天浮橋拉麵 (已結業)

行完千島湖同大棠小巴就咁係大棠路油站放低諗左陣係附近食咩好就近近地去左天浮橋拉麵佢就寫12點開門可能人手不足啦有次試過十二點幾黎到摸門釘佢話要一點先準備好成間拉麵店就係好木系果種傳統拉麵店呢個舖位前身係同彩拉麵分家既赤橋拉麵見到唔少人意見都話佢地根本就係同一間咁雖然個名有d臭但都見有唔少人食完好評咁試一次都無壞既前身赤橋拉麵我就淨係係紅橋果間食過而呢一間同彩既格局都係好相似L形bar檯都係只可以坐十位左右還好座位後面可以掛袋唔會好似泓一咁乜位都無頭頂貼左好多舊式既招紙現場有兩位香港師傅兩人位因為疫情同其他人隔開左都坐得舒服因為行完山真係係度飲左大量水咁睇番佢地餐牌其實就應該同赤橋好唔同因為天浮橋主打既係雞白湯湯底而赤橋印像係無既見佢其他味都唔算好吸引所以我地都試番佢最基本既鹽雞白湯大約等左七八分鐘上麵我食沾麵雖然佢口味同赤橋好唔同但擺盤就同彩似到不得了麵條一樣係用碟上而且同一樣都有粒粒班點連口感都係差唔多就唔見舖頭有製麵機唔知係自家制定來貨睇過佢地之前既訪問話叉燒係用日本錦爽雞既雞髀肉低溫慢煮煮成但食落口又唔覺有好大分別女朋友食拉麵成個感覺同沾麵好似無咩分別而呢隻雞白湯同之前係泓一同座

好耐冇食過拉麵🍜有朋友推介呢間天浮橋就去咗試試店面唔大充滿日式懷舊嘅裝橫🇯🇵佢有拉麵同沾麵可以選擇今次就試左拉麵海老味增拉麵🍤湯底嘅蝦味好濃郁味噌味都好出兩樣味道好夾而且飲落去湯嘅質感好豐厚飲得出係好足料去熬製嘅湯底而且飲完之後亦唔會覺得好口渴拉麵配左半隻糖心蛋🥚糖心蛋超流心同埋幾塊雞腿肉有別於一般拉麵常用嘅叉燒雞腿肉超滑嫩而且用左黑椒去烹調黑椒味好突出為拉麵增添左另一番風味面頭頭仲有好多櫻花蝦洋蔥同紫菜令口感同味道嘅層次都提升而麵係比較粗身嘅而且見到有一粒粒小麥製成好彈牙掛湯能力高不過我個人就比較鍾意食幼身小小嘅拉麵但呢碗絕對係一碗高質拉麵🍜鹽雞白湯拉麵🐓雞白湯唔似坊間一啲好厚質感厚到似忌廉嘅湯底相比之下呢一個雞白湯係比較清爽但係充滿超濃郁嘅雞味飲落一啲都唔漏不過重口味嘅我就鍾意蝦味噌多啲啦😋

今日行過元朗，見到一間外表非常之有日本感覺嘅拉麵店，就決心入去試吓，內裏有一啲懷舊嘅日本廣告海報，讓我對日本嘅思念情懷有一點安撫嘅作用，但入到去先發現，原來佢哋買嘅唔係一般豬骨湯麵，竟然雞，全部都係雞。既然一場嚟到，我就嗌個原味嘅雞湯麵試吓，湯底非常濃郁，絕對唔係一般嘅味精貨色，麵條亦唔係大路貨黃色嗰種，非常彈牙，用雞肉做嘅叉燒亦比起平時食開用豬肉嘅少一種油膩嘅感覺。朋友點左一碗翡翠濃湯麵，係鮮味嘅雞湯之餘亦都散發出陣陣嘅羅勒香氣，多咗一種清新嘅感覺，餃子亦同樣出色而且價錢一啲都唔貴，整體而言今日食完碗拉麵令到我十分滿足

叉燒拉麵🍜就食得多,見到呢間餐廳個主打配料係雞肉，有別於坊間拉麵店，未試過就膽粗粗試下雖然地方唔算大，但是細細間吧枱咁，好有去日本🇯🇵食拉麵個種感覺🥰辛之味噌🍜湯底我選擇辛味噌，嘩熱辣辣，十分濃郁惹味有基本拉麵材料紫菜，流心蛋，筍等等，但呢到好有趣加了少許似辣肉醬嘅係最面，食起嚟更加香。主角之一就係佢嘅錦爽雞腿肉用黑椒製，非常醃嫩口亦滿有黑椒香氣，絕對不比叉燒遜色，另一種嘅拉麵體驗，好味道！蛋白質愛好者必點！隻蛋都超正🥰當然佢嘅拉麵軟硬度我都覺得好合適，超級讚！食過返尋味追加左兩串免治雞肉 醬汁調味一流，開頭都擔心免治肉會唔會鞋口 但呢個完全唔會 有雞肉香又夠嫩 超級好食！既有返日本鄉下感覺，而且拉麵超好食！天浮橋拉麵🍜真是我心中元朗必食拉麵🍜

元朗日式拉麵店，主打濃厚雞白湯，雞味濃郁鮮甜配以不同食材製成幾款湯底，可揀沾麵或拉麵🍜 我喜歡食麵連湯飲，揀左拉麵款，麵底彈牙有韌勁。海老味噌(濃厚雞白湯)$90海老湯底，除左鮮雞味，仲嚐到蝦湯嘅鹹香。雞腿肉黑椒調味，切得薄薄一片，而且非常嫩滑。櫻花蝦量多鮮味足，配料仲有仲木耳絲、雜菌同脆紫菜，整個溏心蛋當然都好加分。不過麵底份量女仔食還好，男仔應該要加底先夠呢。餃子🥟$15有三件，餃子皮脆薄，肉餡夠飽滿有肉汁，味道不錯。靜崗草莓梳打 ($24) 草莓氣味氛芳香甜，解渴又清新。有時專注一樣嘢，做得夠深入，都係一種成功。拉麵店主打嘅雞白湯都一樣，款式變化唔算多，但食過翻尋味，大有人在😋

講到拉麵，精華所在於湯頭！傳統既豬骨、醬油濃湯就食得多，味道偏濃鹹，今次就試下主打雞白湯拉麵既#天浮橋拉麵🏮門面同內裡裝潢都是滿滿🇯🇵日式拉麵店的風格。餐牌同樣簡潔，只有「雞」，有五款不同雞白湯底配上雞肉叉燒：🍜鹽雞白湯、🍜辛之味噌、🍜翡翠濃湯、🍜黑松露濃湯、🍜海老味噌。 拉麵麵質硬度適中夠彈牙。叉燒則用左雞腿肉，食落帶黑椒味，肉質嫩滑唔會乾柴👍🏻 而我鐘意食既🥚溏心蛋不負所望，流心得黎又夠入味🤤 仲要成隻上💕🍜 翡翠濃湯湯拉麵 $88所謂嘅翡翠，其實係菠菜湯！我揀左湯拉麵，一開始就試吓個湯頭先！湯底看似濃厚，以為好鹹，但飲落係清爽帶淡淡雞味！飲左咁多湯，事後唔會覺口渴，正✨🍜 辛之味噌沾麵 $88由於揀左沾麵食法，呢個湯頭則更濃厚，麵能掛上湯汁。味道辣得黎帶鹹香，仲有少量肉碎，豬先生評價唔差👍🏻👍🏻🥟 餃子5件 $22餃子食落唔油，肉餡夠juicy✨✨最後值得一讚，店員會細心講解拉麵👍🏻

好耐都無喺元朗食過d岩口味既拉麵/沾麵，喺朋友介紹之下黎到呢間天浮橋食lunch。入到去係好傳統日式既長檯，播住日系純鋼琴音樂，有一個可以舒服用餐既環境。先講下小食，叫左個雞肉丸子，大小適中岩岩好可以一口一粒，搭配日式醬汁，同雞肉既味道好夾。之後就輪到2個沾麵：海老味噌同黑松露濃湯。為免食材整凍碗湯，好貼心用匙羹拓住，而且避免左流心蛋會比熱湯整熟。海老味噌聞落唔算好重蝦味，但飲左一啖湯就會發現蝦味相當濃郁；而黑松露濃湯食落雖然相對淡d，但係好味程度一d都唔會輸海老味噌，而且未送到埋黎就已經聞到濃濃既黑松露味。沾麵既掛湯能力唔錯，而且軟硬、粗幼適中；用左雞腿肉黎代替傳統叉燒，既有傳統叉燒既嫩滑，但又唔會有傳統叉燒既肥膩感。鐘意食拉麵/沾麵既朋友萬勿錯過!

前排近近地係元朗唔想出去，屋企人話想食拉麵於是就去咗呢間西菁街嘅天浮橋拉麵試吓❤️門口幾有feel幾啱打卡～坐位唔算多,比較窄，但正係咁先有拉麵店feel🌸整體評分：6.8/10味道：6.8/10服務：5.8/10環境：6.9/10人均消費：$100-200地址：天浮橋拉麵 (元朗)元朗西菁街20號益輝大廈地下12號舖海老濃湯沾麵配叉燒（$90）：海老味噌拉麵一端上嚟好香蝦味，表面有啲醬汁似沙律醬幾特別～湯好濃，好重蝦味😋叉燒惹味但調味咸左少少，拉麵彈牙 翡翠濃湯配叉燒（$88）：綠色嘅湯底好特別🙈原來係菠菜汁同雞湯嚟～感覺好健康咁🤣湯同樣好濃，都唔錯～

📍元朗高質隱世拉麵‼️· 濃厚黑松露湯底🤤 -- 天浮橋🌁🍜========================上星期同朋友入元朗搵食，去咗呢間位於西菁街嘅天浮橋拉麵～餐廳位置唔算起眼，店內舖位唔算多，但lunchtime都有唔少熟客幫襯㗎！🙈湯底都有幾多款式鹽雞白湯、海老味噌、辣味噌、翡翠濃湯，仲有黑松露～😋麵底仲可以揀拉麵或者沾麵🙈------------------------------⭐️黑松露濃厚雞白湯拉麵 $108 (4.7/5)湯底頗稠身，黑松露味好香好濃郁‼️😭撈埋面頭嘅黑松露醬仲濃呀～😻三塊黑椒雞髀肉肉質腍身，好惹味🤤拉麵煙韌彈牙，帶麥香而且掛湯力強，啖啖都好滿足呢！🤩配菜仲有雜菇菌、洋蔥、木耳絲、溏心蛋，超正😻------------------------------⭐️錦爽雞肉丸子 $20 (4.5/5)雞肉丸子幾有咬口，加埋照燒汁甜甜鹹鹹！------------------------------整體嚟講拉麵相當有質素，湯底夠濃郁～店員服務都好周到，有機會會再嚟食!😍------------------------------賣相：4/5味道：4.7/5性價比：3.8

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴濃厚雞白湯沾麵（$80)上嚟個陣一大碟嘅麵🤓一睇就知份量絕對夠！個湯汁都叫濃郁，雞湯濃而不膩。但係成也個麵，敗也個麵🤨份量雖多，但係好唔掛汁😢呢點就真係扣分了🥲雞肉唔係話好嫩但好入味，表現不過不失。海老味噌拉麵（$90)好香亦好濃嘅蝦湯味😛初頭見湯面有好多油咁以為好膩，但都覺得可接受。佢有味玉同埋雞脾肉，雞脾肉同沾麵嘅一樣。而個味玉就有少少失望，個蛋黃唔夠流心，基本上再煮多陣就變左烚蛋😵‍💫雞肉丸子（4粒）（$20)呢個小食感覺有少少水魚feel😂就係4小粒唔太特別嘅雞肉丸。真係好普通，好似叫餃子會開心啲。富士山柚子梳打（$22)支裝梳打，正常梳打口味，酸酸甜甜。抹茶可樂（$22)其實就係酸嘅梳打汽水，基本上純粹覺得口味ok就點嚟飲😂⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3/5環境：3/5價錢：3/5份量：4/5服務：3/5會否推薦：會，但唔洗專登去食普通拉麵店格局，大家都係坐係Bar位對住師傅食麵，枱頭有晒杯，水壺同紙巾方便食客自己取用。店員會將嘢食送去你個位，整體都叫合格，如果路過元朗想食拉麵可以試下。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

天浮橋 (元朗)位置有少少偏遠，但濃厚而冇味精嘅雞白湯會令人食過返尋味😋全店共5款拉麵/沾麵，全部都係雞白湯做底～店員服務好好，menu價格合理👍🏻👍🏻.🐔鹽味白湯+沾麵(熱) $80湯底好重雞肉味，但相比其他店舖嘅沾麵汁則較為清淡及不夠濃稠，掛汁能力可以改善💪🏻麵加入了麥製作，麵條偏粗，使麵質非常有咬口。另外，配菜有兩片雞髀肉，肉質柔軟，清新又唔會苦嘅黑椒味🤤，仲有原隻半熟蛋🤣.👍🏻👍🏻👍🏻/5..🦐海老味噌+拉麵 $90濃厚嘅雞白湯襯托出蝦嘅鮮味，隱約散發出淡淡的味增味🤤店家加咗啲白色嘅醬喺麵嘅表面，令個湯滑咗唔少😋配菜有磨碎咗嘅櫻花蝦、木耳、紫洋蔥、兩片黑椒雞髀肉、原隻半熟蛋，仲有紫菜🤪p.s 個人認為海老湯濃而不膩，比鹽味白湯更加惹味💜推薦❗️❗️❗️.👍🏻👍🏻👍🏻👍🏻👍🏻/5..🍓靜岡草莓梳打🧊 $24幾濃草莓味☺️，唔會好藥水，紅卜卜打卡都幾靚～平時喺拉麵店好少見有呢種口味，所以點嚟試下😚👍🏻👍🏻👍🏻👍🏻/5..雞肉丸子(4粒) $20丸子好有肉感，唔會好粉同冇渣🥰p.s 一定要熱食呀，凍咗口感就會差少少㗎喇～.👍🏻👍🏻👍🏻👍🏻/5...呢間拉麵雖然有少少遠，但實在太高質

元朗出名多野食，今次入黎元朗搵食，發現呢間隱世拉麵小店。🍜 門面比人一種好地道好日本🇯🇵的感覺，真係好懷念以前去日本旅行的日子呀。😌 入到店內，職員好親切，好有禮貌咁安排我地坐下。我地一行四人，叫左４碗不同拉麵。每碗拉麵都配上雞叉燒🐓、味玉🥚、洋蔥🧅、京蔥作配料。鹽雞白湯拉麵👍🏻雞白湯香濃得嚟又唔會膩， 比起豚骨湯拉麵，我更愛白雞湯。拉麵麵質彈牙，不會太淋又不會太硬。雞白湯-熱沾麵👍🏻同樣，都係熱辣辣的雞白湯，拉麵掛湯，每條拉麵都沾滿香濃的雞湯。翡翠濃湯拉麵👍🏻第一次食青BB湯底既拉麵呀, 原來呢個湯底係由菠菜醬和蔬菜混製而成, 吃落清新香甜, 少左一份油膩感覺.黑松露濃湯拉麵👍🏻勁香超香既拉麵呀, 湯底充滿黑松露味, 黑松露味配上日本拉麵, 估唔到都幾夾。我喜愛雞叉燒拉麵多於豚肉叉燒拉麵，呢間專做「雞」的拉麵店，真係大讚呀。🤤🤤🤤

今次係第二次食天浮橋拉麵，一如往常，沒有失望。1️⃣海老味噌拉麵 $90先飲啖湯，湯底滿佈海佬仔；即係細細粒櫻花蝦乾仔，成個湯海鮮味十足，唔會太咸太油膩咁。麵量唔算多，肚餓嚟食嘅話一人份量係足夠有餘。成個拉麵係固定咗，即係無論係湯底、麵量、麵硬度等都係固定嘅。麵底有咬口得嚟唔會太硬，係可以一啖湯一啖麵咁享受住嚟食嘅。特別要講個黑椒雞肉真係好好食，舊雞勁嫩滑，黑椒味好重，相當惹味☺️至於隻蛋麵係溏沁蛋，不過不失。🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹2️⃣餃子拉麵同餃子去到邊麵都係絕配☺️送上嚟時熱辣辣，外皮煎得好脆，好好味☺️🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹3️⃣同場加映-鹽雞沾麵🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹天浮橋絕對屬於係隱世小店，位置比較隱蔽，但絕對值得食客用心搵嚟食☺️

元朗出名多嘢食，今日過嚟食一間久仰大名嘅拉麵小店點解話到係久仰大名呢，事緣有一位舊同學係拉麵/沾麵發燒友，言談之間佢向我強力推薦呢間天浮橋拉麵今日得閒入到嚟元朗，可以一探究竟。湯底選擇有幾款，鹽雞白湯、辛の味噌、翡翠濃湯、海老味噌、黑松露濃湯。揀完湯底之後，仲可以揀湯麵/沾麵，我見天氣凍凍哋，就嗌咗沾麵，好似有Feel啲海老味噌沾麵($90)我最後揀咗海老味噌湯底，上枱賣相幾靚仔，湯底蝦味夠重，有鮮味。我輕輕飲咗兩啖湯，唔會太過油膩。有別於市面上一般拉麵店用上豬肉部位做叉燒，呢度嘅「錦爽雞」係佢哋主打賣點，沾麵湯頭上嘅幾塊肉就係錦爽雞腿肉。錦腿雞腿肉嘅肉質好鮮嫩，肥瘦夠晒均勻，食落口嘅口感會俾到一種好爽滑嘅感覺沾麵嘅湯頭配料有好大隻嘅溏心蛋，溏心蛋嘅蛋黃好香，食得出係靚蛋，唔係一般貨色特別要講一講呢到嘅拉麵，同平時食到嘅拉麵口感好唔同，佢哋每條麵有少少小麥粒，質感好煙韌。雞肉丸子($20)平時食拉麵/沾麵唔係成日叫小食，不過既然呢度嘅雞肉咁出名，我就叫咗個幾得意嘅雞肉丸子嚟試下。雞肉質感幾實凈，雞味好濃郁店舖風格偏向似日本當地拉麵店店舖以小店形式運作，堂食位置不多。餐廳內裡環境、裝飾品

朋友介紹我話元朗有間日本拉麵店好特別 🤩，佢嘅主打係雞腿肉做叉燒同雞白湯，而唔係平時食開嘅豚肉叉燒同豚骨湯。😚翡翠濃湯沾麵見牆上面個餐牌寫住翡翠濃湯，店員解釋原來係菠菜湯底。出面好少見用菠菜嚟做湯底嘅拉麵 / 沾麵，就嗌咗個嚟食。😎可以選擇冷或熱嘅沾麵。最近天氣又凍🥶，我都係想食個熱辣辣嘅麵。😮‍💨菠菜湯底係綠色嘅，味道濃郁。麵質彈牙，而且沾麵份量好多。每一款拉麵 / 沾麵都有1隻流心溫泉蛋 + 洋蔥🧅 + 京蔥 + 雞腿肉。溫泉蛋煮得啱啱好，咬落去會流d蛋黃出嚟。😍雞腿肉都幾大塊，用黑椒嚟調味。鹽雞白湯拉麵 (追加雞腿肉 + 味玉)奶黃色嘅鹽雞白湯清清地，食落唔會覺得好油，符合大眾口味。拉麵🍜煙靭爽口。另外叫咗小食 “免治雞肉串”、”雞肉丸子”同”餃子🥟”，非常滿足。飲品就嗌咗”靜岡蜜瓜梳打”。