐，都抵食，有刺身有天婦羅有雞扒豬扒定食揀。我比朋友早到，坐低十分鐘仲未見有人比茶水，只掉低餐牌。於是找了個著黑西裝疑似經理的人問佢會唔會可以有杯茶或水，得到佢碌大隻眼，離遠指住個伙計話：佢針緊架喇。我心諗，拎杯茶啫，唔洗咁惡呀嘛！朋友來到點餐，佢叫左天婦羅蓋飯，我叫左吉列豬扒定食。叫完野無幾耐，侍者上左個沙律同小食來，份量雖小但味道唔錯，接住再上左個麵豉湯同蒸蛋。蒸蛋足料、味道ok，但麵豉湯味道似即沖。主食豬扒來到，望落賣相ok，夾上來先知中伏！豬扒好薄，好乾，而且有一截肥膏，食到一口油，脆漿炸到離開晒豬扒，唯一好彩係炸得唔油。白飯過腍，一pat pat咁。食完主食，店員主動送上甜品，是綠茶蕨餅，口感煙韌，唔會太甜。埋單人均200蚊，食個靚景，食物又唔得，服務又麻麻，所有野有待改進！

這晚係LCX盡頭呢間新開既ANA TEN，2個人book左8點晚餐。門店同鋪入面都裝修好靚好high-end，非常elegant既日西fusion感。Really great for a romantic dinner or any sorts of special events.雖然提早左成星期book，但都book唔到近海可以睇海景的檯，唔緊要啦不過。油甘魚薄切鵝肝粒配南高梅醋醬 ($228)－－　＊＊＊＊(5＊滿)一直都好喜歡食Yellowtail，呢個dish既combo一聽就覺得好開胃好夾。anyway，鵝肝十分香濃，不過濃得有點搶過了yellowtail的魚香味。不過附上的醋醬酸酸甜甜真的十分refreshing，非常適合夏天食用，我很喜歡就是了，如果yellowtail魚油香能更出就好了。佐賀和牛海膽卷 ($198)－－　＊＊＊(5＊滿)見咁貴，只點了一個來試。以2百蚊一啖仔既dish黎講，個和牛只屬一般，有點”un”。但海膽確實香甜creamy。但二百蚊一啖⋯⋯真心不太值。特上刺身拼盤 ($498)－－　＊＊＊＊(5＊滿)係呢個platter入面，Toro，scallo