天然豚骨拉麵專門店一蘭

营业中

休息中

等位一个几钟，下单再等半个钟，满怀期望。结果是一碗面二片肉几点葱，连加一近100蚊。无茶无调味品兼漏单，自助冻水，环境简陋，不知凭咩要收服务费。同其他日本拉面店，味道差不太多，名过其实。

第一次去一蘭，1:30午膳時間不用排隊可直接入座。點餐紙一張簡簡單單，拉麵$89一碗加一即是$98，但水要自己出去倒，咁都要加一！？麵來了，然而只有2塊薄得像紙的叉燒、麵和少許蔥花，竟然連紫菜和木耳都沒有！看清楚餐單，原來木耳和紫菜要加錢，盛惠各$12......其他拉麵店基本都有的配料竟然要加錢，而桌上也沒有芽菜這類的小配菜，實在太不值了！！說回拉麵味道，叉燒認真普通，就是2塊肉，跟路邊幾十元的港式日本餐廳差不多，湯底是普普通通的日式豬骨味，沒什麼特別，麵份量偏少，我平時一個麥記餐都吃不完，來一蘭吃完一碗竟然覺得唔飽......！講真，想吃一碗正宗的日式拉麵，香港太多選擇，不需要去一蘭，太貴！這樣的份量味道，不值$98！

一蘭拉麵（無蔥，1/2秘製醬料，1/2蒜，軟麵）+ 叉燒 +半熟玉子拉麵$85：真係跟足order 整軟身，同行友人叫左硬麵，咬落彈牙好多。麵份量偏少，男生應該要加底叉燒：預設有兩片，薄薄的唔肥👍🏻 但冇乜豚肉味玉子$14：個黃有d熟有點失望湯底：豬骨濃湯一流 唔會感覺好油，一啖拉麵配一啖湯，非常惹味！但可能有人會覺偏鹹後記：好多好多好多遊客！！晚餐時段等位足足有45分鐘好肚餓的話唔適合食喇，如果唔係等到嬲都未有得食

今日去尖沙咀，一兰拉面，位置不好找在地库里，一兰拉面的汤底属于香辣型，但面条份量不足，需加替玉，味道不错，湯底选择普通，一倍辣，加面底，总体来说，水准不错滴，值得再来

是日LUNCH, 突然好想食拉麵, 於是就同同事提議食一蘭啦!其實我地好耐之前都話要去食, 但由於上次遲左少少離開office行到過去大約1pm, waiter 話要等半小時先有位最後當然冇等就走左啦~~~有見及此, 今次我地就醒目啦, sharp 12點就行過去食過到去waiter 話大約等10分鐘, 結果等左大約5分鐘就有位我地揀左屋台area有個自助斟水位, 幾好喎 每碗拉麵$89, 如果要加"送"就另外再加錢我就加左隻蛋, 計埋加一, 呢一餐成$110+ 架要味道是好食的不過老實說, 真係 太.貴.了.呢個價錢久唔久先會食一次

網上指日本沒有女生獨自吃拉麵⋯原因包括女生看似太孤獨⋯高卡路里⋯等等⋯幸好我生活在香港⋯可以吃到飽!走！雖然一蘭在香港已經開店好幾年⋯但晚餐時間仍然大排長龍⋯是次等30分鐘！入席馬上點餐⋯普通湯底+白蔥青蔥+軟+肉+1倍祕製醬汁!大概10分鐘拉麵就出現! 味道依然無變!好好味呀!除了豚肉有點失色..已經找不到缺點!食完一碗的確有點....未夠滿足...決定同朋友Share 多一個麵底!食飽!滿足! Happy Friday就是這樣簡單!

對於一蘭拉麵相信好多人並不陌生，銅鑼灣有分店雖然工作要求經常在銅鑼灣但從來都沒有吃過！這次過來尖沙咀賣碗碟回家，朋友經常過來吃尖沙咀間一蘭！話肚餓帶我去吃一蘭碗拉麵我都無吃過試下都好！裡面環境好空闊，但裝修覺得好普通無特色。只得一款拉麵，不過可以自己選擇拉麵的濃淡，麵的軟唸程度有配料叉燒跟木耳半熟蛋加！倆個人都只是選了個普通濃湯的麵軟唸度都只選擇普通，上麵前就提醒我要等15分鐘，但我忘了下10分鐘唔到！還等得，碗麵體落算大份其實係湯多，麵唔算多。豚骨味好香濃湯，发觉吃几啖有D鹹麵都幾咬彈吸水後來朋友唔夠飽加半份麵，再加份叉燒，半熟蛋叉燒唔會油無咩叉燒味蛋滑滑蛋白好吃蛋黃半熟幾乎要熟完還半熟

口淡淡突然之間想食碗麵，係得尖沙咀不如就食一蘭。除咗拉麵之外叫多咗個豚肉燒。豚肉燒係五花腩，醬汁甜甜地，五花腩肥瘦相間，豬皮幾爽，而且切得夠薄，唔會食到一口油，亦都唔會覺得太肥膩！正拉麵湯底濃郁，正宗豬骨湯底，冇過鹹。拉麵係幼身嘅拉麵，比較掛湯，唔錯。

一蘭豚骨拉麵🍜一直都有聽說，但從來沒有吃過！今天約了客尖沙咀傾方案，突然臨時要推遲大半個鐘！早上出門就吃杯豆漿到下午都還沒吃過其他，突然太餓就附近尋食填下底先，經過一蘭門口的氛圍加上高人氣的吹捧真的要一試裝修簡單帶日本風場地夠闊，檯都係兩人位並排亦可四人齊坐，底下有個籮可以放手提袋，好方便但好醜樣😂😂點了普通湯底濃度，配搭叉燒，紫菜木耳最好吃木耳有別于其他就係乾乾脆脆爽響紫菜配湯掂，但普通湯底都超鹹，麵都OK煙韌份量不算太多叉燒薄薄兩小塊，味道不算太出眾

尋食，一路掃街！本來都無打算再往前看，一蘭的店面唔行過去都見唔到，樓梯長長行落樓地下一層一蘭大大招牌字好醒目！裡面好闊落，只是開放前面一部分裡面還有一截，人氣真的好足！店裡只主打一款拉麵，入到來就有張紙揀配搭，我揀了濃湯，叉燒，流心蛋，紫菜，木耳揀的濃湯豚骨味超濃郁面上一小撮辣椒根本無辣味，麵一個都可以完全吃完的量，彈牙，木耳乾脆紫菜送湯麵正點，紫菜按塊點的點了兩塊，蛋不太流心，半熟都要7至8成了！叉燒兩塊薄薄普通，湯底濃郁度太重會變得好鹹，超口渴！

一向食開銅鑼灣店，星期一晚突然好想食拉麵。於是膽粗粗試下排尖沙咀，點知真係令我勁失望。八點左右到達，龍尾去到樓梯，我都預咗要排一個鐘。原來裡面條長長人龍，270度環繞成間餐廳，真係好呃人。店鋪其實地方好大，但係明顯唔夠人手，淨係開咗最中間位置。其他獨立房間全部都係吉。難怪要等咁耐啦餐廳員工做到踢曬腳，淨係識落單同送餐，連拉面配料都竟然分開上。我點咗個加配木耳，木耳先上，拉麵等多十分鐘。d員工仲要你問佢野當聽唔到，水都要自己去行去角落拿咁差服務都仲要加一以後唔會幫襯尖沙咀呢間

大半年前在惠州出差工作結識到一位傾得來的同事，當時候只是一起工作一個禮拜左右，期間至今都一直保持住好朋友聯系唔斷，一直邀請過來香港但都無機會過來！前段時間他太太生了個寶貝，特意過來香港帶奶粉採購小孩藥物。在家裡就打探好吃的美食，別人給他介紹一蘭豚骨拉麵，叫我一定帶他一試！無辦法過來就帶了他去了尖沙咀的一蘭分店，不過我都沒有吃過地方好大，行到地下一層像一層大倉庫樣坐下會比張紙自己選擇，我們都選了全部普通濃度，加雞蛋加叉燒！木耳，告知要等15分鐘麵都大碗，普通濃度豚骨味都重，叉燒兩片，軟趴趴普通，蛋就好味流心較好，木耳很脆加落麵裡十分唔錯，麵幼細長長彈牙！點的是普通的吃到中間時後覺到好鹹越來越鹹如果係濃郁的點頂🙈其實整個麵我一個女生都完全可以吃完的份量，朋友男仔就要加半碗麵碗體落讓人覺得大份

一蘭抵達香港已一段時間！但對我來來說一蘭絕對是可以為一班日本愛好者止癮的落腳地！！無法去日本時在這裡可以找到最純粹的日本風味拉麵！這次的等候時間也不算太長！食物方面，除了拉面好吃之外，一定要在吃完拉麵之後再加飯喔！這樣才是最滿足的食法！再配上波子汽水（$39/支）尖沙咀分店面很大，有獨立座位也有屋台的4人座位可以跟朋友邊吃邊聊天！很有居酒屋的Feel!

星期日下午三點既一蘭無咩人，一入到去就安排入坐，照常叫左碗麵同半熟蛋，半熟蛋強差人意，咬落左無流心，其實係熟蛋，叫左普通oilness，但係覺得太油，記得上一次剛開既時候食有三塊叉燒，但係今次食只有兩塊好薄的，麵選擇左軟麵，麵身正常，總括而言，唔洗排隊，不過質素差左咁多，應該無下次，拉麵既精髓係温泉蛋同叉燒同湯底，但係三樣都唔合格😪，性價比低

前一排再度光顧一蘭，一直想打返篇但係又冇乜時間。以前一開張就排哂長龍，有人去日本旅行又一定要食，其實我唔係好明。間唔中口痕係會食嘅，但不至於超級好味。前排就去咗尖沙咀呢間，除咗自修室式座位之外都有普通餐檯區。食物方面，都keep到水準，湯底濃郁香醇，幼麵掛湯力強，辣醬有獨特風味，但可惜欠缺一點impact，可能我自己鍾意味道強烈少少重口味少少嘅拉麵啦。另外我都叫咗個抹茶杏仁豆腐。抹茶係濃嘅，不過份量少咗啲，而且香港已經周街都抹茶，而且呢個細細個要$49，感覺好不值。希望一蘭以後會多啲選擇啦～（不過應該唔會…）