天然豚骨拉麵專門店一蘭

营业中

休息中

“一蘭拉麵”比人吹捧咗好奈，一直想試下但我就冇咁神心去排隊。琴日黃昏六點經過，門口竟然一個人都冇，ok幫襯下。我選擇軟身麵淡味湯底加隻蛋。首先講格局，一人一格枱，唔比人騷擾嘅佈局我好鐘意。比隻杯我飲“美味嘅水”可惜隻杯入面附加咗一粒上手客人食剩嘅美味乾蔥……呢點令我扣分……麵嚟到，飲啖湯，好清，麵條質素對我嚟講冇驚喜，我選擇軟身麵，但比我預期硬。叉燒薄如紙，隻蛋係凍，可以話有點冰凍感覺……咁一蘭又唔係一無是處嘅，我要讚下佢個湯底，我飲咗一大半，唔會覺口渴。 $89 一碗麵+$14 蛋+10%服務費 = $113 只此一次，試過就算。

第一次食一蘭係喺福岡，食完之後返到嚟香港念念不忘，於是再去銅鑼灣排隊食。都預咗夜晚會好多人排隊，我哋都已經有定心理準備。最後排左半個鐘，終於入得啦！可能排隊排得太耐，坐低已經非常肚餓啦。排隊嘅時候店員都好貼心，比定點餐紙我哋填。我叫左濃味湯底，硬面底，同埋加左個糖心蛋。聽講糖心蛋係要食拉麵之前，要來清清口入邊嘅味蕾，然後食拉麵先至會更加好味，因為唔會比之前食過嘅食物影響湯底味道。成碗拉麵都非常滿意，湯底有好濃厚嘅豬骨味，面嘅硬度都好滿意。不過份量就真係唔多，所以最後都加左底。 坦白說，味道真係冇日本咁好味，但係香港食過咁多間拉麵店來說，都已經係最好味嘅一間了。

嗯~ 來傳說中的一蘭拉麵嘆下先! 哇… 麵條好有嚼勁，飲啖湯先，真的非常非常香濃喔，但一d都唔油膩，正。豚肉睇落去有d肥膩，但食日入口，嫩嫩的，軟軟的。另外有其他配料配搭，使口感更豐富。

個人一直都好欣賞一蘭對於炮製拉麵既嚴謹同堅持，佢地標榜湯底配方只可由極少數員工知曉，確保其外泄風險極低之餘亦能維持湯頭味道既獨特性。雖然之前去名古屋果陣已經食過一蘭，但由於太掛念佢既味道了，所以都趁今日同女友黎cwb呢間試下時值星期日既晚市時段，人龍相當長，當中不乏中外遊客，不過為左食好西，我地都覺得值得一蘭既拉麵只有一種，不過上至味道既濃淡至麵既硬度都有得簡；裡面既間隔同日本一蘭無分別，就係每人各自分開坐，就算係一家人或情侶黎到都無例外最後選擇左濃味又濃厚既配搭，熱騰騰又油膩既豬骨湯味道非常重，就係正宗原裝日本一蘭風味，好味到實在忍唔住飲多幾啖；走蔥之餘麵條簡左軟身，同時因爲擔心唔夠飽既關係（事實係叉燒份量真係有點少）決定俾多19蚊加麵底haha雖然排隊既時間比食麵既過程長，而且價錢比日本本土貴，但味道方面認真無得輸，絕對值得一試再試

自從早幾年去日本東京個時第一次食間拉麵..我深深愛上左佢..超級好食..今晚去到即刻可以坐低...劃好晒我想要架野...一上到台我就趁熱食...真係好食到停唔到口...湯底好濃味, 拉麵我劃左要軟..我10分鐘唔洗就食,,仲要連湯都KO左唯一唔好就係我覺得叉燒太少....

記得當時一蘭最初進軍香港既時候都幾轟動，雖然排隊排左起碼成個鐘，但食到碗拉麵既時候，覺得一切既等待都係值得～湯底味道好濃厚，好出色令人驚艶，而且份量足夠，我差啲食唔曬～-事隔咁耐，我又再次黎到一蘭。但唔同既係，無論係味道，份量定服務質素都大跌水準，令人非常失望。-服務方面，排隊冇清晰指示，員工一臉不耐煩。我要求落單，無人理。我行埋出去問員工點落單，依舊無人問津，我變左透明🙂好多單人位都唔開，逼人排隊，營造多人食既假象。水要自己斟，紙巾要自己行去拎。都無人服務過我，點解仲要收服務費？麵條份量少得可憐，只有薄薄兩片叉燒，蔥加拉麵，唔洗十分鐘已經食完。個人覺得辛辣醬同湯底格格不入，味道相當奇怪。個湯飲完好口喝，咁既價錢真係唔值。我發誓，我唔會再食香港一蘭🤦🏻‍♀️

終於試咗一蘭啦！原來真係比想像中好食啊！以前對拉麵冇咩好感，因為覺得味道又咸又濃！食完一定好口渴！哩度可以自己揀自己口味！我揀咗淡味！小辣加左隻蛋同埋超級硬面！佢隻湯底係超香超濃味！但唔係令人反感嗰隻滯！帶點麻香，佢既叉燒都比其他拉麵店肥美！對於我咁鍾意食肉真係啱晒！我覺得一蘭有種神秘嘅魔力！吸引你去食落去！睇來真係要儲定錢先得啦！因為真係幾貴下～

其實好早作佢岩岩開個時都黎過排隊食 今日黎到再次食都唔錯 keep 到個水準 今日叫左豬肉拉麵 豬肉都幾溥身 容易入口 湯底係好好飲既 麵我就揀左中等既軟硬度 唔硬唔軟食落先有口感 夠彈牙

今日難得同Mr. C一齊請咗假，不如去食拉麵啦！好耐冇去過一蘭啦。我哋大概11點去，唔需要排隊。但出面有好多内地人（好似影緊相）。是但啦，唔影響到我。入去坐底，發覺依家啲拉麵好貴。乜都唔加都要$89。意思係冇蛋冇紫菜冇黑木耳，豬肉得兩塊。連其他拉麵店有個啲小菜（芽菜之類）都冇。It's okay。主角係個湯，個麵，同本身個兩塊叉燒。咁我都知自己偏食，唔要蔥等等既，睇落個麵仲齋。我覺得個湯都可以話keep到水準，但唔知係咪味精勁咗，口渴，要飲好多水。個麵都keep到，但係分量好似少咗。至少我食完都未滿足嗰隻。但係。嗰舊所謂既叉燒。簡直係唔見得人。又鞋，又細塊，又薄，一點都唔係入口即溶個隻。直情係我平時屋企煮飯嗰款肉片（仲要有啲豬肉檔味道咁-臭臭的）。我見其他post有啲話有三塊。Sorry，我同Mr. C都係得兩塊。乜一蘭唔係做好多内地人生意，應該好好搵至係架。點解搞成咁？Mr. C俾錢嗰時好唔忿氣。一路話以後都唔再返黎。。。

昨日一行三人休假，差唔多六點突然想起“一蘭”決定去試下，麵同湯都唔錯，但係份量好細，全部要加麵，又祇得两片薄薄地嘅叉燒肉實在唔太值，三個人食咗十幾分鐘就走人，太促倅，又隔住块板，傾計好唔方便

那天8:30早上同朋友一起去銅鑼灣分店吃拉麵：同朋友一齊吃了兩碗拉麵，加了一份$60有蛋有紫菜有木耳同埋叉燒非常美味。但奇怪一件事發生，我同朋友兩個吃了之後回家肚屙三次，我朋友四次但係原來他之前有同樣的情況發生！希望大家能夠提供多一點資料，是否這店食物有問題？看了其他綱上也有些人寫的食評一樣有這問題發生，是否食物有問題定食物敏感？問題出現在那裡？希望大家看了給多一點評論，如果衞生出現問題可以改善，但食物敏感就大件事同要注意。

那天8:30早上同朋友一起去銅鑼灣分店吃拉麵：同朋友一齊吃了兩碗拉麵，加了一份$60有蛋有紫菜有木耳同埋叉燒非常美味。但奇怪一件事發生，我同朋友兩個吃了之後回家肚屙三次，我朋友四次但係原來他之前有同樣的情況發生！希望大家能夠提供多一點資料，是否這店食物有問題？看了其他綱上也有些人寫的食評一樣有這問題發生，是否食物有問題定食物敏感？問題出現在那裡？希望大家看了給多一點評論，如果衞生出現問題可以改善，但食物敏感就大件事同要注意。

As recommended by lots of people and websites, this time finally got a time to taste ramen in ICHIRAN.First there was a staff leading you to the sit. Then you would get a menu to choose your preferred ramen.Press the button and there would be someone inside the corridor and take your order.The cooking time is short. It was just around 5 minutes.Water could be freely refilled by yourself.There was only one single product that you could choose. I would say the soup was a bit oily but the spicy one

在銅鑼灣想吃拉麵，很久沒有到一蘭，心想如果不用排很耐隊便吃吧。夜晚近七點，幸運地只有七個客人在等，便決定吃，之後越來越多人入來排隊，大部分是遊客，有的不太懂排隊很快就有位，只是叫了最基本的拉麵，湯底算是正常，夠晒熱，當然味精也重，吃完要喝很多水。面的份量不知是不是比以前少了，我老公超快已吃完。但是最差的是那三塊叉燒，完全不是應有的水準，那幾塊肉你只能叫它做肉片，又鞋又一點叉燒應有的脂肪也沒有，很失望。

今日本想去尖咀一蘭吃，怎知改了八點營業，改去銅鑼灣店，放星期五早上六點五十五入店，全然不用等位，入內一排十七個自修格位得我一個。食物一貫水準。呢個時間入嚟，呢頭order 嗰頭送麵，哈哈其實我只係想話呢個時間入來幫襯不用排隊啊，怎麼辦能夠寫二百個字連標點符號呢。或者現在的一蘭在平日一般營業時間並非最最好食的拉麵店，但這個時間走入來吃的話，應該是數一數二好食的拉麵店吧，加上這段時間的環境與人流是日本風格，夠字數了