天然豚骨拉麵專門店一蘭

营业中

休息中

香港深宵時份已經好難尋找食物 港島區唯一拉麵選擇就只有一蘭 份量確係小 大食必需加底 湯底甚濃 但深夜有好多醉客好彩還有笑容可加嘅職員 一般等10分鐘可入坐 經常深宵嚟食 滋味 最近發現另一舖經常沒開 不知是正式搬舖嘛

一蘭嚮香港已經開咗一段時間，咁耐仲有人排隊食，一定有其實力。(或，太多自由行去，所以難食都愈做愈有？) 今日得閒所以專程去試食，睇下佢係咪名乎其實。朝早十一點幾去到，冇人排隊直入。入面完全係獨客設計，一人一格，中間隔開。點菜自己畫，畫完㩒制枱前會有人收，而果個人會被簾遮住，食客同佢係一啲交流都唔需要。唔識點餐唔緊要，抬頭有中英日文說明書，唔駛同侍應溝通。我點嘅嘢：拉麵：呢度嘅豚骨湯，唔會太咸唔會太濃，但係香味十足，好味程度可以同米芝蓮一星拉麵“Tsuta蔦”一較高下。叉燒嚟講，肥瘦各半，口感徧軟，算係中規中舉，無出色之處。而拉麵本身口感一流(我揀咗硬)，連湯入味，加上唐辛子醬汁，極為享受。甜品係抺茶杏仁豆腐，杏仁豆味混然天成，配上抺茶醬，一絕！食咗咗多肥嘢，當然加番支消脂茶啦…結論:大推！最好人少嘅時候到，唔駛等位。加上入面嘅設計，你就算約晒人嚟都冇乜心情傾計。為食而嚟，而非為友而嚟。

一直以來都好鍾意食拉麵但咁耐都撞唔岩機會去食香港嘅一欄今次終於有機會去試吓麵一想到肉嘅份量比我想像中少，湯底亦唔夠厚身 經過一輪觀察後就即刻開動！麵質彈牙啊湯底有油香但係唔夠厚身唔夠夠掛麵不過湯底既濃度可以用選擇呢一點亦唔錯燒叉燒不過不失因為個人比較鍾意食厚切但係氣氛環境100分 昏暗的燈光加上不停叫囂嘅職員好似置身於日本一樣食物質素我比6/10環境質素我比8/10服務質素我比8/10價錢我比7/10

近日都要ot，放工要揾間好食餐廳補償下心靈同肚仔嘅空虛行到嚟銅鑼灣，見一蘭唔洗排隊就決定入去食下啦！一人食都唔會老尷其實，佢d位分得好好，靜靜享受呢碗高質拉麵！叫左normal size,好快就上枱。湯底濃郁，唔會過咸，麵條彈牙，配上湯一齊食更正！小小辣更惹味。另外叉燒亦好出色，肥瘦適中當然要食隻蛋啦嚟到，流心效果一流，為呢碗拉麵添上精彩一樣有凍水供養，食食下覺得有d咸都唔怕！價格還好，香港食拉麵都係咁上下。

店家指示：對於我們初次光顧的客人來說，一蘭拉麵這店家可說是對客人照顧周到，不論點餐、追加等。食物水準：雖然麵質、湯底沒有什麼特別之處，但秘製醬汁可說是整碗麵的靈魂。如吃得辣的，可加至一至兩倍。不得不讚賞的是抹茶杏仁豆腐和飲品，在大熱天時下，吃完一碗熱騰騰的拉麵後，飲些冰涼的飲料和吃些冰凍的甜點是最滿足不過。價錢：🤑不算便宜，二人共吃了約$400，因加了义燒、蛋、飲料和甜品。總結：👌有時間，不計較價錢，可不妨一試！

一蘭喺香港開咗咁耐都係第一次去，星期六下午兩點去到等咗差吾多一個鐘先有位。不過都預咗嘅，而且店員安排得幾好又有禮貌，所以等下無妨。食物方面，雖然得一款拉麵，但特別在可以自行選擇喜歡的口感，另可追加配料和小食。除咗秘製醬汁揀0外，其餘我全部揀囇普通。濃濃的豬骨湯底令人食慾大增，豬骨味濃得黎又唔會腻，平時食拉麵唔會飮埋湯底，但今次居然會飲埋佢。拉麵的口感亦很好，幾彈牙同入味，叉燒肥瘦適中，但份量多點會更好。

本身都鐘意食拉麵 去到邊都搵拉麵食 今次就去到好多人都話好食既一蘭 食飯時間都幾多人 麵有硬中軟簡 我就第一次食 所以試哂佢最原本既先 即係全部都簡適中 我就覺得冇啲人講既咁好食 食完仲好頸喝

知有此店很久， 亦想嘗試， 但由於平時太多人排隊， 所以沒有的起心肝去食。 今日決定坐言起行，一早就去， 十一點到達， 真的不用排隊呀。座位安排好特別， 一人一格， 個個要面壁😁😁。三两知己想倾計就冇可能了。好體貼， 枱下有個鈎供食客掛袋。一蘭的水是經過特別的淨水系統處理， 水的質素特別高， 不論飲用水或湯， 食客都可放心飲用。一蘭亦有指引教你如何落單，加單等，真细心。原來只有一款麵， 對於有選擇困難症的食客簡直一流。但睇真一點，原來一款麵，都有好多嘢要揀。你會問揀甚麼呢?原來要揀湯濃度、 辣味程度、 要葱定唔要葱，仲分白色葱綠色葱，麵的軟硬度等。出來了，期待己久。雖然我要求湯底是普通濃度， 秘製醬汁也是要求普通，但我都覺得頗咸。叉燒好薄只有兩塊，尚算不錯。由於我要求麵質要硬， 所以食落好有口感。但埋單加埋一成100蚊一碗，我覺得太貴了。未必再去。

I believe everyone who heard of this Japanese ramen restaurant knows that there must be a long queue waiting outside this restaurant. This is no surprise. As we all know, here offers ramen of great quality. The design of this restaurant follows every detail of that of the Japanese traditional restaurant. No wonder the price and the waiting time are higher than the average. 

開左咁耐一路都冇去食過，最近既拉麵癮未止，加上一蘭既食評一路都好兩極，所以今日就自己去食下。食過之後就覺得冇大家講既咁難食，我會俾一蘭6/10分。無影到個麵，只係得張點餐紙湯底我覺得比普通仲濃左啲，有些少辣。而個麵就冇咩特別，個人覺得太幼。麵我中意食軟身啲，雖然我劃左軟麵，不過感覺都仲係硬麵，軟度唔夠叉燒呢就真係普通，唔肥唔瘦，三塊都好薄。扣分其實我最中意佢呢種自閉位，俾大家享受下一個人既空間，好舒服

今天剛好來老鑼試一下新的髮型屋弄完頭髮就去排隊等一蘭～等的不算很久大概半小時門面跟日本的差不多而位置也跟日本官方的設計一樣～拉麵就已經不是第一次吃了不過還是很推他們的唐辛子粉我叫的是2倍(^ ^)但是我發現香港這邊加麵的價錢設定得有點奇怪一整底比半底只是便宜幾元所以最後當然是叫了一底啊～～吃的超飽的

Came on a Sunday night at 10:30. Had to wait half hour to get a seat for two. The noodles came quickly after we ordered. Only ramen on the menu, no choice of broth or other appetizers. I got standard/ medium for everything - soup base, noodle firmness, etc. The pork was tough and too lean and had no flavor. The soup was flavorful. The ramen itself was not good- I got medium firmness and noodles were thin and too firm still and had no chewy texture - it tasted more like traditional Hk egg noodles

成日見朋友係IG話去食一蘭/今日又食一蘭未食過嘅我 今日終於試食到個人幾中意果到嘅設計幾獨特同有特色雖然要等位但已經唔太重要果到嘅環境好舒適好乾淨職員對顧客都幾好禮貌第一次食嘅我 帶住好奇心去 滿意地微笑離開整體都幾好唔錯不過我住葵涌唔會為左食呢間而特登走黎銅鑼灣或者尖沙咀咁遠位置有點唔方便如果開左一兩間分店就好了

每次黎都會簡午飯時間，因為少d人排隊，但其實都要最少等小時以上。每次黎呢間拉麵都必定食完一碗再加個麵底。因為真係非常好食。首先講佢個湯底，豬骨味濃得黎又唔會溜，熱度又夠，再配埋佢地既拉麵真係一絕。每條拉麵都可以沾上湯底，唔會令人覺得湯麵分離感覺。叉燒又夠淋，厚薄適中。真係好好食。不過今次我要加底既選擇就唔係拉麵，而係佢既白飯。佢黎既飯係比較黏身同埋軟，唔似一般既白飯硬度。將白飯放入湯底到，就會變成湯飯，起初都有點擔心唔夾，但估唔到反而好夾，原來佢既軟飯就係做湯飯既好材料。我覺得佢地將每樣食材都配合到好好。下次你地都可以試下加底配白飯丫。

第一次去這間店食拉麵。係本港已經開咗咁耐而且算早去到，都估唔到都要排隊，最後要40分鐘才有得食。啲店員都確實係有禮貌所以等下無妨。入到去食麵個位分隔開的我反而覺得幾特別。有圖有畫有指示教你點樣叫碗麵食。湯濃度丶油膩度丶多少蒜蔥丶麵嘅硬度多少都有得俾你揀，都算好貼心。我還叫咗甜品＂福岡縣八女產的抺茶杏仁豆腐＂及抺茶飲品。拉麵雖然價錢係真係貴咗啲！但拉麵及湯夾埋我又真係覺得比其他拉麵店好味。不得不提甜品及飲品有驚喜非常美味值得推介。要彈的就是個＂半熟鹽煮蛋＂，如果有流心感覺就好了，感覺一般。