天浮橋拉麵 (已結業)

天浮橋拉麵📍元朗西菁街20號益輝大廈地下12號舖=====================元朗出名多野食，加上最近天氣好熱，所以今次食拉麵🍜天浮橋拉麵係元朗富達廣場附近，搭K66巴士在係大棠油站落車，行三分鐘左右就搵到拉麵店裝修日式系，主打拉麵➕沾麵沾麵可選擇：冷 / 熱；另外由於沾麵份量較多，可選擇少麵店舖最出名是濃厚雞白湯底店員話翡翠濃湯 & 黑松露濃湯都是自家製，一個係菠菜醬，另一個係菇醬叫左「黑松露濃湯沾麵」先試吓食一啖麵，品嚐下麵嘅原味，麵條堅韌有彈力。之後再加埋啲湯一齊食，唔好將麵放喺湯底太耐，以免影響沾麵的風味P.S. 如果唔夠湯，可以加湯仲叫咗個小食「餃子五件🥟」餃子外脆內軟，菜肉餡，每個都大大隻脹卜卜，😋配埋甜醋好食

最近同朋友去左一間日式拉麵小店，距離元朗大棠路大概5分鐘左右，黎到門口就見到大大個紅色燈籠🏮，真係幾有日本feel！入到去仲有種日本小店既感覺，擺滿左唔少日式裝飾包括好多好多罐龍珠🤣估唔到呢間細細既鋪頭都幾有特色😍◦ 鹽雞白湯配湯麵 ($80)呢碗雞白湯拉麵真係幾特別，首先湯底比較濃稠但唔會太鹹，而且雞味濃郁，同平時個種豬骨湯底好唔同😘每一碗都會包幾塊錦爽雞腿肉、味玉、洋蔥同京葱，當中值得一讚既係錦爽雞腿肉煮得好滑，完全唔鞋口，真係唔夠喉呀🤣◦ 黑松露濃湯配熱沾麵 ($108)黑松露湯底配沾麵都係第一次食，整個感覺都幾新鮮☺️黑松露味都幾濃，稍微鹹左D，配埋熱沾麵去食都幾特別；每一碗都係附送錦爽雞腿肉、味玉、洋蔥同京葱，同樣雞肉都係勁滑，朋友表示份量唔夠食呀😋◦ 餃子5件 ($22)餃子都煎得幾香，味道都唔錯，仲意煎餃既朋友不妨試試😆◦ 完熟桃味梳打 ($22)/富士山柚子梳打 ($22)呢兩杯梳打都係樽裝，所以夠曬氣！兩者之間我比較鍾意柚子味，個種清爽感覺真係好正；相對桃味就會甜少少😝📍天浮橋拉麵 | @ama_no_ukihashi_ramen元朗西菁街20號益輝大廈地下12號舖

平時食拉麵多數都係豬骨湯或者醬油濃湯，今次黎到元朗隱世日式小店，試下主打嘅雞白湯拉麵。餐廳門口裝修佈局已經比人一種日式拉麵店嘅感覺🇯🇵餐廳主要有五款雞白湯底配上雞肉叉燒，今次就試左鹽雞白湯配湯麵 ($80)首先見到奶白色嘅湯頭已經相當吸引😍，飲落都幾滑，而且雞肉味十足。拉麵軟硬度適中，夠彈牙。雞肉叉燒食落好重胡椒味，肉質都幾嫩滑。而最特別就係原隻溏心蛋，蛋黃大得黎又有滿滿嘅流心，而且相當入味☺️。總體黎講，相當有質素，值得推介👍！小食嗌左餃子5件 ($22)，煎餃煎到幾香脆，入面仲鎖有肉汁，都唔錯😋飲物就試左富士山柚子梳打 ($22)，日本原產嘅梳打水汽量十足，柚子味都幾重，幾好飲😝

好鍾意食沾麵嘅我又出動喇今日嚟到元朗一間拉麵小店，位置大約喺千色廣場後面，算係幾方便易搵😇呢度嘅拉麵湯底有好多種類可以選擇，分別有鹽雞白湯、翡翠濃湯、辣味噌、海老味噌，仲有一個幾少見嘅黑松露濃湯🤣揀完湯底，就再揀拉麵/沾麵😃今次揀咗餐廳嘅招牌湯底，鹽雞白湯，湯底唔會好油膩👍錦爽雞腿肉呢度冇一般拉麵店嘅叉燒五花肉，而係用上店舖嘅招牌—錦爽雞腿肉🤩值得一提，佢哋嘅雞腿肉做得好出色，肉質柔軟，唔會有太多嘅脂肪，比起叉燒會更加健康，啱晒時下飲食新趨勢😬沾麵嘅麵底帶有小麥粒，質感比起平時食嘅拉麵更加特別，呢點加分😸溏心蛋熟度剛剛好，蛋黃味道好香👻餃子5隻除咗沾麵之外，額外仲叫咗份餃子食😈餃子皮好脆，啖啖肉夠晒滿足，沾埋醋食真係好正😋枱頭有兩款醬汁，覺得唔夠味可以自己額外添加🤪

平時好少帶媽咪去食拉麵，但由於我太耐無食過，所以決定帶埋佢嚟🤣1️⃣翡翠濃湯湯麵 (5分滿分，推薦指數: 🌕🌕🌕🌕🌘)嗌果陣純粹覺得個名幾好聽😂😂入口覺得味道有啲似意粉嘅青醬，所以好奇問店員呢個係咩湯嚟，原來係自家製嘅菠菜湯😮值得一讚嘅係，呢個湯配麵嘅時候夠濃，但齋飲又唔覺得佢膩/過咸，適合想食拉麵食得健康啲嘅人👍🏻2️⃣海老味噌沾麵 (5分滿分，推薦指數: 🌕🌕🌕🌕🌖)湯嘅表面有唔少櫻花蝦，而湯頭入口亦都充滿濃郁嘅櫻花蝦味，掛左上沾麵之後令我眼前一亮！！難得嘅係，即使佢係咁濃郁嘅湯，食完成個麵後都無口渴嘅感覺👍🏻雞肉嘅邊邊帶有黑椒，食落幾香！而蛋係流心架！所有野加埋，係個接近完美嘅combination😭3️⃣富士山柚子梳打+信州蘋果梳打呢兩個唔係自家製飲品，所以就唔點評啦！但個人覺得兩支都幾好飲，亦唔會太甜!總括嚟講，高質嘅拉麵店，湯頭絕對係亮點，所以不妨試多唔同其他嘅味道!!!

湯底呈淺啡色，蝦米味濃郁突出，相信熬咗唔短時間😋面條掛湯能力不錯，咬落有實感，仲有原隻、很入味嘅流心蛋，蛋黃晶瑩剔透，而幾片雞肉就用了黑椒餣，零脂肪，口感保持嫩軟唔鞋。另外配料有爽彈嘅木耳絲、洋蔥絲等，用料充足。餃子叫了5隻，好味嘅小食叫多無妨，太小唔夠涉牙罅！內軟熱、外香脆，識食一定要蘸醋。店內仲有做一啲慈善活動，幫貓貓狗狗籌醫藥費，有愛心，令人印象加分！放工時間去特別有氣氛呢～還原度高👍🏻

元朗高質沾麵😍❤️❤️❤️今日要提早出門口，上網見到好多人講元朗有間超正拉麵店，得自己一個諗住試下，點知真係有驚喜😱😱😱12點15入座，12點30餐廳已經坐滿😂即刻覺得自己無去錯😂😂😂 餐廳位置都算便利，因為Yoho 行過尼都算walkable 👍🏻餐廳裝潢富日本風格，入去真係覺得好似反左鄉下🥲海老沾麵 $90超！大！份！店員本身問我洗唔洗少面，我仲要懶勁話唔洗😂😂女仔真心可以叫少面，份量超足！🤣海老沾麵湯底好濃郁！好重櫻花蝦香味，仲配左味玉同雞髀肉！雞髀肉滑嫩，外皮用左胡椒醃製，淡淡香氣！餃子: $15/3隻煎餃子外皮香脆，配上香醋非常開胃！

練車前要食飽先有力，好耐無食拉麵，於是嚟呢度食個下午茶~ 🦐 海老味噌湯麵 $90有3片錦爽雞腿肉，肉質鮮嫩好咬；麵質彈牙，份量都唔少，而且好似食到粒粒蕎麥；味玉即係溏心蛋，流心效果好正，味道甜甜地；配料有蝦米、紫菜、雲耳、洋蔥、京蔥，口感豐富。🗻 富士山柚子梳打 $22今日好熱，成34度🫠 要飲啲凍嘢降溫🥵 餐廳有好多日本梳打，因為之前好想攻頂富士山，所以就嗌咗呢個。樽身果然幾靚，柚子味清新自然，適合夏天飲。餐廳播住鬼滅之刃嘅鋼琴版本幾正，下次試下黑松露濃湯同青森100%蘋果汁先😋

天浮橋一直都想搵返間係元朗既拉麵飯堂.之前放假無野做就去麵屋。隱.可惜無左.今次第一次食 揀左鹽雞白湯.講真好小係香港試雞白湯. 通常都鐘情於豬骨同魚介.另外加埋味玉（本身都跟一粒.加多粒🤤）麵黎到見到係有少少曲 偏dd粗既麵條5係我個type. 先食味玉 避免係湯太耐overcook. 唔錯 入味 兩粒都流心. 再試湯頭.非常夠熱.味濃.比想像中好.有配料生洋蔥.個人覺得如果唔係切絲係切粒就完美.雞腿肉夠味夠冧 最攪笑真係同網評一樣.食到最後d湯會有d似金_雞湯.但我鐘意 幾好味.又無口渴

早排食咗幾間雞白湯拉麵，呢間係元朗長期排隊，就算過咗lunch time 都係要排。不過半個鐘內我覺得好值得排！不過地方細細，所以都比較狹窄。第一次都係試吓原味-鹽雞白湯湯頭鮮美，真正做得到清得來濃味（雖然有啲矛盾😂），雞肉又嫩滑，麵條軟硬係比較硬身但彈口！個隻流心蛋真係一絕！沾麵嘅湯比較濃，但同樣出色！但我個人都係比較鍾意湯麵，可以一啖湯一啖麵😋餃子就正常發揮唔算特別，同拉麵一樣食完唔會口渴👍🏻如果排15分鐘，我覺得值得再食💋小店值得支持

I tried to buy a recently famous pudding egg tart at Yuen Long but failed so I decided to see what else there is to try nearby. I always love chicken based ramen and there was one at Yuen Long so I decided to try it.I love how they decorated their store with different food items based on anime theme.There are different flavors to choose and you can choose Ramen and Tsukemen. I decided to try their most basic Chicken ramenThe soup here is really rich without being salty. Their chicken was really

cls隘左個鹽雞白湯，結果啲湯底係餿嘅………………但係我又懷疑係咪個湯特別啲，就好委婉咁問個店員啲湯係咪suppose酸酸地，之後個廚房就即時整左第二碗湯嚟，新個湯就正常好多，但係新一碗麵都係無比😓食翻浸曬餿湯嘅麵😓唔係講笑，食完真係少肚痛。而且啲麵嘅分量好少……我唔係咩大食人，正常分量，但係珍真心吃唔飽，吃完要再吃下甜品先填到肚。湯底又餿麵又少，元朗嚟講呢個價真係好唔抵。。😓評論係咪全部打手😓😓😓😓

天浮橋拉麵（元朗）✨✨✨✨✨✨✨元朗一家小小的拉麵店，此店以雞白湯頭為主打，鹽雞白湯拉麵雖然是最熱門的一款，但跟據#openrice 近期食家的評語，讚賞負評參半，相反海老味噌雞白湯拉麵普遍有不錯的評價，今次試食一下海老味噌拉麵！店內約有十個座位，而店內裝修擺設跟元朗另一家沾麵店「彩」甚為相似，網上亦有說兩家店是同一伙人分拆出來🤔✨✨✨✨✨✨✨1. 海老味噌雞白湯拉麵 - 一碗份量剛好，雞腿塊嫩滑帶黑椒味，配料有紫洋蔥、櫻花蝦、京䓤及1整隻流心蛋，雞白湯底加上蝦精華及味噌味道豐富濃厚，加上櫻花蝦及紫洋蔥作伴，第一啖入口味道是鮮甜的，而蝦的味道很突出，很不錯👍🏼拉麵質地粗身煙靭而且亦可掛湯，整體來講，挺好味！唯略嫌湯頭不夠熱呢😣🌟 店內職員跟我介紹了翡翠濃湯及黑松露濃湯都是他們自家製的。溫馨提示：不接受信用卡結帳，只收現金、八達通及支付寶（帶唔夠現金去幫手洗碗啦😝）✨✨✨✨✨✨✨@ama_no_ukihashi_ramen 地址：天浮橋拉麵 (元朗)元朗西菁街20號益輝大廈地下12號舖 （近元朗大棠輕鐵站）營業時間： 星期一至日 12:00-21:30

🎈鹽雞白湯拉麵 $80雞肉灑咗好多胡椒，黑胡椒，整體味道畀調味料蓋過咗，味道偏咸😨。白湯湯底味道唔錯，令人想一啖一啖咁飲落去。拉麵碗比較扁身，幾得意 🍜。附上溏心蛋一隻，有驚喜，味道適中，軟熟，非常好食。較為特別係配料有洋蔥絲，食拉麵都可以食出爽口感覺，加上麵質彈牙既對比更令人印象深刻👄。✦✦✦✦✦✦✦✦✦✦✦✦✦✦🎈餃子 $15/3可能擺放得太耐，皮身已經變得乾而硬身，一點煎香脆既口感都無🤔。而日式餃子應有既味道都仲食得出，可惜外皮既質感影響口感😔，失望。✦✦✦✦✦✦✦✦✦✦✦✦✦✦食拉麵係小編至愛之一，小店既湯底雖然話唔算上好濃，但雞湯味尚可，以價錢黎講亦合理😌。餐廳有其他湯底拉麵可以選擇，仲有沾麵可以揀，行經如果唔洗排隊都會再食一次。另外，雞肉調味粉太多，影響口感同味道，如果可以俾客人根據自己口味添加，可能會比較好🙏。

平日可以同老公出遊，就去下元朗探下啲新小店。見到喱間拉麵店零負皮，仲要係雞白湯為主，就不如試試佢。老公之選：鹽雞白湯沾麵（配熱麵）雞白湯味道夠濃，配料份量足夠，有木耳，口感爽脆，份量亦都頗多；有雞肉3片，肉質嫩滑，帶有黑椒香味；有溏心蛋一隻，流心度一流，帶有蛋香；而所配嘅麵，就同普遍的沾麵一樣，掛汁度適中，但份量就比好多拉麵店多，女士食的話，可能會偏多(其實店員都有溫馨提示，問我啲麵需唔需要少啲份量，但由於我食唔晒係可以俾埋我老公食，所以我就要返正常份量）。整體味道絕對合格，但就欠缺啲驚喜（可能之前食過啲比較神級嘅雞白湯拉麵）。如果個湯可以再熱多啲，我就會覺得更好，由於食到尾段，個湯嘅味道開始有啲變，變得有啲啲怪味，我覺得係因為溫度嘅問題。（溏心蛋嘅流心度絕對係Me之選： 海老味噌沾麵（配凍麵）海老味噌比雞白湯味道更濃，配沾麵就正喇，但唔知點解海老味噌個湯係少啲嘅，好驚食到尾唔夠湯至於配料同其他都同雞白湯嘅一樣。由於今日天氣都好熱，所以我係點左配凍麵，但由於湯嘅溫度唔夠熱去維持到最後，所以最後就好似變咗食冷麵喇所以我係有少少後悔點左凍麵嘅。但後來我發現佢枱面上有兩樽醬汁，其中一樽我估係