天然豚骨拉麵專門店一蘭

营业中

休息中

可能係香港人太急啦我覺得侍應手腳太慢出面既侍應話入面有位行到入去見到有位都要等侍應同緊我落單講野既時候居然同另一個同事傾計係咪幾十秒都等唔到好喇講返味道蛋：食唔到有咩特別 食唔出值 $14 既味道       可能只因來自日本 由一蘭賣湯：叫左濃 唔係好有豬味 蒜味同辣味遮蓋左       冇飲哂 d 湯就走面：口感一般 份量不多       我認為日本其他拉麵更好食 更有口感叉燒： ok，唔乾總括黎講，以 $89 既價錢可以食到更好味既拉麵值得一提係個廁所，乾淨！

老公好鐘意食一蘭，每星期到會去銅鑼灣店食。 行開尖沙咀知道開左新舖就去試一試。 中午12點幾到達不用等位，有分方枱和自修室，如果食尖沙咀店獨有既豚肉燒要坐方枱先有，我地都係揀番自修室食拉麵。 服務員叫我地坐既位，都未執就叫人坐。拉麵等左一陣先有， 比起銅鑼灣真係上得慢，味道做到足冇大分別。有一家三口入到黎好嘈，個男人仲問點解碗拉麵冇粟米，又話貴又話少，真係比佢既冇知笑爆咀。食完埋單點知收銀機有問題攪左好耐。 帶位，上菜既速度同收銀問題有待改善，還有好熱，不知是冷氣不夠還是射燈太熱，食完碗面真係出唒汗。

終於可以喺香港食到「一蘭」，仲要唔使排隊，非常好！ 之前只在東京食過，覺得好好食，所以對香港的分店 頗有期待。尖沙咀喱間是開24小時，真係瞓醒想食拉麵做早餐都得!講返食物，不單止拉麵軟硬有得揀，湯嘅咸淡有得揀，基本上全個拉麵嘅內容都可以自己決定。讚!拉麵以外，其他的選擇不多，只有一款小食&一款甜品。「釜醬汁豚肉燒」超好味，一定要叫。「抹茶杏仁豆腐」抹茶似乎落得太多，掩蓋了杏仁豆腐味。埋單盛惠$350 for 2 個拉麵, 1 碟小食& 1杯甜品。Overall experience is pretty good except it's a little bit expensive for a ramen lunch.

個人曾在2月份寫過關於位於銅鑼灣一蘭的食評: http://www.openrice.com/zh/hongkong/review/%E9%8A%85%E9%91%BC%E7%81%A3-%E5%A4%A9%E7%84%B6%E8%B1%9A%E9%AA%A8%E6%8B%89%E9%BA%B5%E5%B0%88%E9%96%80%E5%BA%97%E4%B8%80%E8%98%AD/2425077?tc=sr2rvw&con=rvw引用在2月份的食評當中的部份文字，曾提及過關於一蘭屋台及限定拉麵:一蘭特別之處是自修室型式的格局，但也不是所有一蘭也是自修室形式，有些是屋台式的，例如在日本大分縣的一蘭 大分弁天店的「一蘭屋台」，座位是一張張四方枱及圓凳的型式(如圖)。說到一蘭是否獨沽一味只有一款口味的拉麵呢？原來也是有限定拉麵的，就在福岡縣的「一蘭 天神西通店」就有一款名為「釜だれとんこつラーメン」，盛麵的器皿不是圓碗形，而是長方形盒子，看上去就是盛飯的便當，日本人稱之為「重箱 ラーメン」，叉燒是方形的，就像是腩肉叉燒(如圖)。6月9日是尖沙咀一蘭正式開張的第一天，入座的時候沒有看到人龍

終於唔駛過港島都可以食到一蘭啦！重要係開張日黎食都竟然唔駛排隊，可能真係地方大好多，等都唔駛等！而新開既「一蘭屋台」就係大家可以對住坐同埋試到新增的小食---就係「虎醬汁豚肉燒」！一上台見到賣相好吸引，好肥美，脂肪多！揭開片片豚肉，底下原來佈滿虎醬汁！配上蔥花同伴上的辣椒粉一齊食，味道更重、更惹味！坦白講，食完整碟肉再上碗拉麵時，你會不期然覺得拉麵裡的叉燒味道口感都差很遠！叉燒帶硬薄身，口感不自覺被豚肉搶去。而今次碗拉麵第一次試加秘制辣醬，有1-10倍選擇，再辣D就要加錢。最後我揀了5倍辣，辣到有少少刺激喉嚨的感覺，好好食！最怕有D拉麵店成碗都係辣油紅到驚，但呢度個Hot Sauce好正，下次會試7倍，應該都會接受到！

一蘭終於開到黎九龍，真開心。呢間入到去地方也很大，分有屋台同卡位两樣。屋台裝修猶如置身日式大排檔，食物選擇也多點，而卡位則只有拉麵及配菜。我們選了不用等位的屋台，新張第一日人也不算太多，還好。叫了两個拉麵，味道跟銅鑼灣店的差不多。只是覺得那叉燒有點乾身，湯還是很香濃的。叫了個蛋，原來冇乜味。下次唔會叫了。麵的份量不多，男士可能要加麵啦。